艇仔粥 + 牛肉腸 + 炒麵 (外賣) ( 20-AUG-2024 )

( 20-AUG-2024  TUE )

尋晚瞓瞓下又占寒占凍咁   一起身喉嚨又痛   所以即做測試   感恩係一線 ~

早餐仍然食合桃芝士包   好味好味 ~

今朝行去巴士站居然無出汗   番到菇場洗埋杯都無出汗   我好肯定自己唔舒服喇   要即刻食特強傷風感冒必理痛打底呀 ~

唔忙就好   周身骨痛呀   同埋唔想講嘢   一講嘢喉嚨就好痛 ~

Lunch Time 都唔出去喇   個人好攰   所以食 Flakes + 朱古力奶算喇 ~

無聊整比家姐   估唔到佢話好得意   哈哈

菇場唔忙呀   但占寒占凍囉   個身又有啲滾   又要食粒必理痛 ~

本來靜靜哋   咁阿輸叫阿怪做嘢   佢又想發顛   仲話叫阿輸做埋   阿輸話出埋妳份糧好無 ?!   條友即收聲   真係好不知所謂   阿花都話佢已經無嘢做   仲咁嘅態度真係好得人憎囉 ~

放工即走   船頭知我好唔舒服   我話依家仲係占寒占凍囉   佢話肯定我係發燒添呀 ~

睇醫生再探熱   左耳 38 度同右耳 38.5 度   姑娘話有發燒 ~

姑娘問我有無中過 ?!   我話無呀   之後佢話咁好大機會今次中咗   聽完真係有啲驚 ~

等緊藥嘅時候   見到里奧大人入嚟   我叫佢即走啦   診所好多菌呢 ~

里奧大人去買晚餐   咁我都番屋企沖涼先 lu ~

搞掂就開機洗衫   之後里奧大人都番嚟喇   可以即開餐 ~

睇多陣 Youtube   個人有啲發冷   所以今晚 10 點都要瞓覺 ~

咖哩蝦卷拚墨魚丸 + 墨魚丸粒炒飯 + 咖哩撈麵 + 芥蘭苗 ( 19-AUG-2024 )

( 19-AUG-2024  MON )

感恩一覺瞓到 7 點 20 分呀   所以都起身 lu ~

煲埋薑茶就沖涼   咁就可以舒舒服服食早餐喇 ~

早餐食家姐買嘅合桃芝士包   都好多餡   所以家姐叫我食一塊好喇   因為佢都覺得飽   哈哈 ~

里奧大人起咗身   因為要番公司做啲嘢   我仲以為佢記錯日子添   哈哈 ~

菇場忙呀   不過個幾鐘就搞掂   又繼續 Skype ~

Lunch Time 出去一田行下   無啦啦 8 月做夏日購物賞   不過今次無咩人行   仲有大把購物車泊喺度   對上一次激安係 5 月   真係唔會咁快用哂食哂啲嘢啦   我有啲上年買都未食添呀 ~

買完就去買粉果炒麵番菇場   突然好想食炒麵 ~

唔忙就 Skype 啦   無啦啦咳呀   感覺似係唔多舒服嗰隻   可能呢兩日食榴槤又咖哩再加埋薑茶   唔燥就有鬼了   哈哈 ~

阿花買咗 Sanha 本寫真   所以比我睇先呀

放工即走   番到屋企都即刻預備晚餐喇 ~

是日晚餐 - 咖哩蝦卷拚墨魚丸 + 墨魚丸粒炒飯 + 咖哩撈麵 + 芥蘭苗

咖哩蝦卷拚墨魚丸 - 尋晚剩咗 4 隻雞下肶咋   所以今晚無理由得齋咖哩啦   好在有蝦卷同墨魚丸   咁即刻變咗有餸喇 ~

墨魚丸粒炒飯 - 里奧大人鍾意食炒飯   但要帶 Lunch Box   咁就唔加蛋 lu ~

咖哩撈麵 - 我食剩一半   之後里奧大人話食埋去   好在我無咬斷咋   唔係就覺得好核突咁囉 ~

芥蘭苗 - 原來屋企附近都有芥蘭苗買   之前唔覺有㗎   所以次次都要去錢大媽買呢 ~

洗埋碗就開機洗衫   搞掂就沖涼休息了 ~

湖池屋鹽味紫菜薯片 & 鹽味薯片 ($39.90/3 件) / 日匠本物海鮮米餅 300g ($34.90) 

東道太郎魚柳 & 芥辣魚柳 ($30 買一送一)

里奧大人今日熨咗衫   所以佢今晚覺得好輕鬆   哈哈 ~

睇多咗 BAO Family   今晚 10 點半都瞓覺喇 ~

咖哩薯仔雞下肶 ( 18-AUG-2024 )

( 18-AUG-2024  SUN )

今朝同里奧大人一齊起身   但我就係去家姐屋企嘅 ~

家姐會問我食咩 ?!   我同佢講話仲係好飽   唔好預我食咁多   哈哈 ~

皇牌咸肉糭

醬皇蒸鳳爪

蜜汁叉燒包 - 家姐話記得我話食叉燒包   但我係食雪山叉燒包噃   之後佢就係咁話激死我   仲諗住叫叉燒包妳食添   我話下次食咪得囉

鴛鴦燒賣皇

飲飲下茶   侍應走過嚟同家姐講   話阿妹今日放假嚟聚下都好吖   喺屋企傾下偈都好舒服   不過佢依家忙過我啦   所以多數星期六日朝早見   反正我都會起身   雖然有時係比較攰   但唔想咁多藉口比自己囉   始終時間自己安排   最多一陣瞓晏覺囉 ~

飲完茶就去超市睇嘢   不過無嘢買   所以即番屋企喇 ~

Berry 又係好熱情咁撲我   仲係咁撲我 Pat Pat   一係就撲我肚腩   果然識貨   哈哈 ~

依家我真係唔會餵埋入口喇

想繼續食

引佢

之後對衰眼咁望我   哈哈

家姐上次食過話好食   所以特登去買比我㗎   咁我話下次唔駛特登去買呀下   

同家姐一齊睇嬋寶跳水   但其實我哋只係睇嬋寶同陳芋汐   所以好快睇完   哈哈 ~

睇睇下就糟糟打嚟   家姐係咁喂喂喂   原來佢倒轉手機聽電話   真係笑鬼死   因為睇片唔知咩方向嘛 ~

佢哋傾偈   我攬住 Berry 嘛    佢無啦啦放屁   唔怪得咁定啦   哈哈   家姐問點知道佢放屁 ?!   我話一大陣紅蘿蔔湯嘅味道呀   仲要向住我   我點會唔知呀大佬 ~

家姐話尋日牙醫話佢刷牙好大力   家姐話成日牙肉流血以為牙周病添呀   咁佢洗完牙   醫生話佢啲牙可以用多 30 年   咁又好呀   睇牙真係好貴呢   依家阿花又要去整牙   要用萬幾蚊呀   所以真係要好好保健啲牙   唔係真係牙痛心又痛呀   哈哈 ~

成日無啦啦會喺我身上攣嚟攣去   家姐話要我身上都有佢陣味   又話鍾意我先咁喎   是但啦   佢唔鍾意我   我都鍾意佢㗎啦

12 點走人   估唔到班車早咗早咗 6 分鐘車   搞到家姐同 Berry 都趕埋   哈哈 ~

里奧大人要開會   咁佢話買米線去佢公司食   咁就唔駛咁趕 ~

毛豆仁橄欖菜炒肉碎（山楂串串有機紫菜牛蒡茶

食完就去買餸   里奧大人就要去開會喇 ~

買完餸就去樓上買無激素雞下肶   估唔到又有試食   咁我又坐低食先   因為好熱呀   我想坐低抖下 ~

三送飯 - 毛豆仁橄欖菜炒肉碎 + 山楂串串 + 有機紫菜 + 牛蒡茶

我本身企喺度食㗎   之後見到有位坐   咁當然坐啦   我拎住兩大袋嘢好重呀   不過我食完都會快快走   因為試食唔應該坐咁耐啦

山渣串串好味呀

食完就買嘢   差唔多 3 點半先番到屋企 ~

沖埋涼就整咖哩   抖多陣就開機洗衫同熨衫   之後睇 Youtube 喇 ~

買咗龍眼肉同胎菊

姑奶打嚟問我有無發燒 ?!   因為我話食榴槤好燥熱   之後我又同佢講話食完完榴槤好似條氣好咗咁呀   佢又叫我間唔中買榴槤番嚟食   佢又咁講   哈哈   傾咗 15 分鐘就要預備晚餐喇 ~

里奧大人 7 點幾先番到屋企   今日開咗好耐會呀   辛苦佢了 ~

里奧大人話每人一條   但佢有兩條   因為佢同事識我   同埋今日都見到佢   佢仲同我講話好耐無見添呀

是日晚餐 - 咖哩薯仔雞下肶

咖哩薯仔雞下肶 - 乾咖哩真係好辣   但我覺得好正呀   哈哈 ~

洗埋碗就沖涼休息   今晚重溫男子 10 米跳水    我話 9.5 分   里奧大人以為我話佢 9 點仲唔沖涼   哈哈 ~

睇下睇下   差唔多 10 點 50 分先瞓 ~

極上大瀛喜日本料理 @ 官塘 ( 17-AUG-2024 )

冷盤

前菜

小食

雪糕都吸引

生果同沙律菜

飲品雒類都多   但雪櫃唔夠凍呢

口水雞好似幾好味咁   不過唔知佢有無再 Re-fill

炸物

豉汁蒸鱔

後排係甜品櫃

D24 蘇丹王榴槤蓉

食咗啲小食先

里奧大人食嘅

炸榴槤球

鰻魚

刺身

都唔記得咩壽司

蒜蓉焗生蠔

燒羊架

兒生女嘅燒羊架好似燒得靚啲咁   哈哈

榴槤

三文魚籽壽司

芒果小丸子布甸

炸蝦 & 炸蟹捧天婦羅

金磚鵝肝

之後再叫蒜蓉焗生蠔 Share 食   上菜真係好快呢   所以成枱係食物   

鵝肝多士

蒜蓉焗扇貝

再嚟榴槤   今晚食咗 6 嚿榴槤   好滿足呀

細細件嘅海膽手卷

Macaron 味道好味呀   甜甜酸酸咁   里奧大人就食咗 2 杯士多啤梨味雪糕   其實佢係拎 1 杯比我   不過我話唔想食雪糕

( 17-AUG-2024  SAT )

今朝同里奧大人食早餐   因為家姐今朝去洗牙要好晏先番到屋企   所以我話唔入去 lu ~

食完早餐就大清潔屋企   我特登唔開冷氣添呀   真係做到爆汗   勁爽呀 ~

做到 12 點   真係夠皮喇   所以即沖涼抖下 ~

里奧大人打嚟問我喺邊 ?!   我話屋企   佢話咁早 ?!   佢以為我去完家姐屋企番嚟呀   咁又係嘅   基金上我真係好少星期六 Off 喺屋企   哈哈 ~

估唔到做咁多嘢又唔餓喎   里奧大人仲要 1 點幾放工   所以 2 點先食嘢呀 ~

里奧大人瞓晏陣覺   我就睇 Youtube 啦   差唔多 4 點半就出發去官塘喇   我哋遲咗 15 分鐘先到呀 ~

今日姑奶生日   所以我哋 10 大 2 小同佢慶祝生日 ~

放題時間係 5 點到 7 點   但好似 6 點半係最後點餐 ~  

咁我幫里奧大人點嘢食   佢姐夫話點解自己唔點   要老婆幫佢點嘢食 ?!   里奧大人話我係佢米飯班主   佢又知我口味   唔駛點嘢就有得食都係一種福氣   佢姐夫當堂無聲出   哈哈 ~

里奧大人真係除咗唔可以樣樣炸嘢同生嘢   基本上佢咩都會試下   同埋雖然係放題   我都係想食嗰幾樣之嘛   所以根本上係無難度   哈哈 ~

兒甥女個老公講水姑啲嘢仲搞笑   依家真係個個都當笑話咁講   係得佢哋兩個活喺自己世界當中囉 ~

班後生真係好食得   兒甥女食咗 7 件鵝肝同幾嚿榴槤   佢話食榴槤都會燥熱   我同佢講話如果發燒就要喺群組講   我都會報上體溫   哈哈 ~

今晚食下傾下好開心呀   不過食嘅時候真係比較趕   因為樣樣一次過嚟哂   張枱又細   唔食又放唔到其他囉 ~

7 點唔夠都走人喇   我同里奧大人行 APM   里奧大人去 MUJI 買咗 3 件裇衫   特價 $128 一件咋   MUJI 質料好呀   依家撞正特價更加要買啦   咁我又望下女裝   比我買到條 One Piece   所以里奧大人成日話我   佢買嘢我又會買到嘢   呵呵 ~

咁順便買零食比家姐同榴槤   本來我話送比里奧大人生日禮物   但我話我買咗件 One Piece   所以都係佢比錢好啲   哈哈 ~

里奧大人好鍾意 Sho-Chan 系列 Icon 㗎   佢話呢個袋無拉鍊   如果唔係買比我   反而我話唔買   因為我驚之後好快唔鍾意佢呀   哈哈

呢個大 Cushion 好似百幾蚊   里奧大人話唔要呀 

忍者打扮好得意

里奧大人話送個盲盒比我   話個個都得意   不過我話 $98 好貴   所以唔買呀

草泥馬係得意嘅

里奧大人話我真係好鍾意黃色公仔   我認㗎

頭大身細好得意

行多陣就搭車   番到屋企都 9 點   但里奧大人就要番公司做一陣嘢先番屋企 ~

沖埋涼就睇下 Youtube   里奧大人 10 點先番到嚟   拿拿聲叫佢沖涼休息喇 ~

買比榴槤同家姐嘅零食

我同里奧大人講食咗榴槤   個人好似有番啲氣咁呀   因為呢個星期個人真係無咩氣咁㗎 ~

對手好痛呀   係痛到想喊   今日做大清潔太出力喇   次次都係夜晚先痛 ~

食到咁飽唔敢咁早瞓   所以今晚差唔多 11 點幾先瞓呀 ~