豬軟骨小鍋米線 & 豬腩肉拚紅腸小鍋米線 (外賣) ( 26-SEP-2024 )

我倒哂所有湯   之後辣到不得了   里奧大人話食到胃痛呀   我就一路食一路流鼻水   好在我未掉張單   咁即比里奧大人睇係叫小辣   所以我成日同阿齋都講呢間米線啲辣度真係好唔穩定   哈哈

( 26-SEP-2024  THU )

尋晚瞓得超級好呀   真係前所未有咁好瞓呀   當我想轉身嘅時候   鬧鐘就響   真係勁唔想醒呀   所以懶床 3 分鐘先起身 ~

感恩真係起身嘅時候   我都精神嘅   同埋沖涼洗頭就更加精神呢 ~

同里奧大人出去食早餐   我話要 Relax 下呀 ~

里奧大人坐喺我後面幫我縛蝴蝶結   老闆娘話見到個畫面好感動   再話真係好感動   我當下比唔到反應佢   哈哈

菇場忙下停下   咁我去 Pantry 斟熱水   如果剩番 1 杯水左右   我會倒哂啲水再煲   咁啱溫總入嚟   我話啲水留比佢   之後我同船頭講話不如倒咗再煲過啦   船頭話駛咩理佢   佢自己會再煲   同埋只係煲自己嗰份   我話阿花又係咁講   佢再話溫總影印仲頂癮   但咁啱阿虫入嚟   我哋無再講   咁講法其實溫總個人都幾自私咁喎 ~

Lunch Time 蒸飯之後就出去買吐司   之後行陣再番菇場   但其實最多只係行 25 分鐘   唔係驚個飯蒸爐無水呀 ~

我食緊飯嘅時候   小 A 話好香   真係好彩咋   幾驚佢話咩味咁臭   哈哈 ~

忙下停下又 Skype 下   所以好快又放工 ~

放工去買晚餐   食完就同里奧大人食完要去搞啲嘢 ~

番到屋企即開機洗衫   之後沖涼休息 ~

睇下 Youtube 又打下機   今晚都係 10 點半瞓覺 ~

燒汁焗金沙骨 + 油麥菜苗 ( 25-SEP-2024 )

( 25-SEP-2024  WED )

尋晚瞓得都唔錯   可能換咗揀感應燈   之前嗰盞實在太敏感   成日間唔中就着   有時差唔多天光又着   我以為手機着要起身   但其實只係 6 點幾囉 ~

早餐食魚肉燒賣   不過間唔中食好喇   因為我覺得用多咗時間整早餐咁   哈哈 ~

菇場忙下停下   好快又到 11 點 45 分 ~

Lunch Time 蒸完飯就出去行陣   因為阿齋以為我無帶   如果唔係佢早啲蒸   我話無所謂啦   反正我未餓 ~

番到菇場都 12 點 20 分   呢個時間食算係最好   雖然都係早   哈哈 ~

之前唔覺下午茶份量少   但今日食埋尋晚剩嘅 2/3   我分開兩個碗放   都只係佔個碗 1/3 位置咋   所以今次真係唔夠飽   要飲包鈣思寶先夠飽呀

 

阿齋又幫我抹碗   不過佢話大家熟先會   同埋都係睇啲咩人   如果係會計部同事就唔會抹   咁佢知我乾淨嘛   我朝朝番工第一時間係噴消毒酒精再抹枱   嗰時坐佢後面隔離就唔覺我咁大力抹   我掉咗坐佢後面嗰日   佢話終於感受到我出盡力抹枱   哈哈 ~

忙下停下   咁我要搵里奧大人   點知佢無帶手機   之後打去公司搵佢   但阿妹話佢行開咗   咁阿妹話有秘密同我講   所以又傾咗 20 分鐘   女人真係特別多嘢講   我自己都係咁   哈哈 ~

放工買埋雞骨草就番屋企   番到屋企都即預備晚餐 ~

里奧大人話要 6 點鬆啲先放工   我話無問題啦   我都未咁快煮好 ~   

是日晚餐 - 燒汁焗金沙骨 + 油麥菜苗

燒汁焗金沙骨 - 今次加埋車厘茄同韓國辣椒醬再燜   我覺得好味道呀   見里奧大人食飯都好快   即係都鍾意食   哈哈 ~

油麥菜苗 - 終於清哂啦   估唔到仍然好脆綠 ~

洗埋碗就要同里奧大人出去搞啲嘢   今晚都好焗熱   真係出一出去   個人好似喺水撈出嚟咁 ~

第一時間去沖涼   里奧大人就開機洗窗簾 ~

同里奧大人一齊食雪糕月餅   佢唔食塊朱古力片   咁我食埋啦   但真係好鬼甜   食到有啲漏   之得每人食一個先啦   不過拎咗出嚟就費事再擺番入冰格囉

1 件芒果雪糕 & 1 件藍莓雪糕 & 2 件士多啤梨雪糕

睇陣福寶   今晚 10 點 35 分都瞓覺 lu ~  

乾炒黑椒牛肉意粉 + 招牌焗鮮茄豬扒飯 (外賣) ( 24-SEP-2024 )

乾炒黑椒牛肉意粉 - 中午食咗飯覺得好飽   晚餐又早食咗   所以我食剩 2/3   咁聽日有 Lunch Box 喇

招牌焗鮮茄豬扒飯 - 里奧大人又食剩一半   咁佢聽日又可以有 Lunch Box   但其實之得叫一個餐 Share 食啦   哈哈

( 24-SEP-2024  TUE )

呢排都成日發夢   有時會醒一醒   但之後就會好快瞓得番   感恩起身都 OK 嘅   沖涼洗頭之後就會好精神呢 ~

同里奧大人出去食早餐   食完就上佢公司坐陣先番工 ~

菇場忙下停下   最開心係執好個 File 櫃   因為成日想做但無行動   哈哈 ~

船頭比咗 4 個奇異果比我   我話唔駛咁多啦   佢話買咗 1 箱有好多個呀

Lunch Time 好大雨呀   好在帶咗飯   不過無飯都唔驚嘅   我仲有 Flakes 同杯麵 ~

食完就去 Pantry 洗碗   咁啱阿齋洗完就同我傾偈   之後佢仲幫我抹埋碗先搞笑   佢話佢企喺度都無嘢做喎   尋日又幫我洗個蒸爐蓋   真係唔做嘢唔得咁   哈哈 ~  

仍然忙呀   所以好快放工 ~

放工即走   今晚里奧大人開會   所以去佢公司食晚餐喇 ~

食完就佢姑奶屋企拎嘢   咁同佢傾陣偈   但頭先坐架巴士好鬼焗   搞到我個人都唔係咁舒服咁   我又成日講錯嘢   話煲魚腥草煲咗 4 個鐘   佢好驚訝咁話駛咩煲 4 個鐘咁耐呀 ?!   我先知自己講錯   我想講話煲 4 個字   哈哈 ~

差唔多 8 點走人   番到屋企都即沖涼喇 ~

里奧大人 9 點半番到屋企   本身叫佢食雪糕月餅   不過佢又唔食塊朱古力片   我又刷咗牙   所以佢話食薯片要 Relax 下喎 ~

之前食爆谷剩番個大筒   我哋覺得非常好用呀   我會將啲薯片倒哂落去   咁樣食就無咁污糟   因為一拎起就得   如果喺薯片袋入面拎   有時隻手會黐到好多味粉呢

一齊又睇下 Youtube   所以今晚 10 點 40 分先瞓覺 ~

蠔油燜冬菇金沙骨 + 油麥菜苗 ( 23-SEP-2024 )

連續 3 餐食荷葉飯   好在好味咋   唔係都幾慘   哈哈

( 23-SEP-2024  MON )

感恩瞓得都唔錯   雖然半夜去咗次廁所 ~

早餐食黑岩餐包   原來有花生醬餡   咁又幾好味喎   同埋呢款湯種麵包口感都好 Soft ~

食完就靈修 20 分鐘   之後番工喇 ~

菇場忙下停下   啲時間就好快過 ~

Lunch Time 都唔出去行喇   每月一到比較攰 ~

阿齋話我個飯好香呀   搞到佢唔想食自己個 Lunch Box   哈哈

里奧大人去剪髮   本來想叫佢等埋我   但都係費事喇   我可能去啲快剪   修修前面啲頭髮就算   依家夾頭髮   有時會覺得有啲頭痛咁囉 ~

3 點先開始忙   忙到差唔多放工   咁留番聽日做 lu ~

放工即走   番到屋企都即刻預備晚餐了 ~

是日晚餐 - 蠔油燜冬菇金沙骨 + 油麥菜苗

蠔油燜冬菇金沙骨 - 里奧大人話好好味   冬菇好入味呀   今次連啲金沙骨都好易脫骨   真係第一次咁咋   希望下次都煮到咁啦 ~    

油麥菜苗 - 我買 $16/斤   之後見其他檔係 $9/斤   點解差咁遠㗎   下次都係睇多幾間先買   哈哈 ~   

洗埋碗就開機洗衫   之後沖涼休息 ~

睇陣 Youtube   今晚 10 點 20 分都瞓覺 lu ~

焗雞翼 + 荷葉飯 + 鹹肉糭 + 芫茜皮蛋魚片湯 ( 22-SEP-2024 )

( 22-SEP-2024  SUN )

今朝同里奧大人一齊起身   食埋早餐就去佢公司幫手 lu ~

搞掂就去買餸   番到屋企放低哂所有嘢就出發番崇拜喇 ~

30 分鐘燃脂心率時間   好樣的   呢個顯示只會假期先出現   因為咁行法係出好多汗   番工嘅時候真係唔係咁想   哈哈   

梳打味 Tempo   家姐之前比 1 包我   聞落幾香所以買 1 Pack 

終於每月一到   怪唔得今朝咁攰咁啦 ~

崇拜完就買午餐去里奧大人公司   食完就番屋企   里奧大人就要去開會 ~

我以前最憎食支竹豆腐火腩飯   但近呢幾年就鍾意食   好似男人咁   哈哈

唔攰就熨 2 機衫   一路熨一路聽 Youtube   聽咗 2 個兇殺案   聽完真係覺得有啲可惜   所以做人真係要有互動   成日一個人喺屋企唔出街   無朋友真係好易出事   最慘係有幻聽   自己做緊乜都唔知   呢樣係最恐怖 ~

咁又熨咗 1 個鐘   係時候休息一下 ~

頭先諗住同阿妹 Share   但佢已經放工   咁我 3 點幾先食   當一個下午茶   呵呵

4 點左右突然好眼瞓   但又瞓唔到   所以燜餸喇 ~

燜完餸就滾湯   雖然里奧大人話今晚好晏番   但都係早啲預備好啲   唔駛佢番嚟要突然間做好多嘢咁   哈哈 ~

搞掂就靈修 15 分鐘   原來已經 6 點 10 分喇   咁我都預備晚餐喇 ~

呢個係一個大嘅膠盒   家姐話好輕   話份量應該唔多

我一開嚟睇   因為 "質" 到好實   我撩鬆下啦   原來份量好多㗎   可以分 3 餐食呀

里奧大人 7 點番到屋企   可以即刻開飯喇 ~   

是日晚餐 - 焗雞翼 + 荷葉飯 + 鹹肉糭 + 芫茜皮蛋魚片湯

焗雞翼 - 用黃豆醬醃咗幾個鐘   因為我驚里奧大人話想食餸   所以先醃   但其實最後食剩 6 隻   咁聽日大家個 Lunch Box 都有餸喇 ~

荷葉飯 - 糟糟比家姐   但佢話想比我食   咁我當然要啦   第個煮就話唔要啫   糟糟煮就一定要啦   里奧大人講咗兩次好好食呀   同埋話好多料   我話糟糟整㗎   佢話唔怪得之咁多料   哈哈   同埋其實我已經分埋聽日嘅 Lunch Box   但都仲剩好多   又要留番聽晚食喇 ~

鹹肉糭 - 家姐尋日買㗎   但佢又唔想食   所以比埋我囉   不過我都食剩半隻   聽晚再食   比着以前食唔哂就掉   依家真係唔想浪費呢 ~

芫茜皮蛋魚片湯 - 經過魚檔   突然醒起今日有時間滾湯   所以即買芫茜同魚片喇 ~

洗埋碗就沖涼休息   里奧大人就去做機 ~

睇下 Youtube   今晚 10 點半都瞓覺   我覺得今日仲忙過番工   哈哈 ~

譚仔三哥 @ 紅磡 ( 21-SEP-2024 )

( 21-SEP-2024  SAT ) 

今朝 7 點起身   里奧大人本來諗住番上午   但佢話 Burn Out   最後改為補假休息   不過我都會照去家姐屋企㗎   呵呵 ~

姐夫今朝要出去   所以家姐陪佢食完早餐再陪我食   咁我又早到咗   我就去家姐屋企放低嘢先 ~

我一開門  Berry 先吠   平時我企喺門口都已經吠家嘛   咁工人放假   我以為佢喺房瞓覺   點知佢突然喺廁所開門出嚟   真係比佢嚇鬼死呀 ~

我袋都未放低   佢第一時間同我講 Berry 成日 R 痕   之後再拎盒米比我   咁好乖喎   家姐話無諗過佢會記得呀   所以都好感恩   家姐啲工人都好錫我呢 ~

Berry 依家唔係成日坐梳化   所以 工人又拎包零食比我引 Berry 出嚟   哈哈 ~

食早餐

好攰咁

又咁望我喇

我最鍾意坐佢隔離摸下佢

家姐差唔多 9 點就叫我去食早餐   不過佢食唔落呀   所以食一個餐就夠   佢幫手食多士同半條腸   因為我話條腸好鬼乾   但其實我係諗住自己食哂嘛   因為我唔會將唔好食嘅比佢食囉   真係激死我 ~

家鄉泡米通粉   口感幾煙韌   所以家姐叫我試下

咁走嘅時候   家姐望住我   好凝重話叫我唔好比錢   因為佢要打散五百蚊   我話下次咪鬼咁嘅樣同聲線囉   同埋有人比錢   我真係無所謂㗎   呵呵 ~

食完就去超市睇嘢   之後就番屋企 lu ~

Berry 又係咁撲我同尖叫   好似我頭先無嚟過咁   佢仍都一樣唔理家姐   家姐無啦啦嘆氣講   話唔怪得啲人會唔開心   即係好似啲小朋友黐工人唔黐媽咪咁呀   哈哈 ~

今日 Berry 做咩都慢動作

Berry 之前係咁 R 痕   咁打去診所問駛唔駛嚟睇醫生   定就咁配藥就得 ?!   姑娘答就咁配藥就得   最感恩係家姐同事可以幫佢拎藥   咁家姐就唔駛特登去拎呢 ~

我初初以為 Berry 要睇醫生   咁工人今日又放假   我話我陪妳哋去睇咪得囉   之後家姐話診所開 12 點呀小姐   妳都要走啦   咁點陪呀 ?!   哈哈哈哈   諗住陪下佢點知比佢串番添   真係慘 ~

我話依家轉天氣   人同狗都身痕啦   所以醫生叫家姐一定要開冷氣   之前阿齋又係咁   屋企無人都要開住冷氣比隻狗呀   不過咁都無辦法   因為睇一次醫生仲貴   同埋唔想佢哋成日食藥囉 ~

今日 Berry 女食完藥   所以好攰

佢喺地下瞓覺   所以我叫家姐抱佢上嚟比我摸下   不過佢好快就走 lu

我比家姐嘅生日利是   我話拆完個利是封要比番我   哈哈哈哈

糟糟喺英國買比家姐嘅零食   佢話好食   所以又比兩包我試下

同家姐傾下偈   之後佢又同糟糟   大媽同陳老二   又同同事傾電話   我又傾埋一份啦   原來佢同事又係好鍾意福寶   仲比咗張一家五口比家姐睇   我即刻話佢知啲家族成員啲名呀 ~

差唔多 12 點半就走喇   家姐同 Berry 行街   但落雨呀   所以叫佢行完好番屋企   唔駛陪我搭車 ~

我同里奧大人又唔太餓   所以佢話買腸粉燒賣番屋企食   咁又好喎   我都唔想食下午茶餐 ~

魚肉碗仔翅好味呀   因為夠熱   同埋口感唔似食漿糊   哈哈

家姐送比我嘅榴槤鮮生冰皮月餅

貓山王 & 黑刺味道

又買咗 1 斤梅菜比我

食完抖陣就要去 LA 活動   今日同石頭姐姐一齊帶遊戲   所以差唔多 4 點 45 分先完畢 ~

番到屋企都要休息下   之後就同里奧大人番崇拜喇 ~

崇拜完畢就去食晚餐   今晚仍然好想食米線呀 ~

食完就番屋企開機洗衫同沖涼   里奧大人就去做機 ~

睇下福寶   今晚 10 點 20 分都瞓 lu ~