大快活 ( 外賣 ) ( 6-DEC-2015 ) + ( 7-DEC-2015 )

( 6-DEC-2015  SUN )

今朝同 9 點半起身 lu   刷牙洗麵就落街食早餐   諗住去太興   但好多人   所以轉去麻酸樂 lu ~

食完番屋企抖陣   沖埋涼就即番教會喇   今日有司事要做   要早 d 出門口呀 ~

里奧大人今日去德藝會參加同事婚宴   所以我自己一個人番教會   好唔慣呢 ~ 

1 點 15 分先崇拜完畢   里奧大人仲食緊嘢   咁我都番屋企先 lu ~

個肚又谷谷地   又勁攰   原來真係每月一到   但又 ok 喎   所以熨埋一機衫先 ~   

等埋里奧大人番黎都 2 點幾   再買埋卡都 3 點幾喇   到我好餓呀   要去大快活食 tea   不過佢話好飽   唔好預佢喎 ~~~~

番到屋企即沖熱水涼   里奧大人就瞓晏覺   我之後睇下雜誌   又瞓咗半個鐘   個肚好似無咩嘢咁   希望真係無嘢啦 ~

好想飲熱湯    所以叫里奧大人 7 點左右去大快活買飯番黎食   因為我覺得將會黎料 ~   

食咗小小飯再抖下   唉   真係黎料   又嘔   真係好煩   所以沖埋熱水涼   8 點半上床瞓喇 ~

( 7-DEC-2015  MON )

今朝個肚都係痛   所以 8 點 45 分打番菇場請 S/L 喇 ~

其實瞓得都唔好   個肚有 d 痛   所以又沖熱水涼   又嘔下又瞓下又沖下涼   勁攰   哈哈 ~

Book 咗 4 點 15 分睇醫生   睇到 4 點 45 分   番到屋企諗住沖涼   但聽到有人開門   嚇死咩   原來里奧大人見完客番來   好在我無鎖門   唔係里奧大人起碼要等 15 分鐘先入得屋呢 ~

完全勁無胃口   所以都係瞓   今次唔知做咩勁唔舒服   只想瞓瞓瞓 ~

里奧大人話買麥記食   我話唔好啦   所以佢買車仔麵   雖然車仔麵都係無益   但點都好過麥記囉 ~

望多佢一眼   我都番房瞓喇   我覺得今日除咗睇醫生離開張床半個鐘之外   全日都喺張床咁 @@