鎮江骨 ( 12-MAY-2026 )

 

( 12-MAY-2026  TUE )

尋晚去咗 2 次廁所   但感恩好快瞓得番 ~

早餐仍然食芝士吐司   真係好好味呀 ~

只係 2 塊麵包嘅芝士   我比船頭睇啦   佢都話好多呀

菇場忙下停下   所以時間好快過 ~

船頭問行唔行一田 ?!   我話食飯之前行囉   之後我叫佢一齊行啦   咁我番嚟先叮飯都可以呀 ~

北海道雪華豚急凍豬腩片 & 西冷片) (特價 $79.9/2 包) - 船頭話買過   最緊要無陣豬味   所以我都買嚟做儲備喇 

海太非油炸脆片 (原味) X 2 ($20/盒) - 1 盒比里奧大人啲同事   另 1 盒比 LA 活動啲義工

船頭就買菇做有味飯   仲有鮮百合等等

番到菇場都即刻叮飯   真係好方便呀   感恩食完無喉嚨痛呢 ~

忙下停下   又係好快就放工咁 ~

放工即走   番到屋企都預備晚餐   里奧大人 6 點 15 分番到屋企   但仲未食得呀 ~

是日晚餐 - 鎮江骨

鎮江骨 - 今次都燜到好入味好腍   但我覺得個色唔夠   下次都係買支黑醋煮先 ~

洗埋碗抖陣就同里奧大人去做機   今次都係做 25 分鐘 ~

里奧大人話 "低智商犯罪" 好睇   尋晚睇埋第 3 集   所以叫我睇完先再一齊睇第 4 集呀 ~

今晚都睇咗 2 集 "低智商犯罪"   睇到 10 點 20 分都瞓覺 lu ~

洋蔥炒雞扒 + 炒油麵 + 清補涼雪耳雞湯 ( 11-MAY-2026 )

 

( 11-MAY-2026  MON )

今朝鬧鐘響   奇怪鈴聲唔同咗   原來係里奧大人 Set 錯咗 6 點鬧鐘   好在我都好快瞓得番呢 ~

早餐食芝士吐司   真係超級好食   今次好多芝士添呀   我同家姐講話芝士多過包   之後佢話拎兩條都好重手㗎 ~

菇場忙呀   星期一多數係咁呢 ~

熊貓桌面無葉風扇 ($79.90)

開最細已經好涼㗎喇

Lunch Time 蒸完飯就去買翠玉瓜同洋蔥   之後再行陣就番菇場開餐 lu ~

忙下停下   好快放工 ~

放工即走   里奧大人話想做機   但要 6 點 15 分先番到屋企   我話無問題啦   因為都未咁快食得 ~

是日晚餐 - 洋蔥炒雞扒 + 炒油麵 + 清補涼雪耳雞湯

洋蔥炒雞扒 - 雖然炒麵有魚片同好多菜絲   但里奧大人鍾意有啲肉   所以我就煮呢個餸比佢送炒麵喇 ~

炒油麵 - Y 姑尋晚打比我話煮炒麵   咁我話要呀   里奧大人鍾意食㗎   但無諗過比咁多呀   我本身拎個玻璃碗比里奧大人去裝   但佢話成盒炒麵裝唔哂   咁我番到屋企先知原來係 A4 Size 咁大盒呀 ~

清補涼雪耳雞湯 - 好好味呀   就咁飲湯同食湯渣都飽了 ~

洗埋碗就開機洗衫   今晚胃痛唔做運動喇   所以沖涼休息 ~

里奧大人熨衫   差唔多 9 點先一齊睇 "低智商犯罪"   我睇咗 1 集多啲咋   因為好眼瞓   雖然只係 10 點 15 分   但我都照瞓喇 ~

老壇酸菜魚 + 菜心 ( 10-MAY-2026 )

尋日食剩嘅台式拚盤同今日食剩嘅炸雲吞

( 10-MAY-2026  SUN )

今朝同里奧大人一齊起身   之後我就去家姐屋企喇 ~

差唔多落車嘅時候   家姐 Whatsapp 話 Berry 可以番屋企   但我叫佢等埋我一齊行呀   因為我 5 分鐘後落車呢 ~

咁我等過馬路啦   見到對面係 Berry 女   之後見佢係紮哂馬咁望住我呢個方向   但家姐同 U 姐無講新媽咪嚟咗㗎   我見到 U 姐好大力扯住 Berry   好鬼驚佢衝出馬路   之後我過馬路啦   佢一見我就撲向我呀 ~

家姐話估唔到 Berry 企咁遠都見到我   反而佢就見唔到我   U 姐就話藍色衫嗰個係新媽咪太太呀 ~

行咗一陣就同佢哋番屋企   之後就同家姐去食早餐喇 ~

阿活脆邊煎雙蛋+黑椒牛扒 ($40.5) - 家姐一定係叫牛   成日話要我補血   我切牛扒嘅時候   家姐見到條筋就話啱哂我   佢同里奧大人都會咁講㗎

以前同媽咪 家姐去大家樂食早餐   我一定會幫佢哋搽牛油多士   因為我鍾意每個角落都有牛油嘛   所以每次一見到牛油多士就有滿滿嘅回憶呢

即炸原條脆魚柳配阿活脆邊煎雙蛋+英式多士 ($42) - 好大塊魚柳呀   好在唔腥

食完就去惠康買嘢   買完就番屋企 lu ~

益力多 ($35/3 排) - 家姐今晚去糟糟屋企食飯   所以買 3 排比糟糟工人姐姐   之後佢自己都買 3 排   蕎麥都汁就我要嘅

同家姐傾偈   佢問我睇哂 "逐玉" 未 ?!   之後又介紹我睇張淩赫啲戲   佢話睇 "寧安如夢" 先識張淩赫   咁我問仲有咩戲好睇 ?!   佢話張淩赫套套戲都好睇   笑死囉   好似阿花鍾意車銀優咁   又係話佢做咩戲都好睇 ~

家姐今日着件衫   如果睇佢上身係以為佢着吊帶褲   佢話我唔係第一個咁講   我覺得好多時都係咁   以前去媽咪屋企食飯   好記得有日佢全身衫褲鞋都係深紫色   有次就覺得佢啲頭髮長咗好多   佢就會話今日好多同事都咁講   平時我唔見佢呢   就無人咁講佢   所以真係好搞笑啦 ~

依家影佢啲角度有啲奇奇怪怪   哈哈

肥豬女

慘慘樣

攰樣

我走就出廳瞓

12 點半左右走人   家姐陪我去買午餐   因為要等 20 分鐘   咁周圍行下喇   之後去到都仲未得   原來都等咗半個鐘呀 ~

家姐要買午餐番屋企   所以我叫佢走先   我自己去搭車就得   排隊嘅時候有人撞到我個袋   因為我兩旁係好多位家嘛   之後一望原來係家姐   佢一嚟到我就有車   好在可以見到我咋   哈哈 ~

里奧大人 2 點番到屋企   可以即刻開

招牌正宗上海秶飯 + 酥炸雲吞 + 酸辣餃子麵 - 秶飯嘅油炸鬼仲好脆呀

家姐比咗 2 包 GOLD 辛辣麵同齋雞粒   仲有嘉多娜嘅原條吐司 + 2 盒酸菜魚   糟糟之前去韓國   比咗 3 包辛辣麵比家姐   家姐話比 2 包比我   我話 2 Pack 太多喇   之後家姐話係 2 包呀   因為我買手信唔會咁樣散裝比人嘛   家姐話佢又係咁   所以我咪以為係 2 Pack 囉

頭先一入大堂   管理員就拎住份禮物講母親節快樂   我話唔要喇   但佢係都要比我   哈哈

我食完就去樓上買嘢   里奧大人就沖涼瞓覺 ~

白朱古力士多啤梨 ($12) / 加拿大天然豬排骨 X 2 ($29/包)

急凍泰國天然豬梅頭肉 ($25) / 急凍泰國天然豬梅頭片 ($38)

番到屋企就大清潔雪櫃同執嘢   搞掂就去做機   今日都係做 25 分鐘就夠喇 ~

抖陣就燜餸   之後就熨 2 機衫   熨完都已經 5 點   里奧大人啱啱起身   話攰就等佢熨   我話啱啱熨完呀   熨得好靚   佢即刻笑   我自己都忍唔住笑   因為特登強調就唔方熨得靚啦   哈哈 ~

里奧大人 5 點半去做機   我就預備晚餐 lu ~

是日晚餐 - 老壇酸菜魚 + 菜心

老壇酸菜魚 - 冰格無咩位   所以即開盒酸菜魚喇 ~

菜心 - 雖然只係 $5   但都幾甜㗎 ~

洗埋碗就開機洗衫   之後就沖涼休息了 ~

同里奧大人一齊睇 "中年好聲音 4"   睇完再睇陣 Youtube   差唔多 11 點先瞓 ~

忠記粥品 @ 紅磡 ( 9-MAY-2026 )

炸兩腸粉 ($16) - 今次啲油炸鬼好硬呀   我覺得好難食   哈哈

銀芽炒麵 ($16) - 如果多啲芽菜就好喇

皮蛋艇仔粥 ($25) - 粥就好味道喇

( 9-MAY-2026  SAT )

感恩一覺瞓天光呀   我仲要係熟睡狀態添 ~

今朝同里奧大人出去食早餐   食完就去佢公司坐陣先番工 ~

菇場唔忙   咁就好喇 ~

放工即去一田買嘢   今次知道要咩啲咩   所以好快買完   差唔多 1 點半就走人 ~

潔麗兒泡泡潔手液補充裝 (柑橘芳香) ($59.90) / 海太非油炸脆片 (原味 & 法式焗芝士) ($20/盒) / 

HMD 濃厚可可威化餅 ($28) / EURAS 純蜂蜜 500g ($24) / 樂淇大裝蘋果 ($72/2 件)

買埋午餐就去里奧大人公司   感恩好快有車   所以里奧大人以為我無買嘢   哈哈 ~

台式小食拚盤 (台式鹽酥雞 + 夜市花枝丸 5 粒 + 台灣古早味香腸) ($69) - 無食過咁滯   之得唔買啦

百芳豬扒便當 ($63) 配珍珠奶茶 (+$12) - 里奧大人食剩少少豬扒   咁留番啦

里奧大人食完都仲要做一陣嘢先番屋企   咁我就去屈臣買嘢喇 ~

OLAY 彈潤緊緻套裝 (火熱搶 $566/4 件) - 職員問係咪送比人 ?!   我話自己用咋   佢個樣好錯然咁   頭先阿妹又問做咩買咁多 ?!   我話 4 件先咁平嘛   所以咪買 4 件囉

買完即去惠康買嘢   今日買滿 $168 再 88 折   朝早睇定買啲咩再計埋數   咁去到就唔駛計嚟計去呢 ~

統一滿漢大餐牛肉杯麵 ($17/個) - 買 5 碗有 8 折再 88 折   平均 $12/個就好抵喇   仲要係 12 月先到期

117 即溶咖啡 ($33) / 香蕉 ($11.30) / 菜心 ($5) / 新紀元卵日本白蛋 ($50/2 排)

頂好牌沙律醬 ($21) / 李派林喼汁 150ml ($15) / 卡樂B韓式甜辣醬炸雞薯片 ($10)

番屋企放低哂啲嘢就要即刻走喇   因為 4 點要同黑珍珠開會   開到差唔多 5 點   咁啱里奧大人又要番公司處理啲 Urgent 嘢   所以我又去佢公司搵佢喇   等佢搞掂就去黃埔 lu ~

里奧大人話想食粥   咁當然無問題啦 ~

食完就去 GRAB 物超柿買熊貓桌面無葉風扇   買完就去 AEON 行下   最後去埋超市買嘢   因為有 9 折呀 ~

珍珍超級燒烤味薯圈 ($24.9) / 金龍牌雞醬 ($13.9) / 李錦記甜豉油 ($17/2 支)

OPANCHU USAGI 不織布袋 ($5.9/個) - 本身已經抵   有埋 9 折更抵   所以買咗 4 個呀

買完就番屋企喇   經過速剪舖   難得髮型師喺度   同埋只係等一個人   所以里奧大人話剪啦   其實今晚剪都好嘅   咁聽日就多啲時間用呢 ~

同髮型師真係咩都啱傾   佢又係鍾意食魚   佢即刻介紹間食店比我   之後又教我食啲咩嘢   等我啲頭髮可以堅韌啲   呢樣好緊要呀   哈哈 ~

剪完就睇下錶啦   原來剪咗半個鐘   傾下傾下真係唔覺呀 ~

番到屋企即開機洗衫同沖涼   抖陣就熨衫 ~

搞掂就同里奧大人睇 "Long Vocation"   不過只係睇 2 集   睇到 11 點 15 分都瞓 lu ~

龍城冰室 @ 九龍灣 ( 8-MAY-2026 )

2 人餐 ($158) - ML 食咗下午茶仲好飽   所以叫兩個 2 人餐喇   我哋全部要羅宋湯   估唔到好味道   仲要好多雜菜同牛腩呀

菠蘿咕嚕肉 ($73) - 呢個係我叫嘅   因為好想食甜酸嘢

蝦醬通菜炒牛肉鮮魷 - 我食到一半   我話係咪叫咗 5 個餸 ?!   因為我記得 ML 話食蒸魚嘛   之後睇單原來無落到蒸魚   但職員落單嘅時候叫我講號碼   佢再覆述嘅都係同我一樣   咁即係佢按錯號碼啦   咁我哋又無再睇單   好在呢個都好味道咋   哈哈

西蘭花炒龍躉球 ($88) - 呢個係 LW 叫嘅   我哋覺得好味道呀

鹹魚蒸肉餅 - 無諗過肉餅會咁鹹

( 8-MAY-2026  FRI )

好多時 6 點 55 分就會醒醒哋   不過都係等到鬧鐘響先起身 ~

今朝同里奧大人出去食早餐   佢話依家唔駛講都知道星期三四五會出去食   哈哈 ~

菇場忙呀   但忙到 11 點就搞掂 ~

船頭今朝着長袖   因為驚今晚會涼   但佢同阿齋都係怕熱嘅   我話今朝好熱喎   佢話佢怕熱但都無我熱得咁犀利   話我今朝熱到臉到紅埋好誇張   不過可能我今日着 Legging 同埋長襪比較熱   平時着 One Piece 無咁熱㗎 ~

船頭話呢罐 Ramirez 沙甸魚醬 ($16.2) 好味   所以我叫佢幫我買罐喇

Lunch Time 蒸完飯就去一田睇下嘢   今日開始係春日購物賞   不過都幾多人   所以我行一個圈就算   聽日放工先去買 ~

阿齋去咗一田買嘢   又請咗啲零食比我同船頭

忙下停下   好快放工 ~

今晚約咗阿 Jack 6 點半去龍城食晚飯   咁我同里奧大人就喺淘大行下先   經過奇趣天氣又去睇下   感恩想買嘅都做特價呀   所以即買 ~

我覺得隻隻都得意   但我只會買 1 盒

好在真係睇下電話   因為 ML 問我哋係咪約咗阿 Jack 食飯 ?!   我話係呀   佢問如果佢同 LW 嚟埋方便嗎 ?!   我話絕對歡迎啦 ~

6 點 40 分齊哂人就叫嘢食   之後就開始傾偈喇 ~

阿 Jack 話同阿妹去旺角間酒樓食飯   呢間酒樓啲嘢食呢   ML 即刻問係咪唔好食 ?!   阿 Jack 話呢間酒樓啲食物唔錯呀   我哋笑咗出聲   我話以為係唔好食呀   你啲語氣講到唔好食咁   哈哈 ~

食下傾下好快 7 點 45 分喇   係時間要去開組喇 ~

ML 同里奧大人去比錢嘛   我同阿 Jack 喺門口等   佢突然話依家自己生活仲喺好唔慣   我話當然啦   我都好掛住 Ivy   之後一路行一路傾嘅時候   佢都忍唔住流眼淚   但我只能力搭住佢膊頭安慰佢呢 ~

之後阿 Jack 同人哋打招呼   原來係阿後兩公婆   我覺得阿後見到阿 Jack 好開心呀   可能都係想見但唔敢約   始終以前係兩對一齊食飯嘛 ~

今晚係玩遊戲嘅   每個遊戲唔係就咁玩完就算㗎   係要玩完之後分享遊戲嘅體驗   咁真係好唔錯呀 ~

差唔多 10 點散會   但今晚趕唔到班車   所以去德福行陣喇 ~

番到屋企都 10 點 45 分   真係要快啲沖涼喇   哈哈 ~

Fuggler Key Ring S4 Gaptooth Mcgoo (特價 $54.40 原價 $68) - 無哂藍色嗰隻   但其實我最初係想買呢隻顏色嘅   我好鍾意 "咪" 佢啲牙仔   真係好治癒㗎

蠟筆小新動物恰恰恰系列 (特價 $39 原價 $69) - 兔仔都得意呀

睇多陣 Youtube   今晚 11 點 40 分先瞓覺 ~