大澳一日遊 + 金滬庭京川菜館 @ 東涌 ( 6-NOV-2017 )

素菜鍋貼 - 都 OK   但個餡就好多油咁囉  



招牌生煎包 - OK 啦   可能我凍咗先食   



碧綠炒什菌 - 姑姐叫㗎

砂窩雲吞雞 (1/4隻) - 熱辣辣   正呀  

榨菜肉末配叉子燒餅 - 味道係好   但好油呀

( 6-NOV-2017  MON )

今朝 7 點 15 分起身喇   里奧大人就話佢 7 點起身沖涼先   其實好多時都係佢起身先   咁會比我瞓多陣   咁講到去玩   我早起身都無所謂嘅   哈哈 ~

沖埋涼就去食早餐   之後番上屋企抖陣   8 點半出門口喇 ~



今日係同叔叔 嬸嬸 姑姐 家姐 姐夫 + 糟糟爸媽 + 3 個朋友們   一行 13 人 一齊入大澳一日遊   所以約咗 10 點喺東涌地鐵站 B 出口集合   糟糟佢哋就 9 點去到東涌食早餐   家姐姐夫就搭巴士   我同里奧大人就搭地鐵   叔叔都係搭地鐵   咁我要去商場嘅洗手間嘛   估唔到我一出洗手間   嬸嬸就入來   咁其實我哋應該係同一班車   因為地鐵車廂好嘈   所以無打比佢哋 ~

之後一齊行出去 B 出口喇   一出去就見到糟糟 Daddy   十幾年無見喇   佢認到我喎   但糟媽就認唔到我喇   哈哈哈哈 ~

咁我去 Pret A Manger 買咖啡比叔叔   咁嬸嬸同姑姐同我一齊去嘛    嬸嬸話同叔叔 Share 一杯   咁佢哋叫完   我就比錢啦   之後姑姐無啦啦自己又買 1 杯   仲話叫我飲我買嗰杯   但我都話明唔飲㗎啦   同埋叔叔唔要有奶嘅咖啡嘛   咁頭先妳叫嗰杯係有少奶家嘛   都唔知做乜鬼   古古怪怪   兩杯咖啡成 $82 㗎   我自己都唔捨得飲   真係呢   咁最後我買嘅兩杯都係叔叔嬸嬸飲囉   個個都食完早餐   點會無啦啦再飲咖啡喎 ~

呢個姑姐真係好神秘咁  嬸嬸同里奧大人講話佢來香港修行 3 個月   但姑姐就話唔係   里奧大人問佢係咪學下嘢 ?!   佢就答係學下嘢 ~

同埋我問一句佢就答一句   好似唔想比人知道啲嘢咁   所以無咩必要   我都唔會同佢一齊行啦   最怕 Dead Air ~

人齊再去埋洗手間   之後一齊出發去大澳喇 ~

平日同假日去大澳真係兩回事   今日真係無咁多人呢 ~

10:32am 開車   成架車都 Full 哂   同埋幾乎站站停   有啲人去拜山   有啲去露營   咁我哋差唔多 11:10am 就到大澳   都算快呀 ~

最緊要見唔到排隊人龍   哈哈



11 號巴士   $11.8/程   我覺得抵喎   初初以為要廿幾蚊

轉彎轉彎再轉彎   望景都還可以   但玩手機就一定唔得囉   會頭暈呢  



我扶住各位 Auntie 落車



首先一齊行啦   之後糟糟 Daddy 就揀海鮮   我哋就周圍影下相 ~

唔多人入大澳   所以行得好舒服呀   



我同里奧大人行最尾   怕佢哋會失散

其實我鍾意食花膠㗎   但醫生叫我唔好食呢  

銀魚仔



一個字 "腥"



成日以為係 "隱世茶果"



繼續行



呢日無咩陽光   但又無咩風



船屋真係好有特色   


佢哋 Order 海鮮喇   我就走去 8 下   我話我唔煮新鮮魚㗎   糟媽話唔識煮無得食   哈哈

買咗呢條魚   5 斤幾重



每人有 2 隻蝦   咁啲蝦跳咗出來   離遠睇都好大隻     



一袋袋送去酒樓  



好多魚仔   



成日向上望   條頸好攰㗎

佢又係劏緊魚   



吊我上太空



鯊魚標本  



好多蒼蠅



必影   哈哈哈哈   



烤肉乾



買完又行去唔知邊喇   其實都係得一個方向   哈哈   糟媽話茶果好味喎   所以糟糟買咗 12 個   每人半個唔同味道   但最後食剩 2 個   我拎番屋企   呵呵 ~

食完又行啦   但好鬼口渴呀   糟糟又係勁口渴   所以話一陣去酒樓要叫 10 支可樂   哈哈 ~

呢日天陰陰又無乜風   行行下仲有啲熱添呀 ~

前面呢度有檔買茶果嘅   糟媽話好味道   所以糟糟買咗 6 個鹹同 6 個甜   



好似 $7/個

真係好多人幫襯



每個切一半   咁每人都可以食鹹同甜呢



我食花生甜茶果   都好多料   同埋估唔到係咁熱辣辣   



姐夫就同我哋一齊行   但家姐就同糟糟一齊行另一邊   其實家姐應該同我哋一齊行啦   話哂今個 Trip 係陪叔叔家嘛 ~

食完又行下啦   糟爸媽 & 1 個朋友就唔行   去酒樓坐下傾偈   其他人就繼續向前行   



一身行山打扮   勁熱呀   哈哈



裝修 ?! 



荒廢嘅屋   



Y 型樹



唔知咩來





有隻蝴蝶飛緊





行到呢度   熱到呢



啲人話係無花果



喺度住   會唔會成日感覺浮下浮下咁呢 ?!



爛屋

貓咪好身手



開始有啲曬喇   里奧大人驚我中暑   所以一定一定要我帶頭巾



好大條鹹魚   



切得好靚嘅蝦膏





好多響鈴   



大飛   嬸嬸話唔坐得大飛   我就無咩問題   只係驚囉   哈哈哈哈  



里奧大人又影蝴蝶   我行嘅時候   都見到黑蝴蝶   成日飛埋來咁   嚇死我   我 "揚" 開佢哋㗎 

行到 Police Station 就走喇   因為都成 12 點 45 分   我哋 Book 咗 1 點食 Lunch 呀 ~

叔叔好鍾意周圍睇嘢   又行得快   真係好好呢 

里奧大人就自己行到呢度   佢應該見人上去   佢又跟住上去睇啦     
 

請進





上到去就係咁喇   

咁以為酒樓喺碼頭附近啦   點知原來要行條新橋   行到去酒樓都要 15 分鐘   不過行下傾下影下相   又好快行到去咁喎 ~

家姐同糟糟喺碼頭等我哋

今日都係天陰陰   不過就無落雨

  




幾咁寧靜   

無諗過要行咁遠喎   唔怪得佢哋話要行 15 分鐘啦

舒服  



新橋



邊行邊傾   所以好快去到    



有隻白鷺



跟住呢個方向   





我唔明點解個背囊成日都脹卜卜   但其實裝得唔多嘢㗎喎   影相嘅時候唔知 "High" 咗啲咩   整到背囊污糟哂   嗚嗚

到 "東方小祇園" 喇

家庭式營業 ?!



西芹炒龍躉片 - 啖啖肉又厚身   第一次食龍躉食得咁滿足咋   第一碟餸已經咁巨   所以剩咗  10 幾件   糟媽又夾埋比我   所以我起碼食咗 10 件呀

走地雞 x 2 - 肉質好嫩   但有部份就鹹咗啲  



腐皮卷 - 所有素食都係糟媽特登 Order 比我姑姐㗎   但其實個個都有食   哈哈   呢個超級好味道呀   我真係可以食好多件㗎   不過呢餐只能夠食 1 件呢   哈哈

好似叫做素鵝   外脆內嫩嘅腐竹   我覺得麻麻哋   無咩特別 

炸芋頭魚 - 里奧大人同家姐都好鍾意食   我一見到就話好味呀   之後糟媽即刻啤住我   哈哈哈哈   驚我食哂咁呀   所以我即刻話唔好味囉

炒頭腩 - 一擺上枱真係嚇一嚇   勁勁勁大碟呀   里奧大人夾咗 1 件食啦   見到係啖啖肉   最後食剩大半碟   所以嬸嬸拎比姑丈食   姑丈好鍾意食呢啲骨呢 

唔知咩蟹   但見到好多膏呀   不過我同里奧大人就無食

右手面呢碟係送   咁我聽到個送字嘛   仲以為所有蟹係送嘅添   原來只係呢碟咋   



到最後   頭腩食剩咁多呀   所以真係唔想浪費囉   



薑汁炒芥蘭   勁好味   好重薑汁味道  



豉油王炒蝦碌 - 勁大隻呀   有人唔食   所以我可以食 3 隻   正呀   呢排真係好鍾意食蝦   唔知點解     



腰果露   好香腰果味呀   又唔甜   好味道  





糟糟真係勁有心   每人都有份小禮物   外國團友就有禮物包 (念慈奄川貝枇杷糖 / 清熱酷 / 撒龍巴斯 / 環保袋 / 虎標萬金油 /  2018 福字月曆)
   


香港團友就有大利是   勁咯   金額由 $40 - 8 百幾萬不等   哈哈哈哈   我同糟糟同家姐講話中咗 3 個字   佢哋勁開心   但我話分開 2 注中喎   之後比佢哋妖到上天花板   哈哈

一路食一路傾   美加團友仲特別好傾添   不過其實間酒樓都好嘈囉   因為全場爆滿 ~      

糟媽成日招呼我哋   咁斟水比里奧大人就好溫柔   里奧大人飲熱水吖   一到我呢   就叫: 喂  攞個杯出嚟   我話囉   做咩叫我喂喎   佢話我唔叫妳做乜水已經好好   哈哈哈哈   糟媽非常玩得   仍都霸氣非常   哈哈 ~

差唔多 2 點半就走人喇   食飽就有氣有力行啦 ~

靜哂





慘慘眼神   好得意呀   不過我唔敢摸佢呢



只係個頭郁咋   手腳無郁   好得意



好多狗呀  

呢條路係 Short Cut   





一路行一路同糟媽傾偈   問我有無同家姐見面 ?!   佢咁問   我覺得好有親戚 Feel   哈哈   不過佢都好關心我同家姐嘅   佢仲同我講咗啲嘢   我都好 Shock   糟媽都係一個挑通眼眉嘅人 ~

佢最搞笑話糟糟次次都唔陪佢嚟大澳㗎   係今次妳哋一齊嚟   佢先嚟咋   咁我話糟糟都好孝順啦   成日都陪妳哋去旅行   又車出車入   算係咁啦 ~

之後經過見到有人唱 K   我問糟媽有無喺屋企唱 K 呀 ?!   佢話無啦   糟糟唔比我唱㗎   話大聲會刺激隻狗   因為佢隻狗狗心臟係好差   唔可以受刺激   又話糟糟唔比佢哋開大聲電視   要佢哋用藍牙 Head Phone 聽   笑死我呀 ~

沿途 





"番鬼塘" 個名好搞笑  

但呢日就換咗做 "梁屋" 了



諗起台南架劏車   哈哈  

4 點開車   開車無耐都瞓着咗喇   仲勁好瞓添呀   係差唔多落車先醒 ~

估唔到好多人排隊呀   要等第 2 部車先上到






4 點 45 分到東涌   之後各散東西喇   糟糟就同家姐去睇中醫   我咪同里奧大人講囉   睇醫生幾時都有得睇   但叔叔唔係成日見   點會走去睇醫生   一係妳一早講比叔叔知   唔係比人感覺都唔係咁好啦   同埋好在我同里奧大人係預咗陪叔叔成日啫   唔係叫人哋去完大澳   自己番屋企先咩   始終難得一齊放假去玩   點都要安排一下嘛   所以我真係好感激里奧大人   佢次次都會同我一齊陪叔叔嬸嬸㗎 ~

同叔叔佢哋行東薈城   雖然好多 Outlet   但其實好多價錢都貴過加拿大   叔叔想買薄身風褸   但只 For 喺香港着   不過唔啱心水   咁再睇羽絨   姑姐話唔會買   因為驚唔夠暖   相反我哋香港就唔需要咁暖嘅羽絨   所以厚嘢要番加拿大買了   哈哈 ~ 

估唔到姑姐同嬸嬸最期待係行超市   呢間 Taste 真係好大   不過佢哋睇完啲價錢   就覺得真係貴   同埋唔新鮮   所以我成日話香港生活唔易   不過咁   我仍然都好愛香港   話哂係成長嘅地方嘛 ~

行到 6 點幾就去食飯    里奧大人去攞位先   我哋等埋姑姐   我話唔識去嘛   所以由叔叔帶路   呵呵 ~

其實大家唔太餓   但我覺得點都要同佢哋食啲嘢   坐低傾下偈咁囉 ~

8 點幾走人   一齊坐地鐵番屋企   我哋轉 2 程   叔叔轉 4 程 ~

番到屋企都 9 點半喇   沖埋涼就休息   今日都幾攰   哈哈 ~

睇多陣電視   11 點幾都瞓覺咯 ~

牛丸拚牛筋丸出前一丁 ( 5-NOV-2017 )

( 5-NOV-2017  SUN )

今朝 10 點起身    依家天氣涼咗好多   所以次次一沖完涼出來   就覺得間屋好似開咗冷氣咁呢 ~

食完早餐就番教會   我今日有事奉   所以要早啲番教會喇 ~





崇拜完畢就走喇   買埋生果   再去買麵包就番屋企 lu ~

里奧大人一定以為係 $22 一包啦   其實呢度係 $57   里奧大人見我比錢嘅時候   我望到佢個樣係呆咗   之後我話你梗係以為係 $22 一包定啦   佢喺度笑   所以我好驚叫佢去買嘢   始終佢唔熟   唔會睇價錢後面嘅單位囉

2 點半食個包   之後睇下電視   睇睇下都瞓咗成個鐘   呵呵 ~





天氣涼咗   真係覺得會大食咗   成日覺得肚餓咁   以前會成日食零食   依家唔會 lu   零食貴呀   同埋真係無益   間唔中食都可以   成日食就真係唔好囉 ~

今晚就咁煮麵   所以 5 點幾預備   6 點可以開餐 ~   

是日懶餐 - 牛丸拚牛筋丸出前一丁

牛丸拚牛筋丸出前一丁 - 啲丸丸係家姐之前比我㗎   佢話同事喺潮州買番嚟   口感好彈牙喎   所以係都要比我試下   食落都幾好味 ~

食完抖陣就去徑步   徑半個鐘就番屋企 lu ~

沖埋涼就開機洗衫   之後休息喇   呢排好攰   應該作乜乜了 ~

11 點幾都瞓喇   聽朝 7 點要起身呢 ~      

美心 FOOD 2 @ 九龍灣 ( 4-NOV-2017 )

我見到有塊芝士焗到脆卜卜   我就即刻夾嚟食   之後同里奧大人講話你驚熱氣   所以唔會食   里奧大人喺度笑   話自己想食就想食啦   講到好好咁   哈哈   比佢識穿添   我話下次我直接講想食算喇   哈哈哈哈

( 4-NOV-2017  SAT )

今朝約咗家姐食早餐   係我每個星期六最期待嘅事呢 ~





家姐無啦啦又笑住話有嘢想講   但又驚比我鬧   我叫佢快啲講啦   佢話: 妳塊臉係咪有斑 ?!   我話又來 ?!   之後佢指比我睇   我話不嬲都有㗎   可能妳唔覺囉   我隻手都有粒老人斑啦   不過我朋友又話唔係喎   因為果粒斑係十幾年前都有囉   定真係未老先衰呀   哈哈 ~

之後講開搽 Cream   家姐同里奧大人一樣   都唔習慣搽 Cream   咁佢哋兩個話要搽嘅時候   啲皮膚一定係好 "猛猛緊" 啦   所以我次次買 Cream   又會買埋比家姐   以前會買埋比媽咪   所以佢哋好醒   一買 Cream 就一定搵我   始終我 Lunch Time 成日出去行   有時間格價嘛   哈哈 ~

8 點 45 分走人   我上車之後   家姐架巴士都到 lu   感恩感恩 ~

今朝菇場都忙啦   我要清哂手頭上嘅嘢呀   因為星期一 Off ~

做呀做   無啦啦 12 點仲有 Urgent 嘢   好在半個鐘頭就搞掂囉 ~

放工即走   番屋企抖陣   2 點出去食下午茶 ~

食完去萬寧買 Body Cream   之後再去百佳買嘢   買完就番屋但 lu ~

我就熨 2 機衫   里奧大人 3 點幾都出去幫姑奶整嘢 ~

熨完衫勁攰   之後睇旅遊書   睇完都有啲眼瞓   但見都 5 點幾   咁又約咗里奧大人 6 點半喺 Zara 等   所以都係去德福行下   唔想瞓覺 ~

同里奧大人行咗陣 Zara   之後去美心食嘢喇   今餐 Share 食一個豬扒飯   因為要留肚食爆谷 ~

食完又行下   今晚去 MCL 睇 "雷神奇俠 3 - 諸神黃昏"   7 點 35 分開場   睇咗兩個幾鐘   估唔到劇情幾好笑 ~

我之前用信用卡積分換咗 6 張 MCL 細爆谷套餐 Coupon   里奧大人做 MCL 會員又送咗 4 張   今次買飛又送咗 1 張細爆谷劵   最慘唔係成日有戲好睇嘛   有啲 Coupon 又 2 月到期   唔想一次又食到驚咁囉     



睇完都番屋企喇   沖埋涼   再睇下電視   差唔多 12 點先瞓呀 ~

吉豚屋吉列豬扒專門店 @ 九龍灣 ( 3-NOV-2017 )

吉列豬扒烏冬 (80g 吉列豬扒) ($50) + $8 吉列炸蝦 - 呢 Set 下午茶嘅份量都好多喎   烏冬好煙韌呀   我最鍾意   呢排真係超級勁想食蝦   所以又叫隻蝦來食呢





滑蛋蕃茄豬扒小鍋定食 (配白飯+野菜豚肉湯 (小)) ($69) - 食到一半   里奧大人話個汁好難食   咁我試啦   味道好鹹   完全無蕃茄味   之後我話漏咗隻滑蛋喎   但里奧大人話由他啦   都已經食咗一半   不過我覺得有滑蛋嘅口感係差好遠呢    



( 3-NOV-2017  FRI )

話咁快又到 11 月喇   真開心   快啲到 2018 年啦 ~   

早餐食芝蛋治   因為 Lunch 食健康餐   但芝蛋真係好鬼漏   食到有啲反胃咁 ~

菇場忙下停下   但今日點都要做哂啲嘢囉   我下星期一 Off   費事比人話 ~

Lunch 食健康餐   食完即出去行下喇   好鬼凍呢 ~



去埋超市買生果   差唔多 1 點半就番菇場喇 ~

里奧大人今日陪姑奶整嘢   之後再去九龍灣剪髮   咁我今晚都唔駛煮 lu ~

放工即走   里奧大人話去吉豚屋食嘢喎   估唔到我仲可以叫下午茶餐   呵呵 ~

食完就食雪糕   里奧大人話頭先個蕃茄汁好鹹   要食番啲甜嘢   不過我真係好飽   所以唔會幫佢食   佢越食越慢   咁一定係好飽啦   之後佢話之得叫 1 個球啦 ~



食到咁飽又去商場行陣   但好鬼凍   都係搭車番屋企算喇 ~

番到屋企即換波鞋去徑步喇   今晚點攰都要起碼徑半個鐘   因為頭先食太多嘢呀 ~

我沖埋涼就開機洗衫   之後幫里奧大人染髮 ~

搞掂哂就睇電視   睇到 11 點幾   我自己瞓先喇 ~

蜜糖焗雞肶 + 黑椒扁意粉 + 菜心苗 + 蕃茄薯仔排骨湯 ( 2-NOV-2017 )

( 2-NOV-2017  THU )

感恩一覺瞓天光呀   前一晚真係瞓得好差   如果再瞓得唔好就慘了 ~

早餐食奶醬多   唔想食鹹嘢 ~



里奧大人今日 Last Day 呀   早餐居然食芝蛋治   平時只係食奶醬多咋   因為無胃口呢   所以好開心見佢食芝蛋治呀   其實見到佢工作壓力大   我都瞓得唔好   好擔心佢嘛   始終佢都係第一次面對呢啲咁衰嘅同事囉 ~

我都遇個一個好衰嘅上司㗎   同事話佢係老闆嘅 2 奶   所以啲同事怕佢又憎佢   有次佢話我飲好多水喎   我話 8 杯好正常   之後就即刻話我成日去廁所   我話飲完水梗係要去廁所啦   唔通忍呀 ?!   講真   我去廁所係好快   放完水就即走   因為我覺得廁所好多菌嘛   咁我其實都諗住唔做啦   點知佢早一步比信我   話公司覺得我唔合適   我即刻好開心話好呀    佢激到雙眼通紅   眼有淚光㗎   因為佢無諗過我咁答佢嘛   我做咗個幾月之嘛   所以我都要 7 日通知   依家佢比信我   我就當日 Last Day 仲要出埋糧   勁爽呢 ~

今朝搞笑喇   我同事搵杯蓋   之後我問佢係咪我手頭上呢隻 ?!   佢話係   哈哈   原來我洗咗佢嘅杯蓋   我以為係自己嘅杯蓋呀   唔怪得我洗嘅時候   都覺得好似唔係咁嘅公仔啦   之後佢話大家都係用 Disney 嘅杯蓋   所以啲 Pattern 差唔多   哈哈 ~

菇場唔忙   咁就好喇   因為今個月尾會好忙   比我依家抖下啦 ~

Lunch Time 食酸辣米線   又開始食到有啲悶喇   咁都好   咁食法好肥㗎 ~



忙下停下   話咁快就放工 lu ~

番到屋企即預備喇   里奧大人都係 6 點 15分放工   但今晚起碼要 7 點 15 分先開飯呢 ~   

姐夫今晚去飲   所以家姐話嚟我屋企坐下   咁我一定預埋佢嘅晚餐呢 ~

是日晚餐 - 蜜糖焗雞肶 + 黑椒扁意粉 + 菜心苗 + 蕃茄薯仔排骨湯  

蜜糖焗雞肶 - 醃咗 15 分鐘咋   所以家姐話無咩味   無計啦   尋晚先拎出來解凍 ~

黑椒扁意粉 - 買咗 4 隻青尖椒同 2 隻紅尖椒   咁都要 $16   其實我覺得好貴   但因為里奧大人同家姐唔係咁鍾意食燈籠椒   同埋尖椒比較辣   家姐一定鍾意   咁我剪尖椒啦   一路剪一路打噴嚏   之後 Feel 到啲手指係慶哂嘅   咁我炒啦   一路炒一路咳   里奧大人又係咁咳   咁我試 1 條啦   我覺得好辣呀   所以我唔同黑椒汁炒喇   驚里奧大人食唔到   但家姐果碟就用黑椒汁炒啦   惹味啲嘛   家姐都話好辣呀   因為佢流鼻水   呵呵 ~    

菜心苗 - 呢度半斤   留咗 1 碗比家姐 ~   

蕃茄薯仔排骨湯 - 用咗 8 個蕃茄 + 1 個薯仔 + $20 排骨   但個湯好酸呀   哈哈哈哈   不過反而家姐話唔酸喎   初初仲驚佢飲唔到添 ~

搞掂哂就去徑步   徑  20 分鐘算喇   因為要整熱啲嘢比家姐 ~

9 點左右來到   即開飯比家姐食啦   2 隻雞肶 + 1 碗意粉 + 1 碗菜 + 1 碗湯   佢清哂所有嘢呀   勁開心   不過就算我煮得唔好味   佢都會食哂嘅   因為佢唔會嘥嘢   如果里奧大人好似家姐咁比面就好啦   哈哈 ~

食完又傾下偈   之後又食下芒果乾   最鍾意一齊食零食   如果家姐鍾意食   下次又可以買比佢嘛 ~

喺清邁 WM 買㗎   但無乜芒果味   哈哈

家姐 10 點半走喇   我送佢去搭車   番到屋企都即沖涼喇   再睇多陣電視   11 點 15 分都瞓 lu ~

蜜糖焗雞扒 + 墨魚卷 + 炸魚皮 (外賣) 菜心苗 ( 1-NOV-2017 )

( 1-NOV-2017  WED )

尋晚瞓得唔係咁好   好似有啲熱咁   但我隻腳又凍喎   都唔知想點   哈哈 ~

真係好攰   要懶床添呀   好在沖完涼之後就精神番啲咁呢 ~

早餐食蕃茄通粉   比咗一半通粉同方包比  8 卦食   好在佢大食咋   唔係就幫唔到我了 ~



菇場忙呀   好在 11 點幾就搞掂   終於可以抖喇 ~

幾經辛苦先買到呢個月曆呀   所以好想快啲到 2018 年呀   哈哈 



Lunch Time 出去萬寧買嘢   之後就番菇場食健康餐   我真係好鍾意飲朱古力奶   但其實好肥   所以間唔中先飲呢 ~



好嘢   仍然 Hea 住等放工 ~

今晚去街市買餸   我去買排骨   我同豬肉婆講話要廿蚊排骨   係食嘅   之後豬肉婆喺度笑   再話梗係食啦   果下我都要咗   因為我覺得好多人煲湯嘅排骨係唔食嘛   所以我強調係食囉   哈哈 ~

買完即番屋企喇   坐車好頭暈呀   好在一陣無事咋 ~

番到屋企即預備喇   里奧大人 6 點 15 分放工   今晚真係要等喇   7 點 15 分先可以開餐呢 ~

是日懶餐 - 蜜糖焗雞扒 + 墨魚卷 + 炸魚皮 (外賣) + 菜心苗    

蜜糖焗雞扒 + 墨魚卷 - 唔想成日食蝦卷   所以試墨魚卷啦   十蚊有 3 條   不過唔好食嘅   口感好腍   雞扒就因為醃咗 2 日   所以點都要焗埋去囉 ~

炸魚皮 (外賣) - 好想食香口嘢呀   所以即買   點都好過食薯片   哈哈 ~ 

菜心苗 - 淥咗半斤   聽晚再食埋剩咗嘅半斤   以前可以食好多菜   即係食剩都格硬食埋去   但依家真係唔得   食到 7 成就覺得好夠   再食多啲個胃會唔舒服咁㗎 ~

今日里奧大人個同事好慘   佢今個星期五 Last Day   咁佢星期三都上大陸   仲過埋夜   諗住交帶哂所有嘢比大陸同事   點知佢阿 Head 同阿水喺開會期間係咁插佢   一樣嘢要佢分開講 3 次   我即時都同里奧大人講   點解唔叫佢哋一次過聽   要人講 3 次呢 ?!   所以個同事都好激氣   佢都係好脾氣同埋係做嘢嘅人   但佢阿 Head 覺得佢唔合作   當住好多人面前打去 Admin 部門   話呢個同事嘅 Reference 只能由佢寫   所有公司打嚟問呢個同事嘅嘢   都要比佢聽   咁即係斷人米路啦   正賤人   所以個同事都慶到即刻番香港 ~

之前成日周圍篤里奧大人個女同事   一知里奧大人遲職咋   依家係咁同里奧大人講阿水嘅不是   之前佢同阿水夾埋篤里奧大人㗎   呢條友都係衰㗎喇   所以里奧大人遲職唔做真係無錯 ~

佢當日係即打遲職信   都係兩句搞掂   咁我話係咪 We regret to inform you that 開頭呀 ?!   佢話係 I would like to 呀   笑死我   我話係咪真㗎 ?!   佢話係喎 ~

洗埋碗就沖涼   今晚唔徑步喇   好頭暈   所以里奧大人自己去徑步呢 ~

敷埋 Mask 就熨衫   當做運動都唔錯 ~

同里奧大人傾偈   傾到 11 點半先瞓 ~