( 27-JAN-2014 MON )
星期一喇 雖然有 d 眼瞓 但一諗起今個星期番 4 日工就勁開心喇 ~
今朝唔駛飲中藥 所以唔餓都要食米粉餐 哈哈 ~
菇場勁忙呀 因為要做番星期六嘅嘢 做做下嘢 無啦啦要同 Partner 入阿 Head 房 勁驚呀 原來係 Partner 唔做 咁我要接手啦 不過都會請人 但唔知幾時有人番工呢 如果有排都無人嚟做 我有排都請唔到假去旅行囉 ~
做到 Lunch Time 都未完 所以我要出去抖抖 食完再行陣 今年諗唔到買咩比媽咪做新年禮物 因為佢好多嘢唔食得 咁我就買衫比佢啦 買呀買 又比我買到 6 件衫 真係 "三三不盡 六六無窮" 喇 哈哈 ~
繼續忙忙忙 真係忙咗成日 放工都未做完添呀 不過就唔趕嘅 可以留番聽日做呢 ~
放工去街市買餸 買完即番屋企預備喇 因為又要燉肉汁 又要開機洗衫好鬼多嘢做呀 ~
今晚 8 點先食呀 咁里奧大人打嚟話放工 不過我都係自己食先喇 等佢番嚟就一齊飲湯呢 ~
是日晚餐 - 蒜蓉豆豉蒸排骨 + 瑤柱燜節瓜 + 芫茜皮蛋魚片湯
蒜蓉豆豉蒸排骨 - 諗住買 $15 飛排 但切咗 $18 咁都要嘅 因為我諗住買 $20 嘅 哈哈 ~
瑤柱燜節瓜 - $12/ 斤節瓜 買咗 3 個節瓜 要 $21 呀 貴過食肉 不過想清咗樽瑤柱先買嚟食咋 ~
芫茜皮蛋魚片湯 - $5/2 扎芫茜 咁買 $5 啦 之後佢塞多扎比我呀 所以覺得勁抵呀 咁我買 $15 大魚肉 佢又切咗 $18 咁我都要喇 因為我又係想買 $20 哈哈 ~
搞掂哂就沖涼 今晚 10 點先燉好肉汁 又要灘凍先入盒 想早啲瞓都唔得添 ~
以為 11 點瞓 點知原來已經係 11 點半 喺屋企啲時間真係過得勁快呢 ~
( 26-JAN-2014 SUN )
今朝 10 點起身喇 食埋早餐就番教會 lu ~
祟拜完畢之後就番屋企 本來今日會同里奧大人一齊番教會聽嘢 不過想執下屋呀 所以唔去聽喇 ~
同埋里奧大人食 Lunch 就番屋企再執嘢 抹櫃同掉嘢 勁爽呀 ~
里奧大人 4 點番到嚟 咁就飲湯啦 我都要抖陣呢 ~
本來想去九龍城食嘢 不過執執下都已經 6 點 又未餓 所以最後都唔出 lu ~
勁想食蒜泥白肉 咁就去譚仔喇 食完又行陣商場先番屋企呢 ~
沖埋涼就食雪米糍同生果 食完勁凍呀 但今日晏晝執嘢執到出汗喎 ~
11 點半瞓喇 聽日星期一要懶下床嘛 哈哈 ~
我嘅韭菜餃子餐
里奧大人嘅招牌鍋貼 - 里奧大人食剩 1 隻 我叫佢食埋去啦 佢話飽到上喉嚨 所以真係食唔落 不過最後都迫佢食埋囉 之後我話可以唔叫麵線餐家嘛
招牌水餃
台灣麵線
百香果珍珠綠茶 / 百香果椰果綠茶
( 25-JAN-2014 SAT )
今朝 7 點半起身喇 因為家姐儲緊印花 咁今日係雙陪印花嘛 所以今朝去幫菇場買嘢啦 不過真係今朝去買咋 原來星期一已經唔送貨喇 我仲諗住星期一去添 勁感恩呀 ~
買到差唔多 9 點 即刻去食早餐喇 ~
其實碎蛋吞拿魚飛碟真係好味 不過食完成陣油煙味 但今朝實在勁想食 所以照去啦 感恩今次又無油煙味喎 呵呵
菇場居然忙喎 不過我一定唔做住 因為大粒同後面同事又唔喺度 好難得家嘛 ~
我諗住今年行唔到年宵㗎喇 估唔到今日係第一日 所以想行呀 ~
放工番九龍灣 Join 埋里奧大人一齊坐 619 去銅鑼灣 今次又食南記 因為我好想食酸辣米線呀 哈哈 ~
辣豬腩肉春卷小鍋米線 (中辣)
食完就去維園行年宵喇 唔係太多人 可能第一日關係啦 不過硬係有幾個位係塞住哂囉 ~
藍天白雲 所以隻白鴿同埋我哋一齊行年宵呀 哈哈哈哈
好鬼曬 所以行咗個幾鐘 都無行濕貨就走喇 ~
好多 Line 公仔呀 不過我堅持唔買 勁呀
原來係刷緊牙 我遠睇以為係胡鬚呀
超勁得意 不過都忍手唔買 真係唔想再買公仔呢
我雖然唔買 但都想知道價錢 哈哈
之前喺 Yahoo Blog 好鍾意用呢隻貓做 Icon 覺得佢勁得意呢
草泥馬都好得意
靚呀
嘈到暈
人頭湧湧
又買咗 2 件 上年 $10/2 件咋
又係買金桔 不過今年媽咪唔食得 所買一樽算喇 呢樽真係食足一年
上年有得派 Redbull 所以我走嘅時候周圍望下 咁啱我停低咗 衰里奧大人問我係咪企喺度等 ?! 我索性話係 佢以為真呀 哈哈 ~
又攰 但唔想咁早番屋企 所以去 Hysan Plaza 行下 再食 Triple-O's 食完坐多陣就去誠品 lu ~
我好鍾意食呢片酸瓜架
BC 已經唔好食喇 唔 Juicy 嘅 同埋牛肉啲份量少咗好多囉
加到 $82 lu
6 點半坐 619 番屋企 有啲塞車 好在有位坐咋 ~
番到屋企抖到 8 點半先出去食嘢 之後行埋商場就番屋企喇 ~
沖完涼再食甜品 喺印尼舖買㗎 不過麻麻哋囉 已經好飽唔想食家嘛 點知又唔好食 嗚嗚 下次都係唔好咁為食喇 ~
今晚又係 12 點幾先瞓 真係好夜咁 哈哈 ~
燜鴨舌 - 我依家開始接受到食鴨舌喇 所以家姐見我第一樣餸就夾鴨舌 覺得好愕然呢
髮菜蠔豉冬菇燜排骨 - 家姐好笑 我夾咗一大撮髮菜嘛 佢問我係咪好鍾意食喎 我話一夾起就咁大撮 唔通 Fing 番落去咩
蒸龍躉仔 - 好耐無食新鮮魚喇 真係好食好多呢 哈哈
炒小棠菜 / 菜心
當參蓮子合桃豬橫脷湯
( 24-JAN-2014 FRI )
Happy Friday 喇 勁興奮 因為好快放新年假嘛 ~
里奧大人上大陸 所以今朝又係我自己行番工 行行下覺得啲感覺同平時唔同 原來平時同里奧大人一齊行嘅時候 腳步係快好多㗎 我又講埋嘢 真係上樓梯時都有啲喘 佢都唔知做咩咁心急 佢已經早 15 分鐘番公司家嘛 仲成日話我行得慢喎 放假又係急急腳行 咁我會話㗎 放假就放鬆啲啦 搞到我都趕埋 叫佢自己行先呀 ~
今朝食奄列餐 好耐無食 lu ~
菇場唔忙 Hea 等 Lunch Time ~
同 8 卦一齊出去食團年飯 不過我話唔可以食飯呢啲飽肚嘢 想食車仔麵 因為今晚番媽咪屋企食飯 唔想食咁飽 哈哈 ~
我食泰式魚餅 + 炸豬肉卷 + 黃金片頭 + 米粉 (沙爹汁)
8 卦食嘅唔知咩
放工即走喇 去完阿信屋買零食就番媽咪屋企 lu ~
好耐無番媽咪屋企食飯咁呀 又係飲碗巨湯先 不過太耐無咁飲 所以飲咗一半 食完飯先再飲 唔係真係食唔落飯囉 ~
家姐都係 7 點番到屋企 一入屋放低袋就即開飯喇 因為佢次次都話好肚餓 ~
好邪呀 我買咗薯條同蝦片 家姐咁啱又買咗泰國蝦片 係咁食食食 個肚想爆咁呀 ~
蝦餅好味呀 / 芝士薯條
好濃芝士味 正呀
家姐買嘅泰國蝦片 $12 咋 都好大包 所以我食到爆肚囉 因為辣辣哋真係好難停口 哈哈
今晚又拎湯同生果 我覺得好似擔泥咁呀 ~
家姐要去存錢 所以同我一齊去九龍灣 之後佢話想去翠園同華麗園拎糕 咁我都一齊拎埋啦 ~
去完 Market Place 華麗園拎年糕之後 咁家姐想買長靴 咁就陪佢行下啦 同佢去埋 Mirabell 睇 又感恩比佢買到 2 對鞋 因為里奧大人係會員 第 2 對已經有 9 折 但一定要里奧大人嚟囉 因為我無里奧大人啲咭 咁打比佢 佢已經喺沙田 咁我話 Hold 住對鞋先 一陣嚟比錢 點知原來如果買第 3 對就會係全部 85 折 咁就抵喇 同埋我哋不嬲都係着開 Florsheim 同 Hush Puppies 呢兩個牌字 真係好舒服嘅 所以等埋里奧大人睇埋皮鞋先一次過比錢呢 ~
咁要等埋里奧大人都起碼 20 分鐘 去完翠園拎糕就去麥當勞坐下喇 買咗杯飛雪新地 Share 食 因為我真係唔想行 哈哈 ~
終於等到里奧大人啦 叫佢嚟麥記幫手食杯飛雪新地 食完即去買鞋喇 ~
里奧大人終於再買多對皮鞋 家姐又幫姐夫買咗對黑鞋 4 對總共係 $,3268 抵玩啦 因為差唔多等如半價呀 ~
家姐勁啦 每隻手 2 大袋 里奧大人就每隻手拎一袋 里奧大人幾衰呀 話我無嘢拎呀 大佬 我個環保袋㗎 有 1 盒湯 + 4 個芒果 + 3 個大橙都好重㗎 真係呢 ~
番到屋企原來已經 11 點喇 拿拿聲沖涼喇 因為勁熱 ~
又唔係好眼瞓 所以差唔多 1 點先瞓呀 好少咁夜瞓 聽朝仲要番工添 ~
