住家飯 @ 媽咪屋企 ( 24-JAN-2014 )

燜鴨舌 - 我依家開始接受到食鴨舌喇   所以家姐見我第一樣餸就夾鴨舌   覺得好愕然呢

髮菜蠔豉冬菇燜排骨 - 家姐好笑   我夾咗一大撮髮菜嘛   佢問我係咪好鍾意食喎   我話一夾起就咁大撮   唔通 fing 番落去咩

蒸龍躉仔 - 好耐無食新鮮魚喇   真係好食好多呢   哈哈

炒小棠菜 / 菜心

當參蓮子合桃豬橫脷湯

( 24-JAN-2014  FRI )

Happy Friday 喇   勁興奮   因為好快放新年假嘛 ~

里奧大人上大陸   所以今朝又係我自己行番工   行行下覺得 d 感覺同平時唔同   原來平時同里奧大人一齊行嘅時候   腳步係快好多架   我又講埋嘢   真係上樓梯時都有 d 喘   佢啦   都唔知做咩咁心急   佢已經早 15 分鐘番公司家嘛   仲成日話我行得慢喎   放假又係急急腳行   咁我會話架   放假就放鬆 d 啦   搞到我都趕埋   叫佢自己行先呀 ~

今朝食奄列餐   好耐無食 lu ~

菇場唔忙   hea 等 lunch time ~

同 8 卦一齊出去食團年飯   不過我話唔可以食飯呢 d 飽肚嘢   想食車仔麵   因為今晚番媽咪屋企食飯   唔想食咁飽   哈哈 ~

我食泰式魚餅 + 炸豬肉卷 + 黃金片頭 + 米粉 ( 沙爹汁 )

8 卦食嘅唔知咩

放工即走喇   去完阿信屋買零食就番媽咪屋企 lu ~

好耐無番媽咪屋企食飯咁呀   又係飲碗巨湯先   不過太耐無咁飲   所以飲咗一半   食完飯先再飲   唔係真係食唔落飯囉 ~

家姐都係 7 點番到屋企   一入屋放低袋就即開飯喇   因為佢次次都話好肚餓 ~

好邪呀   我買咗薯條同蝦片   家姐咁啱又買咗泰國蝦片   係咁食食食   個肚想爆咁呀 ~

蝦餅好味呀 / 芝士薯條

好濃芝士味   正呀

家姐買嘅泰國蝦片   $12/ 包咋   都好大包   所以我食到爆肚囉   因為辣辣地真係好難停口   哈哈

今晚又拎湯同生果   我覺得好似擔泥咁呀 ~   

家姐要去存錢   所以同我一齊去九龍灣   之後佢話想去翠園同華麗園拎糕   咁我都一齊拎埋啦 ~

去完 Market Place 華麗園拎年糕之後   咁家姐想買長 Boots   咁就陪佢行下啦   同佢去埋 Mirabell 睇   又感恩比佢買到 2 對鞋   因為里奧大人係 member   第 2 對已經有 9 折   但一定要里奧大人黎囉   因為我無里奧大人 d 咭   咁打比佢   佢已經喺沙田   咁我話 hold 住對鞋先   一陣黎比錢   點知原來如果買第 3 對就會係全部 85 折   咁就抵喇   同埋我地不嬲都係着開 Florsheim 同 Hush Puppies 呢兩個牌字   真係好舒服嘅   所以等埋里奧大人睇埋皮鞋先一次過比錢呢 ~

咁要等埋里奧大人都起碼 20 分鐘   去完翠園拎糕就去麥當勞坐下喇   買咗杯飛雪新地 share 食   因為我真係唔想行   哈哈 ~

終於等到里奧大人啦    叫佢黎麥記幫手食杯飛雪新地    食完即去買鞋喇 ~

里奧大人終於再買多對皮鞋   家姐又幫姐夫買咗對黑鞋   4 對總共係 $3268   抵玩啦   因為差唔多等如半價呀 ~

家姐勁啦   每隻手 2 大袋   里奧大人就每隻手拎一袋   里奧大人幾衰呀   話我無嘢拎呀   大佬   我揹住個環保袋架   有 1 盒湯 + 4 個芒果 + 3 個大橙都好重架   真係丫 ~

番到屋企原來已經 11 點喇   拿拿聲沖涼喇   因為勁熱 ~

又唔係好眼瞓   所以差唔多 1 點先瞓呀   好小咁夜瞓   聽朝仲要番工添 ~