黑胡椒扎肉 ( 25-APR-2014 )

( 25-APR-2014  FRI )

又 4 月尾喇   時間真係過得超級勁快呢 ~

餓呀   所以早餐一定要食米粉餐   其實勁想食麵餐   但真係食唔哂   所以食米粉餐算喇 ~

大粒全部唔喺度實在勁 Free   不過我都有啲嘢做   咁都唔錯   好快可以到 Lunch Time 呢 ~

今朝喺聖安娜買咗個酥皮叉燒包做 Lunch   估唔到好味道噃   今朝買嘅時候仲係熱辣辣添呀   勁想即食呀   同埋我拎到番菇場   酥皮已經甩哂 lu ~

放工行咗陣一田超市先番屋企   因為里奧大人話好夜先放工   所以諗住買壽司番屋企   點知佢又話咳   唔食喎   咁算啦   番屋企煮麵食 ~     

番到屋企抖陣啦   之後里奧大人打嚟話 7 點有線師傅會到   好在佢打嚟咋   我完全唔記得今晚有線嚟收番解碼器呀   好在師傅真係準時到   咁佢走咗之後   我就煮嘢喇 ~   

又係自己食先   所以我食辛辣麵   勁想食好耐㗎喇   哈哈 ~    

是日懶餐 - 黑胡椒扎肉  

黑胡椒扎肉 - 懶呀   但話哂佢都可以叫做係餸嘛   可以比里奧大人餸麵 ~  

里奧大人 8 點半就放工   比我想像中早呀   感恩感恩   今晚又煮出前一丁比佢   不過講明之後一個星期都唔可以食出前一丁 ~

等佢食完   我洗埋碗   沖埋涼   再等埋佢沖涼就一齊睇 "心計" lu ~

今晚有啲攰   我按摩嘅時候都好似瞓着咗   之後按完就醒番   其實果下驚㗎   因為驚一陣瞓唔到嘛   不過 11 點半都開始真係眼瞓   仲 Feel 到一上床就會瞓到添囉   鬼咩   呢幾晚真係好難入睡   唔攰先奇   哈哈 ~   

黑椒牛展炒脆肉瓜 ( 24-APR-2014 )

之前買咗包魚肉燒賣   所以今晚想試下   又幾好味喎   都幾煙韌   最怕係食麵粉咁   同埋又唔腥   我蘸煲仔飯豉油同桂林辣椒油   勁好味呀      

( 24-APR-2014  THU )

又係瞓得唔係咁好添   天色又灰灰暗暗   真係勁唔想番工呢 ~

早餐食飛碟   食完出去就聞到自己成身油煙味 ~      

菇場忙下停下咁   依家好少機會可以全情投入做私人嘢 lu ~

Lunch Time 又係行陣先買嘢食番菇場   今次買三餸車仔麵餐   因為同事話抵同埋好味道呢   所以我又試下 ~

放工去超市買嘢   不過糟糟打電話嚟傾偈   一路行一路傾   傾到都唔記得想買咩添   又傾咗半個鐘   好在今晚煮啲餸係非常之簡單啫   哈哈 ~     

今晚好有 Mood 做煮飯同做家務   所以預備完晚餐之後就抹書房 ~  

差唔多 7 點就煮飯   又係我自己食先   咁都好   做完再抹櫃同執嘢 ~     
  
是日懶餐 - 黑椒牛展炒脆肉瓜  

黑椒牛展炒脆肉瓜 - 尋晚剩咗 2 條脆肉瓜   咁今晚炒埋佢啦   又好好彩比我記得自己買咗急凍牛展   咁就一次過炒埋去啦   今次又煮得好食喎   無 Overcook 牛展   因為啲牛展好薄   如果都可以煮到 Overcook 就真係好勁㗎喇   哈哈 ~

里奧大人番到屋企都 9 點半   我煮出前一丁比佢食啦   等佢快啲依   因為我想快啲洗埋碗   快啲沖涼休息囉 ~

呢排都係睇完 " 食平 DD " 先瞓   但次次都係越睇越餓咁   不過都唔會食嘢啦   因為睇完都瞓覺 咯 ~

蕃茄煎紅衫魚 + 瑤柱脆肉瓜 ( 23-APR-2014 )

( 23-APR-2014  WED )

今朝落毛毛雨   所以又涼咗咁噃 ~

食完早餐嘆報紙嘅時候   又見到渠王   不過我今朝好攰   無哂 Mood 想講嘢   所以無叫佢坐喺我隔離   佢坐喺我後面   但我就等埋佢一齊番菇場呢 ~

菇場忙呀   好在可以抖一抖再忙   忙完抖一抖咁囉 ~

好餓呀   所以 Lunch Time 一到就飛去買米線   之後即飛番菇場開餐喇   但其實我次次食完碗米線   之後隔半個鐘就會覺得好脹胃   要飲茶消滯呢 ~

又嚟 5 點先有急嘢做   不過做唔哂呀   好在聽朝比同事都 OK   唔係就要開 OT 㗎喇 ~

去街市買餸   因為今日好有煮飯 Mood 呀   頭先一路買餸一路同 PMS 傾咗 40 分鐘電話   所以番到屋企要即刻煮備晚餐呢 ~

是日晚餐 - 蕃茄煎紅衫魚 + 瑤柱脆肉瓜

蕃茄煎紅衫魚 - 之前睇肥媽嘅 "食平 DD" 整魚餐   所以睇果時已經超勁想食魚啦   尋晚同里奧大人講   睇完肥媽整蕃茄煎紅衫魚   一定要整嚟食   佢見到碟魚就即刻同我講   估唔到妳真係整   咁又她難怪佢唔信嘅   我好少會話想食就即整   不過今次煎得唔夠脆   下次要再努力   同埋呢 2 條細細嘅紅衫魚都要 $30/份   我覺得貴呀   同埋無咩肉食咁喎   所以下次我會買條大條啲   煎都易啲啦   今次買咗 3 個蕃茄同 $2 蔥   真係配料勁過主菜   如果我放哂啲蕃茄落碟   完全係唔見咗條魚添呀   哈哈 ~

瑤柱脆肉瓜 - 好耐無食脆肉瓜喇   所以見到即買   $5/3 條勁抵呀   今晚煮咗 1 條咋   因為我今晚其實唔太餓   因為食完碗米線滯到依家囉 ~

里奧大人 8 點番到屋企   咁煮個蝦子麵佢食啦   之後我洗埋碗就沖涼 lu ~

今晚又睇番 "心計"   好似好耐無睇咁 ~

11 點瞓喇   但其實又唔眼瞓 ~

富記車仔麵 @ 九龍灣 ( 22-APR-2014 )

( 22-APR-2014  TUE )

放咗 4 日假   呢朝真係唔想番工喎   同埋尋晚又瞓得唔好   所以我 8 點先起身 ~

里奧大人仲慘   感冒呀   佢話上次見菜仔佢哋   菜仔係咁包雲吞   話唔知鼻敏感定感冒喎   但里奧大人同佢飲完嘢之後   番到屋企都有啲唔舒服   不過我無理佢呀    我自己都好攰   嘻嘻 ~

我仲係有啲暈   個肚又有啲唔舒服   但就唔係每月一到嘅痛囉   所以我沖完涼抖陣   都係打的番工喇 ~

早餐食燒賣   可惜呢間唔好食   但就近菇場囉 ~

好在菇場唔忙咋   我根本都唔願郁呢 ~

Lunch Time 又唔餓   所以就咁食芝士餅 + 朱古力奶   之後我同事買咗車仔麵番嚟食   搞到我開始餓喇 ~

坐呀坐   咁都有啲嘢做   不過今日勁呀   我全日去咗 2 次廁所咋   真係唔想行呢 ~

超級勁餓呀   放工即走   我同里奧大人講話要食車仔麵   先到先等   不過我勁餓    所以一路食一路等呀 ~

頭先餓得滯   依家飽得滯   不過條腰就嚟斷咁   所以都番屋企休息算喇 ~

抖陣就沖涼喇   之後睇電視   里奧大人 9 點就瞓喇   我就 11 點先瞓   之前成日瞓   瞓得太多   所以依家到 11 點都仲未眼瞓   但條腰痛嘛   所以先瞓咋 ~  

大快活 @ 九龍灣 ( 18-APR-2014 ) + ( 19-APR-2014 ) + ( 20-APR-2014 ) + ( 21-APR-2014 )

( 18-APR-2014  FRI )

發達喇   瞓到 10 點自然醒   梳洗之後就落去食早餐喇 ~

個人好攰   又肚谷谷咁   可能作每月一到呀   所以 Hea 到 1 點先出街   想出街但又唔想出得遠   咁就出旺角啦   因為好多車到旺角   唔駛等   哈哈 ~

行咗始創中心   之後我有啲攰   所以去花園餐廳食 Lunch 喇 ~

羅宋湯 - 顏色好得呀   但其實無咩味囉

肉眼扒 (黑椒汁) 配薯菜 - 最驚食 "乸" 過嘅牛扒   所以唔會再嚟呢間食扒咯

肉眼扒 (黑椒汁) 配意粉

本來諗住行埋聯合同花園街   但我真係有啲唔舒服   所以都係坐小巴番屋企   咁里奧大人話想食龜苓膏   咁陪佢去食啦   我就食糖不甩   勁好味呀 ~

差唔多 8 點先食飯   我勁想食燒鴨呀   不過太興要等位   所以即去大快活   估唔到佢有好多位   可能啲人去哂旅行呀 ~

食完行陣商場就番屋企喇   沖完涼抖陣   11 點都瞓 lu ~       

( 19-APR-2014  SAT )

終於每月一到啦   今次嘔咗 2 次算係好㗎喇   不過個肚都有啲痛   但食咗必理痛嘅經痛丸又 OK 喎   同埋感覺上好似無以前咁痛   但我都係要瞓足一日呢   因為都係瞓下醒下嘛 ~  

里奧大人就做公司嘢   所以唔會驚佢悶   嘻嘻 ~

( 20-APR-2014  SUN )

今朝個肚都有少少痛   但就唔係劇痛   感恩感恩 ~

里奧大人陪我呀   所以無番教會   不過之後佢就幫我拎相機去 Canon 整   整完就約朋友 Tea   實在太好喇   有朋友陪佢   唔駛佢成日喺屋企咁悶 ~

佢差唔多 6 點先番到屋企   所以我叫佢買水餃比我食呀   難得我有胃口嘛   不過我食得一半   叫佢食埋佢 ~

8 點佢去買焗豬扒飯   咁我都有胃口食啲啲 ~

抖陣就沖熱水涼   係勁熱果隻   所以次次沖完涼出嚟都有啲暈   要坐喺梳化回氣先可以吹頭   里奧大人就會話我黐線   成日咁熱沖涼   暈咗就大件事喎 ~   

今晚勁呀   10 點入房瞓添喇 ~

( 21-APR-2014  MON )

瞓到 10 點   諗住一齊落去食早餐   不過個肚都有啲唔舒服   所以叫里奧大人去大快活買早餐番屋企食 ~

感恩有胃口食到一份早餐呀    食完無咁暈   之後就睇電視   抖陣再沖涼 ~

我晏晝都唔餓呀   所以里奧大人自己買麵包同蛋撻番屋企食   最緊要唔好叫我食就得喇 ~

夜晚終於餓喇   我叫里奧大人去叙苑買牛肉飯   不過里奧大人話去唐記買   因為好食啲   咁又係嘅   唐記嘅牛肉飯有埋菜   感覺健康啲   同埋事實又真係好食過叙苑嘅 ~

食完抖陣就沖涼喇   聽日要番工喇   所以我 10 點幾就自己瞓先 lu ~

招牌水餃 (外賣) ( 17-APR-2014 )

( 17-APR-2014  THU )

今朝手機上唔到網   仲以為死角位收得唔好添   點知原來我已經用哂 400mb   其實 3 月中已經 Remind 我差唔多用哂流動數據㗎喇   不過我無理之嘛   同埋自己又衰   呢排成日打機   喺屋企又唔開 Wifi 打機   所以話咁快用哂 400mb 啦   咁我即刻打比我朋友呀   話佢知我手機無得上網   嚟緊 10 日都比唔到葉比佢   因為我咁耐唔比葉佢嘛   我驚佢以為我死咗呀   哈哈 ~

早餐食熱狗餐   仍然係麻麻咃好食 ~ 

菇場忙啦   忙到 Lunch Time 呀 ~

又未餓   所以行到 1 點   再買酸辣米線番菇場食   買埋 PMS 嗰碗   佢同我都要中辣   但今次係好辣啦   我哋飲咗啖湯已經覺得辣   但平時一啲辣都唔覺   所以同佢食完之後   我哋兩個嘅咀唇紅卜卜   我今次仲食到流眼淚添呀 ~

原來我自己都係成日食雲吞酸辣米線

仍然繼續忙啦   因為連放 4 日假   所以真係要做哂去囉   做到 5 點 25 分就搞掂哂 ~

今晚去官塘成業街拎曲奇唧咀器   雖然以前喺官塘番工   都知道有條成業街   不過我最後都係搵唔到啦   所以我去到另一楝大廈問管理員   好在佢知邊度咋   所以聽佢指示之後   我好快可以去到呢   哈哈 ~      

拎完再去買麵粉   差唔多 7 點先走呀   勁鬼攰   條腰好似斷咗咁   所以都係坐巴士走人   真係唔想行呢 ~

去八方雲集買生餃子做晚餐   番到屋企抖陣就煮嚟食喇   因為我想 8 點前食呢 ~

食完就沖涼啦   沖完涼真係勁舒服呀   因為精神哂   哈哈 ~

里奧大人差唔多 9 點先放工   我講明話佢有 10 隻水餃   但佢係都要食出前一丁   咁我話一定要食哂啲餃子㗎   因為唔想留嘛   之後佢又話飽飽飽   一早話唔駛食麵都夠飽㗎啦 ~

聽日一連放 4 日假   所以今晚唔會咁早瞓啦   不過其實都係 12 點瞓啫   但對我嚟講算夜㗎喇   哈 ~

星悅鮮廚 @ 官塘 ( 16-APR-2014 )

薑蔥焗魚雲

虎皮椒炒牛肉

炸雞 (1 隻)

腐乳炒通菜

( 16-APR-2014  WED )

尋晚都瞓得唔錯   感恩感恩 ~

雖然唔餓   但想食米粉餐呢 ~

老闆又喺隔離房開會   好在真係有嘢做咋   咁樣唔駛咁悶嘛   同埋佢出出入入都見我係做緊嘢   而唔係上網   哈哈 ~

見咁好天氣   所以出去行下   食完又再行下先番菇場 ~

放工番媽咪屋企坐陣   飲埋碗湯就出去食飯喇 ~

今晚家姐同姐夫都嚟食飯   不過姐夫唔知係咪飲多杯就發牢騷   我覺得好煩呀   食餐飯係咁講係咁怨   我覺得做人係做咗就唔好怨   怨就唔好做   無人迫你嘅   好在佢同媽咪講咋   我同家姐都無理佢呀   我哋自己傾偈   呵呵 ~

佢又係煩   無啦啦講佢工人   明知媽咪一向都唔太鍾意佢工人   講佢做咩呢   咁事實佢工人又真係懶   同埋認叻   咁我都係嗰句啦   妳要佢做嘅嘢   佢做哂咪得囉   唔係一日 24 小時都要做緊嘢家嘛 ~

食完上媽咪屋企坐陣   之後就各自歸家喇 ~

里奧大人差唔多 8 點幾先喺大陸放工   所以佢食埋嘢先番屋企   咁我都沖涼先喇   之後就睇電視等佢番嚟   好在佢 10 點幾已經番到屋企   咁陪佢傾下偈   之後我就瞓喇 ~

糟糟喺日本買比我嘅手信