黑胡椒扎肉 ( 25-APR-2014 )

( 25-APR-2014  FRI )

又 4 月尾喇   時間真係過得超級勁快呢 ~

餓呀   所以早餐一定要食米粉餐   其實勁想食麵餐   但真係食唔哂   所以食米粉餐算喇 ~

大粒全部唔喺度實在勁 free   不過我都有 d 嘢做   咁都唔錯   好快可以到 lunch time 呢 ~

今朝喺聖安娜買咗個酥皮叉燒包做 lunch   估唔到好味道噃   今朝買嘅時候仲係熱辣辣添呀   勁想即食呀   同埋我拎到番菇場   酥皮已經甩哂 lu ~

放工行咗陣一田超市先番屋企   因為里奧大人話好夜先放工   所以諗住買壽司番屋企   點知佢又話咳   唔食喎   咁算啦   番屋企煮麵食 ~     

番到屋企抖陣啦   之後里奧大人打黎話 7 點有線師傅會到   嘩   好在佢打黎咋   我完全唔記得今晚有線黎收番解碼器呀   好在師傅真係準時到   咁佢走咗之後   我就煮嘢喇 ~   

又係自己食先   所以我食辛辣麵   勁想食好耐架喇   哈 ~    

是日懶餐 - 黑胡椒扎肉  

黑胡椒扎肉 - 懶呀   但話哂佢都可以叫做係餸嘛   可以比里奧大人餸麵 ~  

里奧大人 8 點半就放工   比我想像中早呀   感恩感恩   今晚又煮出前一丁比佢   不過講明之後一個星期都唔可以食出前一丁 ~

等佢食完   我洗埋碗   沖埋涼   再等埋佢沖涼就一齊睇心計 lu ~

今晚有 d 攰   我按摩嘅時候都好似瞓着咗   之後按完就醒番   其實果下驚架   因為驚一陣瞓唔到嘛   不過 11 點半都開始真係眼瞓   仲 feel 到一上床就會瞓到添囉   鬼咩   呢幾晚真係好難入睡   唔攰先奇   哈 ~