招牌水餃 ( 外賣 ) ( 17-APR-2014 )

( 17-APR-2014  THU )

今朝手機上唔到網   仲以為死角位收得唔好添   點知原來我已經用哂 400mb   其實 3 月中已經 remind 我差唔多用哂流動數據架喇   不過我無理之嘛   同埋自己又衰   呢排成日打機   喺屋企又唔開 wifi 打機   所以話咁快用哂 400mb 啦   咁我即刻打比我 frd 呀   話佢知我手機無得上網   黎緊 10 日都比唔到葉比佢   因為我咁耐唔比葉佢嘛   我驚佢以為我死咗呀   哈 ~

早餐食熱狗餐   仍然係麻麻地好食 ~ 

菇場忙啦   忙到 lunch time 呀 ~

又未餓   所以行到 1 點   再買酸辣米線番菇場食   買埋 PMS 果碗   佢同我都要中辣   但今次係好辣啦   我地飲咗啖湯已經覺得辣   但平時一 d 辣都唔覺架   所以同佢食完之後   我地兩個嘅咀唇紅卜卜   我今次仲食到流眼淚添呀   勁 ~

原來我自己都係成日食雲吞酸辣米線 @@

仍然繼續忙啦   因為連放 4 日假   所以真係要做哂去囉   做到 5 點 25 分就搞掂哂 ~

今晚去官塘成業街拎曲奇唧咀器   雖然以前喺官塘番工   都知道有條成業街   不過我最後都係搵唔到啦   所以我去到另一楝大廈問管理員   好在佢知邊度咋   所以聽佢指示之後   我好快可以去到呢   哈 ~      

拎完再去買麵粉   差唔多 7 點先走呀   勁鬼攰   條腰好似斷咗咁   所以都係坐巴士走人   真係唔想行呢 ~

去八方雲集買生餃子做晚餐   番到屋企抖陣就煮黎食喇   因為我想 8 點前食呢 ~

食完就沖涼啦   沖完涼真係勁舒服呀   因為精神哂   哈 ~

里奧大人差唔多 9 點先放工   我講明話佢有 10 隻水餃   但佢係都要食出前一丁   咁我話一定要食哂 d 餃子架   因為唔想留嘛   之後佢又話飽飽飽   一早話唔駛食麵都夠飽架啦 ~

聽日一連放 4 日假   所以今晚唔會咁早瞓啦   不過其實都係 12 點瞓啫   但對我黎講算夜架喇   哈 ~