嘉華大酒樓 @ 官塘 ( 18-JUL-2014 )

西檸煎軟雞

薑蔥銀絲羔蟹仔

蝦醬通菜炒牛肉

( 18-JUL-2014  FRI )

雖然打唔成風   不過最緊要唔好大風大雨啦   好在出門口都無風雨咋 ~

早餐食到一半   8 卦打嚟話一齊食   叫我幫佢叫定先   里奧大人又係好鍾意話幫佢叫定先   但其實啲早餐都好快到之嘛   做咩咁急喎 ~

大粒唔喺度   可以打機   勁開心呀 ~

Lunch Time 同 8 卦出去食   之後再幫 PMS 買飯就番菇場喇 ~

放工即走啦   約咗媽咪同家姐去嘉華食飯 ~

食完行陣就番媽咪屋企   差唔多 8 點半就走 lu ~

沖埋涼就休息喇   里奧大人差唔多 9 點幾先番到屋企   因為佢幫姐夫睇電腦   所以佢出咗去深水埗睇囉   佢姐夫又係嘅   前晚打嚟話想要部電腦   大佬   下星期水姑都去澳洲啦   依家先嚟講   買部腦又要 Set-up   真係以為好簡單咁   所以里奧大人都話唔會趕得切比佢   唔係話要就要咁簡單囉 ~

聽日要番工   我 11 點半都自己瞓先喇 ~  

黑椒牛丸撈麵 ( 17-JUL-2014 )

( 17-JUL-2014  THU )

里奧大人今日上大陸   我又可以瞓到 8 點先起身 ~ 

雖然 1 號風球   不過風平浪靜   仲好熱添 ~

諗住食腿蛋治   點知餐廳無位   即轉場 lu ~

菇場唔忙   可以 Hea 過 ~

今日 PMS 幫我買酸辣米線   所以喺菇場等食   又唔錯喎    呵呵 ~

5 點 15 分睇到出面大風大雨   好在之後停咗   所以放工即走喇 ~

喺商場行陣就番屋企   抖陣就熨 2 機衫   之後食嘢 lu ~

沖埋涼就即刻打機   因為又 Cherry x 2 ~   

里奧大人差唔多 9 點幾就番到屋企   佢沖完涼之後就上網搵嘢   我就仍然打機   不過 11 點半都瞓 lu   打機好鬼傷神呢 ~      

青椒炒豬肉 + 蒜蓉粉絲蒸節瓜 + 什果沙律 ( 16-JUL-2014 )

( 16-JUL-2014  WED )

吽緊風真係好鬼焗熱呀   快啲落場雨啦 ~

今朝繼續食菠蘿油   不過我只係食 1/3 塊牛油   太多真係好漏   唔好搞我 ~

菇場無大粒   Free 爆 ~

今日我有 Lunch Box 呀   啲同事望到覺得好驚訝   哈哈 ~   

諗住 Hea 過   無啦啦突然忙呀   好在個幾鐘搞掂 ~    

放工即走   番到屋企換對波鞋就去徑步喇   今晚我覺得自己好勁   本身諗住徑 3 個圈   不過徑下徑下又一圈   又唔覺攰喎   終於徑咗 6 個圈   其實唔係咁焗熱   可以再多 2 個圈添呀 ~

番到屋企又即沖涼啦   里奧大人又係 7 點 15 分放工   咁我都預備煮嘢 lu ~ 

是日晚餐 - 青椒炒豬肉 + 蒜蓉粉絲蒸節瓜 + 什果沙律 

青椒炒豬肉 - 買咗 $20 半肥瘦梅頭   用韓國醃肉醬醃咗一晚   再用甜麵醬做醬汁   啲青椒又辣辣哋   甜甜辣辣又幾好味喎 ~       

蒜蓉粉絲蒸節瓜 - 加咗 4 條蟹柳整色整水   賣相無咁單調嘛   哈哈 ~  

什果沙律 - 之前買咗好多蘋果話整沙律   但的唔起心肝   所以蘋果都壞埋   咁今次真係要整喇   咁又買咗什果同大樹菠蘿同椰果   想清咁啲囉   同埋原來我買咗 2 罐什果   梗係以為無買就再買啦   搵日真係要的起心肝   整張 List 出嚟   唔駛我拎得辛苦又食得辛苦   哈哈 ~   

搞掂哂就沖涼   里奧大人抖陣就出去徑步   番嚟嘅時候見佢滴緊汗   勁呀 ~

依家瞓覺時間正常番喇   可以 11 點準時瞓覺 ~ 

辣肉腸炒銀針粉 + 腐乳通菜 ( 15-JUL-2014 )

( 15-JUL-2014  TUE )

尋晚 10 點瞓   今朝精神好多啦   感覺係同尋日係兩個世界   哈哈 ~

早餐食菠蘿油   又 OK 喎   因為個包都幾軟熟呢 ~

菇場唔忙   不過就同 8 卦傾佢屋企啲大穫嘢   傾到 Lunch Time 要停一停   因為我要出去食嘢 ~

食完行陣就幫 PMS 買飯   之後即番菇場啦   驚落雨呀 ~

仍然同 8 卦傾佢啲大穫嘢   傾完之後話要傾番啲開心嘢   就係食喇   哈哈   一齊上團購網睇嘢食   其實真係超勁無聊   不過我又鍾意睇嘢食   所以實陪佢   呵呵 ~

放工去街市買餸   依家多數買定 3 晚餸   拎得辛苦   但好過晚晚去街市咁辛苦   因為好鬼熱呀 ~

番到屋企已經 6 點 20 分   即刻洗菜浸菜   6 點半就去徑步   其實當時已經成身汗   真係唔想徑   但徑完 2 個圈之後   成日鬆哂好舒服咁   所以再徑多 2 個圈先番屋企 ~

本來諗住煮埋飯先沖   因為已經預備好嘛   不過最後都係沖涼先   成身爽哂嘅話   真係煮嘢都有衝勁咁呢 ~

7 點 15 分開始煮嘢   里奧大人啱啱放工   咁又可以一齊食喇 ~

是日晚餐 - 辣肉腸炒銀針粉 + 腐乳通菜

辣肉腸炒銀針粉 - 第 1 次炒銀針粉   其實想買叉燒   不過都係想清埋啲辣肉腸囉   加咗 2 大匙海皇醬一齊炒   估唔到又好味喎   但下次會用其他辣嘅醬料   辣辣哋更惹味呢 ~

腐乳通菜 - $5 扎好抵呀   所以買嚟食   同埋我今晚勁想食腐乳呀 ~

搞掂哂就整沙律   整完就沖涼喇   都差唔多 9 點幾   里奧大人去徑步   我就靈修 ~

今晚 11 點瞓喇   無啦啦好鬼眼瞓 ~

叙苑粉麵茶餐廳 @ 九龍灣 ( 14-JUL-2014 )

( 14-JUL-2014  MON )

勁喇   零晨 3 點準時起身睇德國 vs 阿根廷   不過起身嘅時候   隻右眼超級痛   不斷流眼水   不過我好想支持德國隊囉   所以照睇   咁里奧大人仲好添   幫我開埋燈同冷氣   之後佢去埋廁所就入房瞓 lu ~

人生第一次咁半夜三更起身睇波   上半場都 OK   下半場有啲悶   所以 Whatsapp 同 8 卦傾偈   佢話估唔到我真係睇   哈哈   因為我之前都話想睇   只不過驚捱唔到啫 ~

捱眼瞓睇波有回報啦   我支持嘅德國隊終於贏 1:0   歐洲國家第 1 次喺南美洲國家贏㗎   可喜可賀   不過其實我都好鍾意美斯   但佢表現真係麻麻   唔多郁   不過佢都好慘   成隊靠佢 1 個 ~

5 點 45 分即瞓喇   瞓到 8 點先起身番工 ~

之後打比里奧大人   佢話我尋晚好大聲嗌咗一聲   之後我入房瞓   都知係德國贏㗎喇   呵呵   仲諗住話比佢知賽果添   不過佢話我傷口上灑鹽 ~

食埋早餐先番工   好在只係遲咗 6 分鐘啫 ~

今朝要做 Report   真係打醒十二分精神嚟做   對住啲數字   真係 0 以為 9   8 以為 6 就死得   哈哈 ~

超級勁眼瞓呀   隻右眼仲係好痛 ~

係咁同 8 卦傾偈呀   唔係會瞓着 ~

本來諗住 Lunch Time 叫外賣   食完就瞓   不過 PMS 心情唔好   咁同佢出去食嘢啦   聽佢呻下   但我話要食酸辣米線   哈哈 ~  

食完陪佢去買嘢   之後即番菇場喇 ~

諗住今晚都唔煮㗎喇   咁啱里奧大人 3 點要去葵興見客   佢話應該 6 點會番到屋企   所以話出去食喎 ~

好辛苦先捱到放工   去埋一田買雪糕就番屋企喇 ~

原來里奧大人已經番到屋企   咁等佢講埋 Conference Call 就出去食嘢 lu ~

唔夠瞓一定要食濕嘢   所以去叙苑食粉麵喇 ~

食完即番屋企沖涼   真係超勁攰   如果唔係同朋友 Line   我 9 點半瞓喇   不過我之後都話唔 Line 喇   要瞓覺   9 點 55 分即入房瞓   勁呀 ~ 

壽司 (外賣) + 香草煙三文魚 ( 13-JUL-2014 )

( 13-JUL-2014 SUN )

今朝 10 點起身   食完早餐   抖陣就番教會 lu ~

崇拜完畢就同里奧大人去超市   不過無帶環保袋   咁啱我有嘢要搞   所以分頭行事   叫佢番屋企拎環保袋   之後再 Join 埋一齊去超市呢 ~

買完都 2 點   里奧大人話不如食埋 Tea 喎   咁之後可以直接去 Piago   唔駛滕嚟滕去   咁又係   因為真係好鬼熱囉 ~

Piago 壽司唔靚   咁去番 Market Place 買啦   再去完馬莎睇嘢就番屋企喇 ~

番到屋企即沖涼呀   成個身爽哂真係好舒服   個人都精神啲   所以里奧大人本來唔沖涼住   都比我講到要沖呢   哈哈 ~

之後佢做公司嘢   我就睇番之前錄咗嘅世界盃啦   里奧大人話我呢啲先係超級球迷   睇咁多次都唔厭   每次睇都好似第一次睇咁緊張   哈哈 ~

今晚 6 點半開餐喇   食壽司同埋之前喺 Ikea 買嘅香草煙三文魚   好在之前見到咋   唔係又擺到過期㗎喇 ~

9 點一齊去徑步   今晚我徑咗 6 個圈   之後番屋企先喇   里奧大人自己再繼續徑步 ~

沖完涼   里奧大人就啱啱番到屋企   之後佢沖完涼就繼續做公司嘢 lu ~

我要睇德國 vs 阿根廷   校定鬧鐘 3 點起身   所以 11 點幾就自己瞓先喇 ~  

大快活 @ 九龍灣 ( 12-JUL-2014 )

( 12-JUL-2014  SAT )

今朝同 8 卦食早餐   所以 7 點 45 分要起身 lu ~

菇場無哂大粒喺度實在太開心喇   所以同 8 卦全天侯睇團購   我哋團購咗點心   希望好食啦   哈哈 ~

里奧大人接我放工呀   咁放工就即走喇 ~

我帶佢了解我平時嘅生活   話佢知我係邊度邊度食嘢   不過佢求其應我就算   因為佢話好熱   要快啲行去食嘢   哈哈 ~

其實因為之前睇咗飲食男女介紹小籠包   見到原來就係我不嬲想試嗰間食店   咁就叫里奧大人一齊過嚟食喇 ~

招牌小籠包 - 皮薄   餡都 OK   都係豬肉一大堆   哈哈

再影啲湯就瀉哂出嚟㗎喇

再叫多一籠   今次黐住哂 

回鍋肉炒拉麵   又話麵條煙韌   真係一啲都唔覺囉   同埋好甜   所以食完好漏咁

食完就帶佢行一個圈 Mikiki   話佢知 Mikiki 無咩無嘢好行   之後坐巴士番屋企喇   實在太熱   邊度都唔想再去 ~

番到屋企即沖涼呀   唔知係咪出得太多汗   所以好鬼攰   里奧大人就入房瞓   我就喺廳度一路睇電視一路瞓   差唔多瞓咗 1 個鐘呀 ~

起身都 6 點   本身諗住去九龍城食泰菜   不過太遲喇   所以唔去 lu   抖到 7 點就去大快活   因為唔想行咁遠 ~

好鬼飽   所以食完去商場行陣   9 點就一齊出去徑步   無啦啦閃電   之後 Feel 到落雨喇   所以都即走喇   好在我都徑咗 3 個圈   呵呵 ~

沖完涼就休息 lu   一齊睇電視   差唔多 11 點幾就自己去瞓先 lu ~