叙苑粉麵茶餐廳 @ 九龍灣 ( 14-JUL-2014 )

( 14-JUL-2014  MON )

勁喇   零晨 3 點準時起身睇德國 vs 阿根廷   不過起身嘅時候   隻右眼超級痛   不斷流眼水   不過我好想支持德國隊囉   所以照睇   咁里奧大人仲好添   幫我開埋燈同冷氣   之後佢去埋廁所就入房瞓 lu ~

人生第一次咁半夜三更起身睇波   上半場都 ok   下半場有 d 悶   所以 whatsapp 同 8 卦傾計   佢話估唔到我真係睇   哈哈   因為我之前都話想睇   只不過驚捱唔到啫 ~

捱眼瞓睇波有回報啦   我支持嘅德國隊終於贏 1 : 0   歐洲國家第 1 次喺南美洲國家贏架   可喜可賀   不過其實我都好鍾意美斯   但佢表現真係麻麻   唔多郁   不過佢都好慘   成隊靠佢 1 個   唉 ~

5 點 45 分即瞓喇   瞓到 8 點先起身番工 ~

之後打比里奧大人   佢話我尋晚好大聲嗌咗一聲   之後我入房瞓   都知係德國贏架喇   呵呵   仲諗住話比佢知賽果添   不過佢話我傷口上灑鹽   呵 ~

食埋早餐先番工   好在只係遲咗 6 分鐘啫 ~

今朝要做 report   真係打醒十二分精神黎做   對住 d 數字   真係 0 以為 9   8 以為 6 就死得   哈哈 ~

超級勁眼瞓呀   隻右眼仲係好痛    慘 ~

係咁同 8 卦傾計呀   唔係會瞓着 ~

本來諗住 lunch 叫外賣   食完就瞓   不過 PMS 心情唔好   咁同佢出去食嘢啦   聽佢呻下   但我話要食酸辣米線   哈哈 ~  

食完陪佢去買嘢   之後即番菇場喇 ~

諗住今晚都唔煮架喇   咁啱里奧大人 3 點要去葵興見客   佢話應該 6 點會番到屋企   所以話出去食喎 ~   

好辛苦先捱到放工   去埋一田買雪糕就番屋企喇 ~

原來里奧大人已經番到屋企   咁等佢講埋 conference call 就出去食嘢 lu ~

唔夠瞓一定要食濕嘢   所以去叙苑食粉麵喇 ~

食完即番屋企沖涼   真係超勁攰   如果唔係同 frd Line   我 9 點半瞓喇   不過我之後都話唔 Line 喇   要瞓覺   9 點 55 分即入房瞓   勁呀 ~