家傳滬曉 @ APM ( 21-AUG-2014 )

家鄉燻魚

上海小籠包 

上海炒年糕

樟茶鴨 (半隻)

炒鴨鬆崧子仁跟叉子燒餅

( 21-AUG-2014  THU )

里奧大人上大陸   所以又可以瞓到 8 點先起身   爽呀 ~

早餐食奶醬多   好甜好漏 ~

菇場忙呀   好在 11 點幾搞掂   抖多陣就 Lunch Time 喇 ~

今日有 Lunch Box   食完其實想出街   不過好鬼熱   都係唔出喇 ~

放工即走喇   約咗媽咪喺 APM 等   Book 咗 6 點半   但 6 點 15 分就入去坐 lu ~

坐冷氣地方望住藍天白雲就最舒服呢

家姐差唔多 6 點 45 分先到   所以要快啲睇食咩喇   因為 8 點要還枱   依家連家傳滬曉都咁衰   只限個半鐘   其實食中菜呢啲   真係起碼要 2 個鐘   最驚一次過上菜   啲嘢好快凍   同埋係要好快食哂   因為張枱唔夠擺   妳知啦   杯碟碗茶壺都佔唔少位置家嘛   所以呢間都未必再嚟食 lu ~

8 點走人   送埋媽咪搭的士   之後同家姐一齊行 APM   行到 9 點就走喇   拎住啲湯同生果好鬼重 ~

搭地鐵番屋企   番到屋企即開機洗衫   之後沖涼就休息喇 ~

里奧大人今晚同姑奶佢哋喺深圳食飯   估唔到 10 點就番到屋企   諗住佢 11 點先番到嚟嘛 ~

好攰咁   11 點都瞓喇 ~

咖哩魚蛋 + 火腿粒炒飯 ( 20-AUG-2014 )

( 20-AUG-2014  WED )

落雨呀  真係無咩 Mood ~

早餐食芝腿治烘底   好好味   不過超勁飽 ~

  
菇場忙呀   因為我認真執嘢   不過 10 點幾就搞掂 lu ~

好在有 Lunch Box 咋   落雨都唔駛驚   呵呵 ~

5 點先忙   不過唔理 lu   聽朝先做  ~

放工番屋企 lu   抖陣寫 Blog   里奧大人 7 點打嚟話放工   不過今晚只係炒飯   所以可以再抖陣先煮呢 ~  

是日晚餐 - 咖哩魚蛋 + 火腿粒炒飯 

咖哩魚蛋 - 就咁用乾蔥同蒜蓉   再加利川咖哩醬咋   勁簡單   但又好味喎   開心開心 ~ 

火腿粒炒飯 - 切菜粒切火腿粒   再炒埋飯   隻手真係超級痛   今次勁豬啦   手痛先嚟炒飯 ~

搞掂哂就沖涼   食埋生果就睇電視   11 點幾瞓 ~

酸梅麵豉蒸排骨 + 炒菜脯豆角 ( 19-AUG-2014 )

( 19-AUG-2014  TUE )

朝早都係好熱呀   但今日會落雨   所以點都要拎把遮 ~

無咩胃口   所以早餐食奶油脆豬 ~

菇場唔忙   其實好多嘢都 Hold 住咗   因為啲嘢喺我部電腦度嘛   問 Admin 幾時有   佢話比咗錢   依家等送貨   我話我依家用緊嗰部都就嚟死啦   間唔中閃一下   佢話再跟一跟 ~

諗住同 8 卦出去食   但啲套餐又唔啱   所以我話買酸辣米線番菇場食   之後差唔多 12 點   衰 8 卦無啦啦叫我 "鄧" 下個電話   因為佢 "鄧" 完個電話之後   見到好多一粒粒黑色嘢   同埋一隻死咗嘅 "甲由"   我哋依家唔會叫小強   哈哈   我呀 "鄧" 完電話之後   真係超勁多一粒粒黑色嘢   頂   我仲 Dun 咗隻生勾勾嘅甲由出嚟呀   8 卦以為我講笑添呀   嚇到我即刻話同佢出去食   佢覺得我好玩嘢   哈哈 ~

食完行陣就番菇場喇   超勁熱 ~

3 點幾落勁大雨呀   之後停咗   放工又落雨   啲雨好大粒但就唔密囉 ~

去百佳入貨   依家真係停一停諗幾諗先買架   唔想嘥嘢 ~

煲好菊花茶再預備晚餐   整埋聽晚嘅咖哩魚蛋就沖涼喇   里奧大人 7  點半里奧放工   咁等埋一齊食啦 ~

是日晚餐 - 酸梅麵豉蒸排骨 + 炒菜脯豆角 

酸梅麵豉蒸排骨 - 我見到 8 卦碟排骨好深色   所以我加咗少少老柚   雖然無佢咁深色   但今次好好味呀   勁開心 ~

炒菜脯豆角 - 因為切粒粒真係用好多時間   所以我用較剪剪   其實隻手仲攰   哈哈   今晚好重口味   我加咗四川擔擔麵醬一齊炒   惹味好多㗎 ~

食埋生果就休息   10 點 55 分就瞓喇   勁呢 ~  

水餃麵 + 芥蘭 ( 18-AUG-2014 )

( 18-AUG-2014  MON )

感恩一覺瞓天光   之前實在瞓得唔好   所以真係好感恩 ~

今朝里奧大人上大陸   我仲可以瞓到 8 點添 ~

早餐食腿蛋治   好味道 ~

番到菇場又要第一時間做 Report   真係眼都未開就要睇啲細細粒數字   頭都暈呀 ~  

Lunch 食 Flakes + 朱古力奶   好似食咗一世咁   但唔食唔得   唔想嘥嘢 ~  

去街市買送   番到屋企真係成臉成身都係汗   真係忍唔住 Whatsapp 比家姐同里奧大人睇   佢哋以為我徑步完呀 ~

浸埋菜就出去徑步   5 個圈夠喇   頭先出咗一身汗其實有 d 攰 ~

好喇   沖埋涼就抖陣   里奧大人 7 點 15 分打嚟話喺上水   實在難以置信   平時佢 7 點 15 分都未走呢   所以我都等埋佢先一齊食   但就食咗 2 條粟米先   勁餓呀   哈哈 ~   

是日懶餐 - 水餃麵 + 芥蘭

水餃麵 - 剩番 7 隻水餃   里奧大人食 5 隻 + 2 個泰國媽媽麵   咁我就食 2 隻 + 印尼撈麵   因為唔想食到出汗 ~  

芥蘭 - 淥咗幾條比里奧大人咋   剩番就留嚟聽晚炒飯 ~  

食埋最後 1 個 Cake   真係有解脫感覺   哈哈 ~

11 點半瞓   算遲喇 ~

招牌水餃 (外賣) ( 17-AUG-2014 )

( 17-AUG-2014  SUN )

今朝里奧大人 9 點 15 分起咗身   咁我當然唔知啦   之後佢 9 點幾再入嚟睇我醒未   因為諗住番教會嘛   不過佢見我瞓到咁林就唔叫我啦   之後佢再開門入嚟裝我   嗰下我都醒咗   不過無郁啫   佢話見我瞓嘅姿勢同頭先一樣   又無鼻寒聲   驚我死咗呀   即刻擺隻手指喺我個鼻度   Feel 下我有無呼吸   見我有呼吸先無咁驚咋   咁佢出咗去   我就再抖多陣   咁望下鬧鐘   原來已經 11 點 10 分   嚇死呀   諗住番教會家嘛   依家番唔到喇 ~

咁即刷牙洗臉喇   要同里奧大人落去食早餐呢 ~

食完番屋企 Hea 過   唔想郁呀   家姐 1 點幾嚟食 Cake  差唔多 2 點就落去食 Tea ~

我其實唔餓   但里奧大人話餓   好在我可以同家姐 Share 食   我食細細碗就得㗎喇 ~

家姐要用哂啲 Cash Dollar   所以我同里奧大人就陪佢買波鞋啦   感恩仲有 9 折   同埋佢終於用哂啲 Cash Dollar   唔駛成日問我邊到有得用   呵呵 ~

之後一齊番屋企喇   因為要佢幫手食 Cake   佢 4 點半走喇   我同佢一齊落樓   送埋佢搭車就去八方雲集買生鮮水餃番屋企呢 ~

7 點食水餃再食 Cake    8 點半就同里奧大人一齊去徑步 ~

今晚有啲焗   我只能夠徑 5 個圈   唔想暈呀   哈哈 ~

沖埋涼   等埋里奧大人番嚟再沖涼就食生果    今日把口好似無停過咁 ~

11 點瞓喇   真係勁早啦 ~

百樂門國際宴會廳 @ 九龍灣 ( 16-AUG-2014 )

金巢宮保蝦仁 - 個金巢   好似食緊生米咁囉 

馬拉盞通菜牛肉煲

脆皮咕嚕肉 - 好味喎   真係脆皮呢

( 16-AUG-2014  SAT )

今朝同 8 卦食早餐   本來去食開果間   不過坐入面好焗   所以我等埋 8 卦先叫早餐   睇下出面會唔會有人走   咁我就可以坐出面嘛   點知 8 卦打嚟問我喺邊   原來佢話唔見我坐出面   以為我未到   咁佢知我唔鍾意坐入面   所以佢話轉場食 ~

番到菇場諗住做埋尋日嘅手尾就可以停   點知無停過手   仍都係放工都未做完   仍都係唔會理佢   星期一再做過 ~

本身約咗里奧大人喺鑽石山地鐵站等   不過佢話好熱   喺官塘等喎 ~

想買風扇仔   不過睇完又唔想買   食埋嘢就走喇 ~

去 Starbucks 飲凍焦糖咖啡   無厘味道   仲要 $42   好在我有 $25 Coupon   咁補 $17 就搞掂 ~

飲完就去 Paul Lafayet 拎 Cake   之後即搭地鐵番屋企喇 ~

今日有酷熱天氣警告   所以預咗爆熱   番到屋企即沖涼   唔係會黐線 ~

7 點半出門口   同水姑食飯   差唔多 10  點先走   雖然夜晚   但都係勁熱 ~

番到屋企即沖涼   抖陣就瞓喇   一出咗汗   個人就特別攰呢 ~         

嘉華大酒樓 @ 官塘 ( 15-AUG-2014 )

咖哩牛腩煲

金銀蛋莧菜

蒸魚

燒腩仔 / 燒鴨

是日例湯

細細嘅瓦撐湯煲   如果比我用嚟煲湯就無咩可能   放咗材料都已經無位加水 lu   

( 15-AUG-2014  FRI )

終於又 Happy Rriday 喇   都係果句   如果聽日唔駛番工就好啦   哈哈 ~

早餐唔食咁飽   因為 Lunch Time 同 8 卦出去食米線 ~

無啦啦勁忙   真係唔係咁 Happy 噃   不過算啦   咁樣啲時間過得快好多   反正依家都唔想上網 ~

Lunch Time 同 8 卦去譚仔食麻辣米線   佢話可以 1 個人食米線套餐   所以我話如果佢唔帶飯   就一定要話我知   我睇佢表演   本來我諗住今日帶 Lunch Box 㗎   不過佢尋晚 Whatsapp 我話唔煮   所以我都唔帶   不過我覺得呢間嘅米線套餐無我平時食嘅咁大碗   所以我覺得唔夠挑戰性   之後佢話飲埋湯就飽   但其實佢飲咗幾啖   但我都覺得佢勁囉   平時我同里奧大人 Share 食都食唔哂   而佢一個人可以食哂喎 ~

食完又要我陪佢行一田   佢依家師奶過我呀   一有平嘢就去睇   之後再去阿信屋買嘢飲就番菇場喇 ~

條友話唔知菇場係咪太舒服   所以一坐埋位已經想瞓   我話出面好熱嘛   出完汗好眼瞓   隔咗半個鐘 Skype 佢   見佢頭 Dup Dup 以為佢又做高登仔   點知佢話佢頭先瞓咗   真係夠膽   阿 Head 喺隔離房家嘛   問佢驚唔驚   佢又話驚   我叫佢出廁所郁下好過啦 ~

忙忙忙   忙到放工都未做完   唔理 lu   留番聽日做   反正做哂啲 Urgent 嘢 ~

同媽咪去嘉華食飯   家姐今晚 6 點半到喇   食完就上媽咪屋企坐  順便拎湯拎生果 ~

8 點半走喇   之後見到家姐坐嘅巴士   咁即同佢揮手啦   佢話我笑到成隻貓仔咁   又縮哂膊頭咁笑   個樣好搞笑   不過里奧大人成日都話我笑嘅時候係會縮哂膊頭   可能見到佢哋太開心啦   哈哈 ~

番到屋企即沖涼   之後休息 lu ~

里奧大人今晚喺大陸同啲妹妹 Farewell   6 點半即走添呀   約我都唔會準時走囉   不過佢啲妹妹好好㗎   又做得嘢   但可惜大陸 Office 要搬   仲要搬到老遠   所以啲妹妹唔做喇   仲諗住里奧大人好夜先番添   估唔到 10 點幾就番到屋企 ~

等佢沖埋涼   同佢傾下偈   睇下電視   12 點先瞓呀 ~