嘉華大酒樓 @ 官塘 ( 15-AUG-2014 )

咖哩牛腩煲

金銀蛋莧菜

蒸魚

燒腩仔 / 燒鴨

是日例湯

細細嘅瓦撐湯煲   如果比我用黎煲湯就無咩可能   放咗材料都已經無位加水 lu   

( 15-AUG-2014  FRI )

YOYOYO   終於又happy friday 喇   都係果句   如果聽日唔駛番工就好啦   嘩哈哈 ~

早餐唔食咁飽   因為 lunch 同 8 卦出去食米線 ~

無啦啦勁忙   真係唔係咁 happy 噃   不過算啦   咁樣 d 時間過得快好多   反正依家都唔想上網 ~

Lunch 同 8 卦去譚仔食麻辣米線   佢話可以 1 個人食米線套餐   所以我話如果佢唔帶飯   就一定要話我知   我睇佢表演   本來我諗住今日帶 lunch box 架   不過佢尋晚 whatsapp 我話唔煮   所以我都唔帶   不過我覺得呢間嘅米線套餐無我平時食嘅咁大碗   所以我覺得唔夠挑戰性   之後佢話飲埋湯就飽   但其實佢飲咗幾啖   但我都覺得佢勁囉   平時我同里奧大人 share 食都食唔哂   而佢一個人可以食哂喎 ~

食完又要我陪佢行一田   佢依家師奶過我呀   一有平嘢就去睇   之後再去阿信屋買嘢飲就番菇場喇 ~

條友話唔知菇場係咪太舒服   所以一坐埋位已經想瞓   我話出面好熱嘛   出完汗好眼瞓   隔咗半個鐘 skype 佢   見佢頭 dup dup 以為佢又做高登仔   點知佢話佢頭先瞓咗   真係夠膽   阿 head 喺隔離房家嘛   問佢驚唔驚   佢又話驚   我叫佢出廁所郁下好過啦 ~

丫   忙忙忙   忙到放工都未做完   唔理 lu   留番聽日做   反正做哂 d urgent 嘢 ~

同媽咪去嘉華食飯   家姐今晚 6 點半到喇   食完就上媽咪屋企坐  順便拎湯拎生果 ~

8 點半走喇   之後見到家姐坐嘅巴士   咁即同佢揮手啦   佢話我笑到成隻貓仔咁   又縮哂膊頭咁笑   個樣好搞笑   不過里奧大人成日都話我笑嘅時候係會縮哂膊頭   可能見到佢地太開心啦   哈哈 ~

番到屋企即沖涼   之後休息 lu ~

里奧大人今晚喺大陸同 d 妹妹 farewell   6 點半即走添呀   約我都唔會準時走囉   衰   不過佢 d 妹妹好好架   又做得嘢   但可惜大陸 office 要搬   仲要搬到老遠   所以 d 妹妹唔做喇   仲諗住里奧大人好夜先番添   估唔到 10 點幾就番到屋企 ~

等佢沖埋涼   同佢傾下計   睇下電視   12 點先瞓呀 ~