酸梅麵豉蒸排骨 + 炒菜甫豆角 ( 19-AUG-2014 )

( 19-AUG-2014  TUE )

朝早都係好熱呀   但今日會落雨架   所以點都要拎把遮 ~

無咩胃口   所以早餐食奶油脆豬 ~

菇場唔忙   其實好多嘢都 hold 住咗   因為 d 嘢喺我部電腦度嘛   問 admin 幾時有   佢話比咗錢   依家等送貨   我話我依家用緊果部都就黎神啦   間唔中閃一下   佢話再跟一跟   快啦 ~

諗住同 8 卦出去食   但 d set 又唔啱   所以我話買酸辣米線番菇場食   之後差唔多 12 點   衰 8 卦無啦啦叫我 dun 下個電話   因為佢 dun 完個電話之後   見到好多一粒粒黑色嘢   同埋一隻死咗嘅 "甲由"   我地依家唔會叫小強   哈哈   我呀  dun 完電話之後   真係超勁多一粒粒黑色嘢   頂   我仲 dun 咗隻生勾勾嘅甲由出黎呀   8 卦以為我講笑添呀   丫   嚇到我即刻話同佢出去食   佢覺得我好玩嘢   哈哈 ~

食完行陣就番菇場喇   超勁熱 ~

3 點幾落勁大雨呀   之後停咗   放工又落雨   d 雨好大粒但就唔密囉 ~

去百佳入貨   依家真係停一停諗幾諗先買架   唔想嘥嘢 ~

煲好菊花茶再預備晚餐   整埋聽晚嘅咖哩魚蛋就沖涼喇   里奧大人 7  點半里奧放工   咁等埋一齊食啦 ~

是日晚餐 - 酸梅麵豉蒸排骨 + 炒菜甫豆角 

酸梅麵豉蒸排骨 - Lunch 見到 8 卦碟排骨好深色   所以我加咗小小老柚   雖然無佢咁深色   但今次好好味呀   勁開心 ~

炒菜甫豆角 - 因為切粒粒真係用好多時間   所以我用較剪剪   其實隻手仲攰   哈哈   今晚好重口味   我加咗四川擔擔麵醬一齊炒   惹味好多架 ~

食埋生果就休息   10 點 55 分就瞓喇   勁 ~