金坊泰國美食 + 豬仔糖水 @ 紅磡 ( 23-AUG-2017 )

青檸汁燒豬頸肉 - 燒到燶燶哋嘅豬頸肉真係好味   但有啲係好多肥膏咁囉   所以唔係幾咁食咁多   哈哈   以為咁大碟啦   原來中間係芥蘭   底層係生菜絲   



青木瓜絲沙律 - 唔辣嘅   



海南雞飯 - 好味呀   本來想連雞皮一齊食   但最後都係接受唔到咁食   哈哈     



蒜蓉麵包條 - 無咩特別   但家姐話食到一陣咖哩味    



香辣乾炒河粉 (牛肉) - 呢個好味   



雜錦拚盤 - 蝦餅唔好食   食麵粉咁   香葉包雞就仲恐怖   有陣 "壓" 味   咁食剩一嚿嘛   剪髮表妹話同大表 Share 食   佢哋一食就吐出來   話有陣味   我話係咪羶味 ?!   佢哋話唔係   家姐直頭話好似雞 Pat Pat 咁 (但其實佢又無食過雞 Pat Pat 㗎喎)   咁我話試下先   我頂   一食真係即吐出來   壓到咁鬼樣嘅   係咪壞咗㗎 ?!   但最最最離奇係大食唔覺得有味囉   定係咁啱佢嚿無味呀 ?!



馬拉盞炒椰菜苗 - 我勁鍾意食椰菜苗   



@ 豬仔糖水

慕黑冰山 ($39) - 朱古力綿綿冰底 + 士多啤梨花瓣 + 棉花糖 + 咖啡點子 - 賣相有啲嚇一嚇

佐治糰子 - 日式抹茶凍 + 紅豆 + 小丸子 + 豆腐花 + 綠茶雪糕 ($29) - 我見到白色就覺得好似豆漿   之後問家姐係咪熱   真係黐線   有雪糕嘅點會熱食呀   哈哈

PP 島 (鮮果 + 曲奇/朱古力雪糕 + 芒果條 + 大西米 ($35) - 雪糕底係有啲生果   無咁漏   



比利時朱古力心太軟 - 雪糕 + 藍莓/香蕉 + 士多啤梨 ($45) - 我無食   因為我已經好飽   



( 23-AUG-2017  WED )

今朝如常 7 點 40 分起身   第一時間開電視睇啦   原來已經 8 號風球了   仲會話掛兩三個鐘   所以今日應該都唔駛番工㗎喇 ~

穩陣啲再睇埋手機啦   發覺係 3 號風球 ?!   真係嚇死囉   始終個人都濛濛瀧瀧咁嘛   之後再定一定神   原來手機無開數據   所以仲係尋晚嘅資料囉 ~

之後家姐打埋比我話 8 號風球   咁我就可以安心咁瞓咯   呵呵 ~

不過聽到出面係好大風囉   應該都係橫風橫雨㗎喇 ~  

瞓到 10 點半都醒喇   一開電視係 10 號風球呀   呢隻 "天鴿" 都好勁呢   所以見無雨就即刷牙落樓食早餐喇 ~ 

   
上網睇番資料   原來 8 點 45分發 9 號風球   之後 9 點 10 分改發 10 號風球呀 ~

食完早餐就番屋企 Hea   咁又上 Youtube 睇旅遊節目啦   再睇新聞   話 2 點 10 分會改發 8 號風球   因為今晚約咗家姐婆婆同剪髮表妹食飯   所以成日要昅住天氣情況囉   哈哈 ~

好快又 3 點幾   本來唔餓㗎   但睇見節目介紹嘢食   睇到想食嘢   所以食條雪條止止癮   之後無啦啦好眼瞓   瞓咗半個鐘   精神哂   呵呵 ~ 

4 點 45 分話將會改發 3 號風球   咁 6 點前都應該改發 3 號㗎喇   即係今晚可以出去食飯呢   其實如果今晚食唔到   就要改到 9 月中㗎喇   因為表妹唔得閒呢 ~

婆婆真係好恐怖   家姐話由出門口開始   都唔知有無 20 分鐘   婆婆已經打咗 4 次比佢   不過佢只係聽咗 1 次   大佬   落雨聲又嘈   手機又放喺手袋   一手又拎遮   聽唔到妳都唔駛咁快再打嚟啦   救命 ~

我約咗家姐一齊坐車去婆婆度   咁表妹早到咗   所以叫佢睇有咩舖頭開   佢話板長 雞煲同泰菜都開咗   咁我話泰菜啦   啱婆婆多啲 ~

今晚本來約埋護士表妹一齊食㗎   不過佢住得遠   所以唔出啦   同埋今晚係無預大食嚟㗎   估唔到佢又嚟   原來係佢媽咪話阿婆同阿妹食飯   所以佢又跟埋出嚟   因為我同家姐同表妹喺群組度話約婆婆食飯家嘛   由始至終都無預大食   哈哈 ~

一坐低就叫嘢食   因為大家都好餓呀 ~

上次同表妹食飯   佢就係話唔想成日食泰菜   估唔到   今晚又係食泰菜   邪到呢 ~

食呀食   傾呀傾   真係好鬼開心   剪髮表妹仲講定話下次去荃灣食辣雞煲   咁都好   可以幫我修下前面啲頭髮   之後我話唔比錢㗎   佢即話妳問大表姐   佢修前面幾時收過妳錢呀 ?!   我話我都無試過就咁修前面啲頭髮囉   關我鬼事   哈哈 ~

表妹喺日本買比家姐   佢話試咗一滴都好辣   我記得之前表弟食過一滴   都話辣到死死下   咁我同家姐講話最多滴 3 滴好喇   點知佢又倒咗半湯匙   我都成日話食辣唔係咁食囉   試咗辣嘅程度先   咁我試咗 1 滴   堅辣囉   過咗 10 分鐘都仲 Feel 到係辣   家姐今次都話辣呀   要叫多杯芒果沙冰   之後我哋咪話佢囉   一早講咗已經好辣   所以今次表妹好有滿足感   終於聽到大表講好辣   哈哈  



表妹都買咗盒薯角比我   不過我同家姐 Share 每人 4 包   呢包之前係出薯條嘅   依家出咗薯角   所以佢買比我試下

表妹成日都唔想食完飯就即走   咁又係   難得見面   之後佢話請我哋去 Haagen Dazs 食雪糕喎   因為今晚大表姐請食飯   呵呵 ~

因為已經 8 點幾   驚婆婆要瞓   咁叫工人接佢啦   咁之後表妹話其實想叫埋婆婆一齊食雪糕   我話又唔早講   所以叫大食即刻叫番婆婆番嚟食雪糕呀 ~

咁諗住去隻船附近度食雪糕   但途經見到有間糖水舖   咁啱又有位   就即入去食喇   因為食糖水多啲款式揀呢 ~

咁家姐同婆婆講話揀啲熱嘢食啦   婆婆話雪糕都有熱嘅咩 ?!   哈哈哈哈   笑死我哋呀   因為婆婆一心以為係去食雪糕嘛 ~

食完都 9 點半喇   屋企 10 點無水   所以我要即搭車番屋企喇 ~

估唔到真係大食請食糖水   佢果然好聽阿妹話   哈哈哈哈   真係好難先屈到佢一餐㗎 ~

我 10 點 10 分番到屋企   真係咩都唔理   即沖涼洗頭呀   感恩仲有水呢 ~

抖陣就睇下電視   11 點幾都瞓喇   今日好似瞓完又食   食完又瞓咁   好彩今晚都眼瞓咋   呵呵 ~ 

辣肉腸出前一丁 ( 22-AUG-2017 )

本來想就咁淥熟條辣肉腸就算㗎喇   但又頂唔信自己咁懶   所以都係炒兩炒   剪碎就快熟好多呢   呵呵  



( 22-AUG-2017  TUE )

今朝食芝腿治   其實想食米粉餐   但天氣實在太焗熱   唔想再食熱辣辣嘅嘢呀 ~

我好鍾意食牛油多士   但唔要厚多士   因為唔鍾意食包包食飽   哈哈

菇場忙呀   所以啲時間好快過 ~

Lunch Time 唔餓   所以又係抖陣先食麥皮餐   唉   啲好立克粉潮哂   篤咗成分鐘都係碎嗰啲啲   都係拎番屋企飲算喇   好在剩番唔多   呵呵 ~

仍然忙下停下   又話聽日打風   不過都似打風格   天氣勁焗熱   又好好天   暴風雨前夕咁款 ~

放工即走   成陣打風味咁呀   哈哈哈哈 ~

番到屋企抖陣就煮麵食   好鬼餓呢   今晚 6 點 40 分可以開餐喇 ~

食完就去徑步   但落毛毛雨囉   所以徑 2 個圈就打道回府喇 ~

好想郁丫嘛   咁拖地啦   都可以出成身汗㗎   呵呵 ~

沖埋涼就休息   又上 Youtube 睇旅遊節目   感覺好似自己好過好多地方咁   哈哈哈哈 ~

其實唔知打唔打得成風   不過都係 11 點啦   唔會話特登遲瞓咁呢 ~

隔夜餐 ( 21-AUG-2017 )

最鍾意一鑊熟   哈哈   好在個蒸架夠大   可以一次放哂落去蒸   我都懶得再倒落碗   不過咁食法呢   勁似喺菇場食 Lunch 咁呀   哈哈

( 21-AUG-2017  MON )

感恩一覺瞓天光呀   其實好多時瞓到 7 點 2x 分都醒咗   但就懶床   等鬧鐘 7 點 40 分響咗先起身呢 ~

早餐食蛋牛治   無啦啦又好想食蛋 ~



菇場忙呀   搞掂哂都差唔多 Lunch Time ~

無咩胃口   又唔想落街   咁食麥皮啦   食多 2 次就清哂包麥皮   真開心   哈哈 ~

仍然忙呀   好在 3 點幾搞掂哂   可以抖咯 ~

放工即走   焗熱到呢   真係似打風 Feel 囉 ~

番到屋企抖陣就即蒸番啲飯同湯呀   估唔到蒸番啲炒飯又 OK 喎   呵呵 ~

食完抖陣就去徑步   本來咁焗熱唔想徑㗎   但食咗飯就要郁下囉 ~

徑半個鐘就番屋企沖涼   之後抖陣再熨埋衫   夠哂運動量啦   哈哈 ~

今晚 11 點又有睡意   所以即瞓喇 ~

蝦仁辣肉腸鵝肝炒飯 + 西蘭花 ( 20-AUG-2017 )

( 20-AUG-2017  SUN )

本來今朝番早堂   但里奧大人校錯咗鬧鐘時間   所以又要番午堂喇 ~

沖埋涼就去食早餐   之後番教會   崇拜完畢就番屋企 lu   好熱呀   唔想周圍行 ~ 





咁去 7-11 買雪條先   因為做特價呀   同埋原來買滿任何嘢滿 $30 就送包牛肉味出前一丁   以為就快到期   估唔到 2018 年 5 月先到期   又唔錯喎   哈哈 ~

買完即番屋企啦   抖到 2 點幾飲碗湯當 Lunch   之後又上 Youtube 睇嘢   真係勁鍾意睇旅遊節目   無得去   睇下都好   當見識咗   哈哈 ~

6 點幾預備煮嘢   今晚好簡單   7 點可以開飯喇 ~

是日懶餐 - 蝦仁辣肉腸鵝肝炒飯 + 西蘭花

蝦仁辣肉腸鵝肝炒飯 - 食剩一半   咁留番聽晚食啦   其實想做 Lunch Box   但幾次食飯之後覺得好眼瞓   所以唔敢帶囉 ~

西蘭花 - $7.9/2個   但淥 1 個算喇   我覺得西蘭花都好飽肚咁 ~

食完洗埋碗   抖陣就去徑步   今晚一定要徑步   因為夜晚食咗飯 ~

徑半個鐘   番到屋企就拖地   之後即沖涼喇 ~

睇電視睇到 11 點半   開始勁眼瞓   咁就好喇   即刻去瞓   哈哈 ~   

洋蔥炒豚肉 + 蕃茄南瓜粟米豬尾骨湯 ( 19-AUG-2017 )

( 19-AUG-2017  SAT )

今朝同家姐食早餐   傾下食下   好快又 8 點 45 分 lu   又要番工喇 ~





菇場其實有嘢做   不過無 Mood 做囉 ~~

放工去超市買豬骨   之後再搭車番屋企 ~

抖陣就食沙律   再睇 "我是地球人"   睇睇下瞓着咗   一醒已經係 4 點 20 分   嚇啦   即係瞓咗 1 個鐘   同埋我要煲湯   好在 4 點幾醒咗咋 ~



煲埋湯   醃好埋啲豚肉就即沖涼   夏天煲湯真係熱到成身汗   仲要係啲汗喺塊臉度係咁滴落呢 ~

繼續睇 "我是地球人"   差唔多 6 點幾就預備   本來里奧大人話 8 點番   我話我食先喇   唔想咁夜食   無啦啦佢又 7 點番到嚟   等我仲入埋暖壺   如果佢早 5 分鐘番嚟   我就唔駛入暖壺   可以洗少樣嘢嘛   煩 ~       

是日懶餐 - 洋蔥炒豚肉 + 蕃茄南瓜粟米豬尾骨湯

洋蔥炒豚肉 - 諗住整生薑豚肉燒   不過無買薑   所以求其炒算喇   見里奧大人"爬" 飯   咁應該幾好味   哈哈 ~

蕃茄南瓜粟米豬尾骨湯 - 材料係 1 個南瓜 + 4 個蕃茄 + 3 條粟米 + $40 豬尾骨 + 6 粒無花果同少少南北杏   超級勁好味呀   真係流汗流得有價值呢   哈哈 ~

洗埋碗就沖涼   里奧大人就去徑步   我唔去喇   出咗成身汗真係好攰   要休息囉 ~

睇下電視又打下機   11 點半都瞓喇 ~

蘋果沙律 ( 18-AUG-2017 )

( 18-AUG-2017   FRI )

嘩   話咁快又星期五   我覺得好似啱啱先星期五完咗咁咋喎 ~

早餐食吞拿魚治烘底   但啲吞拿魚份量真係好少囉   唉 ~



菇場唔忙   可以 Load 相   希望今個星期搞掂哂啦 ~

Lunch Time 唔餓   所以去買餸   之後再買燒賣粉果番菇場食   之前先話唔想食燒賣   但依家又成日食番   哈哈 ~



仍然 load 相等放工   咁我聽到阿後同阿爽電話對話   阿爽好勞氣咁話: 妳唔駛同我講   之後即收 線   我聽到阿後其實係未講完㗎 (因為我坐得近佢) ~

咁佢又係衰嘅   影印機附近嘅冷氣槽好嘈   咁阿爽咪同阿後講囉   阿後就 Call 師傅嚟整   咁師傅嚟到問咩事   佢話同事話好嘈   聽佢語氣   係想話比人聽唔關佢事囉   講真  佢頭先同爽 Report 番呢件事   佢係覺得如果冷氣再有咩事   就係阿爽嘅問題   咁要是老闆同妳咁講   妳一定唔會 Report 番比老闆知囉   因為唔關老闆事嘛   咁妳又做咩要 Report 番比阿爽知呢 ?!

因為阿爽好少會咁樣對同事   所以我忍唔住同 8 卦講   佢第一句就話 "做乜 Q 都唔關自己事咁 "   嘩   原來 8 卦都係咁諗   但其實阿後真係咁嘅人   本來我無咁憎佢   但有次佢約人哋 12 點 40 分送 Printer 嚟公司   因為 Printer 係老闆用   所以人哋話幾點送咪幾點送嚟囉   佢約完人就走嚟問我   妳係咪喺公司食飯 ?!   我即話要出街呀  之後佢即刻搵另一個同事   妳自己約人 12 點 40 分   妳就應該自己喺度等   唔係應該叫人等囉   咁呢單嘢之後   我發覺佢原來係咁自私   所以無咩必要   我都唔想再同佢講嘢 lu ~

傾下傾下又放工   番到屋企即放低啲嘢   再磅下啲嘢   原來都有 7.5 Kgs   不過買下買下又唔覺咁囉 ~



又唔餓   咁里奧大人又話唔番嚟食   咁我 7 點都出去徑步喇 ~

徑咗半個鐘就番屋企   沖埋涼   抖陣就食沙律做晚餐   呵呵 ~           

是日懶餐 - 蘋果沙律 

蘋果沙律 - 今次有 5 個大富士蘋果 + 1 罐椰果 + 1 罐粟米 + 1 罐紅腰豆   咁樣整到 2 大 2 小盒   但玻璃盒真係好 "牙" 位   所以次次整親沙律   又要執下個雪櫃先擺到囉 ~

沖完涼又開埋冷氣   再食埋沙律   成個人真係凍哂   所以開咗半個鐘頭冷氣都要熄咗先呀 ~

里奧大人 9 點半番到屋企   不過咁夜就食唔到沙律囉   其實想佢食㗎   係因為想清咁啲位   哈哈 ~

佢睇陣書   10 點幾就瞓 lu   我就睇埋阿爺廚房先瞓   感恩今晚都有睡意呢 ~

蟹柳火腿粟米湯 + 肉丸媽媽麵 ( 17-AUG-2017 )

( 17-AUG-2017  THU )

尋晚發夢見到媽咪   個夢仲好真實添呀   但起身唔記得係咩夢囉   咁都好   唔係會仲更加唔開心呢 ~

好眼瞓呀   其實呢兩晚瞓得唔好   唔知點解 ~

早餐去 KFC 食   因為唔駛同 8 卦食   呵呵 ~



菇場唔忙   今日全部大粒唔喺度   勁 Free 呀 ~

Lunch Time 出去食牛腩河   我發覺早餐食得飽   反而會好快餓   我朝早食奶醬多呢   唔會咁快餓㗎   睇嚟朝早都要食多士算喇   難得瘦幾磅   唔想咁快肥番呀 ~

食完行個大運就番菇場喇   因為好鬼熱呀   行個圈都流汗   唔想立痴痴番工呀 ~

唔夠瞓   又出咗啲啲汗   好鬼眼瞓囉 ~

咁諗住抖下   點知 8 卦喺大陸都唔放過我   係都要同我傾偈 ~

唔記得傾開啲咩   我又話佢乸乸哋囉   因為佢咩都會話: 呢 有嘢想問妳   呢 妳覺得呢間好唔好食 ?!   我話好心你 Man 啲啦   咪成日咩都 "呢" 字開頭啦   女人咁   所以佢話佢係我閨密   哈哈   咁我問番佢   覺唔覺得我好麻甩 ?!   佢即答: 堅麻甩   哈哈   佢話有時就咁睇啲對話   完完全全係同緊男仔講嘢添呀   所以我成日話我係女兒身   男兒心呢   哈哈哈哈 ~

放工即走   番到屋企拖地再抖陣   6 點半可以食嘢喇   覺得好鬼肚餓   慘   好唔想有餓嘅感覺呀   哈 ~

里奧大人 7 點唔夠放工   咁我煮麵比佢食嘛   咁見有時間    我又食完又抖咗陣   所以即去徑步喇   估唔到可以徑 20 分鐘   爽呀 ~

是日懶餐 - 蟹柳火腿粟米湯 + 肉丸媽媽麵  

蟹柳火腿粟米湯 - 一罐粟米湯 + 2 塊火腿 (切粒) + 3 條蟹柳 (切粒) + 1 隻蛋   死完鬼咁飽呀   哈哈   下次都唔好咁煮咯 ~ 

肉丸媽媽麵 - 懶呀   所以就咁煮呢個麵算喇   哈哈 ~

洗埋碗就開機洗衫   之後就休息喇 ~

兩晚瞓得唔好   難得今晚 10 點半就勁眼瞓   所以自己瞓先喇 ~