2017年8月18日星期五

蘋果沙律 ( 18-AUG-2017 )





( 18-AUG-2017   FRI )

嘩   話咁快又星期五   我覺得好似啱啱先星期五完咗咁咋喎 ~

早餐食吞拿魚治烘底   但 d 吞拿魚份量真係好少囉   唉 ~



菇場唔忙   可以 load 相   希望今個星期搞掂哂啦 ~

Lunch time 唔餓   所以去買餸   之後再買燒賣粉果番菇場食   之前先話唔想食燒賣   但依家又成日食番   哈哈 ~



仍然 load 相等放工   咁我聽到阿後同阿爽電話對話   阿爽好勞氣咁話: 妳唔駛同我講   之後即 "cup" 線   我聽到阿後其實係未講完架 (因為我坐得近佢) ~~

咁佢又係衰嘅   影印機附近嘅冷氣槽好嘈   咁阿爽咪同阿後講囉   阿後就 call 師傅黎整   咁師傅黎到問咩事   佢話同事話好嘈   聽佢語氣   係想話比人聽唔關佢事囉   講真  佢頭先同爽 report 番呢件事   佢係覺得如果冷氣再有咩事   就係阿爽嘅問題   咁要是老闆同妳咁講   妳一定唔會 report 番比老闆知囉   因為唔關老闆事嘛   咁妳又做咩要 report 番比阿爽知呢 ?!

因為阿爽好少會咁樣對同事   所以我忍唔住同 8 卦講   佢第一句就話 "做乜 Q 都唔關自己事咁 "   嘩   原來 8 卦都係咁諗   但其實阿後真係咁嘅人   本來我無咁憎佢   但有次佢約人地 12 點 40 分送 printer 黎公司   因為 printer 係老闆用   所以人地話幾點送咪幾點送黎囉   佢約完人就走黎問我   妳係咪喺公司食飯 ?!   我即話要出街呀  之後佢即刻搵另一個同事   妳自己約人 12 點 40 分   妳就應該自己喺度等   唔係應該叫人等囉   咁呢單嘢之後   我發覺佢原來係咁自私   所以無咩必要   我都唔想再同佢講嘢 lu ~

傾下傾下又放工   番到屋企即放低 d 嘢   再磅下 d 嘢   原來都有 7.5 kgs   不過買下買下又唔覺咁囉 @@



又唔餓   咁里奧大人又話唔番黎食   咁我 7 點都出去徑步喇 ~

徑咗半個鐘就番屋企   沖埋涼   抖陣就食沙律做晚餐   呵 ~           

是日懶餐 - 蘋果沙律 

蘋果沙律 - 今次有 5 個大富士蘋果 + 1 罐椰果 + 1 罐粟米 + 1 罐紅腰豆   咁樣整到 2 大 2 小盒   但玻璃盒真係好"牙"位   所以次次整親沙律   又要執下個雪柜先擺到囉 ~~~~~~

沖完涼又開埋冷氣   再食埋沙律   成個人真係凍哂   所以開咗半個鐘頭冷氣都要熄咗先呀 ~

里奧大人 9 點半番到屋企   不過咁夜就食唔到沙律囉   其實想佢食架   係因為想清咁 d 位   哈哈 ~

佢睇陣書   10 點幾就瞓 lu   我就睇埋阿爺廚房先瞓   感恩今晚都有睡意呢 ~

沒有留言:

發佈留言