栢檔極品海南雞飯 @ 九龍灣 ( 21-AUG-2018 )

香煎手剁魚香肉餅飯



海南雞飯套餐



( 21-AUG-2018  TUE )

呢排成日半夜去廁所   如果可以一覺瞓天光就好喇 ~

無咩胃口呀   早餐食奶油多 ~



菇場忙呀   咁都好   無咁攰   哈哈 ~

Lunch Time 出去買水餃米   買完番到菇場就即落超大雨   好在番得早咋 ~

仍然忙   好在放工前做哂 ~

今晚我話去舖頭幫手   所以約里奧大人喺九龍灣食飯   食完就即去舖頭幫手 ~

我哋 7 點前到咗   加上又多我一個人幫手   真係快好多㗎   所以 9 點 45 分搞掂哂   如果我唔去   里奧大人應該 12 點先走得 ~

搭車番屋企   之後即沖涼喇 ~

同里奧大人一齊睇戲   睇到成 12 點都未睇完   但我話要瞓覺先喇 ~

蝦卷雜豆炒飯 ( 20-AUG-2018 )

( 20-AUG-2018  MON )

今朝同里奧大人食早餐   開心開心 ~   





菇場唔太忙   最正係西瓜放大假 1 個月   唔駛成日昅住佢出來   哈哈 ~

Lunch Time 出去買魚片頭米   但無魚片頭   魚蛋同墨丸又無   所以行多陣   再去買腸粉同煎釀番菇場食呢 ~



好攰呀   好在可以 Hea 做   又同 8 卦傾下偈   好快又放工 lu ~

里奧大人今晚約咗朋友食飯   之後再去舖頭幫手   所以我放工都去超市買零食   之後都番屋企喇 ~

太耐無做家務   所以今晚必須要做啦 ~

抹完柜就拖地   之後炒埋個飯就開機洗衫   沖埋涼都 7 點 45 分喇   即刻食飯喇   哈哈 ~

是日懶餐 - 蝦卷雜豆炒飯

蝦卷雜豆炒飯 - 呢 6 條蝦卷   之前解凍又無食   又放番冰格   前晚再解凍   尋晚又無煮飯   所以我今晚清埋去喇   冷飯係星期五㗎   依家盡量唔好嘥嘢   反正我一個人食就無所謂   如果擺得太耐   我唔會比里奧大人食㗎 ~

食完抖陣就咁洗隻碟同湯匙更   勁嘆呀   因為頭先煮完已經洗哂所有廚具   哈哈 ~

呢排多數上網睇見証或者聽詩歌   今晚聽到 11 點幾都瞓   里奧大人就差唔多 12 點先番到屋企   其實雖然自己瞓先   但其實都唔會熟睡到囉   始終佢未番嚟嘛 ~   

翠河餐廳 @ 官塘 ( 19-AUG-2018 )

豆豉鯪魚炒油麥菜 - 無味嘅   里奧大人仲話我整嘅好味過佢 10 陪   哈哈 



咕嚕斑球 - 啲魚肉係霉嘅   下次唔會再叫呢兩樣餸㗎喇





( 19-AUG-2018  SUN )

今朝 9 點起身   沖埋涼就去食早餐喇 ~

我食鯇魚片腸粉   腥到暈

食完早餐就番學   今次真係十分搞笑   講到短宣問題   有啲人會嫌熱嫌凍   有啲就會嫌衛生方面唔得   講緊我嗎 ?!   哈哈   之後有姊妹講短宣時嘅衛生問題   聽到我乸哂臉   連里奧大人都望下我   佢知我最驚講呢啲話題嘛   牧師更話我全程乸實塊臉   但其實去嗰個都未有咁嘅樣   哈哈   所以我直接同牧師講   要是我要短宣   我一定會祈禱   求神比我去乾淨嘅地方短宣   但我覺得心態唔係咁好   係為自己咁樣   之後牧師話我肯承認我自己嘅軟弱   我認㗎 ~

今次講道係關於約拿   上次同大食講   其實我都好似約拿   哈哈 ~

崇拜完畢就去舖頭幫手   咁我去麥記買魚柳包   我要多醬   但食食下唔覺有醬   打開個包原來係無醬   但我食咗 1/3   要是加醬   佢實會掉咗個包   無理由直接加番啲醬上去嘛   好唔衛生   所以我照食無醬包啦   無咁肥添   但反而食完個口唔苦   我次次食完魚柳包呢   個口係苦㗎 ~

3 點半走人   番到屋企就休息喇 ~

里奧大人就瞓晏覺   我就睇 Youtube   差唔多 5 點左右瞓着   點知家姐打嚟   咁家姐問我做緊咩 ?!   我話想瞓覺   佢勁驚   哈哈   因為佢話 Whatsapp 我無覆喎   所以打比我囉   咁傾傾下都醒哂   之後佢都無啦啦話我把聲醒哂   哈哈   傾咗半個鐘   又睇陣電視   勁唔想郁   所以決定唔煮飯 lu ~

個肚仍然扯住扯住咁   好在都食到嘢   哈哈 ~

最慘里奧大人無住家飯食   雖然我唔係樣樣都煮得好味道   但起碼無咩味精嘛 ~

實在太飽   所以食完去超市買嘢   之後番屋企 lu ~

沖埋涼就抖喇   咩都唔願做 ~

睇咗一陣戲   之後真係好眼瞓   11 點唔夠都瞓喇 ~

海底撈麻辣火鍋 @ 阿 Mi 屋企 ( 18-AUG-2018 )

開餐   今晚好豐富呀 



海底撈湯底   我食咗好多大豆芽菜



里奧大人話想食呢個   所以阿 Mi 即整啦

年糕 / 冰豆腐 / 豬紅 



龍躉肉  



水魷 x 2 



蓮藕 / 韭菜 / 腐竹 - 完全無食過   依家見到就勁想食喇 



豚肉 / 明太子蝦滑 - 無食



魚皮餃 / 水餃 / 雲吞 - 無食



鮮冬菇 / 秀珍菇 - 無食   原來咁多嘢無食   無計啦   個人唔舒服   完全無胃口食嘢   



( 18-AUG-2018  SAT )

今次勁喇   瞓到 11 點 20 分自然醒呀   勁開心呀   好似瞓番夠咁 ~

我唔知里奧大人幾點起身   佢同阿 Mi 佢哋講我未起身   佢哋話唔好叫醒我   等我繼續瞓   好有屋企人嘅感覺   哈哈 ~

刷埋牙就即去食早餐   之後番屋企抖陣   我個肚仍然有啲扯住咁   居然又比我瞓番   之後里奧大人又 Send 信息比阿 Mi   話我又瞓着咗   其實今次應該係味精作怪   因為啲榨菜非常之鹹呀   我呢排一食重味精嘅嘢就好眼瞓咁呢 ~

好記得番到屋企係 12 點   所以又瞓咗 20 分鐘   之後起身就即沖涼出發喇 ~

本來佢哋諗住取消   但我又唔想囉   又約咗家姐   9 月大家又未必得閒   唔想又約嚟約去   所以照去也 ~

感恩今日坐小巴好快到荃灣呀   阿 Mi 諗住請里奧大人食 Waffle   因為唔想買生日蛋糕   但里奧大人依家禁食祈禱   唔食午餐   咁下次一齊再食囉   我今日狀態又唔好   下次見面應該好 OK 的   哈哈 ~

咁一齊去買餸   但就阿 Mi 喂入街市買海鮮   我同里奧大人喺商場等   呢日天氣好焗熱   其實我一路行一路都好辛苦   好在見到間 Coffee Cafe 度有位坐   我真係要坐呀   已經標緊冷汗 ~

都唔知幾多點   佢哋買完餸喇   本來我話買陳皮   但係另一邊路   我話咁唔買喇   下次下次 ~

行呀行   再去買元貝仔   買咗半斤 $77   老闆娘叫我買夠 $100   平時一定無問題   但我一早拎咗 $80 出來   好唔想又拎錢   因為個人唔多舒服   唔想再搵錢 ~



天氣真係好焗熱   加上唔多舒服   個人真係不在狀態   所以我跌咗包豆豉都唔知   好在里奧大人企喺我後面執番咋 ~

我哋 3 個搭車番屋企   阿喂就要去油炸鬼同啤酒   一入阿 Mi 屋企   我同里奧大人即坐梳化   我睇睇下電視直頭瞓着咗   第一次無幫阿 Mi 手咋   超級勁唔好意思 ~

差唔多 4 點幾   我醒咗嘅時候   家姐打嚟話到阿 Mi 屋企附近   咁里奧大人同阿喂去接佢   我終於精神番啲喇   可以同阿 Mi 傾下偈了 ~

一嚟到無耐就有煎雞翼食喇   食完又大家一齊傾下偈咁 ~

見住啲油彈到周圍都係   所以煎完又要大清潔   哈哈



阿 Mi 拎啲醃制黃皮比我哋食   家姐問係咪阿 Mi 自己整   好搞笑呀   乜都以為阿 Mi 整 ~

阿喂拎個麻辣鍋出來   家姐又問個湯底係咪阿 Mi 整   阿喂話邊有咁勁呀   哈哈哈哈 ~

家姐入哂腦   任何食物都係阿 Mi 自己整 ~

一路食一路傾   可惜我真係完全無胃口   好似無咩點食嘢 ~

好快又 9 點幾   佢哋食凍嘅綠豆沙   我就有得睇無得食   都幾痛苦   哈哈 ~

10 點打的走人   半個鐘唔夠就番到屋企了   今日早晚嘅車程都好暢順   感恩感恩 ~

沖埋涼抖陣都要瞓喇   聽朝 9 點起身呢 ~

海南雞 (外賣) + 蕃茄薯仔湯 ( 17-AUG-2018 )

( 17-AUG-2018  FRI )

尋晚瞓得一般   個肚有啲扯住咁   但就唔係痛   我覺得隻藥都好有效   感恩感恩   但都要試多 2 個月先   學阿 mi 話齋   佢成日都同我講   雖然食藥有效   但都要留意生活習慣同飲食習慣   我都認同  以前飲食習慣太差了   依家難得好番一樣   就想樣樣都繼續好啦   哈哈 ~   

今朝好想食通粉   但知道鮑片火腿係撈埋一齊   所以諗住都唔食火腿㗎喇   點知碗通粉居然無火腿喎   實在太感恩喇   個心真係有啲激動嘅感覺   神真係好愛我   我好多嘢都驚   但其實唔需要驚   因為我當中要學會依靠神   神給我嘅安排係最好   我成日都講   就算以我角度覺得係唔好嘅安排   我都必須要順服呢 ~



菇場忙下停下   今日食完藥又無咁攰   可能身體慢慢適應了   感恩感恩 ~

Lunch Time 食 K 餐同蛋糕   我啲朱古力奶無雪凍㗎   所以其實好甜   但我番工又好少話飲凍嘢   冷氣太勁喇   飲熱嘢就舒服啦 ~



仍然忙下停下   但個肚又扯住痛咁   唉 ~

放工即走   都即預備晚餐喇 ~

咁里奧大人今日有嘢搞   諗住好晏先番   估唔到 7 點就番到屋企 ~

佢番到嚟就有得食   其實我完全無胃口   但我驚里奧大人餓   所以點都要食呢 ~

是日懶餐 - 海南雞 (外賣) + 蕃茄薯仔湯

海南雞 (外賣) - 尋晚成碟雞原封不動   所以今晚一定要食啦   哈哈 ~

蕃茄薯仔湯 - 尋晚飲剩大半碗湯   咁今晚再加 3 隻蕃茄 + 2 隻薯仔再滾   好可惜食唔哂   因為我好唔舒服   諗住勉強都食得哂   點知原來係唔得   唉 ~

洗埋碗就即沖涼   之後灘抖喺梳化   完全唔想郁呀 ~

咁約咗阿 mi 聽日食 Lunch    但我沖完涼之後同里奧大人講話   都係想瞓到自然醒   諗住約阿 mi 遲啲   估唔到再睇阿 mi Send 嘅信息   原來佢話唔同我哋食 Lunch   叫我瞓晏啲   果然心靈相通   哈哈 ~

我 11 點唔夠都瞓喇   真係好唔舒服呢 ~

海南雞 (外賣) + 咖哩雞扒 (外賣) + 炸魚皮 (外賣) + 蕃茄南瓜湯 ( 16-AUG-2018 )

( 16-AUG-2018  THU )

尋晚瞓得唔係咁好   但起身又好 OK 喎 ~

依家食緊藥   希望每月一到有改善   我可以每月唔駛請假   同埋最緊要可以做任何事奉   唔駛成日驚出席唔到呢 ~

早餐食吞拿魚治   8 卦話今朝會遲   咁我都唔等佢 lu ~



所有大粒唔喺度   我同 8 卦都好開心諗住可以抖下   點知我哋就忙到死死下 ~

Lunch Time 出去買飯   收銀聽我話要飯   佢個樣好驚訝   之後阿姐比盒飯我   佢又好驚訝話今日食飯呀 ?!   要唔要辣椒油呀 ?!   我話食飯唔要辣椒油啦   哈哈   我次次買粉麵   阿姐佢哋都知我會再加辣椒油   因為外賣辣椒油啲份量係好少嘛 ~

食到好飽   反而精神喎   哈哈   連 8 卦都話我今日無講眼瞓呀 ~

我覺得係身體開始適應咗啲藥   所以今日好好多   一開始食嘅時候   真係覺得食完個幾鐘之後就好攰   完全係無動力   但我又唔想停   始終身體要時間適應嘛 ~

仍然忙啦   真係笑死   諗住 Hea 但點知更加忙   哈哈 ~

放工即走啦   番到屋企即滾湯喇 ~

頭先大食 Whatsapp 我   講佢同學咁咁咁   又成日怨天怨地   之後我嘅結論係對方首先要改變自己   唔係佢只會一世喺困局入面   永遠活在昨天的今天呢 ~

佢同學又係啲講極唔明   講極唔聽嘅人   但講到合乎佢嘅答案呢   就覺得啱聽   要是唔啱聽呢   就話妳哋唔明   呢啲人真係自我中心得好緊要   我直頭覺得連價值觀都錯埋   呢個世界唔係圍住妳轉嘛   真係要醒下囉   自怨自艾完全無意思 ~

里奧大人今日去舖頭整嘢   終於搞掂哂   所以 6 點幾就番到屋企 lu ~

咁水姑買咗海南雞同咖哩雞扒比我哋做餸   所以我就咁滾個蕃茄南瓜湯就可以了 ~

實在係好奇妙感恩嘅一件事   我依家只食白肉嘛   估唔到水姑會買咗雞比我哋做餸   佢話屋企附近開咗間泰菜店   覺得好好食   所以買比我哋食   當中我覺得神真係好保守我   好似樣樣安排哂比我咁   所以真係好感恩 ~

煮埋個丁麵比里奧大人   都差唔多 7 點 lu   不過我今日食咗個飯   仲係好飽   所以食咗少少咖哩雞扒同炸魚皮   同埋飲咗幾啖湯   成碟海南雞完全無掂過   所以留番聽晚食 lu ~

沖埋涼就休息   之後叫埋里奧大人快啲沖涼   咁就可以一齊睇恩雨之聲喇 ~

一睇就睇到 12 點   其實我仲想睇架   不過聽日要番工   所以都要瞓覺 lu ~

米線陣 @ 官塘 ( 15-AUG-2018 )

滋味 2 人餐 ($179)
豐盛小鍋米線 (美國肥牛 / 彈牙魚腐 / 貴紀腩肉片 / 雞肶肉 / 鮮金菇 / 雲耳 / 松葉蟹捧)



特選小食 - 川辣口水雞



風菜小食 - 酥炸雲吞 (5 只) 



菇菌時疏 - 清甜蘿蔔燜冬菇   仲有飲品 2 杯   我要罐裝忌廉同七喜



( 15-AUG-2018  WED )

尋晚瞓得唔錯   但硬係食完藥之後就好攰   情緒有啲低落咁   總知無哂動力做任何嘢   上網都唔係咁想咁呀 ~

今朝里奧大人有嘢整   所以佢陪我食早餐 ~





菇場忙下停下   咁都好   唔係會瞓着 ~

Lunch Time 出去買蕃茄薯仔南瓜   之後就買腸粉番菇食喇 ~


好鬼攰呀   食埋呢個星期藥   我應該會轉為夜晚食   起碼眼瞓可以即瞓嘛   哈哈 ~

放工即走   約咗里奧大人去米線陣   食完就行下 APM   之後去埋拎淘寶就番屋企喇 ~

抖到 8 點幾先沖涼   之後上網睇恩雨之聲   本來想繼續睇   但個肚有啲唔舒服   不過就唔係痛囉   所以我差唔多 10 點半都自己瞓先 lu ~