肉醬意粉 & 香辣炸雞 + 超甜粟米 ( 23-FEB-2021 )

我之前買嘅比利時啤梨   接近$10/個   我覺得貴   但食落係好甜好多汁   咁就值喇   哈哈

Driscoll's 藍莓仲抵  $18.9 有 2 盒   所以即買 4 盒

家姐比 2 個秋月梨 & 2 個 Enry 蘋果 & 朋友自家制香酥糖

表妹送嘅新年禮物係朱古力蛋糕

( 23-FEB-2021  TUE )

感恩一覺瞓天光   但就發咗好多夢   有一個夢係自己要中途站落車坐飛機   因為里奧大人買咗另一個站嘅車票   所以要分開上機   但我要過條好危險嘅馬路   所以最後里奧大人陪我一齊落車   發夢都覺得佢對我好好喎   哈哈哈哈 ~

正宗啤梨身型   哈哈

早餐食奶醬多   雖然悶但都好在鍾意食咋 ~

家姐 WFH 就會食蛋糕同飲咖啡   荷蘭撻真係勁好味

菇場唔忙   又 Hea 過 ~

Lunch Time 出去行陣   其實已經餓餓哋   但都想行   係難得自己想行   哈哈 ~

忍唔住買咗 6 個節瓜 + 7 個蕃茄 + 1 份鮮冬菇   重鬼到呢   又餓喎   已經 12 點 15 分喇   所以拿拿聲行去買外賣 ~

鯪魚球米 + 雞骨草

仍然唔忙   不過呢排成日好攰咁 ~

放工即走   番到屋企要即預備晚餐   因為里奧大人已經放工 ~

是日懶餐 - 肉醬意粉 & 香辣炸雞 + 超甜粟米

肉醬意粉 & 香辣炸雞 - 尋晚食剩   今晚焗熱同炒熱就可以 ~

超甜粟米 - 開罐頭粟米算喇   本身想買菜   但同炸雞唔夾   哈哈 ~

洗埋碗都 7 點半   無諗過咁晏   哈哈   仲諗住同里奧大人講話 7 點半去徑步添 ~

8 點前去徑步   今晚真係只徑半個鐘就算喇   今日加埋行咗 1 萬幾步   以一個懶人嚟講算好好㗎喇   哈哈 ~

番到屋企都即沖涼   抖多陣先食生果 ~

唔同擺法嘅四肢   哈哈

睇下電視   11 點唔夠都瞓 lu ~

CHUBBY'S PIZZA (外賣) ( 22-FEB-2021 )

星期一套餐 ($165) - 環球世界薄批 (普通批) & 肉醬意粉 & 炸雞 4 件

( 22-FEB-2021  MON )

感恩一覺瞓天光呀   瞓足 9 個鐘真係唔錯 ~

我沖完涼出嚟   里奧大人起咗身   又話要陪我食早餐 ~

菇場唔忙   做埋 Report 就可以 Hea 過 ~

7 點幾又係咁嘅樣   9 點幾仍都係咁嘅樣   哈哈

Lunch Time 行陣就買酸辣米線番菇場食   今次味道又正常番   所以覺得好味   同埋真係有扣底   咁樣先可以食得哂 ~

今次味道又正常喇   阿齋前日食少辣   但完全無味的

仍然唔忙   不過好眼瞓   因為酸辣米線勁重味精呀 ~

1 點幾又瞓

家姐打嚟問我做咩依家唔打機 ?!   我話有喎   依家玩緊妙趣動物園嘛   佢話係 PS 屋企打嗰啲呀   我話幾十歲啦   唔想玩喇   所以千奇唔好買比我   因為佢話想買比我做生日禮物   話糟糟話好好玩   諗住買比我喎 ~

無耐家姐 Whatsapp 張相比我   話媽咪用 Signal 呀   呢下我打咗個突 ~

聽家姐語氣   我知佢勁唔開心   因為每講完一句   都唉一聲   如果我在場   我同佢肯定一齊爆喊 ~

我幫媽咪揀呢個手機號碼係好有意思   所以我係唔會 Delete 呢個手機號碼 ~

之前我已經心血來潮打媽咪手機號碼   但好唔想聽到電話已經停止使用   所以最後無打 ~

我再睇 Whatsapp  原來 2020 年 5 月已經有人用緊   最搞笑家姐話佢唔會搵我哋呀嘛   我話佢用嘅係新卡嘛   係我哋無 Delete 媽咪手機號碼啫   如果佢真係搵我哋   我堅會同佢傾偈 ~

到呢一刻   一講起媽咪   我心情都會突然好低落 ~

放工即走   今晚唔煮喇 ~

差唔多 7 點半去徑去   我其實好攰   但今日食得太多嘢   所以點都要徑步 ~

我徑步嘅時候   定姐 Send 呢張相   我無開嚟睇   以為係大毛巾呀   哈哈

原來咁大隻蟹

番到屋企即開機洗衫   之後沖涼喇 ~

呢排唔知係咪濕重   個人真係瞓極唔夠咁   所以今晚 11 點都瞓覺 lu ~

招牌水餃 & 炸魚皮 (外賣) ( 21-FEB-2021 )

家姐比我嘅炸魚皮   以前三才好好味   依家無咁好味

( 21-FEB-2021  SUN )

今朝里奧大人出咗門口   其實我都醒醒哋   但又試下瞓   不過瞓唔到   所以都起身喇 ~

原來只係 8 點   咁早啲食早餐早啲做家務 ~

喺山崎買嘅芝士包   比咗 3 個里奧大人   因為食完要體力勞動   我覺得食 2 個唔飽   所以加芝士

食完早餐都只係 8 點 45 分   我又精神   所以都即做家務喇 ~

大清潔屋企   加埋大清潔廚房同廁所   再沖埋涼就休息 ~

一望個鐘已經 11 點半   我居然覺得餓呀   今朝真係體力大勞動呀 ~

抖到 12 點就出發同里奧大人食 Lunch   食到 1 點 15 分左右要走喇   里奧大人趕住要開會 ~

酸辣鳳爪勁好味   夠凍夠酸夠辣

樽仔奶茶   味道係好   但係好甜   同埋完全唔凍   飲完勁反胃   哈哈

我去家姐屋企   但食完飯好攰呀   勁驚坐車瞓着 ~

第一時間開全盒   家姐見到全盒開咗   仲話諗住叫妳自己開添   哈哈

家姐鄰居自家制糖果

家姐喺馬莎買嘅   之前話買 HONEYCOMB 比佢   佢一口拒絕唔要   依家又自己買

Berry 今日好乖咁喎   成日黐住我咁嘅 ~

我話好眼瞓   可能飽得滯   家姐問食咗咩 ?1   我話味菜豬手飯   家姐話估唔到會食豬手   頭先里奧大人又係咁講   其實我係食豬手嘅   但唔好比我見到成隻手同手指就可以㗎喇   哈哈 ~

家姐帶 Berry 出街   我見到又有條新狗帶   我話唔係依家要戴 3 條狗帶呀嘛 ?!!   家姐話唔係   只係想試下   戴兩條都夠啦   大狗都係戴 1 條咋   不過無計啦   衰女走過一次   真係勁驚囉 ~

完全唔望我   但佢見我開袋拎零食係好興奮㗎喎

想望就望啦   又扮嘢

衰眼   哈哈

又扮唔望我喇   點解要咁對我啫   Berryyyyyyyyyy

咁樣望我辛唔辛苦呀 ?!

我覺得佢就來講: 妳影夠未 ?!

個樣好串呀   哈哈哈哈

其實佢非常眼瞓

大細眼   哈哈

對眼都撐唔大

呆呆滯滯

家姐成日叫 Berry 做傻妹   我叫 Berry 做顛婆   家姐話 Berry 未至於顛喎   哈哈 ~

但 Berry 好奇怪   家姐喺屋企   佢真係好少會瞓   連依家個工人都咁講   家姐番咗工   佢係成日瞓㗎   唔通想陪住家姐 ?!

今日搞笑   我同家姐一齊玩個 Game   都玩咗幾耐下   咁有紅黃綠呢啲色   家姐話原來綠色係啤梨   我哋依家先知咋   真係笑死呀   我哋成日都係咁   打機真係求求其其   但求過關   哈哈哈哈 ~

我拎上手係好大塊   但唔知咩來   我同家姐講笑話成條脷咁嘅   之後家姐碌大眼話妳點知㗎 ?!   真係牛脷嚟㗎

脆卜卜   食到好似會薯片咁

好似奸笑緊

又開始攰

佢明明一路係咁食   之後我拎開啦   佢居然懶到要我餵先食呀   最衰我啦   但家姐話我都好樂意餵佢嘅   哈哈

佢行開咗一陣   又無啦啦跳上梳化   仲瞓喺家姐隻腳度   所以我係咁搓佢   話我搓得佢好舒服

瞓咗陣又跳落梳化   要瞓地下張地毯   我叫咗 Berry 幾十次   佢之後又跳上梳化   仲瞓喺我大肶度呀   勁開心   搞到我同家姐都唔敢郁 ~

即刻托住佢個頭仔   等佢舒服啲

佢好似吊住個頭咁   好在我大肶厚肉   哈哈

佢真係瞓覺喎

佢瞓咗 5 分鐘左右啦   做咩唔瞓耐啲喎

Berry 真係神神化化   佢行喺梳化隔離   之後家姐叫佢   佢勁乖咁坐定定望住家姐呀   真係乖到覺得唔係 Berry 呀 ~

5 點半左右走人   又拎兩袋走   本身比包魚皮同兩個梨比我   後尾又比多兩個蘋果   最後講講下又比包糖   佢本身仲想比埋蛋散   但我話已經買咗比我啦   成包仲未食呀   真係唔好再比我囉 ~

今晚好攰   所以買水餃算喇 ~

里奧大人 6 點半先放工   等佢番到屋企先煮水餃 ~

再沖多次身   之後同里奧大人一齊睇戲 ~

我叫里奧大人食啤梨 ?!   佢好高音話食啤梨 ?!   食咗就無喎   妳唔係好鍾意啤梨咩 ?!   原來佢意思係指 Berry   係咪咁邪呀   家姐今日先講啤梨   哈哈   呢個比利時啤梨好甜又多汁   初初覺得 $10 一隻好貴   依家就覺得值喇   因為真係好難買到好味嘅生果呢

今晚大家都好攰   10 點半都一齊瞓喇 ~

張記甜品工坊 @ 紅磡 ( 20-FEB-2021 )

黑椒牛柳絲炒麵 - 呢個好味   因為啲麵好脆呀

芝士鹹牛肉奄列配多士 - 我同里奧大人講話好似早餐   哈哈

( 20-FEB-2021  SAT )

尋晚半夜發惡夢醒咗   好在好快瞓得番咋 ~

早餐食飽啲   因為起碼 2 點先食 Lunch ~

諗住食啦   但溫總過嚟傾咗 10 分鐘   好在無索哂啲湯咋

菇場唔忙啦   一半同事 Off   成個菇場靜到飛起 ~

放工即走   感恩好快有小巴 ~

今日真係超級感恩   本身今日姐夫朋友嚟屋企拜年   我就唔會去佢屋企㗎喇   同埋我 5 點又要去到里奧大人公司幫手   我都諗住番屋企算喇   咁前幾日同家姐講   我星期六多數都放工番屋企   估唔到佢星期六有嘢搞   搞掂嘅時間又同我放工差唔多時間   所以又可以見面喇 ~

1 點 45 分到新都城   咁啱家姐打嚟   原來佢已經到咗 ~

家姐話去板長   我話好呀   好耐無食壽司喇 ~

壽司定食配沙律 & 蒸蛋 & 麵豉湯 ($138) - 我同家姐都覺得蒸蛋好好味呀   因為諗住係無咩味

今餐食得好滿足呀

蒲燒鰻魚便當配麵豉湯 ($118) - 都好豐富   最正係有炸蝦天婦羅

食完就去買麵包   之後又行陣   再去萬寧買嘢   因為今日恆生卡 94 折   我即叫家姐有嘢就好快啲買喇   難得今日我喺度   佢真係好搞笑   次次買嘢都好唔好意思咁   我話頭先都係妳請我食飯啦   禮尚往來之嘛   哈哈 ~

經過百佳   又入去買咗生果   勁重呀   仲要排成十幾個人呀 ~

咁我用 1 個膠袋袋住 4 盒藍莓   個 Cashier 拎哂出嚟嘟   仲將 4 盒藍莓求其擺   又將個膠袋放喺收銀機下面   我已經奇怪啦   拎 1 盒出嚟嘟咪得囉   但家姐買 6 個蘋果 (2 份)   佢都只係嘟 1 次之嘛   比完錢   佢居然問我哋個膠袋喺邊 ?!   我話妳自己放喺收銀機下面呀   真係好想鬧佢   全程唔願做又發緊夢咁 ~

行到 4 點幾要走喇   家姐車我去巴士站   等 5 分鐘就有車   感恩感恩 ~

5 點左右到里奧大人公司   我要放低啲生果先去食早飯 ~

我真係食少少嘢就夠   感恩仲有下午茶餐   份量肯定唔會多嘛 ~

其實我都係同里奧大人傾偈多啲   佢同事好搞笑㗎   唔記得講開咩   佢話吸哂我啲脂肪   我話妳係咪話我肥呀 ?!   佢即刻攬住我   好似氹番細路仔咁   哈哈 ~

里奧大人今晚 9 點先放工   有啲同事仲未走得   不過唔等佢哋喇   肯定有排先搞掂 ~

番到屋企即沖涼   睇多陣電視   差唔多 11 點半都瞓 lu ~