2015年12月26日星期六

東寶小館 @ 北角 ( 26-DEC-2015 )

啤酒妹妹一放低支啤酒同碗   之後就即斟 d 啤酒落碗度   里奧大人話想洗下隻杯先   不過啤酒妹妹話係雪杯黎架   呵   唔講真係唔知


最緊要係相機食先   哈哈  


飲勝 ~~~~~~~~~~



表表話有個勝字   佢唔講真係無留意架   哈哈  


1664 大支  ( $38/支 ) - 叫咗 2 支   藍妹同其他啤酒都係 $38/支   咁當然叫 1664 啦   掛住傾計   我飲下飲下   飲咗里奧大人果碗   佢話奇怪點解越飲越小   嘩哈哈哈哈   零舍誇張 


南乳炸豬手 ( $118 ) - 我係咁易上網睇幾個食評   都話豬手好好味   d 皮脆卜卜   我食咗好多嚿都無嚿脆囉   真係好日唔睇食評   一睇就出事   哈哈   


豉椒炒蜆 - 中辣 ( 時價 ) - 我地一致都話好味   表表同小寶話有辣味   我覺得係超級辣啦   食完個咀唇都有小小痺   番到屋企   個胃仲慶合合架   但我最鍾意有芽菜底   撈埋 d 辣汁好鬼好食呢   


黃金蝦 ( 時價 ) - 都幾大隻架   同埋好爽口   我覺得好味 ^^   


百花茶釀豆腐 ( $128 ) - 表表話想食   咁當然叫啦   豆腐係自家制   黃黃地色   但我覺得無咩豆腐味咁   仲有個汁蘸嘅   但我無蘸到       



豉油王炒麵   好似 $80 - 呢個我話叫嘅   又係上網睇話必叫喎   同埋好過叫白飯嘛   但我真係覺得無咩特別   但就真係好乾身   但得果 dd 芽菜韭菜咋噃   我覺得貴囉        


其實張枱都唔係咁夠位擺架   每人一隻杯同兩隻碗   再加埋個茶壺同支酒呢      


( 26-DEC-2015  SAT )

今朝 9 點半起身   因為約咗媽咪 家姐 姐夫 11 點去彩晶軒飲茶   咁我諗住先到先等位   唔想成日都係家姐等位呢 ~

沖埋涼諗住抖陣先   點知家姐 10 點半話有位   咁我地拿拿聲搞掂哂就打的接埋媽咪同工人一齊去酒樓喇 ~

鮑汁菌菇腐皮卷 - 我覺得蘸喼汁一齊食係好好味呢


皮蛋香茜牛肉腸 - 唔覺有皮蛋噃 


花彫酒香煲仔叉燒包 - 無咩特別   


即製南翔小籠包 - 家姐知我鍾意食   所以叫一籠   但一早食小籠包   感覺好似好飽咁  哈   但都幾好味   幾多肉汁呢  


月半彎水晶鮮蝦餃 - 無食呀   


三姐巧弄潮州蒸粉果 - 我鍾意食呢 d 皮   煙煙韌韌   但估唔到今次里奧大人話食粉果   平時佢唔食架     


艇頭海味香煎蘿蔔糕 - ok 好味  


糖醋五柳炸雲吞 - 普通啦  


紫金名醬豉蒜蒸鳳爪 - 完全唔掂   


椰果紅豆沙 - 茶杯 size   兩啖可以食哂   呵  


桂花紅豆糕 - 一匙更 size   口大嘅話可以一啖食哂


飲到差唔多 12 點半就分手喇   家姐同媽咪就行下一田   我同里奧大人就搭地鐵去荃灣   估唔到今日同聽日搭地鐵係小童價優惠   真係要多多搭地鐵呀   哈哈 ~

1 點 40 分已經到荃灣   放低 d 嘢喺酒店就周圍行下 lu ~   

見到 check in 柜枱有條人龍   再見埋呢堆行李陣   希望一陣番黎唔見哂佢地啦   哈


我覺得 d 行李好震撼 


酒店好焗呀   同埋我無啦啦有 d 餓   所以我話去大家樂食個 tea 先 ~


2 點半即走   諗住去酒店排定隊   咁里奧大人上網 check 到機場巴士喺 2 點 45 分已到咗酒店   咁佢話佢入去排隊先   我就搵下表表   點知我一向後望   就見到表表同小寶喇   勁開心呀   太耐無見喇   好掛住佢地呢   3333 ~

Check-in 柜位仍然係排長龍呀   我地本來 4 個人一齊排住隊傾計   不過有個 staff 話叫兩個排隊   咁唔駛將 d 行李推黎推去   另外兩個可以搵個地方企埋一邊   咁我同表表就行埋一邊傾計呢   掛住講   都唔記得表表應該都攰   因為佢 5 點半起身嘛   我應該唔好講咁多嘢   哈哈 ~

足足用咗 45 分鐘排隊 check-in   真係超勁耐囉   無諗過會咁多人囉 @@

雖然我住喺香港   但我真係唔知香港 d 酒店房間係點架   所以今次跟埋表表上房   感覺都好似自己去緊旅行咁   嘩哈哈哈哈 ~

門就一定係佢地開架啦   之後我就即刻將自己件褸喺椅背 ( 過後諗番真係當正自己住咁   佢地都有着褸嘛   應該佢地放椅背先啱呢 )   咁我再一路開窗簾   一路問表表開唔開得窗簾   哈哈   其實佢未答我已經開哂簾   呵呵 ~

表表就好忙喇   拎下嘢又放下嘢   我同里奧大人就坐喺度   小寶就唔記得佢做 d 咩   佢啦   成日咁靜   真係差 d 唔記得佢存在呀   嘩哈哈哈哈哈哈 ~

不過最搞笑係佢一開電視   見到自己個名   望住個電視機喺度傻笑   話有佢個名 @@   

今晚唔去安利喇   其一時間唔夠   其二唔想食飽唔夠一個鐘又食第晚飯   所以決定去表表想去嘅 Teakha ( 茶家 )  估唔到當時已經 5 點半喇   時間過得咁快架 ~

我真係覺得表表好勁   去埋 d 地方我真係無去過   仲大鄉里過佢   所以我話佢黎香港   我跟佢搵食先真   哈哈 ~ 


初初坐呢張貼近地面嘅木櫈咋   我差 d 起唔到身呀   好在後尾轉咗坐草地 (假草皮)   反而我覺得坐得仲舒服   起身又無腳痺噃     


有 d 帶埋狗狗一齊嘆茶呢  


我好鍾意個 menu 設計   夠簡單   


開餐喇 ~~~~


Pumpkin and Honeycomb Cheesetart 南瓜蜂糖脆脆起司餅 ( $44 ) - 因為我想食 Honeycomb       


呢個小寶叫架   我完全唔記得咩味道添 lu   但記得口感係一絲絲咁呢   


居然無開杯蓋就影相添  ><


表表嘅 Mulled Roselle Tea 聖誕香料洛神花茶 ( $30 ) - 佢飲嘅茶好 lady   哈哈  
小寶嘅 Sea Salt Yin Yang 海鹽鴛鴦 ( $40 )  
我同里奧大人 share 嘅 Masala Chai 印度香料奶茶 ( $48 ) - 我地幾個好似做緊飲食節目咁   一杯飲品大家一齊試   如果我地搽唇膏   男士們就慘 lu   呵呵           


都好多人影相架   


@ Teakha ( 茶家 )


@ 東街 


好似差唔多 6 點半就起行去東寶喇   又搭番地鐵去北角   唔記得阿 mi 今朝話條街定商場好靜   但地鐵就超級多人   後尾先醒起今日搭地鐵有優惠   唔怪得咁多人啦   焗到暈咁滯 ~ 

我訂咗 7 點   佢話我遲到咗 7 分鐘   所以要再等過位   因為佢地唔會留枱 ~

好感恩等唔夠 5 分鐘   我地就有枱呢 ~

@ 東寶小館  


外牆有得掛外套   枱底又可以擺袋   都幾細心噃   同埋好在我地坐近牆邊咋   哈   


其實環境都唔係上網咁講話好嘈好 dirty 丫   可能我地坐近門口   又無人猜枚飲酒   所以唔係好嘈呢 ~  

食下傾下   今晚小寶都講咗好多嘢   算佢啦   我地差唔多 10 點就走喇   之後一齊行去地鐵站   今晚幾大都搭地鐵呀   哈哈 ~

番到屋企即沖涼   抖多陣   12 點先瞓 ~

8 則留言:

  1. 战斗碗-1664~大爱阿!表表来找你!有没有不醉无归啊?

    回覆刪除
    回覆
    1. 嘩..當然無不醉無歸啦 第一日到埗咋 哈 ~~~~

      刪除
  2. 表表 ~~
    多謝你地阿 有親人係香港零舍唔同
    感覺好溫暖 好窩心啊 :*

    果日一到見到你地電梯落黎
    仲唸住邊個同你地咁似 嘩哈 :D

    我堅懷念個炒蜆好驚喜
    下一次返港探親 都一定必食 好like 囉
    同埋呢 我都依然要第一日去 用碗乾超豪邁 feel 呢

    仲有 我好 like 東街影o既相

    回覆刪除
    回覆
    1. 表表 ~
      咁妳幾時再黎探我呢個表表呀 哈哈~~

      見到我都唔大叫我 唔興奮咁話啦 嘩哈~~

      炒蜆真係堅好味 但好鬼辣啦 但我又想挑戰大辣
      哈哈 因為妳地喺度 呵呵~

      用碗乾杯感覺真係超正 又令我好想扯住隻燒鵝肶一路食一路飲酒呀
      個咀仲要係油淋淋咁喎 咁先夠豪邁 哈 下次一齊試下~

      東街相我都 like 啊 都係果句 影得太小 嘩哈哈~

      表表 下次我地去西營盤同埋d舊區一齊再影~
      諗起都開心 哈~~~~


      刪除
  3. 表表 ⋯

    我想話呢
    西營盤係今次嘅遺憾啊我
    原本唸著搵日早起身去影下相
    但妳知啦 ⋯
    晚晚都 ⋯
    點起身喎🤔🙄

    有遺憾先有下次嘛
    等我啊 下次一定要去西營盤

    回覆刪除
    回覆
    1. 表表~~
      我都同小奧講話搵日都去下西營盤 視察下環境先 哈~
      但仍都一定會同妳再去 我鍾意去香港區影相
      因為對我黎講都幾陌生架 即係好有新鮮感 哈~

      妳記得仲要去美孚喎 買杏仁條同曲奇
      堅想同妳分享 因為我唔食曲奇都覺得好好味呢~

      刪除
  4. 笠子..又係我呀!
    wow...細表終於到香港啦! 依日好在有你地招呼佢地(歡迎~歡迎! 哈哈)
    check in好癲呀~人多到呢! 要攪咁耐..香港人就一定無依個耐性
    東寶都好串啫~7分鐘就唔hold檯~好在都唔係等好耐
    講真..如果我地自己食(即係無細表)~未必受到佢氣會走囉..好巴閉咩
    大1664未見過喎~個炒蜆堅正呀~講開又講..你地依間彩晶軒
    同我地依間食既野有唔同~名都唔同..好長呀! 哈哈

    回覆刪除
    回覆
    1. 笠笠 仍都係我 哈哈~~~~
      呢日我地都好熱烈歡迎表表佢地
      太耐無見 見到真人 感覺好似好假咁 哈哈~
      如果下次咁樣 我同小奧去排定隊先囉
      妳地都一齊黎啦 買定嘢飲 可以邊等邊吹 嘩哈哈~~~~~~~~
      東寶超級串啦 唔係表表想食 我走添呀 態度唔係咁樣囉 有寶咩 ~~~~
      話時話真係只係見過細 1664 妳知啦 我唔會記酒家嘛 呵~
      炒蜆堅正呀笠 超辣 啱哂妳 哈~
      呢間彩晶軒 d 點心名超級長啦 食10個點心要打一百隻字 痴鬼線 哈~

      刪除