咖哩煙肉意粉 + 麻醬拌青瓜 + 唐生菜 ( 4-FEB-2026 )

( 4-FEB-2026  WED )

感恩瞓得都唔錯   所以好鍾意凍凍哋嘅天氣   瞓得舒服好多㗎 ~

今朝同里奧大人一齊去買早餐   之後去佢公司一齊食   我覺得好 Relax 㗎   因為唔駛趕住食同趕住搭車   哈哈 ~

菇場唔忙又做自己嘢   好快就會到 11 點 45 分㗎喇 ~

Lunch Time 蒸好飯就去買菜   去埋萬寧買紙巾就番菇場開餐 lu ~

我覺得 JOGUMAN 柔軟面紙好得意   仲要只係 $20/2 件   所以買比里奧大人啲同事呀   12 包啱啱夠分

唔忙就繼續做自己嘢   仍然 3D 要好好珍惜呢 ~

放工買麵包同薯圈比糟糟先番屋企   里奧大人話要 6 點半番到屋企   咁當然無問題啦   我都未咁快煮好   哈哈 ~

是日晚餐 - 咖哩煙肉意粉 + 麻醬拌青瓜 + 唐生菜

咖哩煙肉意粉 - 依家盡量清啲醬汁   所以間唔中執下櫃桶都係好嘅   唔係又得個擺字 ~

麻醬拌青瓜 - 上次剩咗 3 條水果青瓜   已經凍壞咗 1 條   好在都諗住今晚食咋 ~

唐生菜 - 買咗 2 棵仔   只係 $3.5 咋   所以我覺得出街食菜好貴   哈哈 ~

洗埋碗抖陣就同里奧大人去做機   做咗 10 分鐘就要同糟糟交收 2 大袋膠袋   今次要叫埋里奧大人幫手拎呀   好感恩糟糟特登揸車過嚟比我   咁我唔駛喺家姐屋企拎呢 ~

我買咗包薯圈比糟糟嘛   佢勁鬼開心呀   佢話仲諗緊唔知我會唔會買薯圈比佢呢 ?!   因為已經食哂   我話想食咪話比我知囉   我一定買家嘛 ~

唔想又再拎嚟拎去   所以將啲膠袋拎埋去里奧大人公司   搞掂都已經 9 點   所以想再去做機呀 ~

今晚做 20 分鐘就夠   因為我要染髮   唔想搞到咁夜呀 ~

開機洗衫就沖涼染髮   之後里奧大人都番到嚟 lu ~

同里奧大人一路食橙一路睇 "非常檢控觀"   今集都好睇   最緊要無情情塔塔就得㗎喇 ~

今次買嘅葉橙都好甜

睇完再睇陣 Youtube   今晚 11 點 15 分先瞓呀 ~