Subway (外賣) ( 7-AUG-2014 )

( 7-AUG-2014  THU )

今朝鬧鐘終於正常時間響啦   哈哈   最鬼驚急急趕趕   肥人嘛   要慢活   唔係命都短啲 ~

早餐食奄列   食唔落奶油脆豬   拎走留番晏啲食 ~

菇場唔忙   可以 Hea 過   依家會好好珍惜 Hea 過嘅日子   哈哈 ~

Lunch Time 出去行陣   再買車仔麵番菇場食 ~

仍然 Hea 過等放工   4 點送雪櫃嘅運輸打嚟   話依家喺屋企附近   問我可唔可以送貨   我話唔得   之後佢叫我可唔可以早啲走   真係黐線囉   一早講明話 6 點先有人家嘛   之後又問我屋企有無人   我話無呀   最快 6 點 ~

放工走啦   今日無車   所以真係差唔多 6 點先番到屋企 ~

打比個運輸   佢話要 6 點半先到   又叫我同大堂講聲   開一陣門比佢搬部雪櫃入嚟   等佢唔駛入停車場   又係黐鬼線   個個係咁仲得了咩   之後我話停車場果層可以按鐘   咁我咪可以開門比佢囉   但佢居然話叫我落去開會比佢   真係有啲暈 ~

6 點 45 分搞掂   咁啱里奧大人都放工   諗住去元氣   不過我搞個 Apps 搞咗好耐   終於差唔多7  點先到元氣   要等 30 張枱呀   所以一定唔等 ~

又唔知食咩好   里奧大人話買 Subway 番屋企食   咁都好喎   好想快啲用哂啲 Coupon 呀 ~

食完抖陣就沖涼   之後寫下 Blog   差唔多11 點就瞓覺 lu ~

鹹蛋皮蛋蒸肉餅 + 蔥油菜心苗 + Subway (外賣) ( 6-AUG-2014 )

里奧大人 Lunch 食唔哂嘅半碟西炒飯   炒埋都有一大碗 

( 6-AUG-2014  WED )

今朝又係我鬧鐘響先   里奧大人第一句就問係咪 8 點   因為次次我鬧鐘娼響先即係 8 點   咁啱佢唔記得教番自己鬧鐘 7 點 25 分響   我又唔記得教番 7 點半響   所以咪 8 點先響囉 ~

又嚟開行 Turbo 梳洗   如果唔駛沖涼洗頭   其實真係慳番唔少時間   哈哈 ~

雖然趕   但我都照食早餐   因為 9 點番到菇場   個個做嘢   我食早餐就唔係咁好啦 ~ 

唔好忙呀   同埋唔好有急嘢做   部腦太慢喇   想快都快唔到   呵呵 ~

Lunch 食杯麵   要快啲食哂去 ~

放工去買街市   屋企無雪櫃   里奧大人叫我唔好煮   話唔可以留過夜   我話煮少啲咪得囉   8 卦又係好愕然話無雪櫃仲煮   大佬  最基本嘅豉油糖鹽生粉油唔係放喺雪櫃家嘛   所以無雪櫃根本唔會煮唔到嘢囉 ~

熨完衫抖陣   里奧大人又係 7 點半放工   咁就即煮飯喇 ~

是日晚餐 - 鹹蛋皮蛋蒸肉餅 + 蔥油菜心苗 + Subway (外賣) 

鹹蛋皮蛋蒸肉餅 - 無啦啦勁想食肉餅   同埋想清哂啲鹹蛋皮蛋   依家唔想留嘢   之前特登買 2 盒 Movenpick 雪糕同埋支 Balieys   諗住慢慢嘆   點知溶哂   咩都無喇   嗚嗚嗚嗚 ~ 

蔥油菜心苗 - 雖然拻菜芯好煩   不過我真係鍾意食菜心苗   今次啲菜心苗仲好甜添呀 ~

Subway (外賣) - 里奧大人話驚唔夠飽   所以買嚟 Share 食   最後飽到反肚 ~

搞掂哂都 9 點幾   即沖涼喇 ~

11 點半瞓   好攰 ~  

煎釀三寶 (外賣) ( 5-AUG-2014 )

( 5-AUG-2014  TUE )

今朝想食米粉   食完熱辣辣 ~

Lunch 又食 Flakes + 朱古力奶   想快啲清哂啲朱古力奶 ~

放工即走喇   因為想徑步   徑咗 5 個圈   不過真係好鬼焗   唔係會徑多 1 個圈囉 ~

里奧大人 7 點半放工   我話今晚煮米粉   叫佢買煎釀三寶番嚟做餸 ~

食完抖陣沖埋涼就休息喇   11 點幾瞓 ~

別府 @ 九龍灣 ( 4-AUG-2014 )

( 4-AUG-2014  MON )

今朝都唔係咁想起身添   因為尋晚半夜發夢大叫   之後瞓得唔好囉 ~

早餐食吞拿魚碎蛋飛碟   食完成身油煙味 ~

菇場忙呀   又要做 Report   熊人又無啦啦話同我整部電腦   又無咗一個鐘   好在最後都可以去 Server 拎嘢   唔係就真係好煩囉 ~

阿齋 11 點問我食唔食酸辣米線   佢話佢去買   搞到我心思思   不過最後我話我去買   我想比對眼抖下呢 ~

唔係講笑㗎   個 Mon 變哂色   我睇嘢睇到對眼好痛   我已經無上 FB 同睇 Blog 㗎喇   唔係盲都似 ~

唔想煮呀   所以放工即番屋企   睇埋新聞就拖地   里奧大人 7 點幾放工   咁都好   唔駛等咁耐 ~

食完就番屋企寫 Blog   里奧大人就睇電視   9 點半就一齊做保健操 ~  

KFC @ 九龍灣 ( 3-AUG-2014 )

芝味濃脆雞餐 X 2

( 3-AUG-2014  SUN )

今朝 10 點起身   之後去食早餐   抖陣沖涼就番教會喇 ~

奉獻完之後就走喇   去完德爾斯再去德福嘅 Broadway 同豐澤   感恩喺豐澤買到啱心水嘅雪櫃   但要再 Check 多次 Size 先買 ~

搞掂哂都 2 點半   里奧大人話去食 Tea   本來想去 Pepper Lunch   不過佢哋無咗黑椒汁   所以唔食喇   去大快活算喇   之後去馬莎買糖同餅   買完即走喇   因為里奧大人仲有公司嘢要做呢 ~

番到屋企抖陣就決涼   之後就熨 2 機衫   抖多陣就已經 6 點半   又要去食嘢喇   今晚去 KFC   因為之前同 8 卦一齊團購   2 Set 只係 $45 咋   抵到爆 ~

食完去豐澤買雪櫃   最快要星期四晚   依家買雪櫃就送包米同冷氣被   九唔搭八好搞笑 ~

番到屋企即沖涼   真係出一出個門口已經可以流汗 ~

11 點半瞓   好在眼瞓   因為晏晝飲咗凍咖啡   真係驚驚哋   哈哈 ~

港南湘蜀食堂 @ 九龍灣 ( 2-AUG-2014 )

脆豬手

雙色剁椒蒸魚頭

茶樹菇牛腩粒

沙爹什菜煲

( 2-AUG-2014  SAT )

今日係我每月一 Off   里奧大人又約咗姑奶食早餐同買平安手機   我唔去喇   話明自然醒家嘛   佢仲要 10 點 15 分打嚟問喺邊度食   麻鬼煩   所以我照瞓   反正又唔餓 ~

佢哋差唔多 12 點先搞掂   咁啱家姐今日又會同我哋一齊充出旺角買嘢   咁順便一齊出去食嘢 ~

同家姐 1 點 15 分喺旺角等   熱鬼到呢   所以食越南嘢   因為想食撈濛 ~

差唔多 2 點半就走喇   去旺電買 Keyboard   之後再去星際睇嘢   居然見到里奧大人舊同事   其實我間唔中都喺牛下街市見到佢㗎   不過我驚佢認唔到我   我先唔叫佢   估唔到今日都會見到佢   勁有緣呀 ~

太熱喇   所以去麥記飲嘢   其實都已經 4 點   但里奧大人仲喺想幫家姐買到 Cooler   所以一齊出埋去黃金啦   感恩買到 Cooler 呀   仲要係家姐鍾意嘅紫色   最搞笑喺我聽到後面有個男仔   話佢家姐實買紫色   咁里奧大人隔離嗰個又想睇紫色   所以 Sales 話大家都鍾意紫色   咁就開比大家睇啦   之後我就即比錢比 Sales 哥哥   佢以為咩事   哈哈   之後我話我係幫家姐比錢啫 ~

抹茶豆腐蛋糕

因為家姐搭巴士   咁同埋佢一齊行另一邊啦   我同里奧大人就變咗坐小巴番屋企喇 ~

番到屋企抖咗一陣又出門啦   咁啱 2 姑奶喺彩石里   所以兜埋我哋去舖頭   差唔多 6 點半就去食嘢喇 ~

去 2 姑奶屋企坐陣就一齊再去水姑屋企   搞掂哂就番舖頭拎嘢走 ~

番到屋企都 10 點半   沖沖下涼   里奧大人話雪櫃原來唔凍   所有嘢溶哂呀   咁我沖完涼即刻掉嘢啦   留番啲乾貨   其他要掉哂   一舖清袋   哈哈 ~

執完嘢抖陣   12 點瞓喇 ~

卧龍莊精品川菜館 @ 佐敦 ( 1-AUG-2014 )

干扁大腸

口水雞 

野山菌扒大白菜 

桂花糖蕃茄 - 我鍾意桂花味

( 1-AUG-2014  FRI )

今朝里奧大人鬧鐘無響   所以趕唔切上大陸   咁喺香港做嘢啦   平時我就 7 點半起身   但佢一上大陸   我就會 8 點起身   咁即係今朝 8 點先起身啦   里奧大人開行 2 個 Turbo 刷牙沖涼   10 分鐘就搞掂   之後我又唔知做咩鬼同佢一樣咁急喎   後尾去到商場   佢話要行快啲   叫我慢慢行喎   咁都好   因為我其實係唔需要同佢一齊趕家嘛 ~

菇場忙呀   不過電腦勁慢   想快都唔得   呵呵 ~

夜晚約阿 mi 食飯   所以放工即走喇   驚塞車呀 ~

約咗阿 mi 6 點 15 分喺佐敦等   咁我上車就 Whatsapp 佢   佢同我都應該差唔多時間到佐敦      掛住同佢 Whatsapp   我差啲喺太子轉咗車 ~

我到旺角之後再問佢喺邊   佢原來下站到旺角   咁我等埋佢先上車   咁可以坐同一車廂一齊去佐敦   佢話佢喺車尾約第 10 道門喎   但去到佐敦都未搵到   哈哈   因為我行錯方向呢 ~

終於都係佐敦先見到   想早啲見多佢一面都唔得添 ~

一出地鐵站就落雨   我又無帶遮   好在都好快行到食店   希望一陣唔好落雨啦 ~   

Book 咗 6 點半   我哋坐卡位   超舒服呢   因為環境都好清靜   同埋枱與枱之間都好闊落   唔錯唔錯 ~ 

我哋點好菜   阿 mi 就比盤水種植物比我啦   多謝哂   希望佢能夠開枝散葉啦   哈哈 ~

一路食一路傾   之後無啦啦講鬼故   最驚啦   嚇到即刻毛管動   要着外套呀 ~

今晚真係咩都傾一餐   同埋發覺我同佢嘅經歷都差唔多   所以好有共鳴   哈哈 ~

快樂不知時日過   9 點幾嘅時候諗住食埋就轉場食糖水   點知一傾就傾到 10 點 45 分   係時候要走喇   費事佢哋認得我哋   哈哈 ~

原來我哋傾下傾下都傾咗 4 個幾鐘   女人真係好鬼多嘢講呢 ~          

仍然落雨呀   好在阿 mi 有遮   可以遮埋我   因為我大份嘛   所以佢應該濕咗半邊身   如果我記得帶遮就好啦   佢唔駛濕身   佢呀   成日 Check 住我點拎盤水種植物   話驚我拎到歪咗   會瀉哂啲水喎   連過馬路都昅住盤嘢   情願我跌都唔想盤嘢跌咁呀   哈哈 ~

原來我同阿 mi 都有小巴可以坐到番屋企   咁梗係坐小巴啦   我早過佢番屋企   咁我等埋佢 Whatsapp 我安全到家   我就沖涼喇 ~

里奧大人 12 點瞓啦   我就差唔多 1 點先瞓呀 ~