卧龍莊精品川菜館 @ 佐敦 ( 1-AUG-2014 )

干扁大腸

口水雞 

野山菌扒大白菜 

桂花糖蕃茄 - 我鍾意桂花味

( 1-AUG-2014  FRI )

今朝里奧大人鬧鐘無響   所以趕唔切上大陸   咁喺香港做嘢啦   平時我就 7 點半起身   但佢一上大陸   我就會 8 點起身   咁即係今朝 8 點先起身啦   里奧大人開行 2 個 turbo 刷牙沖涼   10 分鐘就搞掂   之後我又唔知做咩鬼同佢一樣咁急喎   後尾去到商場   佢話要行快 d   叫我慢慢行喎   咁都好   因為我其實係唔需要同佢一齊趕家嘛 ~

菇場忙呀   不過電腦勁慢   想快都唔得   呵 ~

夜晚約 mimi 食飯   所以放工即走喇   驚塞車呀 ~

約咗 mimi 6 點 15 分喺佐敦等   咁我上車就 whatsapp 佢   佢同我都應該差唔多時間到佐敦      掛住同佢 whatsapp   我差 d 喺太子轉咗車 ~

我到旺角之後再問佢喺邊   佢原來下站到旺角   咁我等埋佢先上車   咁可以坐同一車廂一齊去佐敦   佢話佢喺車尾約第 10 道門喎   但去到佐敦都未搵到   嘩哈哈哈哈哈哈   因為我行錯方向呢 ~

終於都係佐敦先見到   想早 d 見多佢一面都唔得添 ~

一出地鐵站就落雨   我又無帶遮   好在都好快行到食店   希望一陣唔好落雨啦 ~   

Book 咗 6 點半   我地坐卡位   超舒服呢   因為環境都好清靜   同埋枱與枱之間都好闊落   唔錯唔錯 ~ 


我地點好菜   Mimi 就比盤水種植物比我啦   多謝哂   希望佢能夠開枝散葉啦   哈哈 ~

一路食一路傾   之後無啦啦講鬼故   最驚啦   嚇到即刻毛管動   要着外套呀 ~


今晚真係咩都傾一餐   同埋發覺我同佢嘅經歷都差唔多   所以好有共鳴   哈哈 ~

快樂不知時日過   9 點幾嘅時候諗住食埋就轉場食糖水   點知一傾就傾到 10 點 45 分   係時候要走喇   費事佢地認得我地   嘩哈哈哈哈 ~

原來我地傾下傾下都傾咗 4 個幾鐘   女人真係好鬼多嘢講呢 ~          

唉   仍然落雨呀   好在 mimi 有遮   可以遮埋我   佢慘 d   因為我大份嘛   所以佢應該濕咗半邊身   如果我記得帶遮就好啦   佢唔駛濕身   佢呀   成日 check 住我點拎盤水種植物   話驚我拎到歪咗   會瀉哂 d 水喎   連過馬路都昅住盤嘢   情願我跌都唔想盤嘢跌咁呀   oh ~

原來我同 mimi 都有 van 仔可以坐到番屋企   咁梗係坐 van 啦   我早過佢番屋企   咁我等埋佢 whatsapp 我安全到家   我就沖涼喇 ~

里奧大人 12 點瞓啦   我就差唔多 1 點先瞓呀 ~