鹹蛋皮蛋蒸肉餅 + 蔥油菜心苗 + Subway ( 外賣 ) ( 6-AUG-2014 )

里奧大人 lunch 食唔哂嘅半碟西炒飯   炒埋都有一大碗 

( 6-AUG-2014  WED )

今朝又係我鬧鐘響先   里奧大人第一句就問係咪 8 點   因為次次我鬧鐘娼響先即係 8 點   咁啱佢唔記得教番自己鬧鐘 7 點 25 分響   我又唔記得教番 7 點半響   所以咪 8 點先響囉 ~

又黎開行 turbo 梳洗   如果唔駛沖涼洗頭   其實真係慳番唔小時間   哈 ~

雖然趕   但我都照食早餐架   因為 9 點番到菇場   個個做嘢   我食早餐就唔係咁好啦 ~ 

唔好忙呀   同埋唔好有急嘢做   部腦太慢喇   想快都快唔到   呵呵 ~

Lunch 食杯麵   要快 d 食哂去 ~

放工去買街市   屋企無雪柜   里奧大人叫我唔好煮   話唔可以留過夜   我話煮小 d 咪得囉   8 卦又係好愕然話無雪柜仲煮   大佬  最基本嘅豉油糖鹽生粉油唔係放喺雪柜家嘛   所以無雪柜根本唔會煮唔到嘢囉 ~

熨完衫抖陣   里奧大人又係 7 點半放工   咁就即煮飯喇 ~

是日晚餐 - 鹹蛋皮蛋蒸肉餅 + 蔥油菜心苗 + Subway ( 外賣 ) 

鹹蛋皮蛋蒸肉餅 - 無啦啦勁想食肉餅   同埋想清哂 d 鹹蛋皮蛋   依家唔想留嘢   好似之前特登買 2 盒 Movenpick 雪糕同埋支 Balieys   諗住慢慢嘆   點知溶哂   咩都無喇   嗚嗚嗚嗚 ~ 

蔥油菜心苗 - 雖然拻菜心好煩   不過我真係鍾意食菜心苗   今次 d 菜心苗仲好甜添呀 ~

Subway ( 外賣 ) - 里奧大人話驚唔夠飽   所以買黎 share 食   最後飽到反肚 ~

搞掂哂都 9 點幾   即沖涼喇 ~

11 點半瞓   好攰 ~