港南湘蜀食堂 @ 九龍灣 ( 2-AUG-2014 )

脆豬手

雙色x椒蒸魚頭

茶樹菇牛腩粒

沙爹什菜煲

( 2-AUG-2014  SAT )

今日係我每月一 off   里奧大人又約咗大姑奶食早餐同買平安手機   我唔去喇   話明自然醒家嘛   佢仲要 10 點 15 分打黎問喺邊度食   麻鬼煩   所以我照瞓   反正又唔餓 ~

佢地差唔多 12 點先搞掂   咁啱家姐今日又會同我地一齊充出旺角買嘢   咁順便一齊出去食嘢 ~

同家姐 1 點 15 分喺旺角等   熱鬼到呢   所以食越南嘢   因為想食撈濛 ~

差唔多 2 點半就走喇   去旺電買 keyboard   之後再去星際睇嘢   居然見到里奧大人舊同事   其實我間唔中都喺牛下街市見到佢架   不過我驚佢認唔到我   我先唔叫佢   估唔到今日都會見到佢   勁有緣呀 ~

太熱喇   所以去麥記飲嘢   其實都已經 4 點   但里奧大人仲喺想幫家姐買到 cooler   所以一齊出埋去黃金啦   感恩買到 cooler 呀   仲要係家姐鍾意嘅紫色   最搞笑喺我聽到後面有個男仔   話佢家姐實買紫色   咁里奧大人隔離果個又想睇紫色   所以 sales 話既然大家都鍾意紫色   咁就開比大家睇啦   之後我就即比錢比 sales 哥哥   佢以為咩事   哈哈   之後我話我係幫家姐比錢啫 ~

抹茶豆腐蛋糕

因為家姐搭巴士   咁同埋佢一齊行另一邊啦   我同里奧大人就變咗坐 van 仔番屋企喇 ~

番到屋企抖咗一陣又出門啦   咁啱 2 姑奶喺彩石里   所以兜埋我地去舖頭   差唔多 6 點半就去食嘢喇 ~

去 2 姑奶屋企坐陣就一齊再去 3 姑奶屋企   搞掂哂就番舖頭拎嘢走 ~

番到屋企都 10 點半   沖沖下涼   里奧大人話雪柜原來唔凍   所有嘢溶哂呀   咁我沖完涼即刻掉嘢啦   留番 d 乾貨   其他要掉哂   一舖清袋   哈哈 ~

執完嘢抖陣   12 點瞓喇 ~