大快活 @ 官塘 ( 7-JUL-2017 )

咖哩雞飯   好鹹呀   同埋個汁太杰喇   好似水尾咁呢

( 7-JUL-2017  FRI )

尋晚一覺瞓天光   感恩感恩   之前成日瞓到半夜出汗   我估可能食咗好多荔枝   因為依家無熱醒嘛   下次都係唔好咁食法了 ~    

早餐食芝蛋治   好耐無食   所以想食   但食咗半件已經好鬼漏   下次真係咪搞喇 ~



拿拿聲做埋 Report   搞掂哂就即 Send 出去   又了咗一件心事了   哈哈 ~

Lunch Time 唔餓就周圍行   行到 1 點幾就要買嘢食番菇場   突然好想食炒米粉同粉果   不過灘凍哂   所以唔好食   哈哈 ~

菇場唔忙呀   可以繼續 Load 相 ~

放工番屋企先   今晚同里奧大人去拎淘寶嘢   所以都唔煮喇 ~

佢 7 點放工   諗住去官塘廣場食上海嘢   但居然要等 4 張枱   咁唔等喇   見啲人都係啱啱坐低咁   咁唯有轉場去大快活啦 ~

食完就去拎淘寶嘢   之後番屋企 lu ~

沖埋涼   睇多陣電視   11 點幾都瞓喇 ~ 

茄汁蝦碌 + 腐乳唐生菜 ( 6-JUL-2017 )

( 6-JUL-2017  WED )

尋晚明明眼瞓   點知越諗越激氣   搞到瞓唔好   咁樣真係唔得喎 ~

我 7 點 45 分先起身   感恩又唔眼瞓   唔係大鑊咯 ~

好餓呀   早餐食米粉餐 ~



又要做長命 Report   不過今次要快手   因為好想 Load 相   哈哈 ~

8 卦病咗 2 日   佢好慶話西瓜前一晚話搭的士走   駛唔駛拎部電腦比佢 ?!   仲問佢今晚覆唔覆客 ?!   真係痴痴哋   人哋發燒感冒呀   所以我每月一到請假   我知佢好唔鍾意   但我真係番唔到工   如果唔係都唔會月月請啦   前世未比你話過咩 ~

Lunch Time 又食健康餐   阿齋都話我勁   可以連食兩日   我話真係好味道喎   呵呵 ~

仍然做長命 Report 呀   係咁 Check 呀 Check   所以好快就放工 ~

放工即去街市買餸   唔知係咪菇場真係凍得滯   行咗街市兩個圈都無汗出   但如果番完教會去買餸   真係買到出汗   哈哈 ~

家姐搞笑   6 點 15 分打嚟問我煮完未 ?!   我話大嫂   啱啱番到屋企咋   佢仲好驚訝咁問點解咁遲 ?!   我話要買餸呀   唔係點煮呀   哈哈 ~

搞掂哂就拖地   6 點 40 分即煮喇   好鬼餓 ~

是日晚餐 - 茄汁蝦碌 + 腐乳唐生菜

茄汁蝦碌 - 由尋晚開始已經超級勁想食呢個餸   今日直頭覺得成日聞到茄汁蝦碌味道添呀   所以非煮不可   今晚買一份嘅蝦 $35   其實我應該買半斤好過   不過話就話海蝦   但都有 2 隻款   價錢都唔一樣   咁應該係海蝦同草蝦分別   唔係兩樣都係海蝦 ~

腐乳唐生菜 - 又清咗樽腐乳   正呀   以前唔識煮嘢   唔知生菜有分唐生菜同西生菜   以為唐生菜就要淥好耐   但識煮少少嘢之後   依家鍾意買唐生菜喇   好似新鮮啲咁   因為西生菜多數係包住一個個   同埋好多都生哂"秀"咁   所以都好耐無買佢 lu ~

今餐真係好滿足喇   食完之後真係好開心   哈哈 ~

開心過後就要洗碗   沖埋涼就休息 lu ~

又同冰姑傾下偈   不過今晚都好攰   加上尋晚瞓得唔好   所以 10 點半即瞓 ~

雜丸辛辣麵 ( 5-JUL-2017 )

( 5-JUL-2017  WED )

尋晚一覺瞓天光   感恩感恩 ~

早餐食芝腿治   懶呀   唔想落手拎住食 ~



依家茶記請咗個新阿姐   做咗個幾月   咁之後都請咗啲新人   成日點人做嘢   講真   真係睇見佢都憎   仲話佢叫得妳做就係啱   佢就勁啦   自己只負責寫單咁   早餐搞掂就懶好咁話呢碟係幾號枱   講得嚟都拎完啦   有客就叫人拎刀叉   有外賣就叫人記得帶身份証   真係唔多覺佢有做嘢   之前同個老臣子做就唔會咁   依家扮哂老臣子咁   所以我以前會同佢打招呼   依家都唔會   最憎啲人係咁   做同事嘅嘢   要分工合作囉   唔怪得之前有 2 個新人都唔做   真係當人傻仔咩 ~

菇場唔太忙   如果全部大粒唔喺度就更好 ~

今日唔想出街   所以食健康餐   我真係覺得幾好味喎   但一食就比阿 Mi 話唔可以再食   話睇到驚   有咩好驚啫   哈哈哈哈 ~

阿齋好搞笑   之前見我食得津津有味   佢又買包嚟食   同埋又係加乳酪   不過佢話都係鍾意食嗰啲乳酪   唔鍾意飲嗰啲乳酪   可能我係食原味   所以覺得滯   如果食有生果嘅就甜啲無咁滯呢 ~

真係吖   又要做長命 Report   仲諗住 Hea 到放工添   咁即係聽日又要忙 lu ~

放工即番屋企   之後拖地抹嘢   抖到 6 點半就煮麵   勁餓呀   哈哈 ~

食完抖陣就沖涼   開埋機洗衫就做哂家務喇 ~

咁呢幾日都唔開心   但其實我又要好感恩   因為我可以釋放負能量出嚟   因為朝早同阿 Mi 傾   夜晚同冰姑傾   佢哋真係開解咗我好多好多   我好怕自己主觀對事   始終當局者迷   好多嘢都睇唔清呢 ~

我唔開心嘅實有   但講出嚟真係又舒服啲   同埋我肯講出嚟   即係代表我唔係話超級唔開心嗰隻   如果我超級唔開心   我係唔會講出嚟 ~

同冰姑傾偈   我係咁哈哈哈   佢居然同我講話: 妳咁樣哈哈哈   更令佢擔心   但我真係無嘢   最緊要比我講出嚟   所以有時真係好矛盾   我有咩嘢唔開心都同佢哋講   好似好煩咁   但唔講出嚟我又谷住到氣喎   我唔好過   佢哋都唔係咁好過   哈哈哈哈 (大吉利是) ~

今晚 10 點半都眼瞓喇   希望又一覺瞓天光啦 ~ 

辣沙甸魚雜豆螺絲粉 ( 4-JUL-2017 )

( 4-JUL-2017  TUE )

嘩   有啲攰呀   好在尋晚都瞓得好咋   呵呵 ~

早餐去 KFC 食   真係食三文治食到好悶 ~



菇場忙咗陣就 Hea   咁就好喇   可以寫下旅遊 Blog   依家年紀大無記性   要快寫先記得點點滴滴呀 ~

好快又到 Lunch Time   唔知做咩鬼好餓囉   所以要飛去食水餃米呀 ~

食完都 1 點幾   行咗陣就番菇場喇   個天又想落雨咁 ~

仍然 Hea 到放工   爽呀   放工即番屋企   好鬼攰呀 ~

抖咗陣   6 點半煮嘢   7 點有得食 ~  

是日懶餐 - 辣沙甸魚雜豆螺絲粉 

辣沙甸魚雜豆螺絲粉 - 撈埋一堆勁方便   仲加埋尋晚食剩嘅豆腐卜   總知呢個螺絲粉就 9 唔搭 8 咁啦   哈哈 ~

食完抖陣就沖涼   之後熨埋尋晚未熨好嘅衫   搞掂哂就休息喇 ~

其實 9 點半都勁想瞓   但太早瞓   半夜會起身㗎   所以我最後等到 10 點就即刻瞓喇   呵呵 ~

豉汁蒸鯧魚 + 菜心 ( 3-JUL-2017 )

( 3-JUL-2017  MON )

今日要收拾心情上班去喇   其實不嬲都係咁番工   哈哈 ~

早餐食蛋牛治   但個人未瞓醒   完全唔記得影相   呵呵 ~

菇場勁忙呀   對手未停過 ~

Lunch 食吞拿魚包   因為驚落雨   所以朝早買定 ~

仍然忙呀   忙到 4 點左右就搞掂   終於可以抖下 ~

放工去買餸   番到屋企浸好菜就拖地   之後熨衫 ~

里奧大人 7 點幾放工   我係時間要預備   今晚煮個冬蔭功比里奧大人就算   我食餸就得喇 ~

是日懶餐 - 豉汁蒸鯧魚 + 菜心 

豉汁蒸鯧魚 - 買條大嘅   今次要 $38   不過真係好多肉呢   食半條都好飽 ~

菜心 - 好耐無食菜咁呀   點都要買 1 斤嚟食   哈哈   今次菜心好甜呀 ~

搞掂哂就開機洗衫   之後即沖涼喇 ~

睇下電視   又同阿 mi 冰姑傾下偈   12 點先瞓呀 ~

燻蹄 (外賣) + 拉麵 ( 2-JUL-2017 )

( 2-JUL-2017  SUN )

今朝 8 點半起身   好在里奧大人起身先   咁我可以再瞓多陣 ~

食埋早餐就番學   如我所料   我聽聽下都瞓着咗 ~

今日有事奉   所以要為個崇拜儀式完畢先可以走呢 ~

買埋燻蹄就番屋企喇   好攰呀   好似作每月一到咁   個肚又有啲扯住痛喎 ~

玩玩下手機    突然好眼瞓   1 點 45 分瞓到 2 點 15 分呀   之後精神哂 ~

差唔多 3 點去食下午茶   食完又番屋企抖   無啦啦 5 點幾又瞓咗 15 分鐘   咩事咁好瞓   哈哈 ~



今晚只係煮拉麵   所以 6 點半預備煮嘢   7 點前可以開餐喇   快食快休息 ~

洗埋碗抖陣就沖涼   睇下電視   話咁快又 11 點 15 分   要瞓覺喇 ~   

雲桂香雲桂香米線專門店 @ 官塘 ( 1-JUL-2017 )

豬軟骨豬潤小鍋米線 (小辣) - 湯底唔酸又唔辣嘅



紫菜豬腩肉小鍋米線 (小辣)



( 1-JUL-2017  SAT )

今日係國慶假期呀   我就賺半日   因為我本身要番工   哈哈 ~

瞓到 10 點 15 分自己醒 lu   里奧大人 10 點就醒咗   但其實佢醒我都會醒囉 ~

食埋早餐就喺屋企抖下   開機洗衫同抹嘢   勁攰呀   抖多陣都已經 2 點半   係時間沖涼喇 ~



3 點幾出發去美心食下午茶   之後就去睇戲喇 ~





綠色張 Coupon 係尋日做會員送嘅   紅色嘅就係用信用卡積分換   仲有 3 張未食   要快喇   哈哈


每人一 Set 細爆谷細汽水   



個半鐘頭真係好快過   個個一見 Minions 出場就笑   佢哋先係主角   哈哈 ~

去埋馬莎行咗陣就去 APM   里奧大人幫家姐買 I-Pad   咁買完都 6 點半   咁去食酸辣米線    今日把口無停過咁 ~

食完就番屋企喇   沖埋涼又開機洗衫   之後休息喇 ~

睇下電視   上下網   話咁快就 12 點幾   都唔記得聽朝要番主日學要 8 點半起身添   暈 ~