XO 辣椒醬焗雞扒 + 鹹魚瑤柱絲炒西蘭花 ( 13-OCT-2012 )

( 13-OCT-2012  SAT )

今日又係因為清假   所以又 Off    連放咗 3 個星期六   真係差啲以為自己番 5 Days 咁爽呀 ~  

10 點起身   里奧大人話去翠園飲茶   幾咁豪   因為佢話今日陪唔到我喎   請我食好啲   哈哈 ~

蔥花炸兩腸粉 $28 - OK 好食啦 
蟹籽滑燒賣 $28 - 呢個好食呀   啲豬肉無羶味 

脆皮炸雲吞 $19 - 我去飲茶最鍾意食炸雲吞   好開心啦   不過唔好食   個皮唔得薄

檸香叉燒酥 $24 - 真係好一般   里奧大人叫咗又食得一件   食兩件當堂滯哂

茶居芝麻卷 $19 - 好難搵到   所以叫嚟食   都 OK

10 點半去到   無咩人嘅   仲諗係咪因為無特價所以無人   不過點心嚟咗之後就知咩事啦   水準大不如前呀 ~ 

12 點要交枱   無問題啦   11 點 45 分都走人   去完入票再去惠康買嘢就番屋企喇 ~

里奧大人做公司嘢   咁我就煲洛神花茶   之後再做屋企嘢   執到整整齊齊最開心   之後熨埋衫   原來已經 2 點半   即沖涼   抖到 3 點半就食 Tea ~

1 磅新鮮洛神花 + 3,000ml 水 + 適量冰糖   煲 20 分鐘

 

食完行陣就番屋企   今晚煮啲餸係非常簡單   所以我可以 Hea 睇之前所有嘅飲食男女   差唔多 7 點先煮飯 ~  

是日懶餐 - XO 辣椒醬焗雞扒 + 鹹魚瑤柱絲炒西蘭花

XO 辣椒醬焗雞扒 - 用光波爐真係好方便   我覺得快過焗爐一倍時間   最正係透明玻璃   一眼睇到啲肉焗成點   唔駛成日開嚟開去咁睇有無燶 ~  

鹹魚瑤柱絲炒西蘭花 - 好耐無食西蘭花咁呀   見大成街街市 $11 有 3 個   所以即買嚟食   仲可以留番 1 個下次煮添呀 ~

Food Court @ Piago (九龍灣) ( 12-OCT-2012 )

九洲拉麵 - 估唔到用紙碗   當堂無 Mood   我知   雖然喺 Food Court 唔可以有要求   但紙碗上就真係唔好睇囉

咖哩芝士牛肉飯 - 里奧大人食食下話今餐好 Heavy   食完肥幾磅   我心諗   之前食咁多次又唔講   原來佢加咗 $2 咖哩芝士   佢撈飯都唔覺有咩分別   佢講完之後先見到啲芝士漿住啲飯   同埋有咖哩顏色   哈哈  

( 12-OCT-2012  FRI )

Happy Friday 喇   8 卦又嚟埋食早餐   都好似好耐無同佢食早餐 lu ~

菇場忙呀   好快 12 點   抖多陣就同 8 卦出去食飯   補番佢嘅生日飯 ~

阿 Head 3 點走人   後面同事又放假   無人喺後面真係爽到爆炸 ~

諗住煮飯   里奧大人係都叫我唔好煮   咁唔煮啦   都好似好耐無同佢同枱食飯咁   出去食就可以慢慢食傾下偈喇   因為唔駛心急洗碗 ~

去咗大成街街市買新鮮洛神花   買埋生果同車厘茄就走人 lu ~

番到屋企抖陣   里奧大人 7 點打嚟話想打邊爐   咁我就去德福間稻香攞位   我要等 8 張枱   不過應該等唔到喇   因為我聽到隔離嗰個人話等咗 45 分鐘都未到   如果我料   里奧大人到咗都無叫過任何 Number   所以即轉場去 Food Court 食嘢   連 Food Court 都要等位 ~

食完行陣就番屋企   里奧大人話好攰   唔做公司嘢   留番聽日先博殺 ~

住家飯 @ 媽咪屋企 ( 11-OCT-2012 )

油咖哩炒三點蟹

豉油雞


白灼蝦


炒椰菜


合掌瓜雪耳紅棗雞腳湯


巨峰提子

( 11-OCT-2012  THU )

星期四喇   超開心   早餐又食奶油多   其實諗唔到食咩   唔想食咁多蛋   又唔想食麵餐咁飽   如果有得食炒米粉腸粉呢啲中餐早餐就好啦   多個選擇嘛 ~

菇場居然忙   所以特別快肚餓   今日 Lunch Box 係前晚嘅炒飯加埋尋晚淥嘅腸仔   里奧大人話淥腸仔好難食   要煎先香喎   咁我都知   但我又無咩所謂   總之唔駛煮有得食嘅人係最多要求呢 ~

又忙   所以又好快放工   里奧大人今日唔駛上大陸   不過唔知幾點放工   我都唔理佢喇   番媽咪屋企食飯 ~

同家姐 8 點 15 分就走喇   番到屋企附近   里奧大人話放工   咁我煮丁佢食   叫佢買煎釀做餸   因為開五香肉丁又食唔哂   煎 2 條腸又麻煩 ~

11 點瞓喇   都係鍾意 11 點瞓   感覺早睡早起健康啲咁 ~   

腸仔極辛豬骨湯底出前一丁 ( 10-OCT-2012 )

( 10-OCT-2012  WED )

今朝無咁清涼   不過就唔係熱   最緊要唔好熱   好怕沖完涼乾乾淨淨又流汗嘅感覺呢 ~

早餐食扒芝士吞拿魚三文治   搵日又自己整嚟食先 ~

菇場忙呀   好快又到 lunch time   食完個 lunch box 就去萬寧買嘢   番到菇場 hea 陣又開工   話咁快半日 ~

今晚去白田村   義工面試呀   等架 6D 等咗 25 分鐘   等到火嚟   架車差唔多 Full 哂   點解呢架車嘅班次咁不知所謂㗎 ~

我真係好怕一個人認路   仲要係夜晚   去咗石硤尾村以為係白田村   好在問下人   之後好在搵到咋   約咗 7 點   6 點 45 分到   真係差啲遲到呀 ~

明明話 7 點會叫名入去 Interview   咁 7 點 10 分都未見人   我就問問啦   原來已經開始   搞到我好似遲到咁   之後佢哋話叫漏我名   大家介紹一輪又傾下偈   差唔多 7 點 45 分就散會 ~

里奧大人同客食飯   咁我又諗唔到食咩   所以都係番屋企煮麵食算喇 ~ 

今次煮極辛豬骨湯底出前一丁   加 2 條腸仔同半碗什豆   我唔想食咁辣   所以落半包辣醬   個湯底都唔錯噃 ~

食完又食下零食   之後沖涼   抖陣就熨衫   差唔多 10 點   里奧大人就番到屋企   抖陣又做公司嘢   做到 11 點就沖涼瞓覺 lu ~ 

魚香茄子 + 蔥粒家鄉炒飯 ( 9-OCT-2012 )

( 9-OCT-2012  TUE )

秋涼嘅天氣真係好舒服   今朝更加感恩   搭到 8 點 10 分班車   如果想快啲出門口   我多數尋晚諗定着咩衫   咁真係快好多架   唔駛左拚右拚嘛 ~

搭早咗班車   又多咗時間食早餐   開心呀 ~

今日晏晝 Off   所以 Hea 住過   點知 11 點半先嚟忙   好在都可以準時走 ~  

約咗媽咪飲茶   再陪媽咪行百住買嘢就走喇   感恩好快有車   食飽坐車真係好想瞓呀 ~ 

Book 咗 4 點   不過 5 點先有得睇   睇完番到屋企都差唔多 6 點 20 分   去完惠康買豬肉就番屋企 lu   預備好晚餐就就拖地   抖陣就煮飯喇   里奧大人差唔多 9 點先放工   所以我自己食先喇 ~

是日懶餐 - 魚香茄子 + 蔥粒家鄉炒飯

魚香茄子 - 3 條茄子   煮埋都唔係好多 ~

蔥粒家鄉炒飯 - 用醬料包炒飯最方便   加埋啲蔥粒一齊炒   香好多呢 ~

我今晚特登唔食飯   因為想食月餅同雪糕呀 ~

家姐比咗 2 個半島嘅奶皇月餅   係咁話好好食   好多人買   我覺得係羊群心態   不過原來又真係好好味   詞窮   只能用 "好味" 形容   

豆豉鯪魚炒油麥菜 + 陳皮紅豆沙 ( 8-OCT-2012 )

( 8-OCT-2012  MON )

瞓得麻麻哋   所以今朝沖涼覺得有啲凍   之後着長袖黑色線衫都唔覺熱   行樓梯又無流汗   我唔夠瞓係覺得特別凍啲咁㗎 ~ 

早餐又食奶油多   啲牛油溶哂落塊多士度   超勁正呀 ~  

番到菇場即 Download 義工培訓申請表   今日 Dead Line 呀   好感恩去面試嘅時間係星期三   因為我想快啲知道得唔得嘛 ~

尋晚食唔哂啲炒飯同餸   所以今日我就有 Lunch Box 喇 ~

放工即走   本來想去大成街街市   不過都係唔好喇   好攰唔想行   搭番小巴去牛頭角街市算喇 ~

番到屋企浸菜   之後開機洗衫再熨衫   煮完飯就抹窗   里奧大人 8 點放工   所以我都係自己食先 lu ~

是日懶餐 - 豆豉鯪魚炒油麥菜 + 陳皮紅豆沙

豆豉鯪魚炒油麥菜 - "懶" 呀   但又想煮啲惹味嘢   之前又買咗好多罐豆豉鯪魚   所以都係時候清下啲罐頭   加咗 1 隻指天椒去炒   辣辣哋超級惹味   滿足 ~

陳皮紅豆沙 - 媽咪煲㗎   話天氣乾燥   想我哋潤下喎   不過食完碗糖水   真係好似潤咗啲咁噃 ~

中秋做節 @ 彩晶軒 (官塘 ) ( 7-OCT-2012 )

京廣大蔥片醬包鴨子 (兩食) - 求其搵片皮鴨   第一次見咋


每塊都有張紙隔住   唔駛黐埋一堆   都幾細心

最離奇係食片皮鴨有 4 種醬料   但蘸 XO 醬同辣醬都 OK   反而好似無咁漏   但沙律醬就超級怪囉  


紅椒夾片皮鴨都係第一次

炒鴨鬆 - 太濕太油喇

生菜包

翡翠腰果素雞炒蝦腰 - 見識灶   唔知蝦腰就係蝦   無味道嘅


甜豆金果炒鮮淮山 - 無厘味道嘅   齋同清淡都可以好好味道家嘛

黃鶴樓煙花楊州炒飯 - 成日改埋啲水蛇春咁長嘅名   又唔係整得特別過人


生味拚盤 - 菠蘿超酸   不過都幾好   因為片皮鴨好漏 

( 7-OCT-2012  SUN )

10 點起身   去 KFC 食早餐   食完就番屋企梳洗   之後番教會喇 ~

里奧大人做公司嘢   今晚同埋媽咪 家姐補做中秋做節   所以唔駛煮飯   又唔想做家務   Hea 到 3 點食 Tea   食完行陣先番屋企 ~

本來家姐話車我哋去酒樓   不過里奧大人 5 點鐘做完嘢   話想去官塘廣場行陣   所以我哋都自己去喇 ~ 

感恩買到濾鏡   買完就去酒樓喇   Book 咗 6 點半   佢咃 6 點已經到咗   我話早啲去好啲   因為限時兩個鐘   揀得菜黎都要半個鐘   食個半鐘都 OK 嘅 ~

呢間飲茶食點心就 OK   但晚飯就真係麻麻喇   應該唔會再嚟晚飯   同埋服務又唔掂   遊雲咁嘅 ~    

家姐車我哋番屋企   實在太飽   所以抖 1 個鐘又同里奧大人做體操   出咗一身汗再沖涼再嘆冷氣   爽爆呀 ~