中秋做節 @ 彩晶軒 ( 官塘鱷魚裇中心 ) ( 7-oct-2012 )

京廣大蔥片醬包鴨子 ( 兩食 ) - 求其搵個侍應片鴨   第一次見架咋


每塊都有張紙隔住   唔駛痴埋一堆   都幾細心

最離奇係食片皮鴨有 4 種醬料   但點 xo 醬同辣醬都 ok   反而好似無咁漏   但沙律醬就超級怪囉  


紅椒夾片皮鴨都係第一次 @.@

炒鴨鬆 - 太濕太油喇

生菜包

翡翠腰果素雞炒蝦腰 - 見識小   唔知蝦腰就係蝦 @.@   無味道嘅   唉


甜豆金果炒鮮淮山 - 無厘味道嘅   齋同清淡都可以好好味道家嘛

黃鶴樓煙花楊州炒飯 - 成日改埋 d 水蛇春咁長嘅名   又唔係整得特別過人 @.@


生味拚盤 - 菠蘿超酸   不過都幾好   因為片皮鴨好漏 

我最鍾意嘅燈 ^^

( 7-oct-2012 sun )

10 點起身   去 KFC 食早餐   食完就番屋企梳洗   之後番教會喇 ~

里奧大人做公司嘢   今晚同埋媽咪 家姐補做中秋做節   所以唔駛煮飯   又唔想做家務   hea 到 3 點食 tea   食完行陣先番屋企 ~

本來家姐話車我地去酒樓   不過里奧大人 5 點鐘做完嘢   話想去官塘廣場行陣   所以我地都自己去喇 ~ 

感恩買到濾鏡   買完就去酒樓喇   book 咗 6 點半   佢地 6 點已經到咗   我話早 d 去好 d   因為限時兩個鐘   揀得菜黎都要半個鐘   食個半鐘都 ok 嘅 ~

呢間飲茶食點心就 ok   但晚飯就真係麻麻喇   應該唔會再黎晚飯   同埋服務又唔掂   遊雲咁嘅 ~    

家姐車我地番屋企   實在太飽   所以抖 1 個鐘又同里奧大人做體操   出咗一身汗再沖涼再嘆冷氣   爽爆呀 ~