Pepper Lunch @ Piago Food Court (九龍灣) ( 9-JUN-2013 )

( 9-JUN-2013  SUN )

今朝 9 點半起身   梳洗之後就去食早餐 lu ~

早啲起身   可以慢慢食早餐   之後抖陣就沖涼   沖完涼抖陣又番教會   唔駛咁趕 ~

崇拜完畢就同里奧大人去買襪   行陣就番屋企喇 ~

3 點去食 Tea   同里奧大人 Share 一個常餐   因為要留肚飲湯呀 ~

番到屋企即滾熱啲湯   飲完再煲中藥留番今晚飲 ~ 

唔知點解次次星期日都覺得好攰   但其實又夠瞓㗎喎   同埋無咩 Mood 煮嘢   所以出去食喇 ~

里奧大人想食牛肉飯   咁即係去德福啦   咁都好嘅   食完行下街   再慢慢行番屋企   當做運動㗎喇 ~

別府 @ 九龍灣 ( 8-JUN-2013 )

炭燒帆立貝串 - 睇 Menu 好大隻   不過原來真實版係得 5 毫子咁細

芥辣餃子無骨雞翼 - 里奧大人話上次同朋友食   覺得好食   但我話其實我哋都食過啦   佢唔記得之嘛

三文魚溫泉蛋沙律 / 三文魚壽司 / 天婦羅蝦壽司 / 芥辣八爪魚軍艦 / 蟹籽軍艦 / 荔枝乳酪梳打

( 8-JUN-2013  SAT )

終於每月一 Off   不過今朝 9 點已經醒咗   之後無啦啦電話響   不過一聽就收線   好在起咗身咋 ~

雖然今日應該唔會落雨   但有啲焗   所以都係 Shopping 算喇 ~

沖埋涼就坐小巴去 Mega Box 飲茶   飲到 11 點半就走 lu ~

沙律明蝦角 - 細個成日食   食到好驚   今次再食   都係麻麻哋鍾意食 

花旗參上湯鮮竹卷 - 正呀   因為我唔鍾意食有肉嘅鮮竹卷

酸甜炸雲吞 - 好味

潮州蒸粉果 - 又係好味

蜜餞叉燒腸粉 - 里奧大人鍾意食嘅

古法馬拉糕 - 里奧大人最愛  

周圍行陣   再去十蚊店買 2 包糖就去尖沙咀喇 ~

本來諗住行出去坐巴士   不過天氣實在太熱喇   所以都係住 Shuttle Bus 去德福再坐巴士去尖沙咀呢 ~

經過德福見到縮影展   所以影埋相先去尖沙咀   因為難得無咁多人呀 ~

今次去尖沙咀   當然要睇埋 Rubber Duck 啦   又無我想像中咁多人噃   但都係唔少人囉   無計啦   聽日 Last Day   唔影就無咩機會影㗎喇 ~

巨鴨呀   親身見到真係好開心呢   隻船都顯得好細隻

我 Whatsapp 隻鴨比家姐睇   之後佢即打嚟   原來佢同糟糟啱啱先影完   不過依家佢哋都要走 lu   所以見唔到佢哋呢 ~

影完就即衝入商場涼冷氣呀   諗住買嘢   不過又唔啱心水喎 ~

都差唔多 3 點   所以諗住去海防道食牛丸河   熱都算   因為食完都番屋企   但我驚有巨強   所以最後都係去星林居食米線算喇 ~

諗住咁熱無咩人食米線   但估唔到爆哂   好在去到啱有位   感恩感恩 ~

食完抖陣先走呀   出完汗好攰嘛   抖夠就坐巴士番屋企 lu ~

差唔多番到屋企   家姐就叫我喺停車場等佢   因為佢去咗媽咪屋企拎湯比我呀 ~

里奧大人做啲 Urgent 嘢   咁我睇雜誌同埋煲中藥   睇到對眼好攰   居然 7 點幾瞓着咗   不過瞓咗 15 分鐘就醒喇   之後超級無敵勁精神呀   同埋有啲餓 ~  

勁想食壽司   所以去別府   超級感恩去到有位呀   因為好多時星期六 7 點半係要排隊呢 ~

食到好飽   要行陣商場先番屋企呀 ~

打邊爐 @ 家姐屋企 ( 7-JUN-2013 )

芫茜皮蛋豆腐湯底 - 今次清咗啲   上次好香芫茜味㗎 

龍蝦丸 / 蟹粉丸 / 芝士丸 / 墨魚丸 / 牛丸 / 魚蛋 / 魚腐 / 腸仔 - 同上次 BBQ 啲食物無咩分別   我好鍾意食丸


蟹柳 - 家姐至愛

牛肉 - 呢度 $60   但今次買咗 $138/磅嘅牛肉   唔係 $168/磅嗰啲   唔怪得口感唔同哂啦

炸魚皮 - 家姐公司附近買   好香脆   不過今次份量少咗   家姐話下次買 2 包   我話唔好   因為就咁食都幾漏   同埋爭食先好味道呢

金菇 - 我鍾意食金菇
油麥菜 / 生菜 - 打邊爐必備

( 7-JUN-2013  FRI )

終於又 Happy Friday 喇   聽日 Off   所以超勁開心呢 ~

早餐食奶油豬仔包   其實超勁想買 5 粒魚肉燒賣食添   不過咁食實在太放縱喇   所以都係忍一忍口咁呢 ~

菇場好凍呀   個個都要着番件褸   多數啲人都着風褸   我直頭要披肩 + 冬天褸呀   唔係 d 手指會凍冰冰硬哂   我同事話我着到似冬天添呀 ~

晏晝有 Lunch Box   呢排唔係落雨就天氣熱   真係好耐無出去行下   超勁懶呀 ~

放工坐小巴出旺角睇中醫   6 點已經去到   不過要等   7 點先睇完   即走去坐小巴去九龍灣   等家姐車我   不過要去咗媽咪屋企拎埋 2 件榴槤先   之後就去家姐屋企打邊爐喇 ~  

8 點即開餐喇   好鬼餓啦   所以家姐叫工人淥定啲丸   一埋位個個有得食嘛 ~

打到 9 點幾   食埋榴槤   同啲狗仔影下相   抖多陣   家姐就車我番屋企喇 ~

B 仔坐喺我哋隔離   只係望㗎咋   又唔會問妳攞嘢食   我哋坐咁耐   佢就坐咁耐  

要 3 隻一齊望鏡頭真係好難

B 頭 - 成日撩交   嘈到呢

番到屋企即沖涼喇   舒服到呢   里奧大人喺上水食埋嘢先番屋企   番到嚟都 11 點 lu   我話聽日我 Off   可以陪下佢   所以 12 點幾先瞓呢 ~

住家飯 @ 媽咪屋企 ( 6-JUN-2013 )

蒜蓉蒸蝦 - 之前同媽咪傾電話   問啲蝦幾錢斤   媽咪話知道我想食   所以蒸蒜蓉蝦   仲要落多多蒜蓉呢


豉油雞 - 超好味

豆角炒蛋 - 好耐無食喇   我覺得媽咪整豆角炒蛋好好味

陳皮絲蒸鮑魚

西生菜

清補涼生魚湯

香水菠蘿 / 山竹

( 3-JUN-2013  THU )

今朝落毛毛雨   個天又灰灰暗暗   所以一定唔着黑衫黑褲   唔想咁黑沉沉呀 ~

尋日食完甜   今日要食鹹呢 ~

菇場唔忙   可以抖下   得閒搵下食譜   呢期勁有 Mood 煮嘢 ~

好快又 Lunch Time 喇   今日 Lunch Box 係臘鴨飯   勁好味   因為我鍾意鹹鹹香香嘅味道呢 ~

又 Hea 過喇   里奧大人唔駛上大陸   不過都唔會早放工   咁我又番媽咪屋企食飯 lu ~

估唔到放工又好天喎   真係好唔鍾意落雨   周圍都沔糟臘塌咁 ~

等埋家姐就開飯   食飯嘅時候覺得自己好開胃   可能樣樣餸都鍾意食   之後食食下發覺原來自己飲咗 1 碗湯   仲剩番 1 大碗湯無飲   唔怪得可以食咁多嘢啦   所以我成日都同媽咪講   次次飲完碗巨湯真係飽 7 成   但媽咪唔理架   點都會 "北" 碗巨湯比我   不過我都明嘅   媽咪知我無湯水   覺得我好慘呢   哈哈 ~

食完飯又食生果喇   我自己喺屋企真係好懶食生果   可能一個人食好悶啦 ~

同家姐 8 點半就走喇   番到屋企就即開機洗衫   之後沖涼就休息喇 ~

里奧大人食埋嘢   差唔多 10 點先番到屋企   本來我睇緊雜誌   佢就睇 "中國好聲音"   搞到我又想睇   睇到 11 點半先瞓添 ~ 

香煎野生三文魚 + 臘鴨肶 + 腐乳通菜 ( 5-JUN-2013 )

( 5-JUN-2013  WED )

起身嘅時候有太陽   差唔多出門口時   個天又黑黑地想落雨 lu ~

今朝食奶油多   真係諗唔到食咩好呀 ~

菇場忙咗陣就 Hea 過喇   依家有個新同事都幾煩   我都有同佢傾偈嘅   但係我有時同其他同事傾偈   佢都走埋嚟問講咩   我唔會答佢㗎   我又唔係咩都要同佢講   不過我真係覺得佢好無謂   人哋講咩關妳咩事呢   咁 8 做咩喎 ~

今日有 Lunch Box   依家真係要盡量帶 Lunch Box 呀   因為唔想落雨濕濕落街買嘢食呢 ~

放工去街市買菜   再去家品店買地拖   最鍾意行家品店   立立雜雜咩都有   睇得好開心架 ~

番到屋企煲中藥   之後浸埋菜就抖抖   無啦啦勁餓呀   所以食埋尋晚食剩嘅意粉喇 ~  

諗住早啲煮完沖涼   7 點半煮好碟菜   煮完之後里奧大人打嚟話公司無冷氣   所以放工番屋企做   咁都好   可以一齊食飯嘛 ~    

是日懶餐 - 香煎野生三文魚 + 臘鴨肶 + 腐乳通菜

香煎野生三文魚 - 完全唔記得之前買咗三文魚   上次執冰格先知佢嘅存在   所以即煎嚟食喇   唔係又過期   1 塊要 $10   如果掉咗真係好鬼心痛呢   今次拎定生粉出嚟   咁就記得煎魚之前落生粉   我好有心機煎   煎到啲皮脆卜卜   再煮咗啲黑椒汁   等里奧大人唔駛乾爭爭咁食呢 ~

臘鴨肶 - 諗唔到煮咩   所以蒸臘鴨肶   同埋最主要係想清哂冰格嘅食物呀 ~ 

腐乳通菜 - $7/扎   抵啦   不過我鍾意食幼身啲同深綠色嘅通菜多啲 ~

搞掂哂就沖涼   之後舒舒服服睇雜誌   11 點就瞓喇   早睡早起身體好 ~

蕃茄鹹牛肉扁意粉 ( 4-JUN-2013 )

( 4-JUN-2013  TUE )

呢排都早咗 5 分鐘起身   有時 7 點 50 分已經可以出門口   里奧大人有次 8 點 35 分番到公司添呀   但其實只係早咗 5 分鐘起身咋噃   點解啲時間好似好好用咁嘅 ~

早餐食米粉餐   濕濕地都唔錯 ~

番到菇場唔忙   可以寫下旅遊 Blog   但成日食字食相好煩啦   想寫 Blog 為自己做記錄啫   點解要咁多限制喎 ~

晏晝食 "奶油丹麥酥"   今朝喺大班買   次次陪里奧大人買麵包   我都勁想買嚟食   不過有 Lunch Box 就唔買囉   今次終於可以試到   估唔到好味呀   丹麥酥好鬆軟   又唔油 Cream 又滑   雖然好漏   但仍會再買嚟食呢 ~ 

放工即走 lu   今晚唔駛買餸   所以行下超市先番屋企 ~

番到屋企就飲中藥   抖陣就拖地   之後開機洗衫   7 點 15 分就煮晚餐喇   今晚自己食先   想 8 點前食呀 ~ 

是日懶餐 - 蕃茄鹹牛肉扁意粉

蕃茄鹹牛肉扁意粉 - 用現成蕃茄醬   用細罐長城牌鹹牛肉   之前食蛋牛治   覺得啲鹹牛肉好鹹   咁今次一罐細   我都驚好鹹   點知煮嘅時候  啲鹹牛肉唔知去哂邊   完全係無一粒粒紅色嘅物體   其實我好耐無買過鹹牛肉罐頭   但一開嘅時候   係見到粉紅色   而唔係紅色   勁似免治肥豬肉咁   不過估唔到呢罐鹹牛肉係完全無味   唔知以為自己食緊蕃茄扁意粉呀 ~

食完就沖涼   之後熨衫   里奧大人 9 點半番到屋企   問佢 d 意粉食唔食到鹹牛肉味   佢話完全係無呀   以為我煮什豆意粉   我下次唔會買長城牌呢個牌字   但我一定會再買鹹牛肉   因為煮意粉同炒蛋係好好味呢 ~  

依家無電視劇好睇就最好   慳番啲電   同埋唔比自己用 Ipad 睇 "中國好聲音"   因為晚晚咁睇   有好多雜誌都無掂過   所以依家要睇哂啲雜誌   唔想成屋都係嘢呀 ~   

Green Monday 菜心苗 + 米粉 ( 3-JUN-2013 )

( 3-JUN-2013  MON )

早餐食芝蛋治烘底   其實食到一半已經唔想食   不過又唔想留番晏晝食   因為麵包索哂啲油   又凍冰冰就更加難食   所以食埋去啦   飽到震 ~

菇場忙咗陣就 Hea 過   好在都精神   唔係好難頂 ~

Lunch Box 係咖哩汁意粉 + 西蘭花   不過我要慢慢食   食完都 1 點幾   洗埋碗再抖陣   又開工 lu ~

3 點去 Pack 箱   終於搞掂哂   放下心頭大石呢 ~

放工去拎中藥再去街市買菜就番屋企喇   熱到呢   番到屋企浸完菜   抹咗書房啲窗就即沖涼喇 ~

今晚自己 8 點先食   天氣熱   想快啲食完就休息呀 ~

是日懶餐 - 菜心苗 + 米粉

菜心苗 - $10/斤   好過買通菜   上次喺家姐屋企 BBQ   工人用印尼甜豉油 + 指天椒 + 乾蔥做醬汁   我覺得好好味   所以今次跟佢整   不過係用李錦記甜豉油   再加蔥   因為買菜搭蔥唔好嘥嘛   再加多 1 條指天椒調味   用嚟蘸菜食真係唔菜   唔駛咁寡呢 ~

米粉 - 諗住就咁食菜   但食完又想食嘢   所以淥米粉喇 ~

里奧大人差唔多 9 點先番到屋企   所以煮個西刀魚丸四川擔擔麵比佢食   我落咗 1 湯匙四川擔擔麵醬   但里奧大人話唔辣   咁下次買隻辣嘅四川擔擔麵醬先   咁又係   夏天食辣嘢係開胃啲 ~

幫里奧大人洗埋碗   我又要沖涼喇   頭先沖完涼就食菜   之後食埋米粉又出汗   搞到又要再沖多次涼添 ~