( 5-JUN-2013 WED )
起身嘅時候有太陽 差唔多出門口時 個天又黑黑地想落雨 lu ~
今朝食奶油多 真係諗唔到食咩好呀 ~
菇場忙咗陣就 hea 過喇 依家有個新同事都幾煩 我都有同佢傾計嘅 但係我有時同其他同事傾計 佢都走埋黎問講咩 我唔會答佢架 我又唔係咩都要同佢講 不過我真係覺得佢好無謂 人地講咩關妳咩事呢 咁 8 做咩喎 ~
今日有 lunch box 依家真係要盡量帶 lunch box 呀 因為唔想落雨濕濕落街買嘢食呢 ~
放工去街市買菜 再去家品店買地拖 最鍾意行家品店 立立雜雜咩都有 睇得好開心架 ~
番到屋企煲中藥 之後浸埋菜就抖抖 無啦啦勁餓呀 所以食埋尋晚食剩嘅意粉喇 ~
諗住早 d 煮完沖涼 7 點半煮好碟菜 煮完之後里奧大人打黎話公司無冷氣 所以放工番屋企做 咁都好丫 可以一齊食飯嘛 ~
是日懶餐 - 香煎野生三文魚 + 臘鴨肶 + 腐乳通菜
香煎野生三文魚 - 完全唔記得之前買咗三文魚 上次執冰格先知佢嘅存在 所以即煎黎食喇 唔係又過期 1 塊要 $10 架 如果掉咗真係好鬼心痛呢 今次拎定生粉出黎 咁就記得煎魚之前落生粉 我好有心機煎架 煎到 d 皮脆卜卜 再煮咗 d 黑椒汁 等里奧大人唔駛乾爭爭咁食呢 ~
臘鴨肶 - 諗唔到煮咩 所以蒸臘鴨肶 同埋最主要係想清哂冰格嘅食物呀 ~
腐乳通菜 - $7/扎 抵啦 不過我鍾意食幼身 d 同深綠色嘅通菜多 d ~
搞掂哂就沖涼 之後舒舒服服睇雜誌 11 點就瞓喇 早睡早起身體好 ~
沒有留言:
發佈留言