( 4-JUN-2013 TUE )
呢排都早咗 5 分鐘起身 有時 7 點 50 分已經可以出門口 里奧大人有次 8 點 35 分番到公司添呀 但其實只係早咗 5 分鐘起身咋噃 點解 d 時間好似好好用咁嘅 ~
早餐食米粉餐 濕濕地都唔錯 ~
番到菇場唔忙 可以寫下旅遊 blog 但成日食字食相好煩啦 想寫 blog 為自己做記錄啫 點解要咁多限制喎 ~
晏晝食 " 奶油丹麥酥 " 今朝喺大班買架 次次陪里奧大人買麵包 我都勁想買黎食 不過有 lunch box 就唔買囉 今次終於可以試到 估唔到好味呀 丹麥酥好鬆軟 又唔油 d cream 又滑 雖然好漏 但仍會再買黎食呢 ~
放工即走 lu 今晚唔駛買餸 所以行下超市先番屋企 ~
番到屋企就飲中藥 抖陣就拖地 之後開機洗衫 7 點 15 分就煮晚餐喇 今晚自己食先 想 8 點前食呀 ~
是日懶餐 - 蕃茄鹹牛肉扁意粉
蕃茄鹹牛肉扁意粉 - 用現成蕃茄醬 用細罐長城牌鹹牛肉 之前食蛋牛治 覺得 d 鹹牛肉好鹹 咁今次一罐細 我都驚好鹹 點知煮嘅時候 d 鹹牛肉唔知去哂邊 完全係無一粒粒紅色嘅物體 其實我好耐無買過鹹牛肉罐頭 但一開嘅時候 係見到粉紅色 而唔係紅色 勁似免治肥豬肉咁 不過估唔到呢罐鹹牛肉係完全無味 唔知以為自己食緊蕃茄扁意粉呀 ~
食完就沖涼 之後熨衫 里奧大人 9 點半番到屋企 問佢 d 意粉食唔食到鹹牛肉味 佢話完全係無呀 以為我煮什豆意粉 我下次唔會買長城牌呢個牌字 但我一定會再買鹹牛肉 因為煮意粉同炒蛋係好好味呢 ~
依家無電視劇好睇就最好 慳番 d 電 同埋唔比自己用 Ipad 睇 " 中國好聲音 " 因為晚晚咁睇 有好多雜誌都無掂過 所以依家要睇哂 d 雜誌 唔想成屋都係嘢呀 ~
沒有留言:
發佈留言