別府 @ 九龍灣 ( 8-JUN-2013 )

炭燒帆立貝串 - 睇 menu 好大隻架   不過原來真實版係得 5 毫子咁細 @.@

芥辣餃子無骨雞翼 - 里奧大人話上次同朋友食   覺得好食   但我話其實我地都食過啦   佢唔記得之嘛 @@

三文魚溫泉蛋沙律

三文魚壽司 / 天婦羅蝦壽司 / 芥辣八爪魚軍艦 / 蟹籽軍艦

荔枝乳酪梳打

 ( 8-JUN-2013  SAT )

終於每月一 off   不過今朝 9 點已經醒咗   之後無啦啦電話響   不過一聽就收線   好在起咗身咋 ~

雖然今日應該唔會落雨   但有 d 焗   所以都係 shopping 算喇 ~

沖埋涼就坐 van 仔去 Mega Box 飲茶   飲到 11 點半就走 lu ~

沙律明蝦角 - 細個成日食   食到好驚   今次再食   都係麻麻地鍾意食 

花旗參上湯鮮竹卷 - 正呀   因為我唔鍾意食有肉嘅鮮竹卷


全素

酸甜炸雲吞 - 好味

潮州蒸粉果 - 又係好味

蜜餞叉燒腸粉 - 里奧大人鍾意食嘅

古法馬拉糕 - 里奧大人最愛  

朝早食豆角   覺得超大陣臭青味 @.@ 


無聊影 ~

周圍行陣   再去十蚊店買 2 包糖就去尖沙咀喇 ~

本來諗住行出去坐巴士   不過天氣實在太熱喇   所以都係住 shuttle bus 去德福再坐巴士去尖沙咀呢 ~

經過德福見到縮影展   所以影埋相先去尖沙咀   因為難得無咁多人呀 ~



戲棚 - 迫真到呢 ~

呢個公園所有嘢   我細個都有玩過   所以見到超勁開心   兒時回憶   真係只可以回憶   可惜可惜 ~

我印象中   呢架巴士係好 "鄧"

玩具店


紅白機 ?!

小露寶

Q太郎

 

藥材店

細個會用玻璃紙做燈籠   諗起都開心  

老式金舖

籠屋

木屋

唔記得咩屋


閃閃生輝

今次去尖沙咀   當然要睇埋 Rubber Duck 啦   又無我想像中咁多人噃   但都係唔小人囉   無計啦   聽日 last day   唔影就無咩機會影架喇 ~

勁多白鴿   因為有人餵佢地食嘢

巨鴨呀   親身見到真係好開心呢

隻船都顯得好細隻

大大隻字眼住 " 請勿攀爬  NO CLIMBING "   但 d 人都照爬   唉   真係無嘢好講啦

whatsapp 隻鴨比家姐睇   之後佢即打黎   原來佢同糟糟啱啱先影完   不過依家佢地都要走 lu   所以見唔到佢地呢 ~

影完就即衝入商場涼冷氣呀   諗住買嘢   不過又唔啱心水喎 ~

都差唔多 3 點   所以諗住去海防道食牛丸河   熱都算   因為食完都番屋企   但我驚有巨強   所以最後都係去星林居食米線算喇 ~

諗住咁熱無咩人食米線   但估唔到爆哂   好在去到啱有位   感恩感恩 ~

小鍋米線

真係好巨   所以一定要小米線 

凍鹹檸七 - 以前係一粒鹹檸檬   依家得半粒咋


食完抖陣先走呀   出完汗好攰嘛   抖夠就坐巴士番屋企 lu ~

差唔多番到屋企   家姐就叫我喺停車場等佢   因為佢去咗媽咪屋企拎湯比我呀 ~

里奧大人做 d urgent 嘢   咁我睇雜誌同埋煲中藥   睇到對眼好攰   居然 7 點幾瞓着咗   不過瞓咗 15 分鐘就醒喇   之後超級無敵勁精神呀   同埋有 d 餓 ~  

勁想食壽司   所以去別府   超級感恩去到有位呀   因為好多時星期六 7 點半係要排隊架 ~

食到好飽   要行陣商場先番屋企呀 ~