米線陣 @ 官塘 ( 22-FEB-2018 )

手打豬肉丸 + 鮮蝦雲吞米線 (蕃茄麻辣湯底) - 2 分鐘就上枱   好在啲湯都好熱   同埋雲吞係熟囉

彈牙魚腐 + 松葉蟹捧米線 (蕃茄湯底) 



芒果黑糯米甜甜



( 22-FEB-2018  THU )

嘩   又凍咗好多呀   起碼比年初一低 6 度   真係要好好保重身體 ~

今朝去 KFC 食早餐   因為我想轉場   但 8 卦話唔會再嚟   因為話條腸口感好怪喎   咁其實我都覺得好怪   所以我係唔會食腸   但我以為佢食雞扒通粉   咁咪無同佢講囉 ~

菇場唔忙啦   只係清埋啲手尾 ~

好凍呀   所以出去食牛雜河   之後再去超市行陣   買埋生果就番菇場喇 ~



無咩心機做嘢   勁想快啲放工   所以一到 5 點半即豢走 ~

今晚唔想煮呀   同里奧大人去食米線 ~

去 APM 行陣   里奧大人差唔多 6 點 25 分放工   我都去攞位 lu ~

食完再去食甜品   不過我就食唔落呢 ~

又落毛毛雨   所以覺得凍咗好多   番到屋企即沖涼   再開機洗衫   之後休息喇 ~

兒甥仔買比姑奶嘅塔斯曼尼亞車厘子   佢比咗啲我哋   但唔甜嘅   有啲直頭無味

睇多陣電視   里奧大人 10 點瞓   我 10 點半都瞓喇   今日勁攰 ~

梅菜蒸鯇魚 + 金腿瑤柱蘿蔔糕 + 西生菜 ( 21-FEB-2018 )

( 21-FEB-2018  WED )

大回南天喇   天色昏暗加潮潮濕濕   固然就架梗啦   最怕啲嘢好似立黐黐咁   好在前兩日抹好哂嘢咋   感覺無咁污糟咁囉 ~

早餐食米坋餐   咁晏畫就要食輕盈餐咯   不過依家都唔比自己食咁多嘢   唔想食大個胃 ~



菇場忙架   因為要清哂啲煩嘢 ~

無啦啦搞肚痛   去到廁所一坐低已經暈暈咃添呀   其實都應該係暈咗了   因為我一開眼   完全係斷咗片咁   之後好努力咁不斷祈禱唔好再暈   但又再暈多嘢   再起身已經標哂冷汗   勁驚呀   雖然我次次搞肚痛都暈   但未試過暈兩次同標冷汗囉 ~

再望下自己個樣   成個咀唇白哂   勁似比鬼上完身咁㗎   勁恐怖 ~

坐番埋位即搽薄荷膏同食糖   咁好似好少少 ~

Lunch Time 出去買吞拿魚包番菇場   仍然頭暈暈咁   如果唔係都想行多陣 ~

個人好攰呀   完全無做過嘢 ~

放工去街市買餸   之後即番屋企 ~

里奧大人 6 點 15 分放工   我都係啱啱番到屋企無耐咋   所以要即刻煮嘢呢 ~

今晚食麵   其實食飯最好   因為唔駛等嚟等去   不過里奧大人話無胃口食飯   咁是但啦 ~

是日懶餐 - 梅菜蒸鯇魚 + 金腿瑤柱蘿蔔糕 + 唐生菜 

梅菜蒸鯇魚 - 呢件好細件咋   都要 $24   依家啲嘢真係好貴 ~

金腿瑤柱蘿蔔糕 - 里奧大人唔舒服   所以要蒸啦   不過蒸有蒸嘅好食   同埋勁方便   唔駛煎到成身油   哈 ~

唐生菜 - $10 有 4 棵仔   呢度 2 棵   依家唔鍾意喺屋企食菜   好奇怪 ~

搞掂哂都 8 點   里奧大人就沖涼先   之後我開機洗衫就沖涼休息喇 ~

里奧大人 9 點就食藥瞓覺   頭先佢一番嚟就話食完飯沖涼瞓覺   我話唔駛講   佢好好奇咁問點解話唔好講   我無答佢呀   因為佢成日話瞓都講幾十次先瞓   講到我都煩   同埋佢成日講到要早瞓   我煮嘢好大壓力囉   就算蒸嘢都要時間   所以頭先煮緊嘢都唔想講嘢   唔係我會發脾氣 ~

我就睇 Youtube 啦   又打下機   11 點半都瞓 lu ~

翠河餐廳 @ 官塘 ( 20-FEB-2018 )

( 20-FEB-2018  TUE )

今朝 7 點半起身   里奧大人就番 11 點 45 分   見佢繼續瞓   搞到我都唔想起身   咁尋晚又瞓得唔好喎 ~

早餐食芝蛋治   好耐無食喇 ~

番到菇場都無 Mood 做嘢   收完開工利是又派下利是咁啦 ~

今年老闆唔外出   所以初五都一定要番工㗎喇   唔係佢會悶到顛呢 ~

里奧大人 10 打嚟話仲係唔舒服   所以都無番工   仲要話 5 點先有得睇醫生   真係好多人病喎 ~

年年都係食完開年飯就放工   咁多數出完 Annual Dinner 嘅 Email   同時會出埋開年時間 Email   但今年無收到開年 Email 喎   咁 8 卦話可能無得早走添呀 ~

但清潔阿姐 11 點已經嚟咗   咁其實即係放半日啦   但仲未有 Email   我都忍唔住問 Receptionist 有無得飲茶 ?!   佢話有喎   已經訂咗枱   之後我話都無收到 Email   佢即刻通知 Admin 同事出啦 ~

咁 12 點老闆切乳豬   食完先收到開年 Email   但當時已經係 12:20pm ~

12 點 40 分即去飲茶   但西瓜叫所有同事唔好飲完即走   要上番公司坐一陣先喎   麻鬼煩 ~





飲到 2 點幾就番菇場啦   之後佢就派利是   即係我無估錯   臭龍話西瓜驚派漏喎   所以要全人類上番來   我心諗   朝早咁齊人你又唔派 ?!

終於 2 點 40 分走得   勁攰呀   番到屋企都唔想做家務   所以灘喺梳化度睇 Youtube ~

3 點幾就蒸蘿蔔糕比里奧大人食   之後繼續睇 Youtube   睇到 4 點半都瞓着咗   里奧大人 4 點 50 分出門口   我醒咗一醒   之後再瞓到 5 點   反而阿 mi 4 點 35 分喺群組提里奧大人睇醫生   搞到我都有啲慚愧   哈哈 ~

咁起咗身就諗住去診所陪里奧大人   不過佢話等多 2 個就到佢   叫我唔好嚟   始終診所勁多菌 ~

估唔到睇完都差唔多 6 點   咁順便出去食埋晚飯啦 ~

食完就去買涼粉   里奧大人話食完個喉嚨會舒服啲喎 ~

沖埋涼就休息   里奧大人 10 點都瞓   我 10 點 50 分都瞓添喇   今日真係勁攰呀 ~

Piago @ 九龍灣 ( 19-FEB-2018 年初四 )

黑椒牛肉飯 ($50) - 越食越貴   不過今晚好想食囉   但真係好油好油好油   真係一年食一前就夠了       



佢加咗餃子都唔知   仲以為佢咁好   知我鍾意食餃子添   哈哈



又話唔舒服   但又落七味粉 

( 19-FEB-2018  MON )

今朝 10 點半起身喇   刷埋牙就去食早餐   好開心呀    因為好似放假都無同里奧大人出街食過早餐咁   哈哈 ~







食完有氣力就做家務   之後再執埋鞋柜就沖涼   好攰呀   原來已經 1 點半 ~

抖到 2 點半就食下午茶   番屋企抖陣   4 點半出發去睇戲喇 ~

5 點 20 分去 MCL 睇 "西遊記女兒國"   片長 1 小時 56 分鐘   估唔到好睇喎 ~

里奧大人唔舒服   所以我一個人獨享爆谷套餐   好在有細 Size   哈哈

初初諗定今晚煎糕食   但里奧大人唔舒服   所以出街食算喇 ~

食完去生果店買木瓜就番屋企喇   開埋機洗衫就沖涼 lu ~

沖完就食木瓜   頂佢   苦嘅   我話好在里奧大人係都要我食幾粒打底咋   唔係我驚佢食唔出苦味   之後佢好大反應話咁苦   點會食唔到呀 ?!   哈哈 ~    



咁里奧大人 10 點幾瞓   一上到床就叫我拎依樣拎嗰樣   咁我睇緊電視嘛   之後我話唔好再叫我拎嘢   佢好慘咁話: 我病都唔幫我拎嘢 ~

又睇到 12 點   但要瞓啦   聽朝要起身番工呀 ~

大家樂 @ 官塘 ( 18-FEB-2018 年初三 )

今次要沙爹湯底   估唔到都幾濃味喎 







( 18-FEB-2018  SUN )

今朝 10 點半起身   咁里奧大人都未醒   但我都唔瞓喇   後日番工   要早 3 個鐘起身好慘㗎 ~

本來今日去大陸玩   不過里奧大人唔舒服   所以唔去 lu ~

一開電話   家姐話自己去婆婆屋企   咁我話等埋我啦   反正里奧大人唔舒服   佢都係瞓   咁我都出去 lu ~

最搞笑家姐原來差唔多到婆婆屋企   咁我話諗住陪佢去嘛   佢話: 真㗎 ?!   但我話要等我喎   佢答: 等呀   我覺得佢好開心囉   同埋佢話好想比利是我喎   講到我好等錢駛咁   哈哈哈哈 ~

佢哋諗住鳳城飲茶   但要等個幾鐘   咁去龍皇啦   職員直頭話啱啱入哂人   唔好等喇   所以佢哋就去 CPK 食 Pizza   好在婆婆乜都食   哈哈 ~    

去到餐廳都有啲腳軟   原來無食嘢行 15 分鐘都幾攰   哈哈哈哈 ~

一坐低咋   家姐就比利是同生日利是比我   咁我又比番啲朱古力同利是佢啦 ~

原味燒烤雞肉薄餅 ($138) - 第一次早餐食 Pizza 呀  哈哈   家姐無叫到薄批   咁職員話會比個普通餅底   我問係咩口感   佢話係唔太薄又唔太厚   但估唔到個餅底好味喎   有啲煙韌

原蕃茄醬雞肉熾扁意大利粉 ($128) - 個汁好味道呀   但雞肉好 "鞋"

甜辣炸雞 (4 件) ($68) - 完全搵笨囉   每隻雞膇都係超級細隻   有隻直頭好似手指公咁 Size 添呀   離譜    



我話今日好即慶呀   家姐話尋日已經約咗大食   但要朝早 9 點   咁大食今日有事奉在身   所以唔得   咁由他啦 ~

咁佢今朝再約婆婆   婆婆話無街去   所以佢就去拜年喇 ~

我去到就 Whatsapp 張相比大食   大食咁啱打比我   佢話奇怪點解我去大陸可以 Whatsapp 佢喎   我反問番佢   我話上大陸咩 ?!   佢話我初一同佢講㗎   慘   我完全唔記得添 ~

咁家姐直頭以為我晨早上咗大陸   因為見我電話一剔喎   我話要是我上去   我一定會話依家去大陸   有咩都可以打比里奧大人囉   唔會咁無交帶嘛 ~

之前已經成日想假期約婆婆食 Lunch   但大食又唔得閒   今日難得一聚   超勁開心呀 ~

傾傾下偈   婆婆有電話入   佢係咁喂喂喂   我哋叫佢收線   之後 Check 番原來 39 字頭打來   我話下次唔好聽喇   傳銷電話嚟㗎   咁家姐講番電話號碼比婆婆知   佢話係細舅父   笑死我   不過細舅父成日都唔小心打錯電話   所以無咩人理佢   哈 ~   

1 點半左右走喇   婆婆有啲眼瞓咁   咁大食話飲咖啡   我話妳請就去囉   估唔到佢真係請   咁梗去啦 ~

家姐就外賣啦   佢要番屋企拎車   再去糟糟屋企拜年   如果唔係佢都想一齊坐喎 ~

海鹽焦糖咖啡 ($41) - 得中/大 Size   其實我覺得細 Size 已經夠   大食就飲凍啡   佢真係好鍾意飲凍嘢

飲到 3 點都走人喇   去美心買個麵包比里奧大人就搭巴士番屋企   咁啱里奧大人都起身 ~

番到屋企都係 3 點半   不過里奧大人就餓到暈   哈哈   無計啦   屋企無哂杯麵   咁我又話買咗包比佢   佢唔敢落去食嘢囉 ~

睇下 Youtube   睇下好耐之前 Big Boys Club 嘅講鬼怪嘢   講緊可能幾年前   咁又唔係咁高清咁   所以真係越睇越攰   哈哈哈哈 ~

6 點幾出去食嘢   無啦啦又想打邊爐呀   所以就去大家樂喇 ~

食完又去買涼粉   之後番屋企沖涼休息 lu ~

切開哂一粒粒   夠哂方便



繼續睇 Youtube   不過夜晚就唔睇神怪嘢   我驚發惡夢   哈哈 ~

睇呀睇   又 1 點先瞓 ~

極尚大瀛喜日本料理 @ 官塘 ( 17-FEB-2018 年初二 )

青口 



炸丸子 / 炸雲吞



酥皮蛋撻   唔會食啦   因為食完已經飽一半了     



冷盤



其實都鍾意食青瓜粒   但睇見咁樣就唔想食

里奧大人試咗芒果糯米卷   我覺得唔好食  



正呀



因為想食啲茄汁   所以先食青口   哈哈  



我鍾意食中華沙律同魚翅裙邊

蜜瓜味乳酪   加埋爆珠同七彩朱古力   我食咗 2 杯   勁滿足   但原來係好飽   所以之後無咩點食正餐

珍寶大赤蝦 /俄羅斯甜蝦 / 劍魚腩 / 希靈魚

希靈魚切到好細件

比目魚西京燒



鹽燒鯖花魚



蒲燒鰻魚



黃金燒帆立貝



吉列炸蠔



芝麻雞翼

溫室南瓜天婦羅 / 皇帝蟹捧天婦羅 / 虎蝦天婦羅

皇帝蟹捧天婦羅 / 日本蕃薯仔天婦羅 / 溫室南瓜天婦羅



燒日本蕃薯仔



冬菇花膠



蒜片牛柳粒



尊貴黑松露赤蝦壽司 / 油甘魚腩壽司 / 帆立貝壽司



火灸三文魚壽司

山葵八爪魚軍艦 / 蟹籽軍艦 

海膽手卷 - 手指公 size   都幾好   唔駛咁飽   

芝士鰻魚玉子燒

牛油果軟殼蟹卷

蟹粥 

辣汁蜆肉 

( 17-FEB-2018  SAT )

今朝 11 點半先起身   已經無早餐食喇   所以我煮麵呢 ~

食完就即沖涼   之後去里奧大人家姐嘅契媽屋企拜年   約咗 1 點半   里奧大人無啦啦又整啲嘢   所以差唔多 1 點半先出發   咁要打的去啦 ~     

去酒樓飲茶   好記得好多年前嚟過飲茶   啲點心勁難食   估唔到依家都一樣 ~

左手面白色 3 塊果碟係白糖糕   無發起同埋無味   勁難食   個個都試咗啖   但一放入口   個樣就哂   兒生仔話火燭嘅時侯當毛巾   救完佢可以食埋去   哈哈   桂花糕就有勁重嘅羅拔臣啫喱味   全完無桂花味   勁搞嘢

飲到 3 點左右就去契媽屋企坐陣   4 點走人   坐姐夫車去姑奶屋企   燃燒時間就係打麻將   雖然唔玩錢   但都開心嘅   哈哈 ~

大家 6 點出發   今晚去食日式放題   時間係 6 點半至 8 點半   一去到都已經好多人 ~

食到 8 點半   好飽呀   所以同里奧大人行陣 APM 先番屋企 ~

番到屋企就即沖涼喇   之後睇 Youtube ~

姑奶送㗎   每個家庭有一盒   真係千年一遇   哈哈

里奧大人 11 點幾瞓   我仲好飽瞓唔到   所以 12 點先瞓 ~