Babymama

2018年3月29日星期四

鳳爪排骨飯 + 雞扎 (外賣) + 芒果糯米糍 ( 29-MAR-2018 )

( 29-MAR-2018 THU )

今朝里奧大人上大陸又好早起身不過我尋晚瞓得唔好佢起身之後我都瞓着佢出咗門口我都唔知添呀 ~

呢排真係瞓得唔係咁好有嘢諗呀真係成日為埋啲無謂嘅賤人瞓得唔好真係唔抵識到佢哋真係人生污點唉 ~

早餐食吉列魚柳但食完唔覺得飽 8 卦話好少聽我話唔飽哈哈 ~

菇場唔忙最緊要唔好忙啦大佬聽日假期唔想影響心情嘻嘻 ~

真係好鬼餓呀做咩咁架我係咁同 8 卦講話好餓一陣 Lunch Time 一到就即飛出去食嘢 8 卦都話我好少話餓仲要食飯但真係唔知點解好餓好想食飯囉 ~

食飯嘅地方又無位咁轉食車仔麵都好味道呀 ~

去拉記借書我借排毒湯嘅書 8 卦以為係排骨湯今朝 Admin 叫司機帶版佢又睇到帶飯同我一樣滿腦子都係食食食不過食嘢真係好開心我呢啲身型話自己唔鍾意食真係無人信 ~

尋晚里奧大人拎嘢我聽到膠袋聲我問佢食咩 ?! 佢話拎嘢咋之後無耐又聽到膠袋聲我又問佢食咩 ?! 佢都忍唔住話我真係為食嘅人先對膠袋聲咁敏感哈哈 ~

番到菇場有啲眼瞓依家天氣開始熱無咩必要都唔行咁遠食濕嘢呵呵 ~

里奧大人要喺大陸食埋 Annual Dinner 先番香港好在 6 點半開始食咋咁可以早食早走話哂喺大陸唔係尖沙咀囉 ~

我放工去官塘烘焙店買菜油同牛油再買其他嘢買夠 $150 咁再加埋之前啲單可以做會員真在太好 ~

咁再行埋一田超市就走人去唐記買鳳爪排骨飯同雞扎番屋企食勁似麻甩佬 ~

番到屋企都即刻食嘢喇好後悔買雞扎原來就咁食個飯都已經超級勁飽最後慢慢食啦唯有但食剩啲芋頭囉再食埋就唔得掂個胃會好脹 ~

食完就蒸糯米皮再炒埋糯米粉就去徑步徑 20 分鐘算喇因為要快啲番屋企芒果糯米糍 ~

咁沖埋涼就開機洗衫之後先開始整糯米糍今次高難度喇就係用豬腰芒細細隻有排切但豬腰芒就一定甜囉 ~

睇個樣好似好煙韌咁暗喜

我最怕整粉類嘅嘢飛到周圍都係又要大清潔 ~

里奧大人 10 點幾番到屋企咁啱我整好糯米糍所以叫佢沖埋涼先食 ~

個皮好煙韌芒果又甜超級勁好味所以勁開心呀

諗住整到長洲芒果糯米糍嘅款但整到好核突哈哈

里奧大人見到芒果糯米糍都好開心呀佢話正想食甜品 ~

佢仲話好好食今次仲比 10 分添呀咁我話最高分係幾分先 ?! 佢話 10 分喎咁佢真係好鍾意食咁我自己再試啦真係超好食我真係好少覺得自己整嘅嘢好食哈哈 ~

搞掂哂就休息睇多陣電視 12 點都瞓喇 ~

2018年3月28日星期三

千兩 + Petite House @ 九龍塘 ( 28-MAR-2018 )

海膽軍艦 X 3 ($87) - 好鮮甜呀

大吞拿魚腩壽司 X 3 ($138) / 油甘魚腩壽司 X 3 ($66)

我第一次食咋係入口即溶嘅感覺正呀

山葵左口魚裙邊軍艦 X 2 ($38) / 三文魚子軍艦 X 3 ($69) / 甜蝦蟹膏軍艦 X 3 ($42)

三文魚子嘅份量都唔少

我覺得蟹膏無咩味

山葵左口魚裙邊軍艦 X 2 ($38) - 口感係好爽同埋我勁鍾意食日本蔥因為無臭青味

鵝肝壽司 X 2 ($76) - 我無食佢哋話食完之後當堂滯哂

味啉魚干 X 1 ($58) - 好味喎

千兩特製厚燒甜蛋 X 1 ($14) - 家姐話好味叫一碟比我

串燒雞腎 X 1 ($44) / 串燒雞翼 X 1 ($60) - 無咩特別

日式炸豆腐 X 1 ($28) - 我以為平時食開嗰啲咩佐豆腐添

炸蝦卷 X 1 ($32) - 無咩特別

士多啤梨可麗餅 ($78) - 我鍾意食 Crepe 因為無咁飽肚

芒果可麗餅 ($78) - 芒果唔太甜不過無問題因為中和番啲 Cream 哈哈

Cheese Cup ($18) - 細細個所以買嚟試下

都好有芝士味呀唔錯唔錯

( 28-MAR-2018 WED )

今朝同 8 卦轉場食早餐其實之前都有食開呢間但杯奶茶咖啡唔掂咁依家又 OK 喎所以又可以轉下場呵呵 ~

菇場唔太忙但好多濕碎嘢做係做極唔完咁囉 ~

好眼瞓好想飲凍啡所以買車仔麵番菇場食 ~

食完個車仔麵個胃唔多舒服我估係食咗冬菇難消化嗚嗚 ~

放工即走今晚約咗家姐同糟糟去又一城食飯咁我搭地鐵 lu ~

我最早到之後糟糟到叫佢陪我去 Taste 買菜油不過好大支囉所以唔買啦 ~

再行多陣家姐都到喇一陣去千兩了 ~

好耐無 3 人行喇咁今次約都算即慶約食飯平時里奧大人星期三上大陸所以我星期日都約定家姐咁啱佢哋又約咗星期三所以 Join 埋一齊食呢開心開心 ~

咁講開工人我話南記依家好多印傭糟糟覺得好奇怪嘛佢話點解南記會咁多 ?! 唔得㗎喎 ?! 我話有錢咪得囉 (其實我意思係有錢食咪得囉) 之後佢話南記點請到咁多印傭呀 ?! 之後家姐話係好多印傭喺南記食嘢唔係做嘢呀哈哈哈哈哈哈笑死我呀 ~

家姐工人唔做嘛咁今次就真係覺得家姐工人唔珍惜份工喇佢之前話個婆婆對佢好衰佢日日頭痛最後頂唔順要辭工咁家姐就比地方佢住咁啱家姐又要轉工人所以請番佢大家都好啦唔駛再教再學嘛 ~

話哂家姐無要求只係搞掂麥包就得上星期日工人直頭叫埋 3 個朋友一齊喺家姐屋企食 Lunch 姐夫都唔會話佢哋總知搞掂屋企嘢鍾意點就點之前個工人放假都唔出街㗎鍾意留喺屋企有時仲會煮飯一齊食添㗎 ~

但原來家姐工人有時講嘢態度唔好糟糟即話要是個工人咁對佢媽咪佢媽咪由廳鬧到入廚房再由廚房鬧到出廳呀笑死我所以我成日話對工人好係應該但佢哋到最後一日係唔會感激妳不過家姐話會買部手機比佢咁我話無問題啦話哂佢真係唔係差嘅 ~

食完就去 Log-on 睇嘢家姐見到杯雪糕買 $20 話好抵但要喺 Log-on 買嘢先可以 $20 優惠囉我同糟糟都話唔算抵喎妳要幫襯先呢個價我唔需要食囉 ~

最搞笑家姐又話唔知想買咩我同糟糟又話唔好真係幾乎家姐想食咩同買咩都話唔好真係慘哈哈 ~

家姐想買散紙包我話買啦我送比妳糟糟話點解咩都話送比家姐我話因為我得一個家姐糟糟覺得用我啲錢係好難㗎衰 ~

家姐格言食完鹹要食甜佢仲想話食完甜要飲埋嘢添啊我話我無本事陪妳了 ~

咁去 Petite House 食甜品啦食下傾下又 9 點係時候走人喇里奧大人就啱啱放工 ~

佢哋好搞笑以為里奧大人今日上大陸所以我先出來我話我都要見下家姐嘛難得大家都得閒仲要好日唔約平日夜晚食估唔到家姐又得閒感恩感恩 ~

同家姐搭地鐵番屋企佢話買豆腐花咁我陪佢買埋再送埋佢搭車就番屋企 lu ~

估唔到里奧大人仲早番過我咁我即沖涼先喇 ~

睇多陣電視 11 點幾都瞓 lu ~

2018年3月27日星期二

黑椒味台灣腸 + 蒸節瓜粒 ( 27-MAR-2018 )

( 27-MAR-2018 WED )

今朝食芝腿治因為唔想諗食咩 ~

菇場唔忙呀所有大粒唔喺度爽爆 ~

Lunch Time 又去買魚皮餃河尋日同今日食嘅嘢係一樣所以唔會再食第 3 次哈哈 ~

河粉一定要扣底咁又唔會索咩啲湯同埋唔駛咁飽

諗住 Hea 過但都係做埋啲煩嘢先唔想成日心掛掛 ~

放工即走番到屋企就開機洗衫食埋 2 條蕃薯仔先熨衫 ~

其中 1 條口感好好似食緊生薯仔咁仲以為未熟但再摸下係好熱㗎喎所以照食 ~

充滿力量就熨衫要熨 3 機衫呀又但熨咗半個鐘頭之後個胃好痛呀一定係食咗嗰條蕃薯啦 ~

其實勁想唔煮飯但又拎咗啲腸出嚟解凍咁煮啦 ~

咁我 7 點幾都整定啲餸入暖壺我就可以抖下 ~

里奧大人 9 點放工又打的番屋企咁我今晚無啦啦胃痛唔舒服個人有啲燥我話下次夜放就話我知唔好要我咁樣等沖涼又唔係唔沖涼又唔係因為今晚煮麵比佢食之後佢係咁講唔好意思話完佢之後我又覺得自己好衰咁 ~

是日懶餐 - 黑椒味台灣腸 + 蒸節瓜粒

黑椒味台灣腸 - 想買台灣腸好耐上次喺 Piago 見到就買啦雖然佢係 Made in China 我真係成日以為台灣腸係 Made in Taiwan 㗎佢嘅味道都好似喺台灣食咁噃都好味道最搞笑家姐問我辣唔辣 ?! 我話好辣佢問我真定假 ?! 我想話又要問又唔信人雖然我真係講大話哈哈 ~

蒸節瓜粒- 之前買咗 2 條節瓜又清埋佢啦 ~

沖埋涼都 10 點幾真係要休息喇 ~

里奧大人 11 點瞓我 11 點半先瞓 ~

2018年3月26日星期一

豉汁蒸鯧魚 ( 26-MAR-2018 )

( 26-MAR-2018 MON )

勁攰呀勁唔想番工呀哈哈 ~

早餐食奶油多咁 8 卦一見到我就話妳個樣好攰喎我話真係超勁攰囉 ~

菇場唔忙做埋個 Report 就可以 Hea ~

Lunch Time 出去買魚皮餃河番菇場食諗住食完瞓陣不過食完其實真係瞓唔到呢哈哈 ~

有嘢唔願做因為大粒全部唔喺度勁壓韻哈哈 ~

好耐無試過攰到真係可以瞓得着不過梗係唔敢瞓啦一陣老闆娘無啦啦番來我就死得了 ~

放工去買麵包比里奧大人做早餐之後再買埋炸魚皮就番屋企喇 ~

抖咗陣就拖地再開機洗衫里奧大人 7 點半放工我都要即刻預備晚餐 lu ~

是日懶餐 - 豉汁蒸鯧魚

豉汁蒸鯧魚 - 用金菇墊底比啲魚汁浸到好鬼腥呀但啲魚肉唔腥㗎喎奇怪定係我 "形" 住呢 ?! 今晚買咗炸魚皮嘛里奧大人無啦啦話今晚全魚餐佢唔覺我都唔覺哈哈 ~

洗埋碗就沖涼之後休息喇 ~

里奧大人又做公司嘢好在做到 11 點就搞掂咁一齊瞓覺喇好鬼攰 ~

2018年3月25日星期日

蔥粒腸仔炒飯 + 青紅蘿蔔粟米豬骨湯 ( 25-MAR-2018 )

( 25-MAR-2018 SUN )

今朝 10 點起身沖埋涼就去食早餐之後番教會喇 ~

加埋甜豉油同胡椒粉又幾好味道

今日聽道真係好有得着人生唔需要富足足夠已經可以了生活例子就係買嘢唔好買多夠用就可以咁我真係唔可以再亂買嘢了但其實我已經改咗好多㗎喇起碼過咗期都照食哈哈 ~

我覺得做人最緊要知足慾望嘅嘢永遠係無止境樣樣得一想二仲得了 ?! 同埋唔好自怨自艾妳得呢個果係因為妳個因做成即係我依家身體弱雞係因為我懶唔做運動我唔會怨自己咁咁咁怨得嚟不如我積極做運動好過起碼思想正面啲嘛不過我都係學習當中啦有啲嘢自己都仲未解得開哈哈 ~

崇拜完畢就同姑奶飲茶飲完就去舖頭拎嘢之後打的番屋企里奧大人番屋企先我去街市買餸 ~

番到屋企都 3 點好鬼攰呀里奧大人又話好攰最搞笑係話朝早杯咖啡好似越飲越眼瞓咁我話其實我飲 Toast Box 嘅咖啡係唔提神只係佢嘅咖啡夠香囉 ~

佢話要瞓晏覺我就唔瞓得啦要煲湯 ~

6 點飲湯 7 點再炒飯差唔多 7 點半先開餐 ~

是日晚餐 - 蔥粒腸仔炒飯 + 青紅蘿蔔粟米豬骨湯

蔥粒腸仔炒飯 - 第一次覺得自己炒飯炒得好好食粒粒分明又唔油加埋蛋花同蔥花香到呢次次係咁好食就好了 ~

青紅蘿蔔粟米豬骨湯 - 明明想買合掌瓜點知手快快買咗紅蘿蔔不過兩樣都好飲嘅哈哈 ~

洗埋碗就開機洗衫之後沖涼休息 ~

里奧大人做公司嘢做到 11 點 50 分所以我又差唔多 12 點先瞓 ~

2018年3月24日星期六

蘇波記川湘粵菜館 @ 長洲 ( 24-MAR-2018 )

2 人套餐 ($218)
椒鹽鮮魷 - 睇見都已經覺唔好食點知真係囉椒鹽無味嘅

豉椒炒蟶子 (加辣) - 加咗指天椒都唔覺辣

蒜茸蒸扇貝 - 加多 $10 多 1 隻一食就好後悔加多隻啦哈哈

擦子膠嘅口感

椒鹽賴尿蝦 - 我預咗係細隻但無諗個咁細隻

藍妹 ($30/大)

( 24-MAR-2018 SAT )

里奧大人校咗鬧鐘 9 點半起身不過我哋 9 點都醒咗 lu 咁就即刻沖涼落樓食早餐呢 ~

今日特登請假見呢排天氣好咁請假去行山都唔錯 ~

諗住再去大澳一次又或者行龍脊灣但呢排里奧大人成日咁夜放工又番咗兩日大陸咁一定好攰囉所以最後決定去長洲行過易啲嘅 "山" 同埋食下嘢 Relax 下 ~

食完早餐就番屋企抖陣再着埋行山裝備就出發喇 ~

搭 619 去東隧口之後再轉 307 感恩好快有車 ~

急步行去碼頭坐船點知話滿哂人要等下一班仲要係慢船添 ~

11 點 40 分落車唔理三七廿一跑去碼頭

第一次上樓上等船

無咩人就舒服喇哈哈

走咗一班船要坐 12:15pm 呢班慢船呢

隻船好似撞埋嚟咁

好多人呀但唔迫

天色灰灰暗暗

之後天色又好番啲

遠睇嚿石頭好似隻動物

里奧大人話好似一個女人揹住個細路仔

平靜我依家好需要呢

就到長洲了

落船喇

今日天氣都舒服唔太熱又有啲風唔出去行下真係嘥哂哈哈 ~

食埋嘢吸夠冷氣就出發喇 ~

之前見唔到新郎哥只見到桃紅色衫嘅人我同里奧大人講話唔係又見到 "啲打佬" 呀嘛

呢間餐廳好乾淨

好記得有次食完酸辣米線就行城門熱鬼到我呢自此我唔會行山前食湯粉麵喇哈哈

咖哩牛腩飯 - OK 啦咖哩汁再辣啲就更惹味

厚切豬扒意粉 (黑椒汁) 配蒜蓉包 - 味道都 OK 呀

@ 凱得餐廳

13:50pm 開始起行喇

村姑打扮今次着條泰國買嘅褲貪佢條褲夠闊好通爽㗎

碼頭轉左嘅方向直行

繼續行

紅色嘅花

呢個屋村都唔錯㗎退咗休住嘅話

依家仲好有心情影相因為仲係行緊平路哈哈

我已經行到好熱喇

識游水真係有好多嘢玩

兩隻海獅哈哈

好多狗呀但有狗帶的

有隻荒廢嘅船

正式開始行山喇已經 2 點半喇

上斜

無氣嘅阿婆就係頭 Dup Dup 咁行㗎喇哈哈

里奧大人成日會話唔急呀慢慢行啦抖 10 分鐘先行啦好感激佢唔嫌我慢因為我自己都接受唔到自己咁慢佢同阿 mi 喂行就開心啲嘅唔駛拖慢版哈哈哈哈 ~

食粒 tic tac 糖補充體力酸酸甜甜好味道

努力向上

大大個太陽我好熱呀

離遠睇以為係香蕉因為有整路工人做緊嘢嘛

估唔到都幾多村屋

用咗 4 分鐘時間行到呢度

前面有幾批人

佢啲打扮唔似係行山

個鼻都出哂汗咁我自拍嘅時候有個普通話女人問我駛唔駛幫我拍哈哈

好鬼熱勁想回頭走

到 "北眺亭" 了

我哋向左手邊行

右手邊唔知去邊嘅呢 ?!

我哋唔係行呢個方向

我哋向左邊行的

之後係咁行行行

呢度最舒服因為好大風好涼呀哈哈

之前里奧大人都行過落去影相話無咩特別所以唔行落去 lu

一絲絲白浪勁多船去澳門呀

我問里奧大人咁擺係咪唔會比風吹跌佢好肯定話唔會講唔夠一秒就吹跌咗啦好在我手快執得番咋

又行番嚟呢度

里奧大人話行去睇怪石

野豬就有一大隻哈哈哈哈哈哈

行入去睇下先

我頭 Dup Dup 行緊嘛突然見到里奧大人企定定影相以為真係有野人呀

本來想再繼續行但我比啲樹枝挖親隻腳所以里奧大人話唔好行喇同埋春天到喇好多蛇虫鼠蟻出嚟搵食都係唔好行喇

望住個海確實好舒服

好似有人行去最盡頭咁喎

我覺得好似蜴蜥個頭

無落去睇呀

有路就行

好多竹

聽到浪聲覺得好恐怖可能無人嘅關係

得我同里奧大人行咋

其實主要係我見到對鞋同個蘋果所以覺得恐怖囉

有人釣魚

要上樓梯呀救命

以為望到好多奇型怪石但其實唔係

我覺得好似好多人像咁呀

我同里奧大人講話唔駛驚因呢度就係直昇機坪 SOS

望到華威酒店喇感覺好似好快行完係感覺

仲要行上去最頂咁先可以落番地面

我不斷企喺度抖囉堅辛苦

上到涼亭喇幾大坐夠 10 分鐘

其實啲樓梯好好行只係今日狀態麻麻

將會整支折斷嘅樹幹

行呢度都好舒服

呵呵呵呵安全落地面喇

4 點半落番地面去埋洗手間就諗住行埋小長城但我見到長洲冰室嘅甜品好吸引咁里奧大人話食啦唔去小長城喇 ~

諗住 Share 一個甜品但原來最低消費要每人一個甜品呀不過都會照食㗎喇哈哈 ~

芒果西米露 + 三色圓 ($29)

真材實料成一直線㗎所以一 "北" 啲丸就瀉哂出來了

材料豐富又足料超級好味道

抹茶紅豆三色圓銼冰 ($43) - 賣相好靚呀同埋份量都好巨

紫薯丸好有紫薯味唔係廢話呀下

好多紅豆呢個又係真材實料仲話食到最後唔夠綠茶味嘅話就可添加呢

原來已經寫明每位最低消費一個甜品哈哈

無開冷氣㗎不過唔緊要因為啲甜品夠哂凍哈哈我食完都要着番件褸呀