蘇波記川湘粵菜館 @ 長洲 ( 24-MAR-2018 )

2 人套餐 ($218)
椒鹽鮮魷 - 睇見都已經覺唔好食   點知真係囉   椒鹽無味嘅

豉椒炒蟶子 (加辣) - 加咗指天椒都唔覺辣



蒜茸蒸扇貝 - 加多 $10 多 1 隻   一食就好後悔加多隻啦   哈哈

擦子膠嘅口感 



椒鹽賴尿蝦 - 我預咗係細隻   但無諗個咁細隻

藍妹 ($30/大)

( 24-MAR-2018  SAT )

里奧大人校咗鬧鐘 9 點半起身   不過我地 9 點都醒咗 lu   咁就即刻沖涼   落樓食早餐呢 ~

今日特登請假   見呢排天氣好   咁請假去行山都唔錯 ~

諗住再去大澳一次   又或者行龍脊灣   但呢排里奧大人成日咁夜放工   又番咗兩日大陸   咁一定好攰囉   所以最後決定去長洲行過易啲嘅 "山"   同埋食下嘢 Relax 下 ~

食完早餐就番屋企抖陣   再着埋行山裝備就出發喇 ~

搭 619 去東隧口   之後再轉 307   感恩好快有車 ~

急步行去碼頭坐船   點知話滿哂人   要等下一班   仲要係慢船添 ~

11 點 40 分落車   唔理三七廿一跑去碼頭 



第一次上樓上等船 



無咩人就舒服喇   哈哈  



走咗一班船   要坐 12:15pm 呢班慢船呢



隻船好似撞埋嚟咁

好多人呀   但唔迫   



天色灰灰暗暗



之後天色又好番啲



遠睇嚿石頭   好似隻動物 



里奧大人話好似一個女人   揹住個細路仔



平靜   我依家好需要呢   



就到長洲了





落船喇



今日天氣都舒服   唔太熱又有啲風   唔出去行下真係嘥哂   哈哈 ~

食埋嘢   吸夠冷氣就出發喇 ~

之前見唔到新郎哥   只見到桃紅色衫嘅人   我同里奧大人講話唔係又見到 "啲打佬" 呀嘛   



呢間餐廳好乾淨



好記得有次食完酸辣米線就行城門   熱鬼到我呢   自此我唔會行山前食湯粉麵喇   哈哈



咖哩牛腩飯 - OK 啦   咖哩汁再辣啲就更惹味

厚切豬扒意粉 (黑椒汁) 配蒜蓉包 - 味道都 OK 呀

@ 凱得餐廳


13:50pm 開始起行喇   



村姑打扮   今次着條泰國買嘅褲   貪佢條褲夠闊   好通爽㗎

碼頭轉左嘅方向直行



繼續行


紅色嘅花



呢個屋村都唔錯㗎   退咗休住嘅話   



依家仲好有心情影相   因為仲係行緊平路   哈哈



我已經行到好熱喇



識游水   真係有好多嘢玩





兩隻海獅   哈哈





好多狗呀   但有狗帶的



有隻荒廢嘅船



正式開始行山喇   已經 2 點半喇



上斜  



無氣嘅阿婆就係頭 Dup Dup 咁行㗎喇   哈哈

里奧大人成日會話唔急呀   慢慢行啦   抖 10 分鐘先行啦   好感激佢唔嫌我慢   因為我自己都接受唔到自己咁慢   佢同阿 mi 喂行就開心啲嘅   唔駛拖慢版   哈哈哈哈 ~

食粒 tic tac 糖補充體力   酸酸甜甜好味道   



努力向上

大大個太陽   我好熱呀



離遠睇以為係香蕉   因為有整路工人做緊嘢嘛



估唔到都幾多村屋 



用咗 4 分鐘時間行到呢度

前面有幾批人   



佢啲打扮   唔似係行山  



個鼻都出哂汗   咁我自拍嘅時候   有個普通話女人問我   駛唔駛幫我拍   哈哈



好鬼熱   勁想回頭走

到 "北眺亭" 了



我哋向左手邊行

右手邊唔知去邊嘅呢 ?!



我哋唔係行呢個方向

我哋向左邊行的

之後係咁行行行



呢度最舒服   因為好大風好涼呀   哈哈  



之前里奧大人都行過落去影相   話無咩特別   所以唔行落去 lu







一絲絲白浪   勁多船去澳門呀



我問里奧大人咁擺係咪唔會比風吹跌   佢好肯定話唔會   講唔夠一秒就吹跌咗啦   好在我手快執得番咋  





又行番嚟呢度

里奧大人話行去睇怪石



野豬就有一大隻   哈哈哈哈哈哈

行入去睇下先  



我頭 Dup Dup 行緊嘛   突然見到里奧大人企定定影相   以為真係有野人呀

本來想再繼續行   但我比啲樹枝挖親隻腳   所以里奧大人話唔好行喇   同埋春天到喇   好多蛇虫鼠蟻出嚟搵食   都係唔好行喇



望住個海   確實好舒服



好似有人行去最盡頭咁喎  



我覺得好似蜴蜥個頭



無落去睇呀



有路就行



好多竹





聽到浪聲覺得好恐怖   可能無人嘅關係 



得我同里奧大人行咋



其實主要係我見到對鞋同個蘋果   所以覺得恐怖囉





有人釣魚



要上樓梯呀   救命

以為望到好多奇型怪石   但其實唔係



我覺得好似好多人像咁呀 



我同里奧大人講話唔駛驚   因呢度就係直昇機坪   SOS





望到華威酒店喇   感覺好似好快行完   係感覺



仲要行上去最頂   咁先可以落番地面



我不斷企喺度抖囉   堅辛苦   



上到涼亭喇   幾大坐夠 10 分鐘



其實啲樓梯好好行   只係今日狀態麻麻

將會整支折斷嘅樹幹



行呢度都好舒服





呵呵呵呵   安全落地面喇



4 點半落番地面   去埋洗手間就諗住行埋小長城   但我見到長洲冰室嘅甜品好吸引   咁里奧大人話食啦   唔去小長城喇 ~

諗住 Share 一個甜品   但原來最低消費要每人一個甜品呀   不過都會照食㗎喇   哈哈 ~

芒果西米露 + 三色圓 ($29)



真材實料   成一直線㗎   所以一 "北" 啲丸就瀉哂出來了

材料豐富   又足料   超級好味道



抹茶紅豆三色圓銼冰 ($43) - 賣相好靚呀   同埋份量都好巨 



紫薯丸好有紫薯味   唔係廢話呀下



好多紅豆   呢個又係真材實料   仲話食到最後   唔夠綠茶味嘅話就可添加呢



原來已經寫明每位最低消費一個甜品   哈哈 





無開冷氣㗎   不過唔緊要   因為啲甜品夠哂凍   哈哈   我食完都要着番件褸呀 

東堤小築   我話入去睇下



之後走番出嚟   又周圍行下



買咗 1 排雞屎滕   里奧大人問我點解講 1 排 ?!   我話佢單位寫 1 排嘛   

珍寶香芒糯米糍 ($13)



里奧大人買完即刻開嚟食   佢咬咗一啖先   睇佢個樣食得好好味咁   我好興奮咁問佢係咪好好味呀 ?!   佢話好酸呀   笑死我呀   咁你個樣就唔好食得咁好味咁啦   之後我食   我覺得同食檸檬無分別   如果阿 mi 喺度   一定比佢試下   因為佢食得好酸   咁之後我話我食啦   反正頭先食咗咁多粉圓   食酸嘢幫助消化 ~

食緊檸檬   哈哈

5 點 45 分喇   行番出碼頭  



呢架四驅車正呀



日落了



睇呢幅相   唔知點解我有個感覺   就係我一定要照顧里奧大人到終老   呢個係我對自己嘅承諾 







淍零嘅感覺



諗住去興樂   居然話無位   頂佢   頭先問 6 點到駛唔駛訂枱 ?!   佢又話兩個人唔駛 ~

咁去番蘇波啦   但唔會再嚟食喇   因為勁難食 ~

唔知做咩鬼   勁想嘔咁   個胃頂住頂住咁   可能飲咗啤酒呀   之後即去萬寧買薄荷膏   搽咗就舒服好多   咁可以坐船走人喇 ~

天黑黑了





坐慢船去碼頭   再搭天星小輛轉巴士番屋企   慳番好多時間   仲要慳番唔少車錢添呀   開心開心 ~

8 點 50 分上車   差唔多 9 點半就番到屋企 ~

我睇到莫開心



次次買雞屎滕   都係番到屋企先食   口感比較實了   同埋次次都係食得太飽後先食   下次唔係現場食就唔買 lu   



今日出咗勁多汗呀   番到屋企即沖涼   之後開機洗衫 ~

睇多陣電視   12 點先瞓呢 ~