Babymama

2025年3月26日星期三

韓式燒汁燜雞肶 + 蒸茄子 ( 26-MAR-2025 )

( 26-MAR-2025 WED )

感恩一覺瞓天光呀又係瞓到熟睡嗰隻 ~

早餐食迷你腸仔包好耐無食喇覺得好好味哈哈 ~

菇場 3D 呀開心開心 ~

我去洗手間我一出嚟就同隔離公司嘅 Admin 打招呼之後佢話我個小新 Card Holder 好得意佢話佢又係好鍾意小新每次去日本都會買小新啲嘢㗎我話我其實鍾意小白多啲之後介紹番小白係點嚟我話以前買哂小新啲漫畫但真係咩都唔記得啦哈哈 ~

Lunch Time 蒸完飯就出去行下行咗半個鐘就番菇場喇今日好鬼熱番到菇場都要開風扇呀 ~

唔忙就做自己嘢但突然好眼瞓呀不過只係合埋眼一陣之後飲杯熱水咁就好快精神番啲我唔敢瞓着呀因為好驚有鼻鼾聲呀 ~

放工即走今晚又要 7 點先食飯我同里奧大人講話上次咳完之後做好多嘢都係力不從心咁係快唔到嗰隻今晚啲餸其實好簡單但都要搞成 45 分鐘 ~

是日晚餐 - 韓式燒汁燜雞肶 + 蒸茄子

韓式燒汁燜雞肶 - 焗完之後諗住加啲燒汁就算但最後都係加蒜頭同乾蔥頭再加埋幾隻雞翼一齊燜仲好 ~

蒸茄子 - 今次買幼身嘅茄子咁樣唔駛切咁多下我再加多個節瓜墊底 ~

洗埋碗就抖陣再食埋葡撻+老婆餅里奧大人話好攰唔做運動咁又好呀我其實今晚都唔想做因為想熨衫呀 ~

繼續食埋葡撻今次焗到有酥皮嘅感覺呀易姐今日請食老婆餅口感好煙韌同埋唔甜其實好想問佢喺邊度買但好肯定問完就會買比我哋所以都唔敢問 lu

之後里奧大人又話好攰想快啲沖涼我話好煩呀我知道你攰喇唔駛講咁多次佢話驚我聽唔到喎我話黐線啦聽唔到點會應你呀 ~

開機洗衫就沖涼抖咗 10 分鐘就熨 2 機衫估唔到 45 分就搞掂厚衫有呢樣好一機唔會洗得好多即係唔駛熨得多哈哈 ~

里奧大人 10 點瞓我就睇多陣 Youtube 差唔多 10 點半先瞓 ~

2025年3月25日星期二

辣椒蒜蓉焗雞翼 + 蒸節瓜粒 ( 25-MAR-2025 )

( 25-MAR-2025 TUE )

尋晚半夜去完廁所感恩都好快瞓得番呢 ~

今朝同里奧大人出去食早餐雖然次次都係沙律碎蛋三文治但我真係仲未厭喎 ~

食完就去搭車番工等車嘅時候個小朋友同我哋打招呼真係好得意呀 ~

菇場唔忙又做自己嘢 lu ~

Lunch Time 蒸完飯就去喇順便幫里奧大人公司配鎖匙配完先去買菜行下買下用咗 35 分鐘呀真係要急步番菇場呢 ~

尋晚將啲豉油雞切絲咁有啲骨仲有好多肉我就食埋啦放喺意粉下面估唔到都佔咗好多位另一個就裝湯渣感覺好有例湯 Feel 呀哈哈

唔忙繼續做自己嘢話咁快就 5 點半 lu ~

放工即走番到屋企即預備晚餐之後里奧大人都番到屋企喇 ~

是日晚餐 - 辣椒蒜蓉焗雞翼 + 蒸節瓜粒

辣椒蒜蓉焗雞翼 - 我無食呀里奧大人話好味但我話如果焗到脆皮就應該更加好味啦激鬼死 ~

蒸節瓜粒- 買咗 3 個但今晚我要清埋碗湯所以煮 2 個算喇 ~

食埋葡撻就洗埋碗抖陣就同里奧大人一齊去做機 lu ~

叻叻今日喺澳門番嚟所以特登買咗葡撻請同事食呀里奧大人話本身係熱辣辣添呀真係好有心呀佢仲比咗 4 個比我哋不過今晚都只係食得 2 個咋

仲送咗盒手信比我添呀我問里奧大人係咪個個都有 ?! 因為買哂比同事都好重喎佢話只係見到阿妹有咋所以好感恩里奧大人好多同事都對我好好呢

開機洗衫就沖涼之後休息休息 ~

打下機又睇下 Youtube 今晚 10 點 45 分先瞓 ~

2025年3月24日星期一

肉絲炒意粉 ( 24-MAR-2025 )

( 24-MAR-2025 MON )

感恩一覺瞓天光呀仲要係好熟睡嗰隻當我醒嘅時候鬧鐵就啱啱響如果日日係咁就好喇哈哈 ~

里奧大人突然起身出嚟錄 "臥底旅行團 4.0" 因為佢知我鍾意睇之後又問我瞓得好唔好 ?! 我話好呀佢話咁就好喇因為我連踩 7 日呀驚我唔夠休息好易病呢 ~

早餐食車打金銀畢芝士包麵包好 Soft 呀下次經過東海堂會再買嚟食 ~

菇場忙咗陣又可以做自己嘢咁我去斟水見溫總同阿 B 傾偈之後我又傾埋一份原來佢哋人事變動小 A 突然請一個月假仲爆咗 Uber 啲低能做法嘢出嚟真係比我講中哂啦一早都覺得 Uber 做嘢超級唔掂啦睇佢搞個 System 搞到無人願意用根本就係燒錢囉 ~

Lunch Time 蒸埋飯就出去行陣行咗半個鐘就番菇場開飯喇 ~

唔忙繼續做自己嘢放工即走番到屋企即預備晚餐因為起碼半個鐘後先食得所以里奧大人就熨衫先喇 ~

我開雪櫃唔見芝士包原來今朝擺咗喺枱無放番入雪櫃呀我真係第一次咁輪盡咋激鬼死所以我話今晚要食埋去啦 ~

是日晚餐 - 肉絲炒意粉

肉絲炒意粉 - 尋晚食剩嘅叉燒同油雞將佢哋剪開一絲絲再加埋少少豉油汁同薑蓉咁都好好味呀生抽老抽都唔駛落添呀 ~

洗埋碗就抖陣之後同里奧大人一齊去做運動今晚只係做 20 分鐘太耐無做喇要慢慢嚟唔係一陣做傷咗又唔駛做㗎喇 ~

番到屋企即開機洗衫搞掂就開機洗衫 ~

同里奧大人一齊睇 "臥底旅行團 4.0" 睇完再睇陣 Youtube 今晚睇啲靈異嘢都有啲驚同埋覺得假假哋咁睇到 10 點 45 分都瞓覺 lu ~

2025年3月23日星期日

蜜汁叉燒 (外賣) + 招牌豉油雞 (外賣) + 佛手瓜紅蘿蔔螺頭豬骨湯 ( 23-MAR-2025 )

叉燒就一定要焗熱最後再淋啲蜜汁

( 23-MAR-2025 SUN )

今朝同里奧大人一齊起身食埋早餐就去佢公司幫手 lu ~

搞掂就番崇拜崇拜完畢就去買餸喇今次要出戰車因為唔想拎嘢呀 ~

買完西施骨就去買佛手瓜買完再去買麵包同急凍肉最後買埋燒味同提子就番屋企 lu 真係好在有拎戰車依家唔想拎住咁多嘢行呀但搭車又要等咁不如拖車好過 ~

番到屋企已經 12 點幾要即刻煲湯喇 ~

波子提 $28/磅我見開箱即拎一抽啦因為真係好大粒呢包要 $92 呀感恩食落真係好甜好爽口呀

有啲好大粒真係食 4 粒=普通嘅 8 粒口咁

諗住里奧大人差唔多放工我就去買外賣咁等佢番嚟有得食之後里奧大人話佢買咪得囉唔駛我又特登落去買咁又好呀我唔駛再換衫哈哈 ~

煲埋湯再整呢樣嗰樣原來已經 1 點 50 分里奧大人打嚟話出前一丁無問呀咁我話去大家樂啦唔想諗呀 ~

真係搞笑囉今朝老闆娘又係未開里奧大人笑住話我今日想食嗰啲都無開呀哈哈 ~

咁我排隊買嘢食我後面個婆婆同我傾偈佢話佢好多心樣樣都想食所以話唔知食咩好我話今日食呢樣聽日食另一樣囉咁妳就樣樣可以試啦之後話唔係成日嚟呢頭最後佢買咗兩個餐一個留番今晚食話食嘢最緊要開心我話係呀食嘢真係最開心㗎哈哈 ~

咁我番埋位里奧大人話做咩咁好傾以為我哋識得呀我話婆婆係咁問我食咩好呀好搞笑囉不過我真係覺得鍾意食嘢嘅人係開心啲咁㗎我識嗰啲就係咁囉 ~

炒麵無食過咁可以留番做晚餐

食完差唔多走有個婆婆帶住小妹妹我哋叫佢哋坐啦我飲埋杯嘢就走之後里奧大人叫個小妹妹坐佢隔離佢真係過去坐呀連婆婆都話小妹妹坐 1 分鐘都難估唔到佢會坐仲同里奧大人講嘢添呀 ~

婆婆就同我傾偈話佢個女話要當個孫係朋友咁唔可以打同鬧婆婆話有時忍唔住鬧㗎我話唔係佢哋成日對住當中辛苦激氣根本唔知婆婆好開心話我好明白佢呀其實做人要將心比己咁基本上好多嘢係可以解決到始終叫人做嘢就易囉當自己做嘅時候就會知道難處㗎喇 ~

番到屋企就睇 Youtube 里奧大人就沖涼瞓覺 ~

我睇睇下都瞓咗半個鐘其實仲想瞓不過已經 5 點就唔瞓 lu ~

今晚都只係焗熱啲叉燒同蒸熱啲雞估唔到都要 6 點半先開餐 ~

是日晚餐 - 蜜汁叉燒 (外賣) + 招牌豉油雞 (外賣) + 佛手瓜紅蘿蔔螺頭豬骨湯

蜜汁叉燒 (外賣) + 招牌豉油雞 (外賣) - 買咗半隻豉油雞里奧大人話想食叉燒咁買半斤啦 ~

佛手瓜紅蘿蔔螺頭豬骨湯 - 材料有 3 個佛手瓜 + 1 條紅蘿蔔 + 1 條粟米 + 3 隻乾螺頭 + $40 西施骨好似年幾無煲過老火湯咁真係唔識預計水份落哂料嘅時候先覺得多咗所以拿拿聲 "北" 番出嚟唔係啲湯肯定無味呀 ~

洗埋碗再做陣小清潔搞掂就沖涼休息里奧大人就去做運動 ~

今晚一路食砵仔糕一路齊睇 "中年好聲音 3" 我呢個偽運審又講中哂呀里奧大人話點解我聽得出 ?! 我話我真係好細心咁聽哂成首歌個故事㗎唔係點會成日講到個 Point 出嚟喎 ~

$18/5 個多豆又煙韌

話咁快又 10 點睇多陣 Youtube 今晚 10 點 45 分都瞓覺 lu ~

2025年3月22日星期六

脆辣雞腿包套餐 (外賣) ( 22-MAR-2025 )

( 22-MAR-2025 SAT )

今朝同里奧大人 7 點 45 分起身其實里奧大人今日番晏晝不過阿妹約咗我番公司幫手所以佢特登陪埋我一齊番公司呀支持一下我呀開心開心 ~

食完早餐就番公司喇今次都係同麥師傅 + CS + 阿 Y 再加埋卡門一齊做其實一路做一路傾真係好開心呢 ~

做到 1 點 45 分呀之後皇太后嚟又傾咗半個鐘原來又 2 點幾唔怪得我開始餓啦 ~

食完再去里奧大人公司做啲嘢咁我話睇下 LA 活動駛唔駛幫手先之後黑珍珠話好呀我就幫手啦幫到 4 點半先走 ~

搞掂又去里奧大人公司坐下之後就番崇拜 lu ~

崇拜完畢就去里奧大人公司等佢等咗無幾耐就放工咁大餅個大仔嚟咗冬冬叫佢阿哥里奧大人聽到就望一望冬冬以為阻住佢呀之後我話大餅個大仔咪叫阿哥囉不過好多時都係咁叫得做阿哥阿姐唔方係好嘢家姐話 Berry 嘅時候係叫佢做阿姐㗎一係年紀大先會叫人做阿哥阿姐因為係好自然會加個姐字尾哥字尾囉 ~

里奧大人去麥當勞買晚餐咁我就番屋企沖涼先 lu ~

食完抖下就再睇多次 "哪吒之魔童降世" 睇完再睇陣 Youtube 差唔多 10 點 45 分先瞓 ~

2025年3月21日星期五

五香肉丁公仔麵 + 芥蘭苗 ( 21-MAR-2025 )

( 21-MAR-2025 FRI )

感恩一覺瞓天光呀真係醒咗無耐就鬧鐘響呢 ~

里奧大人話今晚買麥當勞我話煮飯呀聽晚先食啦之後話我講話今晚買又唔買估唔到佢真係記得喎佢真係成個細路仔咁一話食就要去食 ~

今朝同里奧大人出去食早餐因為班車又早咗所以食完就去里奧大人公司坐陣先番工喇 ~

菇場唔忙又係做下自己嘢依家一到星期五就好開心終於真正明白番 5 日係幾咁好呀感恩感恩 ~

Lunch Time 蒸完飯就去幫里奧大人公司配鎖匙點知話休息幾日咁配唔到就周圍行啦買咗 3 包乾蔥頭再行陣超市行下行下又已經 12 點 15 分要番菇場開飯喇 ~

阿花一入嚟就話聞到好香船頭就即刻過嚟問我係咪食潤腸 ?! 所以帶飯真係唔係樣樣都可以帶如果帶鹹魚同筍呢啲一定比人鬧爆呀哈哈 ~

唔忙繼續做自己嘢所以話咁快放工 lu～

我打去里奧大人公司搵佢佢一聽到我把聲就笑因為阿妹叫佢快啲聽所以里奧大人就以為邊個搵得佢咁急呀哈哈 ~

番到屋企就預備晚餐其實好簡單只係浸菜最耐 ~

里奧大人 6 點 40 分番到屋企可以即刻食得喇 ~

是日晚餐 - 五香肉丁公仔麵 + 芥蘭苗

五香肉丁公仔麵 - 里奧大人見到就勁開心仲話我煮得好食我話罐頭之嘛不過我就一定要蒸熱啲五香肉丁嘅我接受唔到就咁開嚟食呀出面食就無計啫屋企食就唔得囉 ~

芥蘭苗 - 之前買咗 2 包芥蘭苗今晚要食埋去喇 ~

洗埋碗就去惠康買嘢因為買滿 $120 減 $18 呀本來今日諗住買豆豉鯪魚同醬料但唔夠 $120 點知家姐話可唔可以比 1 罐豆豉鯪魚比佢所以我今晚就買夠 8 罐比 2 罐比家姐到佢想再要嘅時候就開我有無就可以上次佢工人就醒喇因為姐夫突然間鍾意食超力米粉工人話問咗我有無先呀點知我仲未食咁可以即刻比哂佢哋呀 ~

買 4 罐有 9 折折實平均 $17.1/罐我覺得抵呀同埋真係珠江橋牌先好食咁有次 8 卦講話天龍牌又平又好食咁我買嚟試下啦完全無味道嘅所以之後都買番珠江橋牌算喇