( 12-APR-2026 SUN )
今朝同里奧大人一齊起身 我沖埋涼就出發去家姐屋企喇 ~
一落車就 Whatsapp 家姐就話 Berry 女等緊我呀 頭先佢同 Berry 講話新媽咪 佢即刻豎起對耳 之後我行去搵佢 佢離遠見到我 個身直哂再 Fing 尾 之後就扯埋 U 姐衝過嚟呀 所以我一定係企喺度 唔係比佢推跌埋 哈哈 ~
Berry 朋友仔好乖呀 我都忍唔住要摸佢
陪完佢番屋企就同家姐去食早餐 落完單就洗刀叉 洗完就見到張單喺家姐個袋上面 之後我扮搶 佢即刻按住張單 佢好搞笑囉 因為平時唔會咁樣擺張單家嘛 ~
英式早餐 (煙腩片+雜菇+香草腸+太陽蛋+扒茄+茄汁豆+牛角包) ($53) - 家姐話試呢個
四川麻辣榨菜雞丁湯米粉+炒滑蛋+布里歐吐司 ($41) - 呢個米粉幾好味
我仲飲緊咖啡 咁我未飲完但就抹咀 家姐想喺我隻手拎張紙巾比職員收走 我話我都未飲完 佢話見我抹咀以為飲完呀 以前同 8 卦食嘢又係咁 我一抹咀就以為我食完囉 ~
食完諗住買麵包 不過行到去又唔係咁想買 所以都番屋企 lu ~
同家姐傾偈啦 佢好搞笑 特登拎個卡片套出嚟 話想聽我嘅意見點樣擺啲卡 等我以為咩咁緊要 哈哈 ~
好眼瞓咁
我比哂啲東海堂 奇華 聖安娜餅卡比家姐 佢又比番 10 張 $50 超市 Coupon 比我 好似交換禮物咁 我本來仲有幾張美心 不過佢話佢有就唔要喇 ~
我話船頭話千色店買 Bra 好抵 減咗價只係百幾蚊一個 佢仲比埋啲質料我睇 咁啱家姐都想買 所以就話去千色店買喇 ~
去到唔見職員 咁另一個牌子嘅店員同我哋講話可以幫我哋開單 之後我同家姐一齊揀 因為得番 1 格 Fitting Room 家姐話一齊入去試咪得囉 咁又係喎 我試完都想佢幫我睇下呢 ~
試完出嚟就見到店員 佢又拎咗新款比我哋試 最後我哋買咗 14 個呀 折咗只係 $1,686 咋 ~
咁家姐 EPS 比錢 職員幫我哋分單 之後再去客服比錢 佢又幫我分單 所以總共減咗 $45 呀 本身唔係咁樣分單 但職員寫漏咗 $178 所以寫喺最後 我哋就可以分 2 張單 ~
好似有 24 個印花 家姐話比糟糟表姐
買完都已經 11 點 45 分喇 要快啲番去陪 Berry 喇 ~
我抱佢坐梳化 但點都要番入房
唔耐煩 哈哈
我話出街都唔理我呀 真係好眼瞓咁
挨喺家姐隔離
短鼻最得意
我坐到 12 點 45 分都走喇 家姐諗住自己同 Berry 落街 但 Berry 入番房唔出嚟呀 之後 U 姐陪佢先出嚟咋 所以 U 姐都同埋我哋一齊落街啦 真係好搞笑 家姐話 U 姐自己帶係無問題 但家姐自己帶就唔行咁㗎 ~
去三才買埋魚蛋同炸蝦條就搭車 今日 Berry 陪我等車呀 上次就扯住家姐走 ~
家姐實唔收我錢 所以我放低咗喺個盒下面 之後同佢講話比番錢佢 我話覺得只係比自己嗰份好似好衰咁 佢即刻話咁點解我比埋妳又唔得呢 ?! 哈哈 無諗過佢反應咁快呀 ~
番到屋企即刻預備午餐 里奧大人啱啱番到嚟 我叫沖涼先 沖完就可以食午餐喇 ~
喺三才買魚蛋 好似買咗 $31
肥肥比家姐嘅手信 家姐唔鍾意食栗子同埋有提子乾嘅餅 所以比哂我 之後話好似好衰咁 我話我鍾意食栗子喎 同埋如果我唔鍾意食就唔會拎囉 番到屋企 里奧大人見到綠茶餅仲話要拎番公司食添呀 佢以為我買呀 我話家姐比㗎
食完抖陣就去買上買嘢 里奧大人就瞓晏覺 ~
加拿大天然豬梅頭扒 ($37) / 急凍加拿大天然豬排骨粒 ($34) / 急凍中國天然雞扒 ($33 忽然驚喜價)
買完番屋企 都係抖下先執嘢 始終出咗街有啲攰呢 ~
里奧大人瞓到 5 點 佢一起身就熨衫 我就抖到 5 點 50 分先預備晚餐 諗住早啲食 點知打爛樽醃肉醬 好在里奧大人幫手清潔咋 始終有玻璃碎 里奧大人好小心咁清潔呢 ~
搞掂都已經 6 點半喇 好在頭先已經焗緊同蒸緊嘢 唔係又要等半個鐘了 ~
今晚係食番尋日愛筵嘅食物 只係蕃茄豬扒飯同炒飯 再加炸子雞 ~
洗埋碗抖陣就同里奧大人去做機 依家隻腳唔痛就可以做半個鐘喇 ~
做完就即番屋企開機洗衫 之後沖涼休息 ~
同里奧大人一路食甜品一路睇 "中年好聲音 4" 所以好快又到 10 點 ~
椰汁馬豆糕都係愛筵嘅食物
家姐喺台灣買嘅阮的肉乾 佢叫我快啲食呀 咁我同里奧大人都拎啲番公司比同事食 lu
原味同炭燒都幾好味
睇多陣 Youtube 今晚 10 點 45 分都瞓覺 lu ~
沒有留言:
發佈留言