冬菇蒸雞下肶 + 蒜蓉蒸節瓜粒 + 酸齋拚齋鴨腎 + 本地粟米 ( 8-APR-2026 )

( 8-APR-2026  WED )

感恩一覺瞓天光呀   話哂放完假第一日番工   都想精神啲家嘛 ~

今朝落毛毛雨   所以里奧大人去買早餐   之後去佢公司一齊食喇 ~

家姐今朝仲搞笑   以為 7 點 45 分係 6 點 45 分   咁又打下機等鬧鐘響   之後姐夫就問做咩 7 點 50 分都仲未起身 ?!   嚇到家姐同 Berry 一齊彈起呀   之後拿拿聲同 U 姐帶埋 Berry 落街就番工喇 ~

菇場忙呀   忙到 11 點半就搞掂 ~

我揀咗紅色盒   因為成日換袋   咁鮮色都唔記得拎就無話可說啦   哈哈

Lunch Time 蒸完飯就出去買菜同香蕉   買完就番菇場開餐 lu ~

仍然忙呀   忙到 5 點   抖多陣就可以放工喇 ~

放工即走   番到屋企都即刻煮飯   里奧大人 6 點半番到屋企都仲未開得餐   依家煮嘢比較慢 ~

是日晚餐 - 冬菇蒸雞下肶 + 蒜蓉蒸節瓜粒 + 酸齋拚齋鴨腎 + 本地粟米

冬菇蒸雞下肶 - 之前上網睇人整   咁啱屋企又有呢兩程食材   所以就整喇   雖然個樣白雪雪   但食落都好味道㗎 ~

蒜蓉蒸節瓜粒 -懶呀   所以蒸節瓜粒算喇 ~

酸齋拚齋鴨腎 - 仍然覺得好味道   不過今次食夠了   哈哈 ~

本地粟米 - 唔甜嘅   希望另 1 條係甜啦 ~

里奧大人熨衫   熨完就一齊去做機   我就有得做   不過佢無得做呀   所以番屋企沖涼先 ~

開埋機洗衫就休息   睇下電視又 10 點 50 分   係時候瞓覺喇 ~