翹楚冰室 @ 官塘 ( 4-APR-2026 )

(燉湯晚餐 2 小菜 2 燉湯 $158)

燒腩仔拚燻蹄 - 我話想食燻蹄   文西都話依家好少地方可以食到燻蹄   燒肉皮好脆   呢個雙拚真係好味   我話下次唔探菜仔都要自己嚟食呀   哈哈

菜心炒牛肉 ($158) - 牛肉鹹咗啲   定係因為我就咁食呢

菠蘿咕嚕肉 ($82) - 個汁好味呀   同埋都炸到脆皮

蟲草花燉湯   我仲食到有粉葛

( 4-APR-2026  SAT )

今朝 9 點半起咗身   梳洗完就出去食早餐 lu ~

深海炸魚柳窩夫 ($50) - 除咗雙蛋   呢個組合真係好啱我

豬柳漢堡扒番茄濃湯通粉 ($46) - 蕃茄湯通粉又係必食

食完早餐就番屋企做小清潔   里奧大人就熨衫 ~

睇下 Youtube 又 2 點   咁要食午餐喇   尋日朝早同今日朝早都食剩煎蛋同多士   今日食埋去啦   再加 3 條海鮮卷同泰國米粉   咁樣食都夠哂飽喇   哈哈 ~

食飽有啲眼瞓   但都係繼續睇 Youtube   不過最後都由 4 點瞓到 4 點 50 分呀   我之前仲同里奧大人講話 4 點半出門口添   佢話我瞓得好林   所以唔叫醒我喇 ~

沖埋涼就出發去 APM   因為我要去 Jins 配眼鏡呀 ~

我本身揀咗副係 $699   之後里奧大人再幫我睇   我一帶上去真係輕過我揀嘅好多呀   感激里奧大人好認真幫我睇   我真係求其覺得啱就買㗎

等半個鐘就有得拎   所以周圍行下先   去松本清買支 GATSBY 定型水就番去拎眼鏡   之後就去餐廳喇 ~

今晚約咗菜仔食飯  估唔到文西都嚟埋   之前叫佢食飯   佢成日覺得唔好意思咁   今晚就主動嚟食飯   咁咪好囉   怕咩醜呀   哈哈 ~

我本身同里奧大人打對面坐   文西叫里奧大人坐我嗰邊   之後菜仔即刻坐我隔離   都預咗佢係咁吔喇   成日都黐黐線線咁   哈哈 ~

一路食一路傾   講開去深圳   文西話佢朋友話喺深圳食嘢好平   4 個人 4 日只係 $400 仲要每日食 3 餐   之後我話 1 日都無可能啦   里奧大人仲好認真幫佢計點樣 $100 一日   文西聽完就話 $100 真係無可能喎   仲話頭先朋友話 $100 串燒好抵   我哋咪話囉   串燒都一百啦   係你聽錯定佢講錯呀   哈哈 ~

傾完又玩 AI 問嘢   真係笑死   我有一下真係差啲噴飯呀   衰菜仔成日問埋啲嘢真係好搞笑 ~

走嘅時候   職員收碟時唔小心倒咗啲醋喺里奧大人條褲度呀   所以要去菜仔舖頭   不過其實都諗住食完去佢舖頭傾偈㗎喇 ~

同菜仔講開星座   佢記到哂啲星座同乜星物星   之後佢講邊啲星座嘅人會係點   呢樣就好搞笑   其實都係統計學啫   所以基本上都係講中嘅   哈哈 ~

傾下傾下又到 10 點 45 分   係時候走喇 ~

番到屋企即沖涼   打多陣機又 12 點先瞓 ~