譚仔雲南米線 @ 紅磡 ( 3-APR-2026 )

過橋米線 (重慶 3 小辣)

( 3-APR-2026  FRI )

今朝 7 點 45 分醒醒哋   但無理由放假咁早起身嘛   所以再瞓啦   瞓到 10 點先起身 ~

假期多數同里奧大人出去食早餐   咁我就真係可以抖下喇   哈哈 ~

煙三文魚&番茄酸種多士 ($55) - 之前見格離枱食   覺得好好味咁   所以今次我要叫嚟食喇   我哋覺得好味呀   我話會再食多次   哈哈

脆邊好正呀

豬柳漢堡扒番茄濃湯通粉 ($46)

食完都番屋企   開埋機洗衫再熨衫   搞掂就沖涼休息喇 ~

今日 1 點 45 分要去到里奧大人公司   因為阿妹話佢同叻叻請我哋食午餐   最搞笑係佢只係 Whatsapp 同我講   里奧大人完全唔知㗎   不過佢知唔知都無問題   反正都係我哋叫嘢食嘅 ~

榴槤今日都嚟埋   不過佢食咗少少嘢就走 lu ~

4 人超值套餐 (大批 $399)

夏威夷風光鬆厚批 (大批) / 原味雞翼 (4 隻) / 忌廉汁焗煙肉薯蓉 / 芝士菠菜蘑菇長通粉 / 香蒜肉絲意粉 / 百事可樂 X 2 / 七喜 X 2

再加千島海鮮爆脆批 (普通批) & 千島意式風情 鬆厚批 (普通批) ($169)

叻叻係金卡會員   所以送多 3 樣嘢食

頂爺整嘅沙律

我哋傾開打麻雀   叻叻好語重心長話去麻雀館打牌千奇唔好出千   笑到我哋死呀   我話同其他人打牌可以出千 ?!   頂爺話唔出千都好難出去   出千直頭唔駛出去添啦   我話係隻手出先囉   哈哈 ~

食完就開工   不過我話有啲眼瞓   叻叻突然間跑埋嚟比支檸檬茶比我   佢特登去買㗎   真係非常之感動   所以我成日買嘢佢食   佢真係好抵錫呢 ~

今晚終於同阿妹兩個人面對面傾偈   真係好耐無試過喇   所以好開心 ~

里奧大人 9 點先放工   我話想去食米線呀 ~

我同里奧大人講   其實我同阿妹應該係朋友   唔係同事咁簡單   之後佢話阿妹傾嘅嘢已經唔係同事傾嘅嘢啦   所以話我好感恩   佢啲同事可以做埋朋友   咁事實係嘅   好同事真係好難求㗎 ~

番到屋企即沖涼喇   之後同里奧大人一齊睇 "奇遇"   最鍾意啲電影係笑中有淚   又帶到訊息出嚟   錯敗喺人生中其實無咩大不了   呢句真係好認同呀 ~

睇到 12 點先瞓   好在聽日喺假期咋 ~