咖哩蘿蔔魚蛋魚片頭 + 香煎三文魚骨腩 ( 6-JUL-2014 )

( 6-JUL-2014  SUN )

今朝都勁呀   又係 9 點起咗身   不過里奧大人就瞓到 10 點先醒 ~

去太興食早餐   估唔到去到即有位   感恩呀 ~

番上屋企沖涼抖陣就番教會 lu   崇拜完畢之後我就去買餸   里奧大人就番屋企做公司嘢 ~

水姑今朝話對眼突然好痛   所以我哋都去睇一睇佢   咁我番到屋企要即煮咖哩魚蛋喇  ~  

搞掂哂都 3 點   要去發探水姑喇   順便同佢食埋 Tea ~

食完都 4 點幾   咁去埋 Uniqlo 同 Zara 睇嘢就番屋企喇 ~

番到屋企即煲冬瓜祛濕水   搞掂哂沖涼   好鬼熱呀 ~

其實沖完涼真係好舒服   同埋成日個人都醒哂咁   但番工前沖涼又無咁醒神㗎喎   哈哈 ~      

6 點 45 分煮飯   7 點半有得食 ~  

是日晚餐 - 咖哩蘿蔔魚蛋魚片頭 + 香煎三文魚骨腩 

咖哩蘿蔔魚蛋魚片頭 - 其實最主要係清埋包咖哩醬   仲爭幾日就過期㗎喇   所以要煮咖哩   買咗 1 條白蘿蔔   半磅魚蛋同魚片頭   再加 2 隻指天椒   今次啲白蘿蔔索哂咖哩汁   好好味呀   頭先開冰格見到仲有 2 塊油酥餅   咁都煎埋去啦 ~  

香煎三文魚骨腩 - 尋日喺 MP 買   1 Pack 都 $35   一田好似無咁貴   不過我勁想食   所以買嚟試下   我好有心機煎㗎   脆卜卜勁好味 ~

我覺得今晚都有煮新嘢㗎   尋日里奧大人話我煮嘢無咩變化   所以要煮啲新嘢嚟衝擊一下   佢話最奇怪係我鍾意睇食譜   但又唔去研究喎   呵呵 ~   

搞掂哂所有嘢就沖涼啦   夏天好多時都一日沖 3 次涼   真係咩油份都無哂咯 ~

里奧大人出去徑步   佢番嚟之後話出面都幾焗   好在無陪佢咋   最驚焗呢 ~

今晚 11 點半瞓喇   捱咗 2 晚   依家勁眼瞓呀   哈哈 ~ 

大快活 @ 九龍灣 ( 5-JUL-2014 )

( 5-JUL-2014  SAT )

勁呀   今朝 9 點可以起到身   如果唔係里奧大人醒嘅時候郁到我   我唔知會瞓到幾點呢 ?!

里奧大人見我出房都覺得好驚訝啦   佢諗住我起碼 11 點先醒   不過其實如果我一覺瞓天光   咁瞓咗 7 個鐘都 OK 嘅   但   唔知一陣眼唔眼瞓囉   呵呵 ~

去麥當勞食早餐   因為尋晚睇廣告話送梘液呀   里奧大人就去買飛   睇今晚 9 點場嘅 Transformers : Age of Extinction   佢話佢買咗第 5 行 Last 兩個位   之後嗰啲要買第 4 行   但太近 Screen 會睇得好辛苦囉 ~

右邊嘅雞扒幾好味喎   辣辣哋咁

細細支   去旅行用就最啱

番到企沖涼抖陣   再去銀行入票就坐 619 過銅鑼灣喇 ~

之後買電視送超市 $1,000 Coupon   咁打去問又話換哂   好在里奧大人話都行到嚟   唔爭在上埋去啦   好感恩有得拎 Coupon 呀   但好奇怪點解電話留言話無哂貨囉 ~

換完即去 GAP 掃貨   因為又有折上再 7 折   里奧大人就買咗 2 條褲   $198/條   我買咗 5 件背心   $28/件   我無諗特價會有 7 折   點知 Cashier 話全單有 7 折   勁開心呀   三百幾買到咁多嘢    不過可惜好多都無碼   唔係可以買更多呢 ~

買完再諗住去 Time Square 果邊搵食   原來有得影蝙蝠車   咁又影下啦   不過如果可以坐上去更好   哈哈 ~

影完都有啲頭暈呀   咁鬼熱又曬   

都 1 點幾喇   里奧大人話要食嘢喎   今次我講明唔想食南記囉   但附近又無嘢啱食   所以番去 Sogo 嗰邊啦   望到唔知邊間商場有沙爹王   所以就去啦   因為勁熱呀   要入去涼冷氣   但去到又想食台灣嘢   點知超多人   所以都係去番沙爹王啦   無人等都知咩啦   哈哈   不過唔理喇   唔想再嘥時間搵囉 ~

啲燈好靚

避風塘脆豆腐 - 避風塘料都無味嘅   基本上呢餐啲嘢食都係麻麻   唔怪得無人排隊等啦

蒜蓉牛油雞翼

豉椒炒蜆

冬蔭功扎肉鮮蝦米線

蟹肉沙律

青檸柑梅蜜

行埋 Sogo 就坐 671 去九龍灣   再去馬莎睇嘢   之後就去 MP 買生果   再去麥當勞食雪糕就番屋企 lu ~

番到屋企都 6 點   即沖涼呀   超勁熱   之後飲埋碗湯就抖下喇 ~

7 點半諗住行遠啲食小菜   不過我望到大快活無咩人   所以叫里奧大人轉去大快活喇   其實我有啲攰   所以都係唔想行咁遠   嘻嘻 ~ 

喺屋企樓下睇戲真係超方便   如果唔係要帶外套迫住要帶袋   真係兩手 Fing Fing 就可以落去喇 ~

買埋爆谷就入場喇   睇到 11 點幾   番到屋企又即沖涼   12 點 睇阿根廷 vs 哥倫比亞   里奧大人就不嬲支持阿根廷   佢好鍾意美斯架   今晚阿根廷險勝 1:0   瞓得安落啦   哈哈 ~

呢兩晚顛咗   2 點先瞓   捱夜睇波其實真係好難頂 ~

嘉華大酒樓 @ 官塘 ( 4-JUL-2014 )

上湯龍蝦伊麵

豉椒味菜炒鵝腸

蝦醬通菜炒牛肉

( 4-JUL-2014  FRI )

早餐食奶油脆豬   以前就咁食無餡包會覺得勁唔飽   依家又 OK 喎   但如果星期日夠瞓嘅話   早餐就可以食好多   里奧大人平時早餐食個包仔   佢話唔夠瞓無胃口   唔想食咁多   嗰時我仲話佢食咁少   點知依家終於明白佢啦   哈哈 ~

菇場唔太忙   但其實要做嘅都有嘢做囉 ~

Lunch Time 出去食牛丸米 + 桑寄生紅棗蓮子茶   真係飽到上喉嚨   真係要去藥房買桑寄生囉   喺屋企煲又方便啲   同埋晏晝食糖水真係好鬼飽   仲辛苦 ~

勁有 Holiday Mood 呀   因為聽日每月一 Off   勁期待囉 ~

放工即走 lu   同媽咪 家姐去嘉華食飯 ~

媽咪煲嘅山斑魚湯   好似好耐無飲湯咁   哈哈

家姐都係 7 點到   差唔多 7 點半媽咪就番屋企先   我同家姐食完就行萬寧睇下嘢   之後就上媽咪屋企 lu ~

里奧大人 8 點幾都番到屋企   咁我同家姐都走喇 ~

我今晚要睇德國 VS 法國   好難得聽日唔駛番   而佢哋又 12 點開波囉 ~   

里奧大人居然 9 點半就瞓喇   話到時睇下睇唔睇到波喎   不過我就唔會叫醒佢睇囉 ~ 

真係好難捱   哈哈   11 點半已經想瞓   之後郁下手郁下腳   等自己唔好瞓   但都校教定鬧鐘囉 ~

12 點終於開波啦   好在無加場咋   德國隊 1:0 險勝 ~

2 點喇   終於可以瞓覺   咁啱里奧大人出嚟去廁所   佢睇到電視顯示 1:0   因為我唔會講賽果出嚟嘛   但如果佢問就會講囉   呵呵 ~

辣汁沙甸魚撈麵 ( 3-JUL-2014 )

( 3-JUL-2014  THU )

今朝里奧大人上大陸   所以我 7 點 45 分先起身   但其實佢起身之後   我都瞓得唔係咁好   因為我成日都驚鬧鐘唔響   咁就大穫㗎喇 ~

好餓呀   所以早餐食腿蛋治   又係食到一半之後   個胃唔舒服   睇嚟都要睇睇醫生   咁搞法唔掂 ~

菇場忙到 11 點就搞掂   終於可以抖下 ~

家姐同事叫我每月一到後就飲 3 日桑寄生茶   呢啲中式糖水真係好難搵囉   之前去咗滿記同松記同金滿堂都無   如果唔係買番屋企飲就方便得多   好感恩喺菇場附近有啲舊式糖水舖   咁唯有晏晝飲啦   之後再買埋粉果就番菇場喇   好鬼熱呀 ~    

    
忙咗陣就真係可以做自己嘢喇   勁開心 ~

今晚放工去剪髮   個胃無啦啦好鬼痛呀   所以剪完就即去睇醫生   醫生又問我做咩臉青青   我話胃痛呀   可能每月一到食止痛藥   無食嘢打底   因為係每月一到之後個胃先痛囉   醫生話如果再痛要照胃鏡呀 ~   

睇完都 7 點 lu   去百佳買完嘢就番屋企喇   勁餓呀 ~

番到屋企即沖完涼   之後就淥麵喇   因為想舒舒服服咁食呢 ~

食完抖陣又執下櫃   執嘢執到出汗   又要再沖多次涼呀 ~

里奧大人 9 點先喺大陸放工   喺上水食埋嘢先番屋企   番到嚟差唔多 11 點   咁陪佢睇多陣電視都要瞓 lu ~  

蕃茄辣肉腸扁意粉 + 粟米蛋花湯 ( 2-JUL-2014 )

( 2-JUL-2014  TUE )

第一日番工係星期二真係唔錯   因為番少一日工嘛   不過一見到 7 月同 8 月都無紅假就唔係咁 Happy 啦 ~

早餐食油占多   叫做食新嘢啦   哈哈 ~

菇場忙呀   又要做 Report   真係最嘥時間呢 ~

Lunch Time 出去食牛腩河同炸魚皮   突然好想食嘛   不過估唔到咁大碗   食到一半河粉   個胃有啲唔舒服   所以都唔食喇   之後行陣就番菇場 lu   好似想落雨咁呀 ~

又做 Report 啦  好在 5 點就做完   之後整埋其他嘢就放工 lu ~

今晚唔想去街市買菜呀   去咗百佳睇生果   但唔靚囉   所以都無買到   咁就番屋企啦 ~

預備好晚餐就抖陣   7 點開始煮   咁啱里奧大人打嚟話放工   不過我煮完放入暖壺   因為我想食咗先 ~

又擺好啲比里奧大人食啦   佢一見到又話好多   我話錯覺啫   但佢話一睇知我放入壺時係咁壓係咁壓   壓到扁哂啦   哈哈   比佢識穿咗添

是日懶餐 - 蕃茄辣肉腸扁意粉 + 粟米蛋花湯 

蕃茄辣肉腸扁意粉 - 上星期買咗 2 磅車厘茄   留到依家先煮咋   但仲剩 1 磅囉   唉   之後唔買咁多啦   今次好有心機煎埋啲辣肉腸   其實 Johnsonville 嘅 Hot & Spicy 都幾好味嘅   所以特價先會嚟食   如果正價就唔會買囉   因為 $4x 有好多選擇呢 ~   

粟米蛋花湯 - 里奧大人最驚   哈哈   不過無辦法啦   我無去買菜嘛 ~ 

呢排個胃唔知做咩鬼   食咩都係食到一半就好頂胃   真係好煩 ~

諗住 9 點同里奧大人一齊去徑步   點知一到大堂   管理員話出面落雨   佢以為我哋出去買嘢   話借把遮比我哋   不過我哋話係想徑步   依家落雨唔徑啦 ~

難得我想做運動居然無得做   不過唔緊要   同里奧大人喺屋企做保健操   都做成 15 分鐘㗎   同埋真係有啲汗出   唔駛受天氣影響都可以做到運動   其實真係好好囉 ~   

今晚 11 點瞓喇   其實唔係太眼瞓   不過又唔想睇電視同雜誌   所以都係去瞓覺喇 ~

勝利大排檔 @ 九龍灣 ( 1-JUL-2014 )

砂鍋魚頭煲

生炒咕嚕肉

金銀蛋莧菜

頭抽蜜椒豬扒

豆豉鯪魚炒油麥菜

菜脯 / 花生 - 我想食菜脯   所以去勝利

( 1-JUL-2014  TUE )

今日係七一假期   我其實瞓到 9 點 15 分已經醒咗   不過見里奧大人未醒   我就懶下床咁啦   之後佢 9 點 45 分都醒咗   咁即起身啦   我好鬼餓呀 ~

去大快活食早餐   食完就番屋企喇 ~

溫差好勁呀

里奧大人做公司嘢   我就寫 Blog   寫到 3 點就停喇   唔知係個 Mon 大得滯   定係太集中精神   寫完有啲想嘔 ~

又要去食 Tea 喇   我其實都唔餓   不過里奧大人就要食嘢囉 ~

今晚要去舖頭   所以寫多陣 Blog   差唔多 6 點就出發喇 ~

姑奶同 2 姑奶都嚟埋一齊食   可以叫多啲餸   呵呵 ~

去番舖頭拎完嘢就打的番屋企   之後同里奧大人喺屋企做保健操   都要成身郁㗎   真係唔錯   抖陣就沖涼   但里奧大大人就出去徑步 ~

睇下電視   話咁快都 11 點 lu   又係時候瞓覺 lu ~