蕃茄辣肉腸扁意粉 + 粟米蛋花湯 ( 2-JUL-2014 )

( 2-JUL-2014  TUE )

第一日番工係星期二真係唔錯   因為番小一日工嘛   不過一見到 7 月同 8 月都無紅假就唔係咁 happy 啦 ~

早餐食油占多   叫做食新嘢啦   哈 ~

菇場忙呀   又要做 report   真係最嘥時間呢 ~

Lunch Time 出去食牛腩河同炸魚皮   突然好想食嘛   不過估唔到咁大碗   食到一半河粉   個胃有 d 唔舒服   所以都唔食喇   之後行陣就番菇場 lu   好似想落雨咁呀 ~

又做 report 啦  好在 5 點就做完   之後整埋其他嘢就放工 lu ~

今晚唔想去街市買菜呀   去咗百佳睇生果   但唔靚囉   所以都無買到   咁就番屋企啦 ~

預備好晚餐就抖陣   7 點開始煮   咁啱里奧大人打黎話放工   不過我煮完放入暖壺   因為我想食咗先 ~

又擺好 d 比里奧大人食啦   佢一見到又話好多   我話錯覺啫   但佢話一睇知我放入壺時係咁壓係咁壓   壓到扁哂啦   哈   比佢識穿咗添 @@  

是日懶餐 - 蕃茄辣肉腸扁意粉 + 粟米蛋花湯 

蕃茄辣肉腸扁意粉 - 上星期買咗 2 磅車厘茄   留到依家先煮咋   但仲剩 1 磅囉   唉   之後唔買咁多啦   今次好有心機煎埋 d 辣肉腸   其實 Johnsonville 嘅 Hot & Spicy 都幾好味嘅   所以特價先會買黎食   如果正價就唔會買囉   因為 $4x 有好多選擇呢 ~   

粟米蛋花湯 - 里奧大人最驚   哈哈   不過無辦法啦   我無去買菜嘛 ~ 

呢排個胃唔知做咩鬼   食咩都係食到一半就好頂胃   真係好煩 ~

諗住 9 點同里奧大人一齊去徑步   點知一到大堂   管理員話出面落雨   佢以為我地出去買嘢   話借把遮比我地   不過我地話係想徑步   依家落雨唔徑啦 ~

難得我想做運動居然無得做   不過唔緊要   同里奧大人喺屋企做保健操   都做成 15 分鐘架   同埋真係有 d 汗出   唔駛受天氣影響都可以做到運動   其實真係好好囉 ~   

今晚 11 點瞓喇   其實唔係太眼瞓   不過又唔想睇電視同雜誌   所以都係去瞓覺喇 ~