大快活 @ 九龍灣 ( 5-JUL-2014 )

( 5-JUL-2014  SAT )

勁呀   今朝 9 點可以起到身   如果唔係里奧大人醒嘅時候郁到我   我唔知會瞓到幾點呢 ?!

里奧大人見我出房都覺得好驚訝啦   佢諗住我起碼 11 點先醒   不過其實如果我一覺瞓天光   咁瞓咗 7 個鐘都 ok 嘅   但   唔知一陣眼唔眼瞓囉   呵 ~

去麥當勞食早餐   因為尋晚睇廣告話送梘液呀   里奧大人就去買飛   睇今晚 9 點場嘅 Transformers : Age of Extinction   佢話佢買咗第 5 行 last 兩個位   之後果 d 要買第 4 行   但太近 screen 會睇得好辛苦囉 ~

右邊嘅雞扒幾好味喎   辣辣地咁

細細支   去旅行用就最啱

番到企沖涼抖陣   再去銀行入票就坐 619 過銅鑼灣喇 ~

之後買電視送超市 $1,000 coupon   咁打去問又話換哂   好在里奧大人話都行到黎   唔爭在上埋去啦   好感恩有得拎 coupon 呀   但好奇怪點解電話留言話無哂貨囉 ~

換完即去 Gap 掃貨   因為又有折上再 7 折   里奧大人就買咗 2 條褲   $198/條   我買咗 5 件背心   $28/件   我無諗特價會有 7 折   點知 Cashier 話全單有 7 折   勁開心呀   三百幾買到咁多嘢    不過可惜好多都無碼   唔係可以買更多呢 ~

買完再諗住去 Time Square 果邊搵食   原來有得影蝙蝠車   咁又影下啦   不過如果可以坐上去更好   哈 ~

影完都有 d 頭暈呀   咁鬼熱   又曬 @@   

都 1 點幾喇   里奧大人話要食嘢喎   今次我講明唔想食南記囉   但附近又無嘢啱食   所以番去 Sogo 果邊啦   望到唔知邊間商場有沙爹王   所以就去啦   因為勁熱呀   要入去涼冷氣   但去到又想食台灣嘢   點知超多人   所以都係去番沙爹王啦   無人等都知咩啦   哈哈   不過唔理喇   唔想再嘥時間搵囉 ~

d 燈好靚

避風塘脆豆腐 - 避風塘料都無味嘅 @@   基本上呢餐 d 嘢食都係麻麻   唔怪得無人排隊等啦

蒜蓉牛油雞翼

豉椒炒蜆

冬蔭功扎肉鮮蝦米線

蟹肉沙律

青檸柑梅蜜

行埋 Sogo 就坐 671 去九龍灣   再去馬莎睇嘢   之後就去 MP 買生果   再去麥當勞食雪糕就番屋企 lu ~

番到屋企都 6 點   即沖涼呀   超勁熱   之後飲埋碗湯就抖下喇 ~

7 點半諗住行遠 d 食小菜   不過我望到大快活無咩人   所以叫里奧大人轉去大快活喇   其實我有 d 攰   所以都係唔想行咁遠   嘻嘻 ~ 

喺屋企樓下睇戲真係超方便   如果唔係要帶外套迫住要帶袋   真係兩手 fing fing 就可以落去喇 ~

買埋爆谷就入場喇   睇到 11 點幾   番到屋企又即沖涼   12 點 睇阿根廷 vs 哥倫比亞   里奧大人就不嬲支持阿根廷   佢好鍾意美斯架   今晚阿根廷險勝 1 : 0   瞓得安落啦   哈哈 ~

呢兩晚顛咗   2 點先瞓   捱夜睇波其實真係好難頂 ~