南丫島一日遊 ( 榕樹灣 --> 索罟灣 ) + Outback Steakhouse @ 銅鑼灣 (PART 1/2) ( 6-DEC-2014 )

( 6-DEC-2014  SAT )

今朝自然醒喇   不過都係 10 點左右起身呢   呢日係我每月一 Off   唔好講笑   我放假都放到亂哂籠   唔係里奧大人之前提我   我都唔記得添呀 ~

經過車仔麵檔   我同里奧大人講依家佢哋星期日都開舖喎   里奧大人個樣好愕然咁   之後我先記錯以為今日係星期日呀   因為多數星期日先同里奧大人一齊去食早餐嘛   哈哈 ~

餐包甜甜哋好味呀   所以食完呢個餐真係超級勁飽

里奧大人轉丁   咁睇先覺得麵色唔同啲

食完就番屋企沖涼   去埋 CCBA 入票就搭 619   等咗好耐車呀衰   差唔多 12 點先有車   之後再轉 603   去到碼頭都 1 點 15分 lu   但今日堅持去南丫島行山   所以船開 1 點 45 分都等呢   碼頭勁大風呀   真係越坐越凍   但我又唔想周圍行   留番啲腳骨力 ~

準時開船   但好大浪   所以架船勁拋   我要合埋眼聽歌先得囉   依家有暈船浪添   之前坐船都鍾意拋下拋下咁㗎   唔通做完手術個人真係弱雞咗 ?!   反而里奧大人就全程用手機睇卡通片   羨慕佢呀   哈哈 ~    

仲以為無咩人入南丫島添   最後成架船係 Full 哂呀

去到影下相   之後去食嘢喇   唔想又食 Kebab   所以周圍行下先   見到有日本定食   咁就試下喇 ~

到喇

望住個海真係好舒服   但次次吹完海風   啲頭髮都好立黐黐咁   哈哈

上次影過   所以今次想再行前啲 影   但一樣係咁驚   我驚比人推跌落海呀   有啲嘢話唔埋家嘛   哈哈

我次次都會講   影下南丫島嗰 3 碌嘢

個天都灰灰暗暗   不過唔緊要   唔好落雨就得喇

隻狗仔勇過我呀   哈哈

咁樣坐 15 分鐘   肯定無肚腩

好似一幅水彩畫   特別係船後面嗰幾座山呢

好似噴咗好大嚿雲出嚟咁

行入去喇

輕功水上飄


好似幾好玩咁    

風釆發電站   唔知行唔行到去嘅呢 ?!

花呀

我好鍾意影花㗎   近碼頭好大風呀   好在件褸有帽咋      


好多葡提子呀

原來已經 2 點半喇

雖然氣溫係 20 度   但之後行起上嚟都熱熱哋

好舊式嘅字體   依家都好少見中文字由右至左咁寫 lu

貼錯門神

無咩人   好舒服呢   我同里奧大人話咪成日偷影我   之後佢話我仲好意思講   係我成日喺佢影嘢嘅時候攝埋嚟   阻鬼住佢呀   哈哈

隻狗仔勁可憐啦   咁污糟

我同里奧大人講話呢隻係唔係流浪狗嚟呀 ?!   佢話唔似

我覺得南丫島比較多外國人喺度生活   因為相對長洲   南丫島真係清靜好多   

個天仍然灰灰暗暗咁噃

呢 3 隻狗狗其實喺度等食 

我哋包場呀

想點影都得   即係將碟食物擺喺隔離枱影都得呀   哈哈

無味嘅

什錦魚生飯 & 炸餃子定食 - 有我最鍾意嘅希靈魚

呢邊係熟食

什錦天婦湯烏冬 & 三文魚手卷定食

又見到佢喇

佢就係狗狗嘅主人呢   佢同緊個鬼婆傾偈   話時話   上次入嚟都見過佢呢   因為我實會嚟呢間舖頭買鹹濕嘢呢   但依家越買越貴   好細包而份量少嘅菠蘿干都要 $15   太貴喇   唔買   

踩單車都唔錯   但我次次踩完單車呢   隻手會起水卜   因為我揸得太緊呀   驚死跌嘛   哈哈

好喇   跟住指示牌行喇

索罟灣步行時間只需 1 小時 10 分 ?!   

經過建興亞婆豆腐花   咁又食碗先   但估唔到里奧大人買 2 碗添   佢話聽我語氣好似好想食咁喎   卒之食到超級飽   好在一陣會消耗體力咋   其實我食到一半已經想比里奧大人㗎喇   不過佢話食唔落喎   咁我慢慢食埋啦   我又衰嘅   無同佢講一碗 Share 食 ~

今次好滑呀

雖然咁大煲   但見佢好快就 "北" 完   真係好多人食呢

WOO   真係充滿力量喇   不過原來都幾多斜路   覺得有啲辛苦   哈哈   同埋有啲熱呀 ~

咁詭秘嘅   哈哈

開始好好天咁噃

呢啲平路最好行   所以里奧大人成日話我呢啲唔算係行山   係徑喎   無啲鼓勵   哈哈 

咁多大狗   我好驚

開始好熱喇   要除褸喇   我仲着毛毛靴仲更加熱   哈哈

里奧大人次次行路都行到好邊邊位   所以次次要叫佢行埋啲行埋啲   之後佢就會話我咩都驚 

洪聖爺灣泳灘   個名好勁

如果我啲眼睫毛好似佢咁長就好喇

呢兩個小朋友鬧交定啦   我睇住小白叫小黃去玩   小黃點都唔去呀

個樣嬲爆爆咁

行去索罟灣只係要 50 分鐘咁快 ?! 

又睇下影唔影到飛機

我同里奧大人講   打斜影都唔錯   唔似三支香   佢話係呀係呀   哈哈 

好得意呀 

行咗無耐   都問咗里奧大人幾次   點解無人行嘅 ?!   但就好多人由索罟灣行過嚟囉   我好驚無人家嘛   之後仲恐怖   咁我行先家嘛   突然聽到勁大風聲   真係勁驚囉   即刻番轉頭拖住里奧大人   佢以為我見到大狗呀   因為我個樣好驚 ~

落斜舒服好多呢 

上斜就辛苦啲   哈哈   

係咁上下又落下咁啦   同埋好熱  

樹枝吊住咗件衫   離遠睇幾恐怖   如果夜媽媽睇唔清楚   比佢掂到   肯定大叫

好似山洞呀

唔希望用到佢啦

最鍾意藍天白雲

4 碌嘢   哈哈

留影   勁想除鞋   因為真係好熱呀 

隻船玩打圈

舒服到呢   望到唔捨得走


呢日未完㗎 ^^

蠔油燜雞 + 菜心 + 當參紅棗山斑魚湯 ( 5-DEC-2014 )

( 5-DEC-2014  FRI )

好嘢   今日仍然好凍   因為咁先似 12 月家嘛 ~

早餐食芝腿烘底喇   真係好驚食硬崩崩嘅麵包囉 ~



菇場忙   諗住做 A   點知 B 又趕   做完 B 諗住做 A 啦   又有 C 要做   即係做極唔完啦   哈哈 ~

今日有 Lunch Box   其實食完之後想上網 Hea 下   不過最後都係出去行下   行 15 分鐘都好   依家唔同以前喇   食完就想郁下咁囉 ~

忙到呢   諗住尋晚媽咪比咗啲餸同菜比我   可以早啲食   可以準時睇 "警界線"   點知 5 點 23 分   渠打內線比我   話西瓜想我留低   因為有啲嘢趕住比工廠   咁講真   我都無問題   但就唔鍾意臨放工先叫人整嘢囉 ~

一路等一路做嘢囉   又同 8 卦 Skype   佢最開心啦   有我陪佢   啲同事見我仲喺菇場都覺得好奇怪   仲有老細早走過我呀 ~   

6 點 20 分搞掂   無咩幾可咁夜走   即打比家姐呀   佢話見到係菇場來電顯示都好愕然呀   佢話真係要影相記住個時間   之後我再打比里奧大人   佢又係覺得好奇怪我咁夜走呀   哈哈   不過我終於感受到佢成日 OT 嘅感覺喇   係勁攰   我真係要對佢好啲先得喇 ~  

番到屋企都差唔多 6 點 45 分喇   放低袋即預備晚餐喇 ~

我飲碗湯先   再食啲菜   咁里奧大人話 8 點先放工   咁我等埋佢再一齊食 ~

是日懶餐 - 蠔油燜雞 + 菜心 + 當參紅棗山斑魚湯

蠔油燜雞 - 媽咪燜比我同家姐㗎   家姐打嚟問好唔好食   我話好食呀   不過我只係就咁蒸熱   家姐話工人加咗隻指天椒同乾蔥炒都好好食   我哋都估唔到咁好食囉   因為媽咪之前煮嘢係無咩味家嘛   哈哈 ~  

菜心 - 媽咪比㗎   佢話 1 斤   之後我煮完覺得好多咁   之後佢話係斤幾   咁之得我分 2 餐食啦   因為今晚夜食   唔想食咁多嘢囉 ~    

當參紅棗山斑魚湯 - 又係媽咪煲   呢餐全由媽咪包辦 ~

搞掂哂就沖涼   之後休息喇   雖然聽日每月一 Off   但今日好鬼攰囉   所以 11 點即瞓 ~

嘉華大酒樓 @ 官塘 ( 4-DEC-2014 )

生炒上肉排

南乳粗齋煲

清蒸海上鮮


叉燒燒鴨

( 4-DEC-2014  THU )

今日得 11 度咋   但又唔覺得好凍好凍嗰隻   可能我朝早沖熱水涼   之後又行去地鐵站   覺得有啲熱添呀 ~ 

早餐食奶醬多   睇下報紙睇下電視   話咁快又要去番工 lu ~

菇場忙啦   咁做哂諗住做下私人嘢   點知真係諗下都唔得   仍然忙囉 ~

今日有 Lunch Box   食完又落街行   本來想行耐啲   但無啦啦又落雨   咁就番菇場喇 ~

忙呀忙   忙到放工都仲未做完   不過今晚約咗媽咪食飯   都唔會遲走啦   呢幾日放工都等好耐車呀 ~

拎咗 2 Pack 奶比媽咪   所以番媽咪屋企先   差唔多 6 點半就去嘉華喇 ~

家姐 7 點到   等埋佢先叫嘢食   食到 8 點幾就一齊走 lu ~ 

里奧大人今晚 7 點就放工啦   之後佢話多啲同媽咪食飯   一係約朋友食飯   因為好多時我一約人呢   佢就 7 點可以放工 ~

番媽咪屋企坐陣   媽咪煲咗湯比我啦   又整咗燜雞比我   再買埋菜同生果比我   一袋去三袋番   家姐仲慘   媽咪係都要佢拎埋啲烚花生   之後家姐話媽咪次次食唔哂就要佢拎   哈哈   因為上次媽咪買咗超勁多蕃薯食唔哂   又係要比埋家姐   因為家姐唔嘥嘢家嘛   實會食哂為止   佢都話上次食蕃薯食到眼癱癱呀 ~

差唔多 9 點先走   番到屋企叫里奧大人快啲沖涼   之後到我沖   咁我可以睇少少 "警界線" ~

11 點瞓喇   點知一上床就覺得凍   但我又唔想開電毯   之後里奧大人話聽晚一定要換番張羽絨被呀   因為依家只係一張厚嘅冷氣被同一張薄嘅冷氣被   後尾佢都話凍   要換番件長袖衫先瞓到喎 ~

麻醬冷麵 + 椰菜炒豬肉 + 炒油麵 ( 3-DEC-2014 )

( 3-DEC-2014  WED )

今朝都幾凍咁噃   所以都係着厚嘅外套   依家醒喇   咩褸都著下   因為之前買咗幾件褸都無著過   再唔著   又要掉㗎喇 ~

之前食奶油脆豬又驚快餓   但尋日食腿蛋治又太飽   所以依家食多士   覺得啱啱好   因為今朝唔係咁餓   哈哈 ~

菇場仍然忙啦   諗住抖下又有嘢做 ~

今日有 Lunch Box   食完就落去惠康幫家姐買嘢   之後番到菇場又即時要做嘢 lu ~

好嘢   4 點幾搞掂哂啲重要嘢   其他手尾慢慢做   因為好嘥時間去整呢 ~

準時放工   去街市買油麵同菜   番到屋企抖陣就預備晚餐 ~

家姐今日買咗 2 Pack 三文魚骨比我呀   勁抵   $25/2 Pack   所以佢放工就上嚟我屋企   我又順便比埋啲蛋糕同蟹柳比佢呢 ~

佢差唔多 7 點嚟到   同佢傾咗陣   食埋幾塊薯片都走喇   佢要番屋企食飯   咁我都要煮飯喇 ~

煮完都差唔多 8 點   咁沖埋涼先食 lu ~

是日晚餐 - 麻醬冷麵 + 椰菜炒豬肉 + 炒油麵

麻醬冷麵 - 之前買咗 2 支麻醬   一支已經過咗期好耐要掉   呢支都過咗 2 日期㗎   所以要快啲食   天氣凍先食冷麵   我將啲香腸切絲   再加啲黑椒炒   唔想樣樣都凍呀   不過冷麵唔雪凍   好似無咁好食   但真係唔想食完凍冰冰囉   哈哈 ~  

椰菜炒豬肉 - 一菜兩食實在太好啦   一半用嚟炒豬肉   一半用嚟切絲炒麵 ~  

炒油麵 - 一斤係 $8   我見佢好似好少咁   所以買 $10   因為一麵兩食嘛   但原來煮埋咁鬼多   我食咗一啖試味   其他都係比里奧大人食同埋帶 Lunch Box ~ 

里奧大人雖然今晚喺大陸放工即走   但塞車呀   所以差唔多 9 點先番到屋企   好在買咗個包比佢食   唔係好難頂到番屋企囉 ~

搞掂哂   叫佢快啲沖涼   之後一齊睇電視喇 ~

11 點瞓喇   天氣凍   想瞓多啲咁㗎   今晚房嘅窗都唔駛開呀 ~

燒汁青瓜炒牛展 + 雜豆炒飯 ( 2-DEC-2014 )

( 2-DEC-2014 TUE ) 

尋晚瞓到半夜有啲焗   所以里奧大人就開窗   之後又有啲凍咁   哈哈 ~    

之前麥記送軟毛 (Soft) 牙刷嘛   咁就用啦   咁今朝里奧大人幫我換新牙刷   係中毛 (Medium) 嘅   我話刷牙嘅時候覺得有啲痛   但其實不嬲都用開 Medium 㗎噃   之後里奧大人話幫我刷到軟先比我喎   哈哈   我話勁嘔心啦   咁我用 Soft 咪得囉   客氣喇 ~

今朝 8 卦約我食早餐   基本上西瓜一上工廠   佢就會約我食早餐   佢唔駛咁趕嘛   因為西瓜好多時 8 點幾已經番到菇場開工   可能覺得佢哋 9 點番到菇場已經係遲添呀 ~

好耐無食腿蛋治咁 lu

忙呀   做極唔完   不過啲時間真係過得超快   好快又到 Lunch Time 喇 ~

天氣凍凍哋   咁當然食粥啦   家姐同 8 卦話我食咁清   我話又唔係白粥   之後 8 卦話佢會食白粥 + 炒麵 + 腸粉   我真係覺得佢好大食   定係里奧大人細食呢 ?!

咁行下百佳啦   點知又比我見到保利脫脂奶 $33.5/Pack   真係人都顛啦   之前 $35.5 都覺得平   依家 $33.5 就忍唔住買多 2 Pack 囉   之後即打比媽咪   叫佢唔駛買喇   佢已經有 5 Pack 喺我度㗎喇 ~

忙啦又   放工未做完   不過都準時放工   難得全部大粒唔喺度嘛 ~

幫埋里奧大人買麵包就番屋企 lu   今晚想早啲食呀   所以 6 點半開始煮喇 ~   

差唔多 7 點幾先搞掂   沖埋涼先食   之後里奧大人打嚟話放工   但我唔等佢 lu ~

是日懶餐 - 燒汁青瓜炒牛展 + 雜豆炒飯  

燒汁青瓜炒牛展 - 個青瓜係媽咪買比我㗎   都好似有兩個幾星期   因為媽咪買咗太多嘢比我喇   根本都食唔切   咁個青瓜等下等下   由大大個變到皺哂皮   好在無壞咋 ~

雜豆炒飯 - 覺得今晚無咩蔬菜咁   但又唔想飲粟米湯   所以加啲雜豆   里奧大人唔太鍾意食雜豆㗎   如果就咁一碟呢   佢會唔食啲青豆   但炒埋落飯喇喎   佢點會有心機逐粒揀出嚟   我成日同佢講   每樣蔬菜都有佢嘅營養價值家嘛   所以樣樣都要食啲先得囉 ~

洗埋碗就食生果 lu   媽咪呢期買嘅橙都好甜   所以就鍾意食喇 ~    

我睇 HKTV 呀   里奧大人就做公司嘢   好在做到 10 點幾就搞掂 ~

可能天氣凍   好快就想瞓覺   今晚 11 點都瞓 lu ~

稻香 @ 九龍灣 ( 1-DEC-2014 )

麻麻爆辣雞煲 - $68 煲   仲有 6 罐飲品   抵呀

滾呀滾呀

啲雞有好多碎骨   同埋份量唔多   呢個雞煲當湯底都唔錯   我覺得都幾辣   里奧大人話唔辣   勁呀   不過下次都係同佢食正宗雞煲   呢個係入門級雞煲   哈哈      

雪花丁方 - 雖然雪到冰咁   但都有牛味噃

田園菜籃 - 食完呢個菜籃之後   見到枱面有啲   一隻隻好細粒嘅郁緊   好驚囉  

個煲係包埋 6 罐啤酒或者汽水   我哋每樣要 3 罐 

( 1-DEC-2014  MON )

今朝 7 點半起身喇   好在唔係好眼瞓   感恩呢 ~

同里奧大人一齊出門口番工   好耐無咁做喇   哈哈 ~      

依家帶樽水番工   唔想飲咁多蒸餾水   但其實 900ml 只係 4-5 杯左右   點都係要飲啲蒸餾水囉 ~

早餐食芝腿治   但啲麵包邊好硬囉   好少會咁㗎喎 ~ 

番到菇場就好忙啦   之得放多兩星期   不過點都要面對現實㗎喇   但我情願忙囉   唔駛咁悶嘛 ~

做呀做   做到 Lunch Time   啲同事見我有 Lunch Box 好出奇咁   阿齋見我飯盒咁清   佢大大聲講話食辣麵   衰啦   不過我依家唔會話好想食辣咁囉 ~

食完就出去一田買吉士粉   好在有咋   抵過烘焙店好多呢   行多陣就番菇場喇 ~

好在一田有得買咋   好似 $14.9/包 

又開始做做做啦   未做完一樣又有另一樣   人都顛 ~

里奧大人記得之前買咗啲太興 Coupon   所以話如果今晚佢唔夜放工就去食   咁放工打比佢啦   佢話今晚可以出去食呢 ~

今晚等車等到 6 點呀   又凍喎   好後悔無着外套囉 ~

番到屋企都抖下 lu   里奧大人 7 點 15 分放工   話想打邊爐喎   咁都好喎   我想去稻香食辣雞煲呢 ~

家姐之前喺糖村買嘅糖   係焦糖味   味道好似食緊樂家杏仁糖   好味呀   不過呢粒就鬆脆好多啦

呢粒係咖啡味   比較軟身   但好多杏仁   又係好正呀
    
呢粒係牛奶味   都唔錯   最正係一樣咁多杏仁呢 


好嘢   里奧大人 7 點 45 分就到   可以開飯喇 ~

食到 9 點   喺商場行陣就番屋企喇   好鬼凍呀   聽日仲凍呀 ~

沖完涼就一齊睇電視   睇到差唔多 12 點呀   要瞓喇 ~