嘉華大酒樓 @ 官塘 ( 4-DEC-2014 )

生炒上肉排

南乳粗齋煲

清蒸海上鮮


叉燒燒鴨

( 4-DEC-2014  THU )

嘩   今日得 11 度咋   但又唔覺得好凍好凍果隻   可能我朝早沖熱水涼   之後又行去地鐵站   覺得有 d 熱添呀 ~ 

早餐食奶醬多   睇下報紙睇下電視   話咁快又要去番工 lu ~

菇場忙啦   咁做哂諗住做下私人嘢   點知真係諗下都唔得   仍然忙囉 ~

今日有 lunch box   食完又落街行   本來想行耐 d   但無啦啦又落雨   咁就番菇場喇 ~

忙呀忙   忙到放工都仲未做完   嗚   不過今晚約咗媽咪食飯   都唔會遲走啦   呢幾日放工都等好耐車呀   煩 ~

拎咗 2 pack 奶比媽咪   所以番媽咪屋企先   差唔多 6 點半就去嘉華喇 ~

家姐 7 點到   等埋佢先叫嘢食   食到 8 點幾就一齊走 lu ~ 

里奧大人今晚 7 點就放工啦   之後佢話多 d 同媽咪食飯   一係約朋友食飯   因為好多時我一約人呢   佢就 7 點可以放工 ~

番媽咪屋企坐陣   媽咪煲咗湯比我啦   又整咗燜雞比我   再買埋菜同生果比我   一袋去三袋番   家姐仲慘   媽咪係都要佢拎埋 d 烚花生   之後家姐話媽咪次次食唔哂就要佢拎   哈哈   因為上次媽咪買咗超勁多蕃薯食唔哂   又係要比埋家姐   因為家姐唔嘥嘢家嘛   實會食哂為止   佢都話上次食蕃薯食到 " 眼癱癱 " 呀 ~

差唔多 9 點先走   番到屋企叫里奧大人快 d 沖涼   之後到我沖   咁我可以睇小小 " 警界線 " ~

11 點瞓喇   點知一上床就覺得凍   但我又唔想開電毯   之後里奧大人話聽晚一定要換番張羽絨被呀   丫   因為依家只係一張厚嘅冷氣被同一張薄嘅冷氣被   後尾佢都話凍   要換番件長袖衫先瞓到喎 ~