麻醬冷麵 + 椰菜炒豬肉 + 炒油麵 ( 3-DEC-2014 )

( 3-DEC-2014  WED )

今朝都幾凍咁噃   所以都係着厚嘅外套   依家醒喇   咩褸都著下   因為之前買咗幾件褸都無著過   再唔著   又要掉架喇 ~

之前食奶油脆豬又驚快餓   但尋日食腿蛋治又太飽   所以依家食多士   覺得啱啱好   因為今朝唔係咁餓   哈 ~

菇場仍然忙啦   諗住抖下又有嘢做 ~

今日有 lunch box   食完就落去惠康幫家姐買嘢   之後番到菇場又即時要做嘢 lu ~

好嘢   4 點幾搞掂哂 d 重要嘢   其他手尾慢慢做   因為好嘥時間去整呢 ~

準時放工   去街市買油麵同菜   番到屋企抖陣就預備晚餐 ~

家姐今日買咗 2 pack 三文魚骨比我呀   勁抵   $25 / 2 pack   所以佢放工就上黎我屋企   我又順便比埋 d 蛋糕同蟹柳比佢呢 ~

佢差唔多 7 點黎到   同佢傾咗陣   食埋幾塊薯片都走喇   佢要番屋企食飯   咁我都要煮飯喇 ~

煮完都差唔多 8 點   咁沖埋涼先食 lu ~

是日晚餐 - 麻醬冷麵 + 椰菜炒豬肉 + 炒油麵

麻醬冷麵 - 之前買咗 2 支麻醬   一支已經過咗期好耐要掉   呢支都過咗 2 日期架   所以要快 d 食   唉   天氣凍先食冷麵   我將 d 香腸切絲   再加 d 黑椒炒   唔想樣樣都凍呀   不過冷麵唔雪凍   好似無咁好食   但真係唔想食完凍冰冰囉   哈 ~  

椰菜炒豬肉 - 一菜兩食實在太好啦   一半用黎炒豬肉   一半用黎切絲炒麵 ~  

炒油麵 - 一斤係 $8   我見佢好似好小咁   所以買 $10   因為一麵兩食嘛   但原來煮埋咁鬼多   我食咗一啖試味   其他都係比里奧大人食同埋帶 lunch box ~ 

里奧大人雖然今晚喺大陸放工即走   但塞車呀   所以差唔多 9 點先番到屋企   好在買咗個包比佢食   唔係好難頂到番屋企囉 ~

搞掂哂   叫佢快 d 沖涼   之後一齊睇電視喇 ~

11 點瞓喇   天氣凍   想瞓多 d 咁架   今晚房嘅窗都唔駛開呀   因為上到床都震震地咁呢 ~