南丫島一日遊 ( 榕樹灣 --> 索罟灣 ) + Outback Steakhouse @ 銅鑼灣 (PART 1/2) ( 6-DEC-2014 )

( 6-DEC-2014  SAT )

今朝自然醒喇   不過都係 10 點左右起身呢   呢日係我每月一 off   唔好講笑   我放假都放到亂哂籠   唔係里奧大人之前提我   我都唔記得添呀 ~

經過車仔麵檔   我同里奧大人講依家佢地星期日都開舖喎   里奧大人個樣好愕然咁   之後我先記錯以為今日係星期日呀   因為多數星期日先同里奧大人一齊去食早餐嘛   哈 ~

餐包甜甜地好味呀   所以食完呢個餐真係超級勁飽

里奧大人轉丁   咁睇先覺得麵色唔同 d 架喎

食完就番屋企沖涼   去埋 CCBA 入票就搭 619   等咗好耐車呀衰   差唔多12 點先有車   之後再轉 603   去到碼頭都 1 點 15分 lu   但今日堅持去南丫島行山   所以船開 1 點 45 分都等呢   碼頭勁大風呀   真係越坐越凍   但我又唔想周圍行   留番 d 腳骨力 ~

準時開船   但好大浪   所以架船勁拋   我要 me 埋眼聽歌先得囉   丫   依家有暈船浪添   之前坐船都鍾意拋下拋下咁架   唔通做完手術個人真係弱雞咗 ?!   反而里奧大人就全程用手機睇卡通片   羨慕佢呀   哈哈 ~    

仲以為無咩人入南丫島添   最後成架船係 full 哂架

去到影下相   之後去食嘢喇   唔想又食 Kebab   所以周圍行下先   見到有日本定食   咁就試下喇 ~

到喇 ~~~~

望住個海真係好舒服   但次次吹完海風   d 頭髮都好 "立" 咁   哈哈

上次影過   所以今次想再行前 d 影   但一樣係咁驚   我驚比人推跌落海呀   有 d 嘢話唔埋家嘛   哈哈

我次次都會講   影下 " 南丫島果 3 碌嘢 "

個天都灰灰暗暗架   不過唔緊要   唔好落雨就得喇

隻狗仔勇過我呀   哈哈

咁樣坐 15 分鐘   肯定無肚腩

好似一幅水彩畫   特別係船後面果幾座山呢

好似噴咗好大嚿雲出黎咁

行入去喇

我輕工水上飄。。　過黎喇 ~~~~


好似幾好玩咁    

風釆發電站   唔知行唔行到去嘅呢 ?!

花呀 ~~~~

我好鍾意影花架   近碼頭好大風呀   好在件褸有帽咋      


好多葡提子呀

原來已經 2 點半喇

20度   但之後行起上黎都熱熱地架

好舊式嘅字體   依家都好小見中文字由右至左咁寫 lu

貼錯門神

無咩人   好舒服呢   umm   我同里奧大人話咪成日偷影我   之後佢話我仲好意思講   係我成日喺佢影嘢嘅時候攝埋黎   阻鬼住佢呀   哈

隻狗仔勁可憐啦   咁污糟   嗚嗚   佢睇唔睇到嘢架

我同里奧大人講話呢隻係唔係流浪狗黎架 ?!   佢話唔似

我覺得南丫島比較多外國人喺度生活   因為相對長洲   南丫島真係清靜好多   

個天仍然灰灰暗暗咁噃

呢 3 隻狗狗其實喺度等食 

我地包場呀

想點影都得   即係將碟食物擺喺隔離枱影都得呀   哈

嘩哈哈哈哈   所以我都比里奧大人影咗唔小衰相

無味嘅 @@

什錦魚生飯 & 炸餃子定食 - 有我最鍾意嘅希靈魚 ^^

呢邊係熟食

什錦天婦湯烏冬 & 三文魚手卷定食

又見到佢喇

佢係狗狗嘅主人呢   物似主人型就係咁解喇   佢同緊個鬼婆傾計   話時話   上次入黎都見過佢呢   因為我實會黎呢間舖頭買鹹濕嘢呢   但依家越買越貴   好細包而份量小嘅菠蘿干都要 $15   太貴喇   唔買   

踩單車都唔錯架   但我次次踩完單車呢   隻手會起水卜   因為我揸得太緊呀   驚死跌嘛   哈哈

好喇   跟住指示牌行喇

索罟灣步行時間只需 1 小時 10 分 ?!   

經過建興亞婆豆腐花   咁又食碗先   但估唔到里奧大人買 2 碗添   佢話聽我語氣好似好想食咁喎   卒之食到超級飽   好在一陣會消耗體力咋   其實我食到一半已經想比里奧大人架喇   不過佢話食唔落喎   咁我慢慢食埋啦   我又衰嘅   無同佢講一碗 share 食 ~

今次好滑呀

雖然咁大煲   但見佢好快就 "北" 完   真係好多人食呢

WOO   真係充滿力量喇   不過原來都幾多斜路   覺得有 d 辛苦   哈   同埋有 d 熱呀 ~

咁詭秘嘅   哈哈

開始好好天咁噃

行喇喂   呢 d 平路最好行   所以里奧大人成日話我呢 d 唔算係行山   係徑喎   無 d 鼓勵   衰 

咁多大狗   我驚架

開始好熱喇   要除褸喇   我仲着毛毛 boot   仲更加熱   哈哈

里奧大人次次行路都行到好邊邊位   所以次次要叫佢行埋 d 行埋 d   之後佢就會話我咩都驚 @@     

洪聖爺灣泳灘   個名好勁

如果我 d 眼睫毛好似佢咁長就好喇

呢兩個小朋友鬧交定啦   我睇住小白叫小黃去玩   小黃點都唔去呀

個樣嬲爆爆咁架

行去索罟灣只係要 50 分鐘咁快 ?!?!   根本唔係囉   

又睇下影唔影到飛機

我同里奧大人講   打斜影都唔錯丫   唔似三支香   佢話係。呀。係。呀。 

"毛神神" 好得意呀 

行咗無耐   都問咗里奧大人幾次   點解無人行嘅 ?!   但就好多人由索罟灣行過黎囉   我好驚無人家嘛   之後仲恐怖   咁我行先家嘛   突然聽到勁大風聲   真係勁驚囉   即刻番轉頭拖住里奧大人   佢以為我見到大狗呀   因為我個樣好驚 ~

落斜舒服好多呢 

上斜就辛苦 d   哈   

係咁上下又落下咁啦   同埋好熱 @@ 

樹枝吊住咗件衫   離遠睇幾恐怖架   如果夜媽媽睇唔清楚   比佢掂到   肯定大叫

好似山洞呀

唔希望用到佢啦   哈

最鍾意藍天白雲

4 碌嘢   哈哈

留影   勁想除鞋   因為真係好 。熱。呀。。。。 

隻船玩打圈

舒服到呢   望到唔捨得走


呢日未完架