今朝自然醒喇 不過都係 10 點左右起身呢 呢日係我每月一 off 唔好講笑 我放假都放到亂哂籠 唔係里奧大人之前提我 我都唔記得添呀 ~
經過車仔麵檔 我同里奧大人講依家佢地星期日都開舖喎 里奧大人個樣好愕然咁 之後我先記錯以為今日係星期日呀 因為多數星期日先同里奧大人一齊去食早餐嘛 哈 ~
餐包甜甜地好味呀 所以食完呢個餐真係超級勁飽
里奧大人轉丁 咁睇先覺得麵色唔同 d 架喎
食完就番屋企沖涼 去埋 CCBA 入票就搭 619 等咗好耐車呀衰 差唔多12 點先有車 之後再轉 603 去到碼頭都 1 點 15分 lu 但今日堅持去南丫島行山 所以船開 1 點 45 分都等呢 碼頭勁大風呀 真係越坐越凍 但我又唔想周圍行 留番 d 腳骨力 ~
準時開船 但好大浪 所以架船勁拋 我要 me 埋眼聽歌先得囉 丫 依家有暈船浪添 之前坐船都鍾意拋下拋下咁架 唔通做完手術個人真係弱雞咗 ?! 反而里奧大人就全程用手機睇卡通片 羨慕佢呀 哈哈 ~
仲以為無咩人入南丫島添 最後成架船係 full 哂架
去到影下相 之後去食嘢喇 唔想又食 Kebab 所以周圍行下先 見到有日本定食 咁就試下喇 ~
到喇 ~~~~
望住個海真係好舒服 但次次吹完海風 d 頭髮都好 "立" 咁 哈哈
上次影過 所以今次想再行前 d 影 但一樣係咁驚 我驚比人推跌落海呀 有 d 嘢話唔埋家嘛 哈哈
我次次都會講 影下 " 南丫島果 3 碌嘢 "
個天都灰灰暗暗架 不過唔緊要 唔好落雨就得喇
隻狗仔勇過我呀 哈哈
咁樣坐 15 分鐘 肯定無肚腩
好似一幅水彩畫 特別係船後面果幾座山呢
好似噴咗好大嚿雲出黎咁
行入去喇
我輕工水上飄。。 過黎喇 ~~~~
好似幾好玩咁
我好鍾意影花架 近碼頭好大風呀 好在件褸有帽咋
好多葡提子呀
原來已經 2 點半喇
20度 但之後行起上黎都熱熱地架
好舊式嘅字體 依家都好小見中文字由右至左咁寫 lu
貼錯門神
無咩人 好舒服呢 umm 我同里奧大人話咪成日偷影我 之後佢話我仲好意思講 係我成日喺佢影嘢嘅時候攝埋黎 阻鬼住佢呀 哈
我同里奧大人講話呢隻係唔係流浪狗黎架 ?! 佢話唔似
我覺得南丫島比較多外國人喺度生活 因為相對長洲 南丫島真係清靜好多
個天仍然灰灰暗暗咁噃
呢 3 隻狗狗其實喺度等食
我地包場呀
想點影都得 即係將碟食物擺喺隔離枱影都得呀 哈
嘩哈哈哈哈 所以我都比里奧大人影咗唔小衰相
什錦魚生飯 & 炸餃子定食 - 有我最鍾意嘅希靈魚 ^^
什錦天婦湯烏冬 & 三文魚手卷定食
又見到佢喇
佢係狗狗嘅主人呢 物似主人型就係咁解喇 佢同緊個鬼婆傾計 話時話 上次入黎都見過佢呢 因為我實會黎呢間舖頭買鹹濕嘢呢 但依家越買越貴 好細包而份量小嘅菠蘿干都要 $15 太貴喇 唔買
好喇 跟住指示牌行喇
索罟灣步行時間只需 1 小時 10 分 ?!
經過建興亞婆豆腐花 咁又食碗先 但估唔到里奧大人買 2 碗添 佢話聽我語氣好似好想食咁喎 卒之食到超級飽 好在一陣會消耗體力咋 其實我食到一半已經想比里奧大人架喇 不過佢話食唔落喎 咁我慢慢食埋啦 我又衰嘅 無同佢講一碗 share 食 ~
今次好滑呀
雖然咁大煲 但見佢好快就 "北" 完 真係好多人食呢
WOO 真係充滿力量喇 不過原來都幾多斜路 覺得有 d 辛苦 哈 同埋有 d 熱呀 ~
咁詭秘嘅 哈哈
開始好好天咁噃
行喇喂 呢 d 平路最好行 所以里奧大人成日話我呢 d 唔算係行山 係徑喎 無 d 鼓勵 衰
咁多大狗 我驚架
里奧大人次次行路都行到好邊邊位 所以次次要叫佢行埋 d 行埋 d 之後佢就會話我咩都驚 @@
如果我 d 眼睫毛好似佢咁長就好喇
呢兩個小朋友鬧交定啦 我睇住小白叫小黃去玩 小黃點都唔去呀
個樣嬲爆爆咁架
行去索罟灣只係要 50 分鐘咁快 ?!?! 根本唔係囉
又睇下影唔影到飛機
"毛神神" 好得意呀
行咗無耐 都問咗里奧大人幾次 點解無人行嘅 ?! 但就好多人由索罟灣行過黎囉 我好驚無人家嘛 之後仲恐怖 咁我行先家嘛 突然聽到勁大風聲 真係勁驚囉 即刻番轉頭拖住里奧大人 佢以為我見到大狗呀 因為我個樣好驚 ~
落斜舒服好多呢
上斜就辛苦 d 哈
樹枝吊住咗件衫 離遠睇幾恐怖架 如果夜媽媽睇唔清楚 比佢掂到 肯定大叫
好似山洞呀
4 碌嘢 哈哈
留影 勁想除鞋 因為真係好 。熱。呀。。。。
隻船玩打圈
呢日未完架
沒有留言:
發佈留言