燒汁青瓜炒牛展 + 雜豆炒飯 ( 2-DEC-2014 )

( 2-DEC-2014 TUE ) 

尋晚瞓到半夜有 d 焗   所以里奧大人就開窗   之後又有 d 凍咁   哈 ~    

之前麥記送軟毛 ( Soft ) 牙刷嘛   咁就用啦   咁今朝里奧大人幫我換新牙刷   係中毛 (Medium ) 嘅   我話刷牙嘅時候覺得有 d 痛   但其實不嬲都用開 Medium 架噃   之後里奧大人話幫我刷到軟先比我喎   嘩哈哈  我話勁嘔心啦   咁我用 Soft 咪得囉   客氣喇 ~

今朝 8 卦約我食早餐   基本上西瓜一上工廠   佢就會約我食早餐   佢唔駛咁趕嘛   因為西瓜好多時 8 點幾已經番到菇場開工   可能覺得佢地 9 點番到菇場已經係遲添呀 ~

好耐無食腿蛋治咁 lu

忙呀   做極唔完   不過 d 時間真係過得超快   好快又到 lunch time 喇 ~

天氣凍凍地   咁當然食粥啦   家姐同 8 卦話我食咁清   我話又唔係白粥   之後 8 卦話佢會食白粥 + 炒麵 + 腸粉   我真係覺得佢好大食   定係里奧大人細食呢 ?!

最鍾意食齋米粉   同埋呢度嘅米粉好大碟架   我其實食唔哂   不過唔想嘥   食哂佢為止囉  

艇仔粥都唔小材料架

咁行下百佳啦   點知又比我見到保利脫脂奶 $33.5/pack   真係人都顛啦   之前 $35.5 都覺得平   依家 $33.5 就忍唔住買多 2 pack 囉   之後即打比媽咪   叫佢唔駛買喇   佢已經有 5 pack 喺我度架喇 ~

忙啦又   放工未做完架   不過都準時放工   難得全部大粒唔喺度嘛 ~    

幫埋里奧大人買麵包就番屋企 lu   今晚想早 d 食呀   所以 6 點半開始煮喇 ~   

差唔多 7 點幾先搞掂   沖埋涼先食   之後里奧大人打黎話放工   但我唔等佢 lu ~

是日懶餐 - 燒汁青瓜炒牛展 + 雜豆炒飯  

燒汁青瓜炒牛展 - 個青瓜係媽咪買比我架   都好似有兩個幾星期   因為媽咪買咗太多嘢比我喇   根本都食唔切   咁個青瓜等下等下   由大大個變到皺哂皮   好在無壞咋 ~

雜豆炒飯 - 覺得今晚無咩蔬菜咁   但又唔想飲粟米湯   所以加 d 雜豆   里奧大人唔太鍾意食雜豆架   如果就咁一碟呢   佢會唔食 d 青豆   但炒埋落飯喇喎   佢點會有心機逐粒揀出黎丫   我成日同佢講   每樣蔬菜都有佢嘅營養價值家嘛   所以樣樣都要食 d 先得囉 ~

洗埋碗就食生果 lu   媽咪呢期買嘅橙都好甜   所以就鍾意食喇 ~    

我睇 HKTV 呀   里奧大人就做公司嘢   好在做到 10 點幾就搞掂 ~

可能天氣凍   好快就想瞓覺   今晚 11 點都瞓 lu ~