蠔油燜雞 + 菜心 + 當參紅棗山斑魚湯 ( 5-DEC-2014 )

( 5-DEC-2014  FRI )

好嘢   今日仍然好凍   因為咁先似 12 月家嘛 ~

早餐食芝腿烘底喇   真係好驚食硬峭崩嘅麵包囉 ~



菇場忙   諗住做 A   點知 B 又趕   做完 B 諗住做 A 啦   又有 D 要做   即係做極唔完啦   哈 ~

今日有 lunch box   其實食完之後想上網 hea 下架   不過最後都係出去行下   行 15 分鐘都好丫   依家唔同以前喇   食完就想郁下咁囉 ~

嘩   忙到呢   諗住尋晚媽咪比咗 d 餸同菜比我   可以早 d 食   可以準時睇 "警界線"   點知 5 點 23 分   渠打內線比我   話西瓜想我留低   因為有 d 嘢趕住比工廠   咁講真   我都無問題   但就唔鍾意臨放工先叫人整嘢囉 ~

一路等一路做嘢囉   又同 8 卦 skype   佢最開心啦   有我陪佢   d 同事見我仲喺菇場都覺得好奇怪   仲有老細早走過我呀 ~   

6 點 20 分搞掂   無咩幾可咁夜走 ( choi )   即打比家姐呀   佢話見到係菇場來電顯示都好愕然呀   佢話真係要影相記住個時間   之後我再打比里奧大人   佢又係覺得好奇怪我咁夜走呀   哈哈   不過我終於感受到佢成日 OT 嘅感覺喇   係勁攰   我真係要對佢好 d 先得喇 ~  

番到屋企都差唔多 6 點 45 分喇   放低袋即預備晚餐喇 ~

我飲碗湯先   再食 d 菜   咁里奧大人話 8 點先放工   咁我等埋佢再一齊食 ~

是日懶餐 - 蠔油燜雞 + 菜心 + 當參紅棗山斑魚湯

蠔油燜雞 - 媽咪燜比我同家姐架   家姐打黎問好唔好食   我話好食呀   不過我只係就咁蒸熱   家姐話工人加咗隻指天椒同乾蔥炒都好好食   我地都估唔到咁好食囉   因為媽咪之前煮嘢係無咩味家嘛   哈 ~  

菜心 - 媽咪比家   佢話 1 斤   之後我煮完覺得好多咁   之後佢話係斤幾   咁之得我分 2 餐食啦   因為今晚夜食   唔想食咁多嘢囉 ~    

當參紅棗山斑魚湯 - 又係媽咪煲架   呢餐全由媽咪包辦 ~

搞掂哂就沖涼   之後休息喇   雖然聽日每月一 off   但今日好鬼攰囉   所以 11 點即瞓 ~