美心皇宮 @ 九龍灣 ( 7-APR-2018 )

雙椒蔥爆加龍蝦 



風沙百花小棠菜



脆皮咖哩牛肋骨



貴妃脆蝦球



什菌素燒豆腐



金瑤琵琶豆腐



四季荷葉飯 - 我無食呀   但見到係凍冰冰同埋啲飯好腍   之後再叫多個瑤柱上湯什菜煲同蝦仁炒飯



( 7-APR-2018  SUN )

感恩一覺瞓到 8 點半   去個廁所再瞓   一起身已經 10 點 45 分 ~

食埋早餐就番屋企   今日唔去街喇   夜晚約咗里奧大人嘅德國舅父食飯 ~

咁我又執嘢啦   就係執雪櫃   咁都執咗半個鐘   之後就沖涼休息 lu ~

3 點出發去 APM 食嘢   之後去 Stage of Playlord 買鞋   但無哂貨   反而里奧大人就買咗件裇衫   不過無貨   要星期一再去拎 ~





今日最緊要做嘅一件事就係去烘焙店換會員卡   之後再去 APM 行陣   好開心係 Ete 買咗個散紙包比家姐   仲要係紫色   感恩感恩 ~   

最後去拎淘寶嘢   估唔到可以喺附近商舖買到對鞋   勁開心 ~

番到屋企都 5 點幾   即將收納盒放入廚房   感覺整齊好多呀 ~

7 點半出發去美心皇宮   話 8 點食   最終又要等水姑 ~

講開保險箱   我話我遲啲都會取消保險箱   將啲嘢擺喺家姐嘅保險箱就算   咁樣可以慳番千七蚊   之後里奧大人姐夫好激動   話點可以擺自己啲嘢落家姐度㗎 ?!   要擺喺老公度家嘛   我話啲嘢係我   我實留比家姐   等如家姐都留番好多嘢比我啦   佢姐夫又唔知再講咩   我都費事理佢   再講我會火來   我鍾意將啲嘢留比邊個就留比邊個啦   關你鬼事呀 ?!  痴乸線   你係外人咋   你以為你自己係邊個 ?!   我要聽你講 ?!   黐根 ~

最終 9 點先開飯   咁一早約 9 點啦   成枱人等一個人   最憎咁   搭飛機又唔見妳遲一個鐘 ?!

咁同舅父傾開旅行會食啲咩   水姑話德國有咩中菜館好食   我即話去旅行梗係一定食當地食材啦   點會去到邊都食中菜㗎   之後舅父都話啦   出去旅行   一定會食當地出產嘅食物   水姑都無聲出啦   舅父都覺得佢怪   山長水遠食中菜食點心 ~

所以里奧大人問我會唔會去澳洲參加晴晴畢業禮 ?!   我好肯定咁話唔會   佢哋去澳洲   都係喺屋企煮   佢覺得全宇宙最好味嘅蜜糖骨   一係就出去飲茶食點心   仲要係同一間喎   又唔會話去其他地方   我一聽都話悶   唔係要我日日同妳去同一間食點心食中菜呀嘛 ?!   簡直係浪費我假期同時間 ~

差唔多 10 點幾都走人喇   番到屋企都即沖涼 lu ~

睇多陣電視   又差唔多 12 點先瞓呢 ~

印尼撈麵 + 泡菜餃子出前一丁 + 蠔油芥蘭 ( 6-APR-2018 )

( 6-APR-2018  FRI )

今朝食芝蛋治   勁肥咁呀   哈哈 ~



咁依家 8 卦會嚟嘅話   基本上會坐卡位   咁啱我見到有張卡位個女人拎錢出來   我企埋去等啦   但佢拎完錢出來仲唔走   我覺得佢特登   因為佢同佢同事杯嘢已經飲哂囉 ~

好在另一邊有位   我即坐啦   阿姐走埋嚟同我講   話佢哋好衰呀   平時拎錢出嚟就走㗎喇   唔知點解今日咁衰   估唔到連阿姐都睇唔過眼 ~

菇場忙到甩肺   眨下眼已經 Lunch Time ~

今朝都好好天   但 11 點幾個天色就開始暗   我落去買嘢食嘅時候   直頭好似想落雨添呀 ~



仍然忙忙忙   聽日 Off   我一定要 Send 埋個 Report ~

5 點 45 分終於搞掂   即放工喇 ~

番到屋企抖陣   食個撈麵   抖陣就去徑步   徑咗 40 分鐘   爽 ~

沖埋涼就休息   等埋里奧大人番嚟先再食菜 ~

佢又係 9 點先放工   咁我煮麵比佢食   再一齊食菜   佢以為我就咁食菜做晚餐   哈哈 ~

搞掂哂就食沙律   好味道呀 ~



勁喇   一齊睇戲   睇到 1 點先瞓呀 ~

韓汁焗五花腩 + 節瓜鹹蛋魷魚湯 ( 5-APR-2018 )

( 5-APR-2018  THU )

今朝里奧大人 9 點半起身   佢約咗姑奶食早餐同比嘢佢   我唔去喇   假期只想見自己鍾意嘅嘢 ~

我梳洗完就去食早餐   之後去超市買嘢   番到屋企都已經 12 點半了 ~



里奧大人差唔多 1 點先番到屋企   話好熱   之後沖埋個涼又瞓   其實滕來滕去又再瞓   嘥哂啲時間   一陣又要做公司嘢   攞嚟搞 ~

咁我就醃五花腩   見到塊皮有粒豬 lin   我覺得勁嘔心囉 ~

搞掂哂就整沙律   整完都 1 點半   咁 Send 比家姐睇   我話如果佢要就比佢   佢又話唔要   之後我打比佢   其實之前買咗大蘋果   都係想整比佢   不過我驚蘋果擺得耐唔好食啫 ~





咁我係都話比佢   佢終於要啦   我再加多罐椰果同粟米粒比佢   咁佢可以分兩餐食   一開罐椰果覺得啲色好怪   黃黃哋咁   再望個罐   原來 1 月到期   我成日覺得買咗無耐咋喎    好在我頭先整咗嗰啲係 8 月到期咋

見有時間   我再整埋麥芽糖餅乾比家姐   又順便幫我清下嘢   哈哈



搞掂哂再執下櫃桶   寫哂有啲咩罐頭糧食   今次的起心肝寫㗎   真係唔想買買埋埋又要掉   好鬼折墮 ~

搞掂哂就沖涼   之後就出門口喇   原來都已經 2 點 45 分了 ~   

家姐車麥包遊車河   話佢咁樣會好好瞓喎   好似人咁   哈哈

佢話上星期日帶咗麥包睇醫生   醫生話佢心臟發大   其他器官又開始縮細   所以驚佢無啦啦會暈   家姐講到眼濕濕   我話唔好植入式   家姐話佢都知   但要有心理預備   其實我嗰下都想喊啦   不過忍住   所以真係唔可以再養狗   唔想自己傷心 ~

同家姐周圍行下   佢差唔多 3 點 20 分就走人   咁即叫里奧大人幫我拎啲沙律落嚟比埋家姐   之後就去食下午茶喇 ~

里奧大人做公司嘢   我就仍然要執廚房   差唔多 5 點半就煲香茅薑茶   勁好飲呀   間唔中又煲下先 ~



6 點滖湯   7 點開始焗燒肉   但焗咗 15 分鐘都知失敗   我仲特登蒸隻鹹蛋做麻甩佬飯   點知無得做啦   嗚嗚 ~

我特登剪開啲皮   但真係焗極都唔脆㗎  哈哈

是日晚餐 - 韓汁焗五花腩 + 節瓜鹹蛋魷魚湯

韓汁焗五花腩 - 焗 15 分鐘   見啲皮都似唔脆囉   咁再焗半個鐘啦   啲皮都韌過我臉皮   所以即轉陣   諗起阿 mi 上次 BBQ 整韓式五花腩   仲好記得佢必開再燒   我有樣學樣   比着以前   如果明明想整一樣嘢   整唔到就即掉哂啲食材㗎   依家唔會喇   除非煮到爛哂啦 ~      

節瓜鹹蛋魷魚湯 - 終於清哂阿 mi 比我嘅魷魚乾了 ~

諗住假期可以早啲食飯   點知 8 點先食飯   食完洗埋碗就即沖涼喇   好攰 ~

里奧大人做公司嘢做到 10 點   估唔到佢都食沙律   佢知我特登整   佢實食   咁當然係佢鍾意食先食啦   唔鍾意食就會話飽囉   衰 ~

睇下電視   又唔係咁眼瞓   所以 12 點先瞓 ~

腸仔炒麵 ( 4-APR-2018 )

加咗芝麻   真係好食好多㗎



因為麵嘅份量唔多   如果加哂半斤韭菜   就韭菜多過麵   咁我自己另外淥一碟韭菜食啦  



( 4-APR-2018  WED )

尋晚瞓得唔好呀   好在聽日又放假   可以補眠 ~

今朝勁想食沙爹牛肉米   所以食完都好開心   哈哈 ~



菇場勁忙呀   對手未停過   好在今朝食得飽咋 ~

忙埋啲煩嘢   仲要係 2006 年 ~

搞到我都無哂心機食 Lunch   差唔多 1 點先食健康餐 ~

仍然搞埋呢壇煩嘢   搞到 2 點終於搞掂   又要做其他 Urgent 嘢   又要出 Report   今日勁充實 ~

放工去買綠豆沙比里奧大人   真係好攰   差啲喺車瞓着 ~

番到屋企都要抖陣先煮嘢   7 點有得食 ~

食完抖陣就去徑步   徑完就番屋企開機洗衫再沖涼 ~

里奧大人 9 點放工   叫佢食完嘢要食綠豆沙喇   唔係我一陣又唔記得提佢食呢 ~ 

是日懶餐 - 腸仔炒麵 

腸仔炒麵 - 諗住魚片頭炒麵   點知魚片頭原來 1 月到期   我聞過無臭架   但都係唔敢食   好在屋企有腸仔咋   今日全日食咗 3 條腸   勁唔健康 ~

沖埋涼就休息   呢兩晚都要開冷氣   如果唔係好似好熱咁 ~

里奧大人 11 點幾瞓   我就 12 點幾先瞓呀 ~

辣肉腸炒意粉 ( 3-APR-2018 )

( 3-APR-2018  TUE )

嘩   尋晚好熱呀   但又覺得唔駛開冷氣住   點知原來里奧大人都熱   咁之得開冷氣瞓啦咁 ~

瞓得唔好   加上放咗 4 日假期   真係好唔想起身囉   哈哈 ~

早餐食芝腿治   如果菇場附近有麥記就好啦   可以食熱香餅呢啲   起碼唔係醃制嘢呢 ~



菇場居然忙   仲要做埋個長命 Report   真係想抖下都唔得 ~

Lunch Time 出去買麵包比里奧大人   佢喺公司附近食早餐食到好悶   話食麵包好過喎 ~

行到 1 點左右就去食粥   已經慢慢食   但食完出去行陣   覺得想流汗添喇   夏天真係唔可以食粥   唔係流一身汗會更加攰   哈哈 ~



仍然忙爆   又攰喎   好在今日有人請食下午茶   咁樣可以抖下 ~

放工即走   番到屋企抖陣就拖地   之後抹嘢   搞掂哂就飲湯 ~

依家翻脹   所以我要早啲食飯再去徑步   所以我 7 點幾煮嘢   食埋抖陣去徑步 ~

徑半個鐘   其實無咩出汗   夏天就出好多汗   感覺正好多 ~

番到屋企就即沖涼   之後開機洗衫   原來已經 9 點   里奧大人啱啱放工 ~

佢 9 點半先番到屋企   食完之後又要做公司嘢   見佢咁辛苦   即 "北" 杯雪糕比佢食   等佢甜甜哋 ~   

是日懶餐 - 辣肉腸炒意粉

辣肉腸炒意粉 - 喺 Taste 買咗盒 Pepperoni   因為 4-Apr-18 到期   所以由 $44 減到 $18   行咗去睇 2 次   最後決定買   雖然我都成日食過期嘢   但買呢啲減價嘢真係第一次   估唔到又好味道喎   里奧大人清哂成碟意粉   仲食到乾乾淨淨   仲比埋隻碟我睇   第一次見佢咁開心咋   但煮呢啲真係無難度   同埋醃制嘢   如果我煮素   佢食到咁開心就好喇   哈哈 ~



洗埋碗都成 10 點   我同里奧大人講話依家唔等佢食飯喇   我要做運動   佢即刻話好   佢最鍾意我做運動   咁又係   做運動身體好嘛 ~

睇下電視又打下機   里奧大人話瞓覺   原來已經 11 點 40 分   我都即瞓喇 ~  

釀尖椒 + 合掌瓜粟米紅蘿蔔豬骨湯 ( 2-APR-2018 )

我食餸 + 湯渣   但里奧大人話要食麵送尖椒喎   



( 2-APR-2018  MON ).

放埋今日   聽日又番工喇 ~

10 點 45 分自然醒   梳洗完之後就去食早餐了 ~

番到屋企諗住抖陣去買餸   咁家姐又話比馬仔比我   咁我等埋佢啦   之後叫佢車我去牛頭角街市   多啲嘢買嘛 ~

買完再去 Taste 買嘢   買買埋埋 3 袋嘢   好在唔太重 ~

番到屋企已經 1 點 45 分   擺好哂啲嘢都差唔多 2 點   里奧大人做公司嘢   我哋又未餓   咁上 Youtube 睇下嘢   3 點先去買嘢食   勁想食麥記   所以我話買番屋企食   舒服啲 ~



櫻花蝦味唔好味囉  好腥呀

食完抖陣就煲湯   搞掂哂就大清潔廁所   順便沖個涼 ~

6 點半飲湯   7 點半煎嘢   今次好有心機煎呢   哈哈 ~

是日晚餐 - 釀尖椒 + 合掌瓜粟米紅蘿蔔豬骨湯

釀尖椒 - 買 1 份 ($6)   我話尋日食尖椒唔滿足   所以今日自己再整   預咗唔辣   但原來好鬼辣   有驚喜   不過里奧大人食唔到囉   叫佢食魚肉算喇 ~   

合掌瓜粟米紅蘿蔔豬骨湯 - 上次買錯材料   今次煲番啱嘅   今晚煮嘅嘢好啱自己胃口   好開心呀 ~   

洗哂所有嘢就沖涼   之後休息了 ~

但無啦啦胃酸倒流囉   個頭同胃有啲痛   最慘係個背脊好痛呀   所以知道又嚟料囉 ~

唔知係食得辣得滯定粟米呢 ?!   我覺得唔關粟米事   因為我食得好少咋 ~

痛到個人都攰埋   所以今晚 11 點幾都要瞓喇   哈哈 ~

元氣壽司 @ 九龍灣 ( 1-APR-2018 )

芥辣八爪魚軍艦 + 蟹籽軍艦



炸蝦天婦羅壽司 



皇帝蟹捧壽司 + 炙燒黑椒蠔壽司 + 炸蝦卷 + 赤海蝦壽司



突然間覺得好多三文魚刺身

( 1-APR-2018  SUN )

今朝 9 點半起身   食完早餐就番教會喇 ~





我真係好鍾意自己嘅事奉團隊   所以次次事奉都好開心 ~

崇拜完畢就去 mega BOX 飲茶   飲到差唔多 3 點幾   之後去埋大眾換會員卡就去 Starbucks 飲咖啡   想清哂啲 Coupon 呀   不過只係清咗 1 張 ~

煎釀虎皮尖椒 ($28)



丹麥皇冠叉燒腸粉 ($28.6)



鮮蝦津菜餃 ($23.8)



上湯姬松茸腐皮卷 ($23.8)



紅油抄手 ($28.6)



四寶滑雞扎 ($28.6)



香芒凍布甸 ($18)



@ Starbucks - 焦糖咖啡 ($46)



5 點就走人   去 AEON 超市買煙肉碎   之後就坐 Shuttle Bus 去德福行下   行到 6 點   諗住去元氣   但居然要等位   咁唔等 lu ~

咁去吉豚屋   佢哋無烏冬   咁我話我哋走喇   我哋就係想食烏冬先嚟家嘛   點知個職員態度好差咁話隨便妳   我忍唔住話黐線   咩態度 ?!   我哋一坐低應該同我哋講無烏冬啦   講真   主食得烏冬同飯   無烏冬就一早講嘛   呢間嘢啲職員態度不嬲都唔係好   個個懶懶閒   但有時想食就去食囉   但今次個職員態度真係好離譜 ~

最後都係去番元氣食壽司   淘大呢間唔駛排隊呀 ~

食完就番屋企   沖埋涼都休息喇   連續出咗 3 日街   真係好攰   哈哈 ~

我睇電視   里奧大人就 Set-up 電腦 ~

今晚我 11 點幾都自己瞓先喇   里奧大人一整電腦實會好夜   無理由整到一半又停家嘛 ~